ഏറ്റവും വലിയ ദുഃഖവും വേദനയും എന്താണെന്നറിയാമോ?

ഏറ്റവും വലിയ ദുഃഖവും വേദനയും നിസ്സഹായതയും ഏതാണ്? 

നാം ജീവിച്ചിരിക്കെ മക്കൾ മരിക്കുക, നാം ജീവിച്ചിരിക്കെ മക്കൾ രോഗം കൊണ്ട് വേദനിക്കുക. 

അതിനാൽ കൂടിയാവുമോ അച്ഛനമ്മമാർ ജീവിച്ചിരിക്കെ മക്കൾ മരിച്ചാൽ അവർക്ക് ചിതയൊരുക്കാത്തത്, അവരുടെ ശവം കത്തിക്കാത്തത്? 

അത്രക്കങ്ങ് ഇല്ലാതാവുന്നതും ഇല്ലാതാക്കാവുന്നതും അല്ല അച്ഛനമ്മമാരിൽ നിന്നും മക്കളെ എന്നല്ലേ അതിൻ്റെയർത്ഥം?

*******

അപ്രതീക്ഷിതമായി മക്കളൊന്നു തെന്നി വീണാൽ, അപകടപ്പെട്ടാൽ വെപ്രാളപ്പെട്ട് "എൻ്റെ മോനേ" "എൻ്റെ മോളേ" എന്നുള്ള അമ്മയുടെ വിളിയെക്കാൾ വലിയ ആഴവും പരപ്പുമുള്ള വിളിയും ശബ്ദവും പ്രപഞ്ചത്തിൽ എവിടെയും ഒന്നിലും ഇല്ല