ISIS ഉണ്ട്. ഇസ്ലാമിക തീവ്രവാദവുമുണ്ട്. ശരിയാണ്. എന്നുവെച്ച് കേരളത്തിൽ നിന്ന്....?..

ISIS ഉണ്ട്. 

ഇസ്ലാമിക തീവ്രവാദവുമുണ്ട്. 

ശരിയാണ്.

ഇസ്ലാമിക തീവ്രവാദത്തിന് അതിൻ്റേതായ മൂലകാരണങ്ങളും വേരുകളും ഉണ്ട്. 

ഇസ്ലാമിക തീവ്രവാദത്തെ മൂലകാരണങ്ങളറിഞ്ഞ്, പരിഹരിച്ച് വേരിലും മുളയിലും വെച്ച് തന്നെ നുള്ളി മുറിച്ച് നേരിടേണ്ടതുമുണ്ട്.

ശരിയാണ്.

എന്നുവെച്ച് കേരളത്തിൽ നിന്ന് 32000 പെൺകുട്ടികൾ ISISലേക്ക് ഒളിച്ചുപോയെന്ന കളവ് വിശ്വസിക്കാൻ സാധിക്കുമോ?

അങ്ങനെ പറയുന്നത് പെരുംകളവ് തന്നെയാണ്.

32000 പെൺകുട്ടികൾ ISISലേക്ക് കേരളത്തിൽ നിന്നും പോയെന്ന് പറഞാൽ അതിൻ്റെ നേരർത്ഥം കേരളത്തിലെ ഓരോ വാർഡിൽ നിന്നും ചുരുങ്ങിയത് രണ്ട് പെൺകുട്ടികൾ വീതം (ആയിരത്തിൽ രണ്ട് പെൺകുട്ടികൾ വീതം) ISISലേക്ക് പോയെന്നാണ്.

അങ്ങനെ ഓരോ വാർഡിൽ നിന്നും രണ്ട് വീതം ഹിന്ദു/ക്രിസ്ത്യൻ പെൺകുട്ടികൾ കേരളത്തിൽ നിന്നും ISISലേക്ക് പോയിട്ടുണ്ടെന്ന് ആർക്കെങ്കിലും തോന്നുമോ, തോന്നുന്നുണ്ടോ?

എങ്കിൽ, എത്ര വലിയ പെരുംനുണയാണത്. 

ISISലേക്ക് പോയവരുടെ എണ്ണം കിട്ടാൻ ഇന്ത്യാ ഗവൺമെൻ്റിനും പ്രധാനമന്ത്രിക്കും ഒരു സിനിമയുടെ സഹായം വേണമെന്നാണോ പറയുന്നത്?

ഇക്കാര്യത്തിൽ UNനും ഇന്ത്യാ ഗവൺമെൻ്റിനും കേരള ഗവൺമെൻ്റിനും ഇല്ലാത്ത വിവരം സിനിമ എടുത്ത ആളുടെ കയ്യിൽ ഉണ്ടെന്നാണോ?

ഒരു പ്രധാനമന്ത്രി നാടിൻ്റെ മുഴുവൻ പ്രധാനമന്ത്രിയായിരിക്കെ ഇത്തരം ഒരഅടിസ്ഥാനവും ഇല്ലാത്ത തെറ്റായ വാർത്ത പറഞ്ഞ് പ്രചരിപ്പിക്കുകയാണോ വേണ്ടത്? 

ഇനി അങ്ങനെ ഉണ്ടെന്ന് തന്നെ വെക്കുക. പ്രധാനമന്ത്രിയും ഭരിക്കുന്ന പാർട്ടിയും വേണ്ടത്, വേണ്ട പോലെ എല്ലാ സംവിധാനങ്ങളും ഉപയോഗിച്ച് അക്കാര്യത്തിൽ ചെയ്യുകയല്ലേ വേണ്ടത്? 

അല്ലാതെ ഒന്നും തിരിയാത്ത എവിടെയൊക്കെയോ ഉള്ള ജനങ്ങളോട് ഇക്കാര്യത്തിൽ  അതുമിതും പറഞ്ഞ് വെറുപ്പും വിഭജനവും ഉണ്ടാക്കുകയാണോ വേണ്ടത്?