എന്താണീ ബുദ്ധിപരത?

എന്താണീ ബുദ്ധിപരത? 

എന്താണീ ബുദ്ധിജീവിത്തം? 

സ്വാഭാവികതക്ക് വിഘ്നം നിൽക്കുന്നതിൻ്റെ പേര്. 

സ്വാഭാവികമായതിനെ നിഷേധിക്കുന്ന നിസ്സഹായതയുടെ പേര്. 

സ്വാഭാവികമായതിനെ നിഷേധിക്കാൻ നിസ്സഹായമായി അഭിനയിക്കുന്നതിൻ്റെയും, മസിൽപിടിക്കുന്നതിൻ്റെയും മറച്ചുപിടിക്കുന്നതിൻ്റെയും പേര്. 

എന്നിട്ട് രഹസ്യമായി അതേ സ്വാഭാവികമായതിനെ കൊതികൂടുന്നതിൻ്റെ പേര്. കവിതയെന്നും ദർശനമെന്നും പേരിട്ട്.

******

ആശുപത്രിയില്‍ പോകുമ്പോളറിയാം, മനുഷ്യനായി ജീവിക്കാൻ എത്ര പ്രയാസമെന്ന്. 

മനുഷ്യ സൃഷ്ടിയിലെ തകരാറുകള്‍ തന്നെ കാരണം. 

എന്നിട്ടും നമ്മള്‍ വെറുതെ പറയണം. 

നമ്മളറിയാതെ നമ്മോട് ചോദിക്കാതെ അടിച്ചേല്പിച്ച, അധ്വാനിച്ച് ചികിത്സിച്ച് മാത്രം ജീവിക്കേണ്ട, ഈ ജീവിതം വല്ലാത്ത അനുഗ്രഹമാണെന്ന്. 

ദൈവത്തിന് സ്തോത്രം.