സർക്കാർ എന്നത് വാടകക്ക് വീട് വിട്ടുതരുന്ന വീട്ടുടമസ്ഥനെ പോലെ പെരുമാറുന്നു

ലോകത്ത് പലയിടത്തും സർക്കാർ എന്നത് ഒരു വലിയ ഗുണ്ടയെ പോലെയാവുന്നു.

ഗുണ്ടകളിൽ വലിയ ഗുണ്ടകൾ സർക്കാരായി തീരുന്നു.

ഗുണ്ടകൾ പിരിക്കുന്ന ഗുണ്ടാപിരിവ് പോലെ തന്നെ സർക്കാർ പിരിക്കുന്ന നികുതി. 

കൃത്യമായ ഭീഷണികളും കണ്ണുരുട്ടലും സഹിതം.

വാടകക്ക് വേണ്ടി മാത്രം വാടകവീട് വിട്ടുതരുന്ന ഗുണ്ടയായ വാടകവീട്ടുടമസ്ഥനെ പോലെ ഓരോ സർക്കാരും.

സർക്കാർ എന്ന ഗുണ്ടാവാടകവീട്ടുടമസ്ഥൻ ജനങ്ങളുടെ സ്വന്തം നാടിനെ അവർക്ക് നഷ്ടപ്പെടുത്തി വെറും വാടകവീട് പോലെ ആക്കുന്നു. 

നികുതിയെന്ന വൻവീട്ടുവാടക കൊടുത്താൽ  മാത്രം വീട്ടിൽ താമസിക്കാമെന്ന മട്ടിൽ നാട്ടുകാർക്ക് നാട് മാറുന്നു. സർക്കാർ നാടിനെ മാറ്റുന്നു. 

നാട്ടിൽ സുഖജീവിതവും സർവ്വതിനും ഉടമസ്ഥതയും വീട്ടുടമസ്ഥനായ സർക്കാരിനും ശിങ്കിടികൾക്കും മാത്രമെന്ന മട്ടിൽ. 

എത്രത്തോളമെന്നാൽ വീടിന് മാത്രമല്ല നികുതിയെന്ന വീട്ടുവാടക ഈ സർക്കാരെന്ന വീട്ടുടമസ്ഥനും ശിങ്കിടികളും നിശ്ചയിക്കുന്നത്, ഈടാക്കുന്നത്.

വീട്ടിൽ ഉപയോഗിക്കുന്ന എല്ലാ സാധനങ്ങൾക്കും വീട്ടിൽ നിന്നനുഭവിക്കുന്ന എല്ലാ സംഗതികൾക്കും വേറെ വേറെ വാടക നൽകണം എന്ന നിലക്കാക്കുന്നു വെറും ഗുണ്ടകളെ പോലെ പെരുമാറുന്ന സർക്കാറൂം ശിങ്കിടികളും..

വീട്ടുവാടകക്ക് പുറമേ എല്ലാ സാധനങ്ങൾക്കും സംഗതികൾക്കും വേറെ വേറെ വാടക കൊടുക്കാതെ വീട്ടിലെ ഒരു സാധനവും ഉപയോഗിച്ചുകൂട, വീട്ടിൽനിന്ന് ഒരു സംഗതിയും അനുഭവിച്ചുകൂട എന്ന് വരുത്തുന്നു ഈ വീട്ടുടമസ്ഥനും ശിങ്കിടികളും. 

എന്നിട്ടോ? 

വീട് പൊട്ടിപ്പൊളിഞ്ഞതാണെങ്കിലും, വീട്ടുടമസ്ഥൻ തന്നിഷ്ടം പോലെ എന്തും ചെയ്ത് വീട് തല്ലിപ്പൊളിച്ചാലും താമസയോഗ്യമല്ലാതാക്കിയാലും ഈ വീടാണ് ഏറ്റവും നല്ല വീടെന്നു നികുതിയെന്ന് വിളിപ്പേരുള്ള വാടക നൽകി മാത്രം താമസിക്കുന്നവർ കരുതണം, പറയണം, പാടിപ്പുകാഴ്‌ത്തണം എന്ന് വീട്ടുടമസ്ഥൻ നിർബന്ധമാക്കുന്നു. 

