ഇറാൻ നിങ്ങൾ ധരിക്കുന്നതിനും എത്രയോ അപ്പുറത്താണ്.

ഇറാൻ നിങ്ങൾ ധരിക്കുന്നതിനും എത്രയോ അപ്പുറത്താണ്. 

വെറുപ്പിന്റെ രാഷ്ട്രീയം കളിച്ച് നശിച്ച, സ്വന്തം നാട്ടുകാരെ പരസ്പരം വെറുപ്പിച്ച് നശിക്കുന്ന രാജ്യമല്ല ഇറാൻ. 

പ്രതിരോധത്തിന്റെ മൗനത്തിലൂടെ പുതിയ പുരോഗതിയിലൂടെ ലോകശക്തികളെ വെല്ലുവിളിക്കുന്ന രാജ്യമാണ്. 

എല്ലാം ഒറ്റക്ക് വളർത്തി, ഒറ്റക്ക് നിവർന്നു നിൽക്കുന്ന രാജ്യമാണ് ഇറാൻ.

അമേരിക്കൻ ഡോളർ സമ്പത്ത് വ്യവസ്ഥയെ ചോദ്യം ചെയ്ത് സമാന്തരരേഖ വരച്ചുതെളിയിക്കുന്ന രാജ്യം ഇറാൻ.

ഇസ്രയേലിന് ഒറ്റക്ക് കുറെ ബോംബിട്ട് നശിപ്പിക്കാൻ സാധിക്കുമെന്നല്ലാതെ ഇറാനെ ഒന്നും ചെയ്യാൻ കഴിയില്ല എന്നത് കൊണ്ട് തന്നെയാണ് അമേരിക്കയും യൂറോപ്പും പിന്നിലും മുന്നിലുമായി ഇസ്രയേലിനെ സഹായിക്കാൻ നിൽക്കുന്നത്.

ഇറാൻ ഒറ്റക്ക് ഇസ്രയേലിനെ വേണ്ടതിലും അധികം പേടിപ്പിക്കുന്നു, കൈകാര്യം ചെയ്യുന്നു എന്ന ഒരൊറ്റക്കാരണം കൊണ്ട്. യുദ്ധവിമാനങ്ങൾ ഒന്നും ഇല്ലാതെ, ഒന്നും ഉപയോഗിക്കേണ്ടി വരാതെ.

പേടിച്ച് വിറച്ച് നിരുപാധികമായി അടിയറവ് പറഞ്ഞ് ഒരൊറ്റ ദിവസം കൊണ്ട് ദുരൂഹമായി യുദ്ധം നിർത്തുന്ന രാജ്യമല്ല ഇറാൻ. 

ഇറാന് ആയുധം സ്വന്തം നാട്ടുകാരുടെ മുന്നിൽ വിമ്പ് പറച്ചിൽ മാത്രമല്ല. 

ആഭ്യന്തര രാഷ്ട്രീയം കളിക്കാനുള്ള പുകമറയും അല്ല ഇറാന് യുദ്ധം , 

ആ നിലക്ക് ഇറാൻ ഒരിക്കലും യുദ്ധത്തിന് വേണ്ടി ദാഹിച്ചിട്ടില്.

സ്വന്തം കുറ്റം മറച്ചുപിടിക്കാൻ കാരണം തേടി യുദ്ധം ചെയ്തിട്ടുമില്ല 

ഓച്ചാനിച്ച് അടിമകളായി പാവകളായി നിൽക്കുന്ന മുഴുവൻ അറബ് ഭരണകൂടത്തിനും പകരം ഉത്തരവാദിത്തം സ്വന്തം ചുമലിലേറ്റി ചരിത്രദൗത്യം നിർവ്വഹിക്കേണ്ട ബാധ്യതയും സ്വയം ഏറ്റെടുക്കേണ്ടതുണ്ട് ഇറാന്.

ആ ശയപരമായി തോൽക്കുന്നവർ നാല്പത്തഞ്ച് കൊല്ലമായി യുദ്ധങ്ങൾ അടിച്ചേൽപ്പിച്ചും ഉപരോധിച്ചും ബഹിഷ്കരിച്ചും ഒറ്റപ്പെടുത്തിയതിനെ ക്ഷീണിക്കാനുള്ള കാരണമായല്ല ഇറാൻ എടുത്തത്.

പകരം, എങ്ങിനെയും സ്വയം വളരാനും ജാഗ്രതയുള്ളവരാവാനും ആണ് ഇറാൻ അതിൽ അവസരം കണ്ടത്. 

യുദ്ധോപകരണങ്ങൾ സ്വയം വികസിപ്പിച്ച് കയറ്റുമതി ചെയ്യുന്നത്ര വളർന്നു ഇറാൻ. 

മൾട്ടി വാർഹെഡ്സ് വെക്കാവുന്ന വളഞ്ഞും പുളഞ്ഞും പോകുന്ന ഹൈപ്പർസോണിക് ബാലിസ്റ്റിക് മിസൈൽ വരെ ഉണ്ടാക്കി ഉപയോഗിച്ച് അയോൺ ഡൊമിൽ അഹങ്കരിച്ച ശത്രു പ്രതിരോധത്തെ വരെ അമ്പരിപ്പിച്ചു കാണിക്കാൻ കഴിയുന്നത്ര വളർന്നു കഴിഞ്ഞിരുന്നു.