ജനാധിപത്യം: വെറുതേ നോക്കിനിൽക്കുന്നതിന് ഇന്ത്യയിൽ നമ്മളിട്ട പേര് .

പെട്രോൾ, ഗ്യാസ്, നിത്യോപോഗ സാധനങ്ങളുടെ വില കൂടുന്നത് നമ്മെ മനസിലാക്കിത്തരുന്നത് എന്തെന്നാൽ:

സർക്കാരിന് മുഖ്യം സർക്കാരാണ്; ജനങ്ങളല്ല. 

സർക്കാറിൻ്റെ ചിലവും ആർഭാടവും കുറയ്ക്കില്ല. 

പകരം ജനങ്ങളുടെ ചിലവും ഭാരവും എത്രയും കൂട്ടും. 

സർക്കാരെന്നാൽ ഉദ്യോഗസ്ഥരും മന്ത്രിമാരും എംഎൽഎ എംപിമാരും മാത്രമടങ്ങുന്ന ഒരു ചെറിയ വിഭാഗം.

ആ സർക്കാർ എന്നത് ജനങ്ങൾക്ക് വലിയ ബാധ്യതയും ഭാരവും ആണ്. 

ജനങ്ങൾ ആ സർക്കാർ എന്ന ബാധ്യതയും ഭാരവും എങ്ങിനെയും സഹിച്ചു കൊള്ളുക.

ആയുധങ്ങളുടെയും പട്ടാളത്തിൻ്റെയും പോലീസിൻ്റെയും കോടതിയുടെയും അകമ്പടിയുള്ള സർക്കാരിന് എന്തും എങ്ങനെയും ജനങ്ങളെക്കൊണ്ട്, അവരെ പേടിപ്പിച്ചും ഭീഷണിപ്പെടുത്തിയും സഹിപ്പിക്കാനറിയാം.

കള്ളന് വീടിൻ്റെ താക്കോൽ നൽകി കാവൽനിൽക്കാൻ ഏൽപിക്കുന്ന ജനങ്ങൾ വെറും വെറുതേ നിസ്സഹായരായി നോക്കി നിന്നുകൊള്ളുക. 

അങ്ങനെ നോക്കി നിൽക്കുന്നതിന് ഇന്ത്യയിൽ നമ്മളിട്ട പേരാണ് ജനാധിപത്യം.