സ്വദേശീയം വിദേശീയം എന്നില്ല. ആത്യന്തികമായ നേരും നേരല്ലാത്തതും ആർക്കും മനസ്സിലാവില്ല

ചിന്തകൾക്കും ദർശനങ്ങൾക്കും പരിഹാരങ്ങൾക്കും സ്വദേശീയം വിദേശീയം എന്നില്ല. 

ചിന്തകളും ദർശനങ്ങളും പരിഹാരങ്ങളും ഏതായാലും അവ (സ്വദേശിയമായാലും വിദേശീയമായാലും ) പരിഹാരങ്ങളും ഉത്തരങ്ങളും തേടിയുണ്ടാവുന്നതാണ്. 

അതുകൊണ്ട് തന്നെ ആകയാൽ നോക്കേണ്ടത് അവ നല്ലതാണോ, ഉപകാരമുള്ളതാണോ, പ്രശ്നങ്ങൾക്കും ചോദ്യങ്ങൾക്കും ഉത്തരവും പരിഹാരവും നൽകുന്നതാണോ എന്നുമാത്രം. 

ആണെങ്കിൽ സ്വീകരിക്കുക, അല്ലെങ്കിൽ സ്വദേശീയമാണെങ്കിലും സ്വന്തം വീട്ടിൽനിന്നും അച്ഛനിൽനിന്നും മക്കളിൽനിന്നും തന്നെയാണെങ്കിലും തള്ളിക്കളയുക.

********

അറിയില്ല.

ആത്യന്തികമായ നേരും നേരല്ലാത്തതും ആർക്കും മനസ്സിലാവില്ല എന്നിടത്ത് കിടക്കുന്നുഅതുവെച്ചുള്ള വഞ്ചനകളും അവകാശവാദങ്ങളും. 

ആ സ്ഥിതിക്ക് നമുക്ക് നോക്കാൻ സാധിക്കുക ഒന്ന് മാത്രം.

ആത്യന്തികതയെ കുറിച്ച അവ്യക്തത വെച്ച് ആരെയും പൗരോഹിത്യത്തിന്റെയും ബിബാരാധനകളുടെയും ചൂഷണത്തിലേക്ക് വഴിതുറന്ന് വിടുന്നില്ല എന്നുറപ്പ് വരുത്തും വിധം, പ്രായോഗികതയിലും നിത്യജീവിത്തിലും എല്ലാ മേഖലകളിലും സഹായിക്കും വിധം, ഏറെക്കുറെചൂഷണമുക്തമായ നിലക്ക്, ആര് ആത്യന്തികസത്യം പറയുന്നതിനോടൊപ്പം മുന്നിട്ട് നിൽക്കുന്നുഎന്നത് മാത്രം . 

ആത്യന്തികതയുമായി ബന്ധപ്പെട്ട വിഷയത്തിൽ എല്ലാവരും ഒരുപോലെ തെറ്റാകുമെങ്കിലുംശരിയാകുമെങ്കിലും ആ തെറ്റുകൾക്കിടയിലെയും ശരികൾക്കിടയിലെയും ഒരു വലിയ ശരി, കൂടുതൽ തെറ്റുകളും ചൂഷണസാധ്യതകളും കുറഞ്ഞ ശരി കണ്ടെത്തുക, പ്രായോഗിക നിത്യജീവിതത്തിൽ വഴികാട്ടുന്നതാവുക എന്നതാണത്.

ആ നിലയ്ക്കാണ് വെറും ആചാര-അനുഷ്ഠാന-ആരാധന മതം മാത്രമല്ലാത്ത മതം ആവശ്യമാകുന്നത്, അല്ലെങ്കിൽ അങ്ങനെയുള്ള മതമായ ഇസ്ലാം മുന്നിട്ട് നിൽക്കുന്നത്.

