ഹേമ കമ്മിറ്റി: ആരും പറയാതെ പോകുന്ന കുറച്ച് ചോദ്യങ്ങളും ഉത്തരങ്ങളും.

ഹേമ കമ്മിറ്റി: ആരും പറയാതെ പോകുന്ന കുറച്ച് ചോദ്യങ്ങളും ഉത്തരങ്ങളും.

പെൺകുട്ടികൾ അനുവാദം കൊടുത്തു നടന്ന, നടത്തിയ കാര്യം പിന്നീട് ഉദ്ദിഷ്ട കാര്യം നടക്കാത്തപ്പോൾ വിളിച്ചു പറയുന്നതല്ലേ ആകെമൊത്തം എന്ന വാദം.

1. സിംഹങ്ങളുടെ മുൻപിൽ ആടിന് സമ്മതം കൊടുക്കാൻ സാധിക്കുമോ?

2. സിംഹങ്ങളുടെ മുൻപിൽ ആട് കൊടുത്തു എന്ന് പറയുന്ന സമ്മതം സമ്മതമാണോ?

3. അല്ലെങ്കിലും സിംഹങ്ങൾക്ക് എന്തിന് ആടിൻ്റെ സമ്മതം? അധികാരവും ശക്തിയും കൊണ്ട് കീഴടക്കി ഭോജനം നടത്തുന്നതാണ് സിംഹ രീതി. അതിൽ ആടുകൾ കീഴങ്ങുക എന്നത് തന്നെ ആടിൻ്റെ സമ്മതം

4. ശക്തൻ്റെ മുൻപിൽ അശക്തനും ദുർബ്ബലനും ഓച്ചാനിച്ച് എന്തിനും തയ്യാറായി നിൽക്കുന്നത് സമ്മതവും ആത്മാർഥതയും ആണോ?

5. മാടമ്പികൾക്കും നാട്ടുപ്രമാണികൾക്കും കയ്യൂക്കുള്ളവനും എന്നും ഒരേ ഭാഷ, ഒരേ രീതി. അതുതന്നെയാണ് സിനിമാ മേഖലയിലെ മാടമ്പികളും ചെയ്തത്, ചെയ്തുകൊണ്ടിരിക്കുന്നത്. മാടമ്പികളുടെ ഇത്തരം രീതി തന്നെയാണ് ബഹുഭാര്യത്വവും ഭ്രാഹ്മണർ താഴ്ന്ന ജാതിക്കാരായ സ്ത്രീകളുമായി യഥേഷ്ടം നടത്തിയ സംബന്ധവും ഒക്കെയായി മാറിയത്.

6. അധികാരസ്ഥാനത്ത് നിൽക്കുന്നവൻ്റെ വെറും വെറുതെയുള്ള നോട്ടം പോലും കല്പനയും ഭീഷണിയുമാണ്. അവർക്ക് കിട്ടുന്ന ഏത് സമ്മതവും നേട്ടവും ബഹുമാനവും അനുസരണവും സംശയത്തോടെ തന്നെ കാണണം. അവ യഥാർത്ഥത്തിൽ സമ്മതവും നേട്ടവും അനുസരണവും ബഹുമാനവും അല്ല 

7. അത്തരം സമ്മതങ്ങളിലൊക്കെ അധികാരമില്ലാത്തവൻ്റെയും അതിജീവനം മാത്രം കൊതിക്കുന്ന നിസ്സഹായതയും ദൈന്യതയും ഉണ്ട്.  

8. നിസ്സഹായതയും ദൈന്യതയും ചൂഷണം ചെയ്യുക മാത്രമാണ് ഭീഷണിയുടെ സ്വരത്തിൽ സിംഹങ്ങളായി അധികാരത്തിൽ നിന്ന് ചരടുവലിക്കുന്നവർ 

9. അത്തരം നിസ്സഹായതയുടെയും ദൈന്യതയുടെയും ഏറ്റവും ഉയർന്ന ക്രൂരമായ മുഖമാണ് അമ്മമാർക്ക് പോലും സമ്മതം മൂളി പെൺമക്കളെ സിംഹങ്ങളുടെ മടയിലേക്ക് അയക്കാൻ കൂട്ടുനിൽക്കുന്നു എന്നത്.

10. അവരാരും അപ്പോൾ പറഞ്ഞില്ലല്ലോ, എന്നിട്ടെന്താ ഇപ്പോൾ എന്നത് ന്യായമല്ല. അതിജീവനം വിഷയമാകുന്നവർക്ക്, നിൽക്കക്കള്ളിയില്ലാത്തവർക്ക് ഒന്നും പുറത്ത് പറയാൻ സാധിക്കില്ല. പുറത്ത് പറയാൻ തയ്യാറാവുന്ന നിമിഷം അവർ സിനിമാരംഗത്ത് നിന്നും ഒരുപക്ഷേ ജീവിതത്തിൽ നിന്ന് പോലും നിഷ്‌ക്രമിക്കും, അപ്രത്യക്ഷമാകും.

11. തെളിയിക്കട്ടെ നിയമത്തിൻ്റെ വഴിയിൽ പോകട്ടെ എന്നത് ഒരു അവിവാഹിതയായ, അല്ലെങ്കിൽ വിവാഹിതയായ, വളരെ ദുർബലയും നിസ്സഹായയായയുമായ ഒരു പെൺകുട്ടിയോട് പറയേണ്ട വർത്തമാനമോ ചോദിക്കേണ്ട ചോദ്യമോ അല്ല. 

12. അല്ലെങ്കിലും പുറത്ത് പറഞ്ഞവർക്ക് എന്ത് നീതിയാണ് ഇവിടെ നമ്മൾ നൽകിയത്. ഒന്നുകൂടി പൊതുമദ്ധ്യത്തിൽ അവരെ കടിച്ചു കീറി നമ്മുടെയൊക്കെ ക്രൂരവിനോദ വികാരം തീർക്കും എന്ന് മാത്രം.

13. ഇപ്പോഴും എപ്പോഴും ആവലാതി പറയുന്ന, പറയേണ്ടി വരുന്ന ആടിനെയാണ് വീണ്ടും വീണ്ടും നാം ചോദ്യം ചെയ്യുന്നത്, കുറ്റപ്പെടുത്തുന്നത്.  അല്ലാതെ ആക്രമിക്കുന്ന അധികാരം തന്നെയായ സിംഹങ്ങളെ നമ്മൾ ചോദ്യം ചെയ്യുന്നില്ല. 

14. നിയമങ്ങളും നീതിയും അധികാരികളായ സിംഹങ്ങൾ അവർക്ക് വേണ്ടി ഉണ്ടാക്കി വെച്ചവയാണ്

15. ആക്രമിക്കും അക്രമിക്കപ്പെട്ടവനും ഇടയിൽ നിഷ്പക്ഷത നടിക്കുന്നത് ശുദ്ധകാപട്യമാണ് കൊടുംക്രൂരതതയാണ്.

*******

നമ്മൾ തെരഞ്ഞെടുത്തുണ്ടാക്കിയ നമ്മുടെ സർക്കാർ പോലും ഹേമ കമ്മിറ്റി റിപ്പോർട്ട് ഒളിപ്പിച്ചു വെച്ച് അഞ്ചുവർഷം താമസിപ്പിച്ചത് എന്തുകൊണ്ട്,  എന്തിന്?

ഉത്തരം വളരെ ലളിതം.

1. അധികാരം തെമ്മാടിത്തത്തിലൂടെ നേടുന്നതാണ്. സമൂഹത്തിലെ മാടമ്പികൾക്ക് മാത്രമാണ് നമ്മുടേത് പോലുള്ള നാട്ടിലും രാജ്യത്തും അധികാരം കരഗതമാകൂ. AMMAയും വ്യത്യസ്തമല്ല വ്യതസ്തമാകില്ല.

2. തെമ്മാടികളും മാടമ്പികളും എപ്പോഴും അധികാരികളുടെ കൂട്ടുകാരായിരിക്കും. അതുകൊണ്ട് തന്നെ AMMAയിലെ നാം നായകരെന്നു കരുതിയ യഥാർത്ഥ മാടമ്പികളും.

3. നമ്മുടേത് പോലുള്ള നാട്ടിൽ അധികാരത്തിന് പിന്നാമ്പുറത്ത് എപ്പോഴും തെമ്മാടികളുടെ കൂട്ടും കരുത്തും തൻ്റേടവും വേണം.

4. AMMAയെയും അതിലെ സകലതുമായ മാടമ്പികളെയും അഞ്ചു വർഷം പിടിച്ചുനിർത്താൻ അധികാരികൾ തന്നെയായ മറ്റൊരു മാടമ്പിക്കൂട്ടം അതുകൊണ്ട് തന്നെ ഹേമ കമ്മിറ്റി റിപ്പോർട്ട് ആവുന്നത്ര ഒളിപ്പിച്ചു വെച്ചു. 

