കോൺഗ്രസ്സുകാർ ആവുന്നത്ര നമ്മളെ ദൂരപ്പെടുത്തും.

കോൺഗ്രസ്സ് ആണ് ഇന്ത്യക്കുള്ള ഏക പ്രതീക്ഷ, ഇന്ത്യയെ രക്ഷിക്കാൻ നിലവിലെ അവസ്ഥയിൽ ഇന്ത്യയിൽ മുഴുവൻ എങ്ങിനെയൊക്കെയോ സാന്നിധ്യമുള്ള കോൺഗ്രസ്സ് തന്നെ വേണം എന്നൊക്കെ പറഞ്ഞ് നമ്മൾ സ്വയം സമാധാനിച്ചത് കൊണ്ടും പരസ്പരം സമാധാനിപ്പിച്ചത് കൊണ്ടും മാത്രം കാര്യമില്ല. 

പകരം, കോൺഗ്രസ്സ് അതിനനുസരിച്ച് ഉൾക്കാമ്പു നേടി വളരണം.

മാറിയ ഇന്ത്യൻ രാഷ്ട്രീയ ചിത്രത്തിൽ വലതുപക്ഷ തീവ്രതയുടെ മുൻപിൽ ശരിക്കും പിടിച്ചുനിൽക്കാൻ കോൺഗ്രസ് കുറച്ച് കൂടി അച്ചടക്കവും ആദർശശുദ്ധിയും ആശയക്കരുത്തും കാണിക്കുക നിർബന്ധം. 

എന്തിന് കോൺഗ്രസ്സ്, എന്താണ് കോൺഗ്രസ്സ് എന്നതിന് കരുത്തുള്ള ഉശിരുള്ള ഒരുത്തരം ആത്മാർത്ഥമായി തന്നെ നൽകാനാവുന്ന വിധം കോൺഗ്രസ്സ് ആയിത്തീരണം. 

പ്രത്യേകിച്ചും മാറിയ, പുതിയ, ഏറെക്കുറെ അന്ധമായി ധ്രുവീകരിക്കപ്പെട്ട് കൊണ്ടിരിക്കുന്ന ഇന്ത്യൻ രാഷ്ടീയ അന്തരീക്ഷത്തിൽ. 

ഇടതുപക്ഷം ഒന്നിനും കൊള്ളാത്ത, ഒന്നും സാധിക്കാത്ത, ഒരു ദിശാബോധവും ഇല്ലാത്ത വെറുമൊരു പാർട്ടി മാത്രമായിട്ട് എത്രയോ കാലമായി.

******

ചോദ്യം:

നമ്മളൊന്നും കോൺഗ്രസ്സുകാർ അല്ലല്ലോ? എങ്കിൽ എന്തിന് അഭിപ്രായം പറയണം? അഭിപ്രായ പറയുന്നുവെങ്കിൽ നമ്മളൊക്കെ കോൺഗ്രസ്സുകാർ ആയി കോൺഗ്രസ്സിനെ ശക്തിപ്പെടുത്തണമെന്ന് അഭിപ്രായം ശക്തമായി ഉണ്ട്.

അതേ...

ശരിയാണ്.

എന്നിരുന്നാലും കാഴ്ച്ചക്കാർ എന്ന നിലക്ക് പറയേണ്ടത് പറയണമല്ലോ? 

നമ്മുടെയൊക്കെ നാട് ഭരിക്കാൻ തന്നെയാണല്ലോ എല്ലാ പാർട്ടികളും ശ്രമിക്കുന്നത് എന്നതിനാലും പറയണമല്ലോ?

പാചകം അറിയില്ലെങ്കിലും നാം കഴിക്കുന്ന ഭക്ഷണത്തിൻ്റെ രുചിയെക്കുറിച്ച് പറയണമല്ലോ? പ്രത്യേകിച്ചും അതിനുള്ള വില നമ്മൾ തന്നെ നൽകുന്ന സ്ഥിതിക്ക്.

അതേ സമയം ഒന്നറിയണം. 

നിലവിലുള്ള കോൺഗ്രസ്സിൻ്റെ, എന്നല്ല ഒരു രാഷ്ട്രീയ പാർട്ടിയുടെയും അധികാരരാഷ്ട്രീയ ഗ്രൂപ്പ് കളി വെച്ച് നിങ്ങളും ഞങ്ങളും അങ്ങ് സത്യസന്ധതയും കൊണ്ട് ചെന്നാൽ,  കോൺഗ്രസ്സോ മറ്റേത് പാർട്ടിക്കാരൻ ആവാമെന്ന് വെച്ചാലും, കോൺഗ്രസ്സിനെയും മറ്റേത് പാർട്ടിയെയും അങ്ങ് നന്നാക്കാമെന്ന് വെച്ചാലും നിലവിലുള്ള ഒരു ഔദ്യോഗിക കോൺഗ്രസുകാരനും മറ്റേത് പാർട്ടിക്കാരനും അങടുപ്പിക്കില്ല, കേൾക്കില്ല. 

നമ്മളെ നിലവിലുള്ള ഏത് പാർട്ടിക്കാരനും ആവുന്നത്ര ദൂരപ്പെടുത്തുകയും ചെയ്യും. 

ശുദ്ധ രാഷ്ട്രീയവും സത്യസന്ധമായ രാഷ്ട്രീയവും അത്രക്ക് അറച്ചതും വേണ്ടാത്തതുമാണ് കോൺഗ്രസ്സിനും ഇന്ത്യയിലെ മറ്റേത് രാഷ്ട്രീയ പാർട്ടിക്കും.

സത്യസന്ധരായവരെയൊക്കെ അവർക്ക്, അവരുടെ അധികാര ഗ്രൂപ്പ് ദൂരക്ക് പേടിയാണ്. 

യഥാർത്ഥ വൈദ്യനെ യഥാർത്ഥ രോഗി (താൻ രോഗിയാണെന്നറിയാത്ത അംഗീകരിക്കാത്ത രോഗി) പേടിക്കുന്നതും കുറ്റപ്പെടുത്തുന്നതും പോലെ അവർ നമ്മെ പേടിക്കും, കുറ്റപ്പെടുത്തും.