അപ്പോഴാണ്, ഒരു പൂർണകായ സാമ്പത്തിക-സാമൂഹ്യ-രാഷ്ട്രീയ ജീവിതവ്യവസ്ഥ കൂടി സമ്മാനിക്കുന്ന ഇസ്ലാമിനെ തമ്മിൽ ഭേദം തൊമ്മനായെങ്കിലും മുന്നോട്ട് വെക്കേണ്ടിവരുന്നത്. 

നിരുപദ്രവകരമായ, എന്നാൽ എല്ലാതരം അടിമത്തങ്ങളെയും ചൂഷണങ്ങളെയും നിരാകരിക്കുന്ന, വിശ്വാസത്തിന്റെ പിൻബലമുള്ളതിനോടൊപ്പം കുറച്ച് കൂടി സാമൂഹ്യ കുടുംബ രാഷ്ട്രീയ ജീവിതത്തെസൂക്ഷ്മമായി സ്പർശിക്കുന്നു എന്നതിനാൽ ഇസ്ലാം മുന്നിട്ട് നിൽക്കുന്നു.

കമ്യൂണിസത്തേക്കാളും ഒപ്പം വേറേതൊരു ഭൗതിക രാഷ്ട്രീയ സാമ്പത്തിക സാമൂഹ്യ പ്രത്യേശാസ്ത്രത്തേക്കാളും ഒരുകുറെ മുന്നിൽ നിൽക്കുന്ന മാനുഷികതലമുള്ള രാഷ്ട്രീയ സാമ്പത്തിക സാമൂഹ്യ പ്രത്യേശാസ്ത്രം എന്ന നിലക്ക് തന്നെയാണ് ഇസ്ലാം മുന്നിട്ട് നിൽക്കുന്നത്.

ഇസ്ലാമിനേക്കാൾ നല്ലതും പ്രായോഗികമായതും ജീവിതത്തെ മുച്ചൂടും സ്പർശിക്കുന്നതുമായ വേറൊന്ന് ഉണ്ടായിട്ട് വേണം ഇസ്ലാമല്ല വേണ്ടതെന്ന് ധൈര്യപൂർവ്വം പറയാൻ.

പക്ഷേ അങ്ങനെയൊന്ന് ഇന്ന് ഈ ഭൂമുഖത്ത് ആരും പകരമായി കാണിച്ചുതരുന്നില്ല എന്നഒറ്റക്കാരണത്താൽ ഇസ്ലാം ഒരു തിരഞ്ഞെടുപ്പായി മാറും.

ഇസ്ലാമിനെ വിമർശിക്കുന്നവർ അതിനെക്കുറിച്ച് ബോധപൂർവ്വം പടച്ചുവിടുന്ന തെറ്റിദ്ധാരണകളും ഭയവും അസൂയയും വെച്ച് മാത്രമാണ് വിമർശിക്കുന്നത്.

മത്സരിച്ച് തോറ്റുപോകുമ്പോൾ ആ മത്സരബുദ്ധിയിൽ നിന്നുതലെടുക്കുന്ന ശത്രുത വെച്ച് മാത്രമാണ്, കളവുകൾ ഉണ്ടാക്കി പ്രചരിപ്പിച്ച് മാത്രമാണ് അങ്ങനെ വിമർശിക്കുന്നത്.

ഇസ്ലാമിനേക്കാൾ നല്ല വേറൊന്ന് കൃത്യമായും പകരമായി കൊണ്ടുവരാതെ.

ആത്യന്തികമായ ശരിയും തെറ്റും എല്ലാവർക്കും മനസ്സിലാവാതെ തന്നെ.

അതുകൊണ്ട് എല്ലാവരും ഒരുപോലെ, നിഷേധിയും വിശ്വാസിയും ഒരുപോലെ, അവരുടേതായത്വിശ്വസിച്ചുകൊണ്ട് തന്നെയെന്ന കുറ്റസമ്മതത്തോടെ തന്നെയാണ് ഇത് പറയുന്നത്.