5. അഞ്ചുവർഷം കൊണ്ട് തേച്ചുമായ്ക്കാൻ കഴിയുന്നത്ര ആരോപണങ്ങളും തെളിവുകളും തേച്ചുമായ്ക്കാൻ AMMAയിലെ കേമൻമാരെ അതുമൂലം സഹായിച്ചു.

6. AMMAയിലെ ഇപ്പോൾ നടന്ന കൂട്ടരാജിയെ അഞ്ചു വർഷം ഒഴിവാക്കാൻ അതുകൊണ്ട് സാധിച്ചു. അതല്ലായിരുന്നെങ്കിൽ ഈ കൂട്ട രാജിയും പിരിച്ചുവിടലുമൊക്കെ അഞ്ച് വർഷങ്ങൾക്ക് മുൻപേ നടക്കേണ്ടതായിരുന്നു 

7. AMMAയിലെ കൊലകൊമ്പന്മാരുടെ പൈസ വിഴുങ്ങാൻ ഇതുമൂലം രാഷ്ടീയ മാടമ്പികൾക്ക് ഒരേറെ സാധിച്ചിട്ടുണ്ടാവും

8. എന്തുകൊണ്ട് കൊണ്ട് മമ്മൂട്ടിയും മോഹൻലാലും അടങ്ങുന്നവർ കൂട്ടമായി ഇപ്പോൾ രാജിവെച്ചു? 

9. എന്തുകൊണ്ട് അവരാരും പത്രമാധ്യമങ്ങളെ നേരിട്ട് ഒരു കമാ പോലും പറഞ്ഞില്ല, രാജി അറിയിച്ചില്ല. 

10. പിന്നാമ്പുറത്ത് നിന്ന് ഒളിഞ്ഞ് രാജി വെക്കേണ്ടി വരുന്നത്ര എന്താണ് അവർക്കുള്ളിലും AMMAക്കുള്ളിലും ചീഞ്ഞുനാറാനുള്ളത്? 

11. എന്തേ സ്ക്രീനിലെ നായകന്മാരുടെ മുഴുവൻ ആത്മവിശ്വാസം ചോർന്നു പോയി, അവരാരും പുലികൾ അല്ല എലികൾ മാത്രമാണെന്ന് വരുന്നു? 

12. ആരുടെയും കണ്ണിൽ നോക്കി സംസാരിക്കാൻ മാത്രം എന്ത് കുറ്റബോധമാണ് അവരെയൊക്കെയും ഇപ്പോൾ ഭരിക്കുന്നത്?

13. ആരെയും നേരിടാൻ സാധിക്കാത്തത്ര  എന്തെല്ലാം തെണ്ടിത്തറവും കളവുകളുമാണ് അവർ മാത്രം അറിയുംവിധം അവർ ഇക്കാലമത്രയും ചെയ്തത്, കൊണ്ടുനടന്നത്?

നല്ല കഴിവും സിദ്ധിയും ഉള്ള കുട്ടികളുടെ ശവപ്പറമ്പാണ് സ്കൂളുകളും സ്കൂളിലെ അധ്യാപകരും.

നന്നായി പഠിക്കുന്ന കുട്ടികളുടെ ശവപ്പറമ്പാകുന്നു കേരളത്തിലെ സ്കൂളുകളും സ്കൂളിലെ അധ്യാപകരും.

******

കേരള SSLC പ്ലസ് വൺ പ്ലസ് ടു വാരിക്കോരി മാർക്ക് കൊടുക്കൽ : എല്ലാ പ്രവൃത്തിക്കും കൃത്യമായ വിപരീത ഫലം ഉണ്ടാവും എന്ന ന്യൂട്ടൻ്റെ പറച്ചിൽ ശരിയാവുന്ന പ്രായോഗിക രൂപം. 

അനർഹർക്ക് വാരിക്കോരി കൊടുക്കുമ്പോൾ അർഹതയുള്ളവർക്ക് അർഹമായത് നിഷേധിക്കപ്പെടുന്നു. 

കൃത്യമായ വിപരീത ഫലം.

********

അനർഹത സ്ഥാനവും അധികാരവും നേടുമ്പോൾ, കാര്യങ്ങൾ നടത്തുമ്പോൾ, ശരിയും തെറ്റും നിശ്ചയിക്കുമ്പോൾ അർഹതയെ നിശ്ചയിക്കുന്ന, ശരി തെറ്റുകളെ മനസ്സിലാക്കേണ്ട മാനദണ്ഡങ്ങൾ നഷ്ടമാവുന്നു.

*********

അനർഹത അധികാരം വാഴുമ്പോൾ അർഹതയുള്ളവർക്ക് അർഹമായത് നിഷേധിക്കപ്പെടുന്നു. 

എല്ലാ പ്രവൃത്തിക്കും കൃത്യമായ വിപരീതഫലം ഉണ്ടാവുന്ന കൃത്യമായ വിപരീത ഫലം.

*******

നന്നായി പഠിക്കുന്ന, നല്ല കഴിവും സിദ്ധിയും ഉള്ള ഒരൊറ്റ കുട്ടിയും ഉയരങ്ങളിൽ പഠിച്ചെത്തുന്നത് സ്‌കൂളുകളുടെയും സ്കൂൾ അധ്യാപകരുടെയും കഴിവും പിന്തുണയും കൊണ്ടല്ല. 

പകരം, സ്കൂളിനെയും അദ്ധ്യാപകരെയും അവഗണിച്ച് സ്വന്തം ശ്രമഫലമായും, സ്കൂളിനും സ്കൂൾ അദ്ധ്യാപ്കർക്കും പുറത്ത് സ്വന്തമായ പഠനവഴികളും പിന്തുണകളും കണ്ടെത്തിയും നേടിയും  മാത്രമാണ് നന്നായി പഠിക്കുന്ന, നല്ല കഴിവും സിദ്ധിയും ഉള്ള കുട്ടികൾ ഉയരങ്ങൾ താണ്ടുന്നത്.

ഉദാഹരണത്തിന് പറയാം. 

JEE പരീക്ഷ നടത്തുന്നത് വെറും പ്ലസ് വൺ പ്ലസ്ടൂവിലെ സിലബസ് അടിസ്ഥാനപ്പെടുത്തി മാത്രം. കെമിസ്ട്രി, ഫിസിക്സ്, മാത്തമാറ്റിക്സ് സിലബസ് മാത്രം അടിസ്ഥാനപ്പെടുത്തി. 

എന്നിട്ടും JEE ചോദ്യപേപ്പറിൽ വരുന്ന 75 ചോദ്യങ്ങളിൽ ഒരൊറ്റ ചോദ്യത്തിന് പോലും ഉത്തരം കണ്ടെത്താൻ (പ്രോബ്ലം slove ചെയ്യാൻ) കേരളത്തിലങ്ങോളമിങ്ങോളമുള്ള ഹയർ സെക്കൻഡറി സ്കൂളിലെ ഒരൊറ്റ അധ്യാപകനോ അധ്യാപികയ്ക്കോ സാധിക്കില്ല. 

അതാണ് ഇവിടെയുള്ള അധ്യാപകവൃന്ദത്തിൻ്റെയും അവർ പഠിപ്പിക്കുന്ന സംഗതികളുടെയും ആകെമൊത്ത നിലവാരവും ആഴവും പരപ്പും. 

രണ്ട് കൊല്ലം ഇവരുടെ കീഴിൽ ആഞ്ഞ് ശ്രമിച്ച് പഠിച്ച കുട്ടികൾക്ക് സാധിക്കില്ല എന്നത് പോട്ടെ, അദ്ധ്യാപകരിൽ ആർക്കെങ്കിലും സാധിക്കേണ്ടതല്ലേ?

വലിയ ലക്ഷ്യങ്ങളുള്ള, അതിനു വേണ്ട ശ്രമങ്ങൾ നടത്തുന്ന കുട്ടികളുടെ ശവപ്പറമ്പാണ്, കാഴ്ച മുട്ടിക്കുന്ന മേൽക്കൂരയും ആകാശവും എന്ന് തോന്നിപ്പിക്കുന്ന തടസ്സവും മറയുമാണ് സ്കൂളുകളും സ്കൂളിലെ അധ്യാപകരും.

ഇത് അനുഭവം കൊണ്ട് പറയുന്നത് മാത്രം.

സ്വന്തം അനുഭവങ്ങൾ കൊണ്ടും, മക്കളെ പഠിപ്പിച്ച അനുഭവങ്ങൾ കൊണ്ടും, ചുറ്റുവട്ടത്തുള്ള കുട്ടികൾ പഠിക്കുന്നത് (ഏറെക്കുറെ സ്‌കൂളിനെയും അവിടെയുള്ള അധ്യാപകരെയും എന്തോ വലിയ സംഗതികളായിക്കണ്ട് നശിക്കുന്നത്) കണ്ട അനുഭവങ്ങൾ കൊണ്ടും മാത്രം പറയുന്നത്.

എന്തെങ്കിലും ചിലത് വേണ്ടവർക്ക് (അതും വെറും ഉപരിതലത്തിൽ) എന്തെങ്കിലും ചിലത് മാത്രം കിട്ടുന്ന ഇടം മാത്രം കേരളത്തിലെ സ്കൂളുകളും സ്കൂളുകളിലെ അധ്യാപകരും.

