ബിജെപിക്കാരോടും പിന്നെ മറ്റ് ഭരണപക്ഷ പാർട്ടിക്കാരോടും:

ബിജെപിക്കാരോടും പിന്നെ മറ്റ് ഭരണപക്ഷ പാർട്ടിക്കാരോടും:

ഇതേ നികുതി വർദ്ധനയും വിലവർദ്ധനയും തൊഴിലില്ലായ്മ വർദ്ധനയും മറ്റുളള പാർട്ടികളുടെ സർക്കാരുകൾ ഭരിക്കുമ്പോഴാണ് സംഭവിക്കുന്നതെങ്കിൽ നിങൾ ഇങ്ങനെ തന്നെയാണോ സംസാരിക്കുക, പ്രതികരിക്കുക?

പിന്നെന്തിനായിരുന്നു മുൻപ് വെറും നാനൂറ് രൂപ മാത്രം ഗ്യാസിനും (അതിൻ്റെ പകുതി സബ്സിഡിയായി തന്നിരുന്നിട്ടും) വെറും അമ്പത് രൂപ മാത്രം പെട്രോളിനും വില്യുണ്ടായിരുന്നപ്പോൾ കാളവണ്ടിയും ഗ്യാസ് ടാങ്കിയും എടുത്ത് സമരം ചെയ്തത്? 

ഭരണകൂടം ഏതായാലും ആരുടെതായാലും ചെയ്യുന്ന അബദ്ധങ്ങൾക്കും തെറ്റുകൾക്കും വിമർശനം നേരിടണം. ഭരണകൂടങ്ങളെ എപ്പോഴും ചോദ്യം ചെയ്യണം. ഭരിക്കാൻ അറിയില്ലെങ്കിൽ സത്യസന്ധമായി ഒഴിഞ്ഞ് താക്കോൽ അതിന് കഴിയുന്നവരെ ഏൽപ്പിക്കണം.

*******

ആശുപത്രിക്കിടക്കയിൽ നിന്നും ആശുപത്രി ബില്ലിൽ നിന്നും മരുന്നിൽ നിന്നും ആരോഗ്യ ഇൻഷുറൻസിൽ നിന്നും വരെ കയ്യിട്ട് വാരിപ്പിടിക്കുന്ന വൻനികുതികൾ മുഴുവൻ മന്ത്രിമാർക്കും ഉദ്യോഗസ്ഥർക്കും മാത്രം വീതം വെക്കാനുള്ളതാണോ?

മറ്റു സർക്കാരുകൾക്ക് സാധിച്ചത്, ഇപ്പോൾ ആപ്പ് സർക്കാരിന് ഡൽഹിയിൽ ഏറെക്കുറെ സാധിക്കുന്നത് ഇപ്പോഴത്തെ കേന്ദ്ര സർക്കാരിന് മാത്രം ഇത്രയെല്ലാം ഗ്യാസ് പെട്രോൾ വിലയും നികുതിയും കൂട്ടിയിട്ടും സാധിക്കാത്തത് എന്തുകൊണ്ടാണ്? കപ്പലിന് എവിടെയൊക്കെയോ നിക്ഷിപ്ത താൽപര്യങ്ങളുടെ ഓട്ട വെക്കുന്നത് കൊണ്ടാണോ?

*******

ആർക്കും ഒന്നും ഫ്രീ ആയി കൊടുക്കേണ്ട. 

പണ്ട് മറ്റ് സർക്കാരുകൾ കൊടുത്തത് പോലെ വിലകുറച്ച്, ഒപ്പം കൊടുക്കുന്ന വിലയുടെ പകുതി സബ്സിഡിയായി അക്കൗണ്ടിലും കൊടുത്താൽ മതി. 

ആരുടെയും പോക്കറ്റിൽ നിന്ന് എടുത്ത് കൊടുക്കുന്നതല്ലല്ലോ? 

ജനങ്ങളുടെ നികുതിയിൽ നിന്ന് ജനങ്ങൾക്ക് തന്നെ തിരിച്ചു കൊടുക്കുന്നതല്ലെ? അപ്പോഴും 

അപ്പോഴും ഒന്നറിയണം. 

ഈയടുത്ത കാലത്ത് വില മാത്രമല്ല ഇവിടെ ഭീമമായി കൂടിയത്.

നികുതിയും വല്ലാതെ കൂട്ടി. 

എന്നിട്ടും, ജനങ്ങൾക്ക് വേണ്ടി ഒരുപകാരവും ചെയ്യാൻ സാധിക്കുന്നില്ലെങ്കിൽ ഭരിക്കാൻ വേണ്ടി വരരുത്. 

ഭരണവും ഇട്ടേച്ച് പോകണം. 

പകരം മറ്റ് വേർപ്പിൻ്റെയും വിദ്വേഷത്തിൻ്റെയും കാർഡുകൾ കാണിച്ച് ശ്രദ്ധ തിരിച്ചുവിട്ട് ജനങ്ങളെ വഞ്ചിക്കരുത്.

******