വളർച്ച എന്ന് പേരുള്ള നാശം.

വളർച്ച എന്ന് പേരുള്ള നാശം. 

നാശത്തിലേക്കുള്ള നടന്ന് പോക്കും കയറിപ്പോക്കും വളർച്ച. 

കുട്ടികൾ വളര്‍ന്ന് നമ്മളും നമ്മളും ആയിപ്പോകുന്നു. അവരല്ലാതായിപ്പോകുന്നു.

*****

എന്താണ്‌ മനുഷ്യജീവിതം, അതിനര്‍ത്ഥം? 

മനുഷ്യന്‍ ജീവിക്കാൻ നടത്തുന്ന പെടാപ്പാട് തന്നെ മനുഷ്യജീവിതം, അതിനര്‍ത്ഥം.

*****

എന്താണ് ജീവിതം? 

മരിക്കാനുള്ള പേടിയുടെ പേര്. 

ശാരീരികമായി അതിജീവിക്കുന്നതിൻ്റെ പേര്. 

അങ്ങനെ ശാരീരികമായി അതിജീവിക്കാൻ വേണ്ടി അധ്വാനിക്കുന്നതിൻ്റെയും രോഗിയാവുന്നതിൻ്റെയും പേര്.

****

ഭയക്കേണ്ടത് മരണത്തെയും മരണാനന്തരത്തേയും അല്ല. ജീവിച്ചിരിക്കുമ്പോള്‍  ഉണ്ടാവുന്ന രോഗത്തെയും  അതുണ്ടാക്കാവുന്ന വേദനയെയും ആണ്.