എന്ത് പറയുന്നു? എന്നാലും നമുക്ക് ഒന്നും പറയാനില്ല.

എന്ത് പറയുന്നു?

എന്നാലും നമുക്ക് ഒന്നും പറയാനില്ല.

ഏറിയാൽ കോൺഗ്രസിനെയും സോണിയാ ഗാന്ധിയെയും കുറ്റം പറഞ്ഞ് ശ്രദ്ധ തിരിച്ചുവിടുക മാത്രം തന്നെ പ്രധാന വഴി.

പിന്നെ ഹിന്ദു മുസ്ലിം പറഞ്ഞ് വെറുപ്പും ശത്രുതയും ഉണ്ടാക്കി ശ്രദ്ധമാറ്റുക.

ഭരണകൂടത്തതിനും ഭരിക്കുന്ന പാർട്ടിക്കും സംഗതി കുശാൽ. അല്ലേ?

*****

മുസ്ലിം സമുദായത്തിന് അവരുടെ അനുപാതത്തിനനുസരിച്ചതിൻെറ പകുതിയും കാൽഭാഗവും പോലും ഇന്ത്യയിൽ ഒരു മേഖലയിലും പ്രാതിനിധ്യം ഇല്ല. 

എന്നിട്ടും ഭരിക്കുന്ന പാർട്ടിക്ക് ഹിന്ദു-മുസ്ലിം കാർഡ് കളിക്കാൻ കഴിയുന്നു. 

എന്നിട്ടും വെറുപ്പും ശത്രുതയും ഹിന്ദു മുസ്ലിം പറഞ്ഞുകൊണ്ട് ഉണ്ടാക്കാൻ കഴിയുന്നു. 

അങ്ങനെ ഭരിക്കുന്ന പാർട്ടിക്ക് യഥാർത്ഥ  വിഷയങ്ങളിൽ നിന്നും ജനങ്ങളുടെ ശ്രദ്ധ തിരിച്ചുവിടാൻ കഴിയുന്നു.

***** 

ഗ്യസിന് 400രൂപ വിലയുണ്ടായിരുന്നപ്പോൾ ആ 400ൻ്റെ പകുതി സബ്സിഡിയായി അക്കൗണ്ടിൽ തിരിച്ചുവരികയും ചെയ്യുമായിരുന്നു. ഇപ്പോൾ ഗ്യാസ് വില 1200രൂപ. സബ്സിഡിയായി അക്കൗണ്ടിൽ ഒന്നും തിരിച്ചുവരുന്നുമില്ല. എന്തേ ആരും ചോദ്യംചെയ്യാത്തത്?

******

ഗ്യാസ് വില കുറച്ച് നൽകിയതും, ആ കുറഞ്ഞ വിലയുടെ പകുതി സബ്സിഡിയായി ബാങ്കിൽ തിരിച്ചുനൽകിയതും  2014ന് മുൻപ് ഭരിച്ചവർ.

ഭീകരമായി വിലകൂട്ടിയതും സബ്സിഡി നിർത്തിയതും വെറുപ്പും വിഭജനവും കൊണ്ട് മാത്രം ഇന്ത്യാക്കാരുടെ വയറ് നിറക്കാമെന്ന് മനസ്സിലാക്കിയ പുതിയ ഭരണകൂടം.

*****

അന്ധത നമ്മളെ ബാധിക്കുന്നില്ലെങ്കിൽ, നമ്മൾ ഏത് പാർട്ടിയും ആവാതെ ജനങ്ങളുടെ പക്ഷത്ത് മാത്രം നിന്ന്, ജനക്ഷേമം മാത്രം മുൻനിർത്തി ചിന്തിച്ചാൽ ബാക്കി കാര്യങൾ മനസ്സിലാകും.

അല്ലാതെ തർക്കിച്ചിട്ട് കാര്യമില്ല. ശത്രുത മാത്രം ഫലമാകും 

എങ്കിൽ എല്ലാവരെയും എല്ലാ പാർട്ടികളെ യും നേതാക്കളെയും വേണ്ടത്ര അതാത് കാര്യങ്ങളിൽ വിമർശിച്ച് തെറ്റ് തിരുത്താനും തിരുത്തിക്കാനും ആവും.

*****

നാട്ടിൽ വില എല്ലാറ്റിനും കൂടിയിരിക്കുന്നു എന്നത് മാത്രം തിരിച്ചുള്ള ഏത് ചോദ്യത്തിനും ഉത്തരം.

കള്ളപ്പണം തിരിച്ചുകൊണ്ടുവരും, 

പതിനഞ്ച് ലക്ഷം അക്കൗണ്ടിൽ ഇട്ടുതരും, 

പെട്രോൾ/ഗ്യാസ് വിലകുറയ്ക്കും, 

ഇന്ത്യൻ രൂപയുടെ മൂല്യം കൂട്ടും, 

നോട്ട് നിരോധിച്ചതിൻ്റെ ഗുണം 

വെറും അമ്പത് ദിവസം കൊണ്ട് 

കാണിച്ചു തരാം എന്നൊക്കെ 

വാഗ്ദാനം ചെയ്തതും പറഞ്ഞതും ഒന്നും 

ജനങ്ങൾക്ക് കുത്തിന് പിടിച്ചുവാങ്ങാൻ പറ്റില്ല എന്നത് ഭാഗ്യം. 

പ്രത്യേകിച്ചും സർക്കാർ കേന്ദ്രം കൂടിയാവുമ്പോൾ.

*****

ഒന്നും ഫ്രീ ആക്കേണ്ട. 

പണ്ട് മറ്റ് സർക്കാരുകൾ കൊടുത്തത് പോലെ വിലകുറച്ച്, ഒപ്പം കൊടുക്കുന്ന വിലയുടെ പകുതി സബ്സിഡിയായി അക്കൗണ്ടിലും കൊടുത്താൽ മതി. 

ആരുടെയും പോക്കറ്റിൽ നിന്ന് എടുത്ത് കൊടുക്കുന്നതല്ലല്ലോ? 

ജനങ്ങളുടെ നികുതിയിൽ നിന്ന് ജനങ്ങൾക്ക് തന്നെ തിരിച്ചു കൊടുക്കുന്നതല്ലെ? അപ്പോഴും 

ഇനിയും നിങൾ ഒന്നറിയണം. 

വില മാത്രമല്ല ഇവിടെ കൂടിയത്.

നികുതിയും വല്ലാതെ കൂട്ടി. 

എന്നിട്ടും ജനങ്ങൾക്ക് വേണ്ടി ഒരുപകാരവും ചെയ്യാൻ സാധിക്കുന്നില്ലെങ്കിൽ ഭരിക്കാൻ വേണ്ടി വരരുത്. 

ഭരണവും ഇട്ടേച്ച് പോകണം. 

പകരം മറ്റ് വേർപ്പിൻ്റെയും വിദ്വേഷത്തിൻ്റെയും കാർഡുകൾ കാണിച്ച് ശ്രദ്ധ തിരിച്ചുവിട്ട് ജനങ്ങളെ വഞ്ചിക്കരുത്.