വീട് സ്നേഹമെന്ന രാജ്യസ്നേഹമെന്ന പേര് നൽകിക്കൊണ്ട്. 

അങ്ങനെ ചെയ്യാത്ത പക്ഷം ഭീഷണിയുടെ പേടിപ്പിക്കുന്ന ഭാഷയോടെയുള്ള വീട്ടുദ്രോഹം തന്നെയായ രാജ്യദ്രോഹം എന്ന വിളിപ്പേരും പീഡനവും.

വീട്ടുടമസ്ഥൻ പറയുന്നതല്ലാത്ത ഒന്നും വീട്ടിനുളളിൽ നിന്നും പുറത്ത് നിന്നും വീടിനെ കുറിച്ചും വീട്ടുടമസ്ഥനെ കുറിച്ചും അറിയാനും പറയാനും പാടില്ലെന്നും വീട്ടുടമസ്ഥൻ വീട് സ്നേഹം എന്ന പേരിൽ വീട്ടിൽ  താമസിക്കാൻ നിർബന്ധ നിബന്ധനയാക്കുന്നു. 

ആ നിലക്ക് വീട്ടുടമസ്ഥനെ എപ്പോഴും സ്തുതിക്കുന്ന, ഈ വീടാണ് ഏറ്റവും നല്ല വീടെന്ന വീട്ടുസ്നേഹം കാണിക്കണം നിർബന്ധമായും വൻനികുതി കൊടുക്കുന്ന ഓരോ താമസക്കാരനും എന്നതും വീട്ടുടമസ്ഥന് നിർബന്ധം. 

അതുകൊണ്ട് തന്നെ ഒരുനിലക്കും അയൽവാസികളുമായി ബന്ധപ്പെടാൻ പാടില്ല. 

എന്ന് മാത്രമല്ല, വീടിനെയും വീട്ടുടമസ്ഥനെയും മാത്രം പാടിപ്പുകഴ്‌ത്തണം.

പാടിപ്പുകാഴ്‌ത്തിയാൽ മാത്രം പോര. 

വീട്ടുടമസ്ഥന്റെ ഈ വീടല്ലാത്ത എല്ലാ വീടുകളും പ്രത്യേകിച്ചും എല്ലാ അയൽവീടുകളും വളരെ മോശമെന്നും, അയൽവീട്ടിലുള്ളവരെല്ലാം വളരെ മൂശക്കാരായ ശത്രുക്കളെന്നും കരുതുകയും പറയുകയും നിർബന്ധം. 

പൊട്ടിപ്പൊളിഞ്ഞതാണെങ്കിലും, വൻവാടക നിർബന്ധമായും വീടിനും വീട്ടിലുള്ള എല്ലാറ്റിനും വേറെവേറെ കൊടുത്തുകൊണ്ടാണെങ്കിലും, താമസിക്കുന്ന വീട്ടിൽ താമസിക്കാൻ വീട്ടുടമസ്ഥൻ നിശ്ചയിച്ച നിബന്ധനകൾ പാലിച്ചില്ലെങ്കിൽ, വീട്ടുടമസ്ഥൻ തന്നെ നശിപ്പിച്ച് നാറാണക്കല്ല് തോണ്ടിയ വീട് ഇപ്പോൾ താമസിക്കുന്നവർ തല്ലിപ്പൊളിച്ചു എന്ന വീട്ടുദ്രോഹക്കുറ്റം ചാർത്തി വീട്ടിൽ താമസിക്കുന്നവനെ വീട്ടുദ്രോഹിയാക്കി എന്നെന്നേക്കുമായി നാടും വീടും ഇല്ലാത്തവനാക്കും.

ഇങ്ങനെ നാടും വീടും ഇല്ലാതാക്കുന്നതിനെയും വാൻവാടക ഈടാക്കുന്നതിനെയും "ലോകാത്തുള്ള എല്ലാവരും നമ്മുടെ കുടുംബക്കാരാണ്” , “ലോകത്തിലുള്ള എല്ലാവരും സുഖമായിരിക്കട്ടെ" എന്നൊക്കെയുള്ള സുന്ദരമായ വാചകങ്ങൾ ഇട്ട്  വീട്ടുടമസ്ഥൻ വിശേഷിപ്പിക്കുകയും വിശദീകരിക്കുകയും ചെയ്യും.