കെണിയും കെണിക്കുള്ളിലുള്ളതും കഴിവും കഴിവുകേടുമായി.

ഇങ്ങനെ ജനിച്ചത് കൊണ്ട്, 

ഇങ്ങനെയുള്ളതൊക്കെ ആവശ്യമായി 

ഇങ്ങനെയൊക്കെ ജീവിക്കുന്നു. 

തെരഞ്ഞെടുപ്പെന്നും 

അനുഗ്രഹമെന്നും 

പറയാനില്ലാതെ. 

വെറുമൊരു 

കെണിയിലകപ്പെട്ടെന്ന പോലെ. 

കെണിയും 

കെണിക്കുള്ളിലുള്ളതും 

കഴിവും കഴിവുകേടുമായി.

******

കാട്ടിലുള്ള ഒരായിരം അപകടകാരികളായ പാമ്പുകളെയും മൃഗങ്ങളെയും കുറിച്ച് വാതോരാതെ പറഞ്ഞ് നാട്ടിൽ തൊട്ടുമുൻപിൽ കടിക്കാൻ ഓങ്ങിനിൽക്കുന്ന വിഷപ്പാമ്പിനെ അവഗണിക്കുന്നതാണ് ഇന്ത്യൻ രാഷ്ട്രീയവും ജനതയും ഇപ്പോൾ നേരിടുന്ന ശരിയായ പ്രശനവും ചെയ്യുന്ന അബദ്ധവും.

*******

ജീവിതം സാക്ഷി: 

ഒരേ ഗർഭപാത്രത്തിൽ നിന്ന് 

ജനിച്ചുവെന്നത് 

പ്രത്യേകിച്ച് ഒരടുപ്പവും ഉണ്ടാക്കുന്നില്ല. അവകാശവാദത്തിലും 

ഉപചാരത്തിലും 

അഭിനയത്തിലും അല്ലാതെ. 

നല്ല സുഹൃത്തിനോളം വരുന്നില്ല 

ഒരു രക്തബന്ധവും. 

സുഹൃത്ത് ബോധപൂർവ്വം, 

രക്തബന്ധം ഉപചാരപൂർവ്വം.