ഭരണകൂടമാണ് രാജ്യമെന്ന് നമ്മൾ തെറ്റായി ധരിക്കുന്നു.

രാജ്യസ്നേഹം ഭരണകൂടത്തെ തിരുത്താനുള്ള കരുത്തും ബോധവുമായി വളരണം. 

രാജ്യത്തിന് വേണ്ടി. 

രാജ്യനിവാസികൾക്ക് വേണ്ടി.

******

ഭരണകൂടമാണ് രാജ്യമെന്ന് നമ്മൾ തെറ്റായി ധരിക്കുന്നു.

ഭരണകൂട സ്നേഹമാണ് രാജ്യസ്നേഹമെന്നും നമ്മൾ തെറ്റായി ധരിക്കുന്നു.

രാജ്യത്തെയും രാജ്യനിവാസികളെയും സംരക്ഷിക്കാൻ മാത്രമാണ് ഭരണകൂടം എന്നത് നമ്മൾ മറന്നുപോകുന്നു. 

ഭരണകൂടത്തെ അതിൻ്റെ ആർഭാടത്തിലും അധികാരലഹരിയിലും സംരക്ഷിക്കാൻ വേണ്ടി രാജ്യവും ജനങ്ങളും അല്ലെന്ന് നാം അറിയാതെ പോകുന്നു.

അതുകൊണ്ട് നമ്മൾ അറിഞ്ഞോ അറിയാതെയോ രാജ്യസ്നേഹത്തിൻ്റെ പേരിൽ ഭരണകൂടത്തിൻ്റെ നെറികേടുകളെയും കൊള്ളരുതായ്മകളെയും മറച്ചുവെക്കുന്നു, ന്യായീകരിച്ച് കൊടുക്കുന്നു. വെറും ശുദ്ധാത്മനാ വിഡ്ഢികൾ ആയിക്കൊണ്ട്

ആ വഴിയിൽ ഭരണകൂടങ്ങളും തങ്ങളുടെ തെറ്റുകൾക്ക് ന്യായം കണ്ടെത്തുന്നു, സംരക്ഷണം നേടുന്നു, ഭരണത്തുടർച്ച നേടുന്നു.

അങ്ങനെ രാജ്യവും ആ രാജ്യത്തെ പട്ടിണിപ്പാവങ്ങളായ ജനങ്ങളും, അജ്ഞതയിൽ അഹങ്കരിച്ച് കൊണ്ട് തന്നെ ഭരണകൂടത്തിന് വേണ്ട വെറും ഇരയും ഭക്ഷണവും മാത്രമാകുന്നു.