എല്ലാം വേണ്ടവർക്ക് എല്ലാം കിട്ടുന്ന ഇടമല്ല സ്കൂളുകളും സ്കൂളുകളിലെ അധ്യാപകരും.

സ്കൂളുകൾ പഴയകാല അനുഭവങ്ങളിലെ റേഷൻ പീടിക പോലെ. 

അരിയും ഗോതമ്പും മാത്രം (അതും നിലവാരം കുറഞ്ഞത്, എപ്പോഴെങ്കിലും മാത്രം) കിട്ടും. 

സദ്യ ഉണ്ടാക്കാൻ ഉദ്ദേശിക്കുന്ന കുട്ടിക്ക് വേണ്ട ബാക്കി എല്ലാ സംഗതികളും സാധനങ്ങളും എവിടെ നിന്ന് കിട്ടും? 

സദ്യ ഉണ്ടാക്കാൻ വേണ്ട ബാക്കി എല്ലാ സംഗതികളും സാധനങ്ങളും കുട്ടികൾ സ്വന്തം നിലക്ക് കണ്ടെത്തണം, ഉണ്ടാക്കണം, പുറത്ത് നിന്ന് കണ്ടെത്തണം.

സദ്യ ഉണ്ടാക്കാൻ വേണ്ട ബാക്കി സംഗതികളും സാധനങ്ങളും കണ്ടെത്താനും ഉണ്ടാക്കാനും കൂടുതൽ സമയം വേണം. 

എട്ടും പത്തും മണിക്കൂറുകൾ സ്കൂളിനും സ്കൂളിലെ അധ്യാപകർക്കും വേണ്ടി ചിലവഴിച്ച് പത്ത് മിനുട്ടിൻ്റെ പോലും ഉപകാരമുള്ള ഒന്നും പഠിക്കാതെ മടങ്ങുന്ന കുട്ടികൾക്ക് സദ്യ ഉണ്ടാക്കാനും സദ്യ ഉണ്ടാക്കാൻ വേണ്ട സംഗതികളും സാധനങ്ങളും കണ്ടെത്താനും പിന്നീട് സമയം കിട്ടില്ല, അതിനാൽ സാധിക്കില്ല. 

അത്തരം കുട്ടികളും അവരുടെ മാതാപിതാക്കളും അറിയണം:  അവരറിയാതെ അവർ മൂഡൻമാരുടെ സ്വർഗത്തിൽ പെട്ടുപോകുകയാണ്.

റേഷൻ പീടികയിൽ നിന്ന് എപ്ലസ് ബഹളം വെച്ച് കിട്ടുന്ന  അരിയും ഗോതമ്പും, ഒരുപക്ഷേ  അതിനേക്കാൾ നല്ലതും, സ്വന്തം നിലക്ക് പുറത്തുനിന്ന് കണ്ടെത്താം, ഉണ്ടാക്കാം.

ചെറിയ പാത്രങ്ങളാണ് സ്കൂളുകളിലെ അദ്ധ്യാപകർ. ചടങ്ങിനപ്പുറം പോകാത്തവർ, പോകാൻ സാധിക്കാത്തവർ. ഉപചാരം പോലെയും ചടങ്ങ് പോലെയും മാത്രം വന്ന്, എന്തോ ചെയ്തെന്ന് വരുത്തുന്നവർ.

ഏറെക്കുറെ തത്തമ്മേ പൂച്ച പൂച്ച പോലെ പഠിച്ചവരും, ഏറെക്കുറെ തത്തമ്മേ പൂച്ച പൂച്ച പോലെ തന്നെ പഠിപ്പിക്കുന്നവരും മാത്രം സ്കൂളുകളിലെ അദ്ധ്യാപകർ. യാന്ത്രികമായി, ബാധ്യത പോലെ വന്നുപോകുന്നവർ, പഠിപ്പിക്കാതെ പഠിപ്പിച്ചുവെന്ന് വരുത്തി തടി രക്ഷപ്പെടുത്തുന്നവർ.

സ്കൂളുകളിലെ അധ്യാപരേക്കാൾ കഴിവും ബുദ്ധിയും ഉള്ള വലിയ പാത്രങ്ങളായ പല കുട്ടികളും ഈ ചെറിയ പാത്രങ്ങളിൽ കുടുങ്ങിയും കുരുങ്ങിയും ശ്വാസംമുട്ടിയും സ്വന്തം ശവപ്പറമ്പുകൾ തെണ്ടും. ഉള്ള ആത്മവിശ്വാസവും ധൈര്യവും നഷ്ടപ്പെടുത്തും. 

വ്യവസ്ഥിതി നിശ്ചയിച്ച കണക്കുപുസ്തകത്തിൽ വലിയവർ ഈ അധ്യാപകരാണെന്നതിനാൽ ചോദ്യംചെയ്യാതെ, ചോദ്യംചെയ്യാൻ സാധിക്കാതെ. മാറിച്ചിന്തിച്ച് സ്വന്തം വഴി വെട്ടിമുറിക്കാൻ സാധിക്കാതെ, അതിനുവേണ്ട ധൈര്യം കിട്ടാതെ പല കുട്ടികളും അവരുടെ മാതാപിതാക്കളും.

തത്തമ്മേ പൂച്ച പൂച്ച പോലെ മാത്രം ഉത്തരങ്ങൾ പഠിച്ച, പഠിപ്പിച്ച, അത് മാത്രം തന്നെ ഉത്തരങ്ങളായി പ്രതീക്ഷിക്കുന്ന, തത്തമ്മേ പൂച്ച പൂച്ച പോലെ ഉത്തരം നൽകിയാൽ മാത്രം (പലപ്പോഴും (ഹിന്ദിയും അറബിയും സംസ്കൃതവും പോലുള്ള വിഷയങ്ങളിൽ ഉറപ്പായും (ചോദ്യം തന്നെ എഴുതിവെച്ചാൽ വരെ)) മാർക്കുകൾ വാരിക്കോരിക്കൊടുക്കുന്ന ഇത്തരം അധ്യാപകരുടെ മുമ്പിൽ സ്വന്തമായ നിലയ്ക്ക് കൂടുതൽ ശരിയായ ഉത്തരം കണ്ടെത്തി എഴുതാൻ സാധിക്കുന്നവൻ വലിയ ചോദ്യചിഹ്നമാകുന്നു, ദുരന്തമാകുന്നു, പരാജയപ്പെടുന്നു. 

അർഹതയില്ലാത്തവർക്ക് മാർക്കുകൾ വാരിക്കോരി നൽകുന്ന അനീതി നടക്കുമ്പോൾ നാണയത്തിൻ്റെ മറുഭാഗത്ത് നിർബന്ധമായും നടക്കുന്ന മറ്റൊരു അനീതിയുണ്ട്. 

അർഹതയുള്ള സ്വതസിദ്ധമായ സിദ്ധിയും സർഗ്ഗശേഷിയും ഉള്ള തത്തമ്മേ പൂച്ച പൂച്ച പോലെയല്ലാതെ ചിന്തിക്കുകയും എഴുതുകയും പറയുകയും ചെയ്യുന്ന കുട്ടികൾക്ക് നീതി നിഷേധിക്കപ്പെടുക എന്നതാണത്. ആർക്കും മനസ്സിലാവാത്ത ക്രൂരമായ അനീതി.

Present ടെൻസും past ടെൻസും മനസ്സിലാകാത്ത കുട്ടിക്ക് (ഒരു പക്ഷെ കയ്യെഴുത്ത് നന്നാണെങ്കിൽ പ്രത്യേകിച്ചും, വെറുതേ തത്തമ്മേ പൂച്ച പൂച്ച പോലെ) ചോദ്യങ്ങൾ തന്നെ അപ്പടി പകർത്തി വെച്ചാലും എപ്ലസ് കിട്ടും. ഇംഗ്ലീഷ് ഭാഷയിൽ അടക്കം. നൂറ് തെളിവുകൾ മുൻപിൽ നിരത്താനാവും.

അതേ സമയം ലോക ക്ലാസിക്കുകൾ വരെ ഇംഗ്ലീഷിൽ അനവധി വായിച്ച, വായിക്കാനാവുന്ന, സ്വന്തമായ ഇംഗ്ലീഷിൽ ഭംഗിയുള്ള ഭാഷയിൽ എഴുതാനാവുന്ന കുട്ടിക്ക് (കയ്യെഴുത്ത് നല്ലാതല്ലെങ്കിലും തത്തമ്മേ പൂച്ച പൂച്ച പോലെ ഉത്തരം എഴുതിയിട്ടില്ലെങ്കിലും) ബിപ്ലസ് പോലും കിട്ടില്ല. 

കാരണം, ഇംഗ്ലീഷ് ഭാഷ ആ വിധം മനസ്സിലാകുന്നത്ര അത് പഠിപ്പിക്കുന്ന അദ്ധ്യാപകൻ വളർന്നിട്ടില്ല എന്നതിനാൽ. അയാൾ പ്രതീക്ഷിക്കുന്നത് തത്തമ്മേ പൂച്ച പൂച്ച മാത്രം.

ചെറിയ പാത്രങ്ങളായ തത്തമ്മേ പൂച്ച പൂച്ച അധ്യാപകർക്ക് വലിയ പാത്രങ്ങളെ മനസ്സിലാവില്ല, ഉൾകൊള്ളാനാവില്ല.

അവർ അത്തരം വലിയ പാത്രങ്ങളെ പരാചയപ്പെടുത്തും. അവരുടെ അപകർഷതാബോധത്തെ കുട്ടികളുടെ മേൽ അധികാരമാക്കി അവർ അത്തരം കുട്ടികളെ ഞെരിച്ച് കൊല്ലും 

അധ്യാപകന് പരിഹരിക്കാൻ സാധിക്കാത്തത്ര കണക്കിലും ഫിസിക്സിലും പ്രശ്‌നങ്ങൾ പരിഹരിക്കാൻ സാധിക്കുന്ന കുട്ടിക്ക് കണക്കിലും ഫിസിക്സിലും ബി പ്ലസ് പോലും കിട്ടില്ല. 

കാരണം ഒന്നിനും കൊള്ളാത്ത, ശമ്പളം വാങ്ങാൻ മാത്രം വെറും തൊഴിലാളികളായി വരുന്ന തത്തമ്മേ പൂച്ച പൂച്ചകളായി വരുന്ന അദ്ധ്യാപകർക്ക് ആരൊക്കെയോ പറഞ്ഞു പഠിപ്പിച്ച വെറും തത്തമ്മേ പൂച്ച പൂച്ച പാറ്റേൺ ഉത്തരങ്ങൾ മാത്രം ബാധകം. അവർ വായിലിട്ടുകൊടുത്തത് മാത്രം, വിഴുങ്ങിയത് മാത്രം ഉത്താരങ്ങളായി ഛർദ്ദിച്ചുകൊടുക്കണം.

********

വധശിക്ഷക്ക് ആർക്കെങ്കിലും അർഹതയുണ്ടോ? 

ഉണ്ടെങ്കിൽ അത് ഹൈസ്കൂൾ, ഹയർ സെക്കൻഡറി സ്കൂൾ അധ്യാപകരാണ്. 

നിഷ്കളങ്കരായ കുട്ടികളുടെ പേരിൽ വൻശമ്പളം വാങ്ങി, ആ കുട്ടികളെ തത്തമ്മേ പൂച്ച പൂച്ച പോലെ എന്തോ ചിലതല്ലാതെ ഒന്നും പഠിപ്പിക്കാതെ സുഖിച്ച് സുരക്ഷിതരായി ആർഭാടം നടത്തി രക്ഷപെടുന്നവർ.

എന്നാൽ, കുട്ടികളിൽ ആവുന്നത്ര തത്തമ്മേ പൂച്ച പൂച്ച സ്വഭാവമുള്ള തരംതാണ പഠനനിലവാരം ഉണ്ടാക്കി ക്രൂരവിനോദം നടത്തുന്നവർ. 

അതേ തത്തമ്മേ പൂച്ച പൂചച സ്വഭാവത്തിന് ഒരുകുറേ മാർക്ക് വാരിക്കോരിക്കൊടുത്ത് ഒരുകുറേ ഫുൾ എപ്ലസ്സുകൾ ഉണ്ടാക്കി, കൃത്രിമ വ്യാജ വിജയീഭാവം കുട്ടികളിലുണ്ടാക്കി കുട്ടികളെ ഒന്നിനും കൊള്ളാത്തവരാക്കുന്നവർ. 

ആ വഴിയിൽ ഗുരുവെന്ന പേരും വാങ്ങി കുട്ടികളെ നശിപ്പിച്ച് രക്ഷപ്പെടുന്നവർ. 

കഴിവുള്ള കുട്ടികളുടെ ശവപ്പറമ്പ്. 

കഴിവുള്ള കുട്ടികളെ ശ്വാസംമുട്ടിച്ച് കൊല്ലുന്നവർ, അയോഗ്യ രാക്കി ചിത്രീകരിക്കുന്നവർ.

അനർഹത സ്ഥാനവും അധികാരവും നേടുമ്പോൾ, കാര്യങ്ങൾ നടത്തുമ്പോൾ, ശരിയും തെറ്റും നിശ്ചയിക്കുമ്പോൾ അർഹതയെ നിശ്ചയിക്കുന്ന, ശരി തെറ്റുകളെ മനസ്സിലാക്കേണ്ട മാനദണ്ഡങ്ങൾ നഷ്ടമാവുന്നു.

********

ശരിയാണ്. 

മഭൂരിപക്ഷം അധ്യാപകരും എന്തോ കുറേ ചെയ്യുന്നുണ്ട്, ചെയ്യുന്നുണ്ടെന്ന് വരുത്തുന്നുണ്ട്. 

പക്ഷേ, ആ അധ്യാപകരുടെ തന്നെ നിലവാരവും അവർ ചെയ്യുന്നതിൻ്റെ ഗുണവും ഫലവും വളരെ കുറവും മോശവുമാണ്. 

എല്ലാം ചടങ്ങ് പോലെ തത്തമ്മേ പൂച്ച പൂച്ചയായി മാത്രം. 

ദിശയും മുഖവും ഇല്ലാതെ. 

തെറ്റായ ദിശയിൽ വേണ്ടത്ര യോഗ്യതയും വിവരവും സത്യസന്ധതയും ഇല്ലാതെ കുറേ ശ്രമിക്കുന്നു എന്നത് ഗണഫലത്തെ ഉറപ്പാക്കില്ല.

സ്വന്തം മക്കളെ പോലും ആ രീതി മാത്രം വെച്ച് വഴിനടത്താനാവാതെ വരികയും ചെയ്യുന്നു.

വാൾത്തലപ്പിന് കീഴിൽ തലവെച്ചാണ് ജിവിതം.

ഏത് സമയവും വന്ന് വീഴാവുന്ന മൂർച്ചയേറിയ വാൾത്തലപ്പിന് കീഴിൽ തലവെച്ചാണ് ജിവിതം. 

രോഗവും അപകടവും കൈമുതലാക്കിക്കൊണ്ട് ആ വാൾത്തലപ്പ്. 

അനിശ്ചിതത്വവും പേടിയും കണക്ക്കൂട്ടലുമായി ആ വാൾത്തലപ്പിന് കീഴെ ജീവിതവും ജീവിക്കുന്ന ഓരോരുവനും. 

പേടിയും കണക്ക്കൂട്ടലും തന്നെ ജീവിതമാക്കിക്കൊണ്ട്.

********

നാരായണഗുരുവിന് ഇപ്പോൾ സംഭവിക്കുന്നത്: 

പൗരോഹിത്യത്തെ എതിർത്ത് തകർക്കാൻ ശ്രമിച്ച യേശുവിൻ്റെ അതേ ഗതികേട്. 

പൗരോഹിത്യത്തെ എതിർത്ത യേശുവിൻ്റെ പേരിൽ ആരൊക്കെയോ ഉണ്ടാക്കിയ ക്രിസ്തുമതത്തിൽ പൗരോഹിത്യം തന്നെ ഒരു പിരമിഡ് പോലെ മുകളിൽ തൊട്ട് താഴേക്ക് പടർന്ന് പിടിമുറുക്കി. 

അതിനേക്കാളും അതിനോളവും ഗതികെട്ട് നാരായണ ഗുരുവും.

*******

ഏതെങ്കിലും ഒന്നിൽ ഉറച്ച് നിൽക്കുകയല്ല സത്യസന്ധത. 

ഏതെങ്കിലും ഒന്നിൽ ഉറച്ച് നിൽക്കുക യാഥാസ്ഥികനാവലാണ്. 

സത്യസന്ധൻ മാറിക്കൊണ്ടിരിക്കും. 

ശരി എവിടെ കണ്ടാലും അങ്ങോട്ട് മാറും. 

ഏത് ഭാഗത്തെ ശരിയും അംഗീകരിക്കും. 

മറുഭാഗത്തുള്ള ശരി കാണാതിരിക്കില്ല. 

ഒന്നിൽ ഉറച്ച് നിൽക്കുകയെന്നാൽ ഉപബോധമനസ്സിന് അടിമപ്പെട്ട് ഉപബോധമനസ്സിനെ മാത്രം പിന്തുടരലാണ്. 

അങ്ങനെയുള്ളവരാണ് തീവ്രവാദികളും അസഹിഷ്ണുക്കളും ആകുന്നത്.

മോഹൻലാലിൻ്റെ പറച്ചിൻ്റെ അപകടവും ദുസ്സൂചനയും എത്രത്തോളമാണ്?

"പൊതുജനങ്ങൾക്ക് ബോദ്ധ്യമാവരുത്. പൊതുജനങ്ങൾക്ക് ബോധ്യമാവാതിരിക്കാനാണ് നമ്മൾ ശ്രമിക്കേണ്ടത്." എന്ന മോഹൻലാലിൻ്റെ പറച്ചിൻ്റെ അപകടവും ദുസ്സൂചനയും എത്രത്തോളമാണ്? 

അഴിമതികളും അക്രമങ്ങളും മറച്ചും തേയ്ച്ചുമായ്ച്ചു കളയുന്ന രീതി. 

നിയത്തെയും കോടതികളെയും സ്വാധീനിക്കാനും വഞ്ചിക്കാനും ഉപയോഗിക്കുന്ന രീതി. 

വെറുതെയല്ല നിയമമുണ്ടല്ലോ കോടതിയുണ്ടല്ലോ എന്ന് പറയുന്നതിൽ ഇവർ കാണിക്കുന്ന വല്ലാത്ത ധൈര്യം.

*******

കോടതികളും നിയമത്തിൻ്റെ വഴികളും നാണിക്കട്ടെ, ഓച്ചാനിച്ച് നിൽക്കട്ടെ 

കുറ്റവാളികൾക്ക് രക്ഷ നിയമത്തിൻ്റെ വഴിയും കോടതിയും എന്ന് വന്നിരിക്കുന്നു.

"നിയമം നിയമത്തിൻ്റെ വഴിക്ക് നീങ്ങട്ടെ", "കോടതി ഉണ്ടല്ലോ" എന്നൊക്കെക്കേയുള്ള രാഷ്ട്രീയക്കാരൻ്റെയും കുറ്റവാളികളുടെയും സ്വരത്തിൽ അങ്ങനെയൊരു ഉറച്ച രക്ഷയുടെ ധ്വനിയുണ്ട്. 

നിയമത്തിൻ്റെ വഴി, കോടതി എന്നതൊക്കെ കുറ്റവാളികളുടെയും രാഷ്ട്രീയനേതൃത്വത്തിൻ്റെയും ഒഴികഴിവായി മാറുന്നു, മാറിയിരിക്കുന്നു എന്നത് അങ്ങനെ പറയുന്നതിൽ ഒളിഞ്ഞുകിടക്കുന്നു. 

കോടതിയെയും നിയമത്തിൻ്റെ വഴിയെയും എത്രവലിയ മറയായാണ്, രക്ഷയുടെ വഴിയായാണ് യഥാർത്ഥ കുറ്റവാളികളും രാഷ്ട്രീയനേതാക്കളും കാണുന്നതെന്ന് നോക്കൂ. 

കോടതിയിലൂടെയും നിയമവഴിയിലൂടെയും ഒന്നും ഒരു കുറ്റവും തെളിയില്ല, സത്യം വിജയിക്കില്ല, കുറ്റവാളികൾ ശിക്ഷിക്കപ്പെടില്ല എന്ന ഉറച്ച ധൈര്യം അങ്ങനെ പറയുന്ന യഥാർത്ഥ കുറ്റവാളികൾക്കുണ്ട്, രാഷ്ട്രീയനേതാക്കൾക്കുണ്ട്.

********

ജോമോൾ പറഞ്ഞത് കേട്ടില്ലേ? 

"വ്യക്തിപരമായി ദുരനുഭവം ഇല്ല" 

അതുകൊണ്ട് അതിജീവിതമാരുടെയോ 

ആവലാതി പറയുന്നവരുടെയോ 

കൂടെ നിൽക്കുന്നില്ല, 

AMMAയുടെയും ഒരായിരം കുറ്റവാളികളുടെയും കൂടെ നിൽക്കുന്നു എന്ന ധ്വനിയോടെ.

ജോമോൾക്ക് വ്യക്തിപരമായ ദുരനുഭവം ഇല്ലെന്ന് ജോമോൾ പറയുന്നത് കളവായിരിക്കട്ടെ, സത്യമായിരിക്കട്ടെ.

പക്ഷേ, അതുകൊണ്ട് മാത്രം ജോമോൾമാർ  അതിജീവിതമാരുടെയോ ആവലാതി പറയുന്നവരുടെയോ കൂടെ നിൽക്കുന്നില്ല, AMMAയുടെയും ഒരായിരം കുറ്റവാളികളുടെയും കൂടെ നിൽക്കുന്നു എന്ന നിലപാട് എത്ര സങ്കുചിതമാണ്, കപടമാണ്, സ്വാർത്ഥമാണ്? 

അതേ രംഗത്തുള്ള മറ്റുള്ളവരുടെ വിഷയവും പ്രയാസങ്ങളും ജോമോൾക്ക്, നമുക്കെല്ലാവർക്കും എന്നപോലെ, വിഷയമാകേണ്ടതല്ലേ, പ്രയാസമാകേണ്ടതല്ലേ? 

തെരഞ്ഞെടുപ്പുകളിൽ നാം വോട്ട് ചെയ്യുന്നത് നമ്മുടെ മാത്രം കാര്യം നോക്കിയാണോ? എല്ലാവർക്കും വേണ്ടിയല്ലേ?

രാജ്യത്തിൻ്റെയും ലോകത്തിൻ്റെയും വിഷയങ്ങളിൽ നാം ക്ഷുഭിതരാവുന്നതും പ്രതികരിക്കുന്നതും നമ്മുടെ മാത്രം കാര്യം നോക്കിയാണോ? എല്ലാവർക്കും വേണ്ടിയല്ലേ?

*******

ഈ കഴിഞ്ഞ പത്ത് വർഷങ്ങൾക്കിടയിൽ മഞ്ചുവാര്യർക്ക് കിട്ടിയതും പാർവ്വതി തെരുവോത്തിനും അവരുടെ കൂടെ നിന്നവർക്കും കിട്ടാതെ പോയതും ഒരേറെയാണ്. എന്തുകൊണ്ട്?

ഹേമ കമ്മിറ്റി റിപ്പോർട്ട്: ഞെട്ടുന്നുണ്ടോ, ഞെട്ടാൻ മാത്രമുണ്ടോ? ഇല്ല

ഹേമ കമ്മിറ്റി റിപ്പോർട്ട്: യഥാർത്ഥത്തിൽ ആരെങ്കിലും ഞെട്ടുന്നുണ്ടോ, ഞെട്ടാൻ മാത്രമുണ്ടോ? 

ഇല്ല. 

ആരും ഞെട്ടാൻ മാത്രം ഒന്നും ഹേമ കമ്മിറ്റി റിപ്പോർട്ടിൽ ഇല്ല. 

ആരും ഞെട്ടുന്നില്ല എന്ന് തന്നെയാണ് ഈയുള്ളവൻ്റെ ശക്തമായ നിരീക്ഷണം?

എന്തുകൊണ്ടില്ല?

എന്തുകൊണ്ട് ഇങ്ങനെ പറയുന്നു?

ഇപ്പോഴെന്നല്ല എപ്പോഴും എവിടെയും ഇതൊക്കെ നടക്കുന്നുണ്ട് എന്ന് ആദ്യമേ എല്ലാവർക്കും  അറിയാമെന്നതിനാൽ, ഉറപ്പുള്ളതിനാൽ. 

അങ്ങനെ നടക്കുന്നതിൽ ഒരുതരം അസ്വാഭാവികതയും ഇല്ലെന്ന് സാമാന്യബോധവും യുക്തിയും പ്രകൃതിപരതയെ മനസ്സിലാക്കുന്നത് വെച്ച് എല്ലാവർക്കും മനസ്സിലാക്കാം എന്നതിനാൽ. 

അക്രമത്തെയും അനീതിയെയും കണ്ടില്ലെന്ന് നടിക്കാതെ തന്നെ, ലഘൂകരിച്ച് കാണാതെ തന്നെയാണ് ഞെട്ടാതിരിക്കുന്നത്.

സ്ത്രീ പുരുഷന്മാർ പരസ്പരം ആകർഷിക്കുക, പ്രാപിക്കുക തീർത്തും സ്വാഭാവികം പ്രകൃതിപരം എന്നതിനാൽ.

സ്ത്രീ പുരുഷന്മാർ പരസ്പരം ആകർഷിക്കാതെയിരിക്കുകയാണ്, പ്രാപിക്കാതെയുമിരിക്കുകയാണ് തീർത്തും അസ്വാഭാവികം പ്രകൃതിവിരുദ്ധം എന്നതിനാൽ.

ഓരോരുവനും ഓരോരുത്തിയും സുന്ദരനും സുന്ദരിയും ആയി ആവുന്നത്ര ഒരുങ്ങുന്നത് ലൈംഗികമായി പാകമാണെന്നും വിത്ത് വിതറാനും വിത്ത് സ്വീകരിക്കാനും പാകമാണെന്നു ധ്വനിപ്പിക്കാൻ തന്നെയാണ്.

അപ്പുറത്തുള്ളത് സുന്ദരിയോ സുന്ദരനോ ആണെങ്കിൽ ലൈംഗികതാൽപര്യം വരുന്നില്ലെങ്കിലാണ് ഒരാളിൽ തകരാറ് സംശയിക്കേണ്ടത്. 

ലൈംഗികതാൽപര്യം വരുന്നില്ലെന്ന് പറയുന്നതാണ് കളവ്. 

അങ്ങനെ ലൈംഗികതാൽപര്യം വരുന്നില്ലെന്ന് പറയുന്നവൻ കളവ് പറയുകയാണ്. 

അല്ലെങ്കിൽ അയാൾ കാര്യമായ ചികിത്സക്ക് വിധേയനാകേണ്ടിയിരിക്കുന്നു. 

കൂടെ എപ്പോഴും ഉള്ള ഭാര്യയോടും ഭർത്താവിനോടും ലൈംഗികത തോന്നുന്നുണ്ടെങ്കിൽ പിന്നെ ഒരാൾക്ക് ന്യായമായ സൗന്ദര്യമുള്ള ഏത് സ്ത്രീയോടും പുരുഷനോടും തോന്നും. എന്നല്ല, ഭാര്യ അല്ലാത്തവരോടും ഭർത്തവല്ലാത്തവരോടും ആദ്യം തോന്നും. ഇതൊരു പകൽവെളിച്ചം എല്ലാവരും വ്യക്തമായി അറിയുന്ന കാര്യം.

പലരും പലതിനും മുതിരാത്തത് താല്പര്യമില്ലാത്തത് കൊണ്ടോ ധാർമ്മികബോധം കൊണ്ടോ അല്ല, പകരം എപ്പോഴെങ്കിലും ചോദ്യം ചെയ്യപ്പെടും, ഉത്തരവാദപ്പെടേണ്ടി വരും എന്ന ബോധം കൊണ്ടും അതിലെ ദൂരവ്യാപക പ്രത്യാഘാതം ഓർത്തിട്ടും ചുറ്റിപാടിനെ ഭയന്നിട്ടും മാത്രമാണ്.

എന്നിരിക്കെ, ഹേമ കമ്മറ്റി റിപ്പോർട്ട് വന്നപ്പോൾ മാത്രം പൊതുമധ്യത്തിൽ കാണുന്ന ഞെട്ടലും ചീറ്റലും മറ്റുമൊക്കെ എന്താണ്?

വളരെ കൃത്രിമമായത്. വെറും അഭിനയം, കാപട്യം. 

സ്വകാര്യതയിൽ കാണിക്കുന്ന മര്യാദരാഹിത്യവും സദാചാരവിരുദ്ധതയും അധാർമ്മികതയും വേറെ പൊതുമധ്യത്തൽ അഭിനയിച്ച് വരുത്തുന്ന മര്യാദയും സദാചാരവും ധാർമ്മികതയും വേറെ എന്നതിനാൽ.

ലൈംഗിക, സാമ്പത്തിക, അധികാര കാര്യത്തിൽ ഓരോരുത്തരും അവനവൻ്റെ നിസ്സഹായതയേയും പേടിയെയും കഴിവുകേടിനെയും അസൂയയയെയും വലിയ ആദർശമാക്കി, നിലപാടാക്കി പൊതുമാധ്യത്തിൽ അവതരിപ്പിക്കുന്നു, ഞെട്ടലാക്കി മാറ്റുന്നു എന്നതിനാൽ.

കൃത്രിമമായത് മാത്രം കണ്ടും കേട്ടും പറഞ്ഞും ചെയ്തും ജീവിതമാക്കി ശീലിച്ച മനുഷ്യർ സ്വാഭാവികമായതും പ്രകൃതിപരമായതും കണ്ടാലും കേട്ടാലും ഞെട്ടുന്നു എന്നും മാത്രം.

കൃത്രിമമായി ഉണ്ടാക്കിയെടുത്ത കൃത്രിമ പ്ളാൻേറഷനുകളും തോട്ടങ്ങളും കണ്ട് വളർന്ന് ശീലിച്ചവർ സ്വാഭാവികവും പ്രകൃതിപരവും അരാജകവുമായി വളരുന്ന കാട് കണ്ടാൽ ഞെട്ടുന്നത് പോലെ മാത്രം. 

Frozen chicken മാത്രം കണ്ട് വിദേശത്ത് വളർന്ന കുട്ടിയുടെ കഥപോലെ തോന്നുന്നു ഇതൊക്കെ കാണുമ്പോൾ. നാട്ടിലെ ജീവനുള്ള ഓടിനടക്കുന്ന കോഴികളെ കാണുമ്പോൾ "അമ്മേ ഇതാ നടക്കുന്ന കോഴികൾ" എന്ന് പറഞ്ഞമ്പരന്ന് ഞെട്ടുന്ന കൊച്ചു കുട്ടിയെ പോലെ. അത്രക്ക് തീർത്തും അസംബന്ധമായ ഞെട്ടൽ.

കാരണം മറ്റൊന്നുമല്ല. 

പ്രകൃതിപരത സ്വാഭാവികതയിലാണ്. 

സ്വാഭാവികത പ്രകൃതിപരതയിലുമാണ്.

സ്വാഭാവികതയും പ്രകൃതിപരതയും  യഥാർത്ഥത്തിൽ അരാജകമാണ്, 

അരാജകം, സ്വാഭാവികത, പ്രകൃതിപരം എന്നത് അഭിനയങ്ങളും കൃത്രിമത്വവും ഇല്ലാത്തത്. 

ആചാരവും രാജകവും നിയന്ത്രണവും കൃത്രിമമാണ് അസ്വാഭാവികമാണ്. 

മനുഷ്യസമൂഹത്തെ ഇത്രയും വളർത്തിയതും വ്യവസ്ഥിതിയും നിയമവും ഉണ്ടായതും ഉണ്ടാക്കിയതും നിലനിർത്തുന്നതും ഈ തീർത്തും കൃത്രിമമായ ആചാരങ്ങളും രാജകത്വവും നിയന്ത്രണങ്ങളുമാണ്.

സ്വാഭാവികതയും പ്രകൃതിപരതയും തന്നെയായ അരാജകത്വം കാണുമ്പോൾ മനുഷ്യൻ ഞെട്ടണം എന്ന് വരുത്തിയതും, ഞെട്ടുന്ന, പ്രതികരിക്കുന്ന കോലത്തിൽ മനുഷ്യനെ ആക്കിയതും, മനുഷ്യനെ വല്ലാതെ സ്വാധീനിച്ച, കൃത്രിമരും കപടരും അഭിനയിക്കുന്നവരും ആവാൻ നിർബന്ധിച്ച കുട്ടിക്കാലത്തെ പഠിപ്പിച്ചു കിട്ടിയ മനുഷ്യൻ്റെ തന്നെ വ്യവസ്ഥിതിയാണ്, മതമാണ്, മതപുരോഹിതരാണ്, മതപാഠങ്ങളാണ്, സദാചാരമെന്ന് സൽപ്പേരിട്ട അസംബന്ധങ്ങളാണ്. 

സ്വാഭാവികതയും പ്രകൃതിപരതയും പാപമാണ് തെറ്റാണ് എന്ന് പഠിപ്പിച്ച, പരിശീലിപ്പിച്ച മനുഷ്യൻ്റെ തന്നെ വ്യവസ്ഥിതി, സദാചാരം, മതം, പാഠം.

********

എങ്കിൽ സിനിമാ രംഗത്ത് നടക്കുന്നു എന്ന് പറയുന്നത് ഒരപവാദമല്ല. 

എല്ലാ രംഗത്തും വ്യത്യസ്തമായ കോലത്തിൽ അവ നടക്കുന്നു. 

അതിൽ ലൈംഗികത മാത്രം നമ്മൾ എടുത്തുപറയുന്നു. 

എന്തുകൊണ്ട്?

ഏറ്റവും കൂടുതൽ നിഷേധിക്കപ്പെടുന്നത് നമ്മെ ഏറ്റവും അധികം വേട്ടയാടുന്നു എന്നതിനാൽ.

*********

ചില ചെറിയ ഉദാഹരണങ്ങൾ പറയാം. 

സത്യസന്ധൻ രാഷ്ട്രീയത്തിൽ വളരില്ല. 

അടിമുടി വെട്ടിയും കുത്തിയും അക്രമം നടത്തി മുന്നോട്ട് പോയവൻ മാത്രം, കൂട്ടിക്കൊടുക്കുന്നവനും പലതും കണ്ടില്ലെന്ന് നടിക്കുന്നവനും മാത്രം രാഷ്ട്രീയത്തിൽ തഴച്ചു വളരുന്നു. 

എന്തുകൊണ്ട്? 

വളർത്തുന്നവർക്ക് പ്രത്യുപകാരം കിട്ടില്ല എന്നത് കൊണ്ട്. 

ഇത് പല കോലത്തിൽ സിനിമാ രംഗത്തിനും ബാധകം.

ഒരൊറ്റ പ്രസാധകനും ഒരു പുതിയ എഴുത്തുകാരന് അവരുടെ വലിയ മാർക്കറ്റ് കൊടുക്കില്ല. 

ഒരു എഴുത്തുകാരനെയും ഒരു പ്രസാധകനും എഴുത്തുകാരൻ്റെ കഴിവും സിദ്ധിയും കണ്ട് മാത്രം എഴുത്തുകാരനായി വളർത്തില്ല. 

കാലാകാലമായി അവരുടെ ശ്രമവും സമ്പത്തും ചിലവഴിച്ച് ഉണ്ടാക്കിയെടുത്ത മാർക്കറ്റും വായനക്കാരും പ്രശസ്തിയും ഒരു പ്രസാധകനും ഒരു പുതിയ എഴുത്തുകാരൻ്റെ രചനകൾ മാത്രം നേരെചൊവ്വേ നോക്കി വിലയിരുത്തി പ്രസിദ്ധീകരിച്ച് കൊടുക്കില്ല (സർഗാത്മകതയും ഉള്ളടക്കവും കൊണ്ട് വളരെ നല്ലതും ലോകോത്തരവും തന്നെയാണെങ്കിലും). അവർക്കതിന് തക്കതായ പ്രത്യുപകാരം കിട്ടണം. 

അതിനാൽ തന്നെ പുതിയതെന്ന് അവർ കരുതുന്ന എഴുത്തുകാരൻ്റെ എത്രയെല്ലാം വ്യത്യസ്തമായ നല്ല രചനകളെയും അത്തരം പ്രസാധകർ ഒന്ന് തിഞ്ഞുപോലും നോക്കാതെ തിരസ്‌കരിക്കുന്നു, എന്ന് മാത്രമല്ല, ഒന്ന് വായിച്ചു നോക്കുക പോലും ചെയ്യാതെ. 

കുറ്റം പറയാൻ സാധിക്കില്ല. ആർക്ക് സാധിക്കും, ആർക്ക് മനസ്സ് വരും എല്ലാം വായിച്ചുനോക്കാൻ?

എന്തുകൊണ്ട്?

അവർക്ക് നേട്ടമുള്ള പരിപാടിക്ക് മാത്രമേ അവർ നിൽക്കൂ. 

ഒരു നേട്ടവും ഇല്ലാത്ത പരിപാടിക്ക് ആരും അവരുടെ ഊർജവും കഴിവും സമ്പത്തും ചിലവഴിച്ച് നിന്നുകൊടുക്കില്ല (അത്രക്ക് വലിയ സൗഹൃദം ഇല്ലെങ്കിൽ, എല്ലാം നഷ്ടപ്പെട്ടുകൊണ്ടും നൽകുന്നത് സൗഹൃദം മാത്രം).

എഴുത്തുകാരന് അവൻ്റേതായ മാർക്കറ്റും പ്രശസ്തിയും വായനക്കാരും ഒരേറെ നിലവിൽ അവൻ്റെ കൈവശം ഇല്ലെങ്കിൽ ആരും അവനെ ഗൗനിക്കില്ല. 

അങ്ങനെ ഉണ്ടെങ്കിൽ മാത്രമേ, ഒരു കൊടുക്കൽ വാങ്ങൽ അടിസ്ഥാനത്തിൽ, ഏത് ചപ്പും ചവറും അത്തരം പ്രസാധകർ ആവർത്തിച്ച് പ്രസിദ്ധീകരിക്കുകയുള്ളൂ.

ഇത് തന്നെയാണ് സംവിധായകരും നിർമ്മാതാക്കളും സിനിമാരംഗത്ത് വേറെ കോലത്തിൽ ചെയ്യുന്നത്. 

പ്രത്യുപകാരം കിട്ടാതെ ആരെയും ആരും അവരുടെ കഴിവ് കണ്ട് അംഗീകരിച്ച് വളർത്തുകയില്ല. 

അവരുടെ പണവും കഴിവും അധികാരവും ഉപയോഗിച്ച് മറ്റുള്ളവരെ വളർത്തിക്കൊടുക്കാൻ മാത്രം ആത്മാർഥതയും സത്യസന്ധതയൂം ഒന്നും ആരും ആരോടും കാണിക്കില്ല. 

അങ്ങനെ വരുമ്പോൾ, അത് സുന്ദരികളായ നടികളിൽ നിന്നാവുമ്പോൾ, അവർ ആഗ്രഹിക്കുന്നതും നേടുന്നതും നടികൾ കൊടുക്കുന്നതും കൊടുക്കാൻ തയ്യാറാവുന്നതും അവർക്ക് സാധിക്കുന്നത് മാത്രമായിരിക്കും. 

തീർത്തും പരസ്പര ധാരണയുടെ അടിസ്ഥാനത്തിൽ മാത്രം.

തീർത്തും പ്രകൃതിപരമായതും സ്വാഭാവികമായതും മാത്രം.

ഇത് നടക്കുക സ്വാഭാവികം. 

തീർത്തും സ്വഭാവികായ ഈ കൊടുക്കൽ വാങ്ങൽ നടക്കാതിരിക്കുന്നുവെങ്കിൽ മാത്രമാണ് നമ്മൾ ഞെട്ടേണ്ടത്. അല്ലാതെ നടക്കുമ്പോഴല്ല.

പലപ്പോഴും ഇത്തരം കൊടുക്കൽ വാങ്ങലുകൾ പരസ്പര ധാരണയോടെ നടന്നിട്ടും ഉദ്ദിഷ്ടനേട്ടം കിട്ടാതെ പരാജയപ്പെടുമ്പോൾ മാത്രം നടക്കുന്നതാണ് ഇരവാദവും പീഢനവാദവും, 

അല്ലെങ്കിൽ ഇങ്ങനെയുള്ള കൊടുക്കൽ വാങ്ങൽ നൽകിയത് വെച്ച് വളർന്ന് പന്തലിച്ച് മുന്നോട്ട് പോകും എല്ലാവരും. 

കണ്ണടച്ച് പാൽ കുടിക്കുന്ന പൂച്ചയെ പോലെ. 

താൻ കണ്ണടച്ചത് കൊണ്ട് താൻ ഇരുട്ടിലാണ്, തന്നെ ആരും കാണുന്നില്ലെന്ന പൂച്ചയുടെ ഉത്തമബോധ്യം വെച്ച്.

******

ഒരാണും പെണ്ണും ഒറ്റക്കായാൽ അവർക്കിടയിൽ പിശാചുണ്ടാവും എന്ന് പണ്ടൊരു പ്രവാചകൻ പറഞ്ഞു. 

ആ പ്രവാചകൻ പറഞ്ഞതിലെ പിശാച് എന്ന വാക്കിനെ സ്വാഭാവികത, അരാജകത്വം എന്നൊക്കെയാക്കി മാറ്റിയാൽ സംഗതി എക്കാലത്തും നമ്മൾ മനസ്സിലാക്കുന്ന കാര്യമായി. 

ഒരാണും പെണ്ണും ഒറ്റക്കായാൽ അവർക്കിടയിൽ അവർക്കിടയിൽ സമൂഹം സദാചാരം എന്നീ പേടികൾ ഇല്ലെങ്കിൽ, മറ്റൊരു തടസ്സവും ഇല്ലെങ്കിൽ അരാജകത്വം എന്ന് നാം പേരിട്ട് വിളിക്കുന്ന ലൈംഗികത ഒരളവോളം വാഴും എന്നർത്ഥം.

സ്വാഭാവികതയുടെ ചിറക് മുറിച്ച് നിയന്ത്രിച്ച് അഭിനയിച്ച് കഴിയുന്നതിനെ നമ്മൾ സംസ്കാരം, പക്വത, മതം, സദാചാരം എന്നൊക്കെ പേരിട്ട് വിളിച്ചു. 

അതിനാൽ തന്നെ കൂടുതൽ സംസ്കാരവും പക്വതയും ഉള്ള ആൾ കൂടുതൽ സ്വാഭാവികതയെ തടഞ്ഞുനിർത്തി നിയന്ത്രിച്ച് അഭിനയിച്ച് ജീവിക്കുന്നവനാകും. 

പ്രകൃതിപരമായത് ഒളിച്ചുവെക്കുന്നതിനെ നാം സംസ്കാരം എന്ന് പേര് വിളിച്ചു. 

ചിറക് മുറിച്ച് പറക്കാതിരിക്കുന്നതിനെ നാം വലിയ കാര്യമായി കണ്ടു. 

എന്നാലോ അങ്ങിങ്ങ് ചിറക് വീണ്ടും മുളക്കുന്നു. 

അങ്ങിങ്ങ് സ്വാഭാവികമായതും പ്രകൃതിപരമായതും ഒളിഞ്ഞും തെളിഞ്ഞും തികട്ടിവരുന്നു .

******

ബംഗ്ലാദേശ്: ഇന്ത്യയുടെ വിദേശനയം പരാജയപ്പെടുന്നത് കൂടിയാണ്.

ഇന്ത്യയുടെ വിദേശനയം അമ്പേ പരാജയപ്പെടുന്നത് കൂടിയാണ് ബംഗ്ലാദേശ് തരുന്ന സൂചനയും പാഠവും. 

നമ്മേക്കുറിച്ച് നമുക്കിടയിലും നമ്മുടെ നാട്ടിനുള്ളിലും നമ്മൾ വീമ്പിളക്കുന്നത് മാത്രം മിച്ചം. ബാക്കി മുഴുവൻ നഷ്ടം. 

ഇന്ത്യൻ വിദേശനയം അയൽരാജ്യങ്ങളെ കൂടെനിർത്താൻ പര്യാപ്തമാവുന്നില്ല എന്നത് മാത്രമല്ല, പകരം അയൽ രാജ്യങ്ങളെ മുഴുവൻ ഇന്ത്യയിൽ നിന്ന് കൂടുതൽ അകറ്റി ശത്രുക്കളാക്കാൻ കൂടുതൽ പര്യാപ്തമാവുകയും ചെയ്യുന്നു.

അതുവഴി നമ്മൾ ചൈനക്ക് കാര്യങ്ങൾ എളുപ്പമാക്കിക്കൊടുക്കുകയും ചെയ്യുന്നു. 

ശ്രീലങ്കയും നേപ്പാളും ബംഗ്ലാദേശും പാക്കിസ്ഥാനും ഒക്കെ നമ്മളിൽ നിന്നും ദിനേനയെന്നോണം അകന്നകന്നു പോയി ഇപ്പോൾ ഏറെക്കുറെ ചൈനയുടെ വഴിയിലാണ്. നമ്മൾ തന്നെയും ചൈനയുടെ മുൻപിൽ മുട്ട് മടക്കിയും പലതും പുറത്ത് പറയാനാവാത്തവിധം (നമ്മുടെ ഒന്നും മനസ്സിലാകാത്ത നാട്ടുകാരുടെ മുൻപിൽ വീമ്പ് പറഞ്ഞ് വയറ് നിറച്ച്) നഷ്ടപ്പെട്ട് കൊണ്ടുമാണ്.

മേമ്പൊടിക്ക് വെറുതേ "വസുധൈവ കുടുംബകം* എന്നും "ലോകാ സമസ്താ സുഖിനോ ഭവന്തു" എന്നുമൊക്കെ നമ്മൾ നമ്മളെ സുഖിപ്പിക്കാൻ മാത്രം നാം പുട്ടിനു തേങ്ങ എന്ന പോലെ ഉരുവിട്ടുകൊണ്ടിരിക്കുമെങ്കിലും സംഗതി നമ്മൾ വെറുപ്പും വിദ്വേഷവും മാത്രം ഉത്പാദിപ്പിച്ച്, ഇരുട്ട് കൊണ്ട് ഓട്ടയടച്ചും പുകമറ ഉണ്ടാക്കിയും നഷ്ടത്തിൻ്റെ വഴിയിൽ മുന്നേറുകയാണ്.

ഇന്ത്യയുടെ ഉള്ളിൽ പോലും വെറുപ്പും വിഭജനവും മാത്രം നടത്തുന്ന നമ്മുടെ വൃത്തികെട്ട അധികാരരാഷ്ട്രീയം ഫലത്തിൽ ഉള്ളിലും പുറത്തും വിപരീതഫലങ്ങൾ മാത്രം നമുക്ക് ഉണ്ടാക്കിത്തരുന്നു. 

നമ്മുടെ ഇത്തരം വെറുപ്പും വിഭജനവും മാത്രം നടത്തുന്ന വൃത്തികെട്ട അധികാരരാഷ്ട്രീയം ഒരു പ്രതിപ്രവർത്തനം പോലെ അയൽരാജ്യങ്ങളെയും വൃത്തികെടുത്തുന്നു.

അവരെയും പ്രതികരണപരമായി അത് കൂടുതൽ തീവ്രവാദവൽക്കരിക്കുന്നു..

ഇന്ത്യക്ക് ഇന്ത്യയുടെ ഉളളിൽ തന്നെ ഇന്ത്യക്കാരായ ജനങ്ങളിൽ നിന്ന് ഭീഷണി ഉണ്ടെന്ന് പറഞ്ഞ് , ഇന്ത്യക്കാരുടെ മനസ്സിൽ ഭീതിയും സംശയവും വെറുപ്പും വിഭജനവും ഉണ്ടാക്കിയ നാം പൂക്കിപ്പറയുന്ന് ഉഗ്രദേശീയതയുടെ, ഇന്ത്യക്കാരിൽ ഒരു വലിയ വിഭാഗത്തെ രാജ്യദ്രോഹികളെ പോലെ കാണുന്ന ഈ വെറുപ്പിൻ്റെയും വിഭജനത്തിൻ്റെയും രാഷ്ട്രീയമാണ് ഇന്ത്യൻ വിദേശ നയത്തിൻ്റെയും മുനയൊടിച്ചത്.

സ്വന്തം ജനങ്ങളെ തന്നെ തമ്മിൽ വെറുപ്പിക്കുകയും തമ്മിൽ തല്ലിക്കുകയും ചെയ്യുന്ന വൃത്തികെട്ട ആഭ്യന്തരരാഷ്ട്രീയം കളിക്കുന്ന ഒരു ഭരണകൂടത്തിന് എങ്ങിനെ ഒരു നല്ല വിദേശനയം സാധിക്കും, എങ്ങിനെ നല്ല അയൽവാസികളെ ഉണ്ടാക്കാനും ഒരുമിപ്പിച്ച് കൊണ്ടുനടക്കാനും സാധിക്കും, എങ്ങിനെ അയൽ രാജ്യങ്ങളെ സ്നേഹിക്കാൻ സാധിക്കും?

********

ജാതിസമ്പ്രദായം മാത്രമേ ഇന്ത്യയിൽ ഒരു മതമായി നിലനിന്നിരുന്നിട്ടുള്ളൂ, ഇപ്പോഴും നിലനിൽക്കുന്നുള്ളൂ. 

ജാതി എന്ന മതം ജനങ്ങളെ പരസ്പരം ഭിന്നിപ്പിച്ച് നിർത്തി, ഇന്ത്യയെ ആർക്കും വന്ന് ആക്രമിച്ച് കീഴടക്കാൻ പരുവത്തിലാക്കി. 

ഇപ്പിപ്പോൾ ഇസ്ലാംവിരുദ്ധത വെച്ച് ഇസ്ലാം പോലെ തന്നെയുള്ള ഒരു മതമായി മാറ്റാൻ ആരൊക്കെയോ ശ്രമിക്കുന്നുണ്ട് എന്ന് മാത്രം.

ജാതി മാറാൻ സാധിക്കില്ല. ഇസ്ലാമിൽ ജാതി ഇല്ല. സുന്നി, ഷിയാ, മുജാഹിദ്, ജമാഅത്ത് എന്നത് അഭിപ്രായ വ്യത്യാസങ്ങൾ

ജാതി മാറാൻ സാധിക്കില്ല. 

മതം മാറാൻ ആർക്കും സാധിക്കും. 

ജാതി മാറാൻ സാധിക്കില്ല, മതം മാറാൻ സാധിക്കും എന്നത് കൊണ്ടാണ് മതം മാറി തന്ത്രത്തിൽ ജനങ്ങൾ ജാതി മാറിയതും ആ വഴിയിൽ ജാതീയമായ ചൂഷണത്തിൽ നിന്നും ഉച്ചനീചത്വങ്ങളിൽ നിന്നും രക്ഷപ്പെട്ടതും തുല്യമനുഷ്യരായതും.

ഇസ്ലാമിൽ ജാതി ഇല്ല. മനുഷ്യരെല്ലാവരും ഒന്ന്.

ഇസ്‌ലാമും മുസ്ലികൾക്കിടയിലെ ഒരു വിഭാഗവും ജാതിയല്ല. മനുഷ്യർക്കിടയിലെ ഉയർച്ച താഴ്ചയല്ല.

ആർക്കും വിശ്വസിക്കാനും തള്ളാനും സാധിക്കുന്ന അഭിപ്രായവ്യത്യാസങ്ങളും വിശ്വാസക്രമങ്ങളും മാത്രം (ശേഷം മുസ്ലിംകൾ അതാതിടങ്ങളിൽ  അതിനെ കുടിസ്സാക്കി മാറ്റിയെങ്കിലും) ഇസ്‌ലാം മതവും അതിനുള്ളിൽ യഥാർത്ഥത്തിൽ ഇല്ലാതെ കാലക്രമത്തിൽ ഉണ്ടായ അവാന്തരവിഭാഗങ്ങളും..

സുന്നി, ഷിയാ, മുജാഹിദ്, ജമാഅത്ത് ഇസ്ലാമി, എന്നതൊക്കെ ചില വിശയത്തിലുണ്ടായ അഭിപ്രായ വ്യത്യാസങ്ങൾ മാത്രം മൂലമുണ്ടായ അവാന്തരവിഭാഗങ്ങൾ മാത്രമല്ലാതെ ജാതികൾ അല്ല . ഇസ്ലാമിനുള്ളിൽ യഥാർത്ഥത്തിