മതം പറയുന്നത് പോലുള്ള ദൈവമില്ല.

ദൈവകാര്യങ്ങളിൽ ഒന്നുമറിയാത്ത മഹാഭൂരിപക്ഷം ജനങ്ങൾ.

ദൈവവിശ്വാസകാര്യങ്ങളിൽ ജനിച്ചത് കൊണ്ട് വീണുകിട്ടിയത് എന്തോ എങ്ങിനെയോ. 

അതങ്ങനെ തന്നെ കൊണ്ടുനടക്കുന്നു ജീവിക്കുന്നു. 

അതിൽ ചിലതും പലതും തെറ്റെന്നും ആ തെറ്റ് ചെയ്യുമ്പോൾ അത് ദൈവം വെറുക്കുന്ന ഏറ്റവും വലിയ പാപം എന്നും പറയുന്നിടത്ത് തുടങ്ങുന്നു തീവ്രതയുടെയും അസഹിഷ്ണുതയുടെയും നാരായവേര്. 

ആർക്കും യഥാർഥത്തിൽ ഒന്നും അറിയുന്നില്ല. 

എന്നറിയുന്ന ദൈവം താൻ ആരാധിക്കപ്പെടുന്ന, ആരാധിക്കപ്പെടാത്ത കാര്യത്തിൽ വെറുക്കും, കോപിക്കും ശിക്ഷിക്കും എന്ന് പറയുന്നിടത്തും കരുതുന്നിടത്തുമാണ് ദൈവത്തെ ചുരുക്കലും അൽപനാക്കലും പിശാചാക്കലും നടക്കുന്നത്.

*******

മതം പറയുന്നത് പോലുള്ള ദൈവമില്ല. മതം പറയുന്നത് പോലെയല്ല ഉണ്ടെങ്കിൽ ഉള്ള ദൈവം. ദൈവത്തിന് മതമില്ല. ഉണ്ടെങ്കിൽ ഉള്ള ദൈവത്തെ മതം ചുരുക്കുന്നു. ചുരുങ്ങിയ ദൈവം പിശാചാകുന്നു, പിശാചായ ദൈവം വിഭജനവും വെറുപ്പുമുണ്ടാക്കുന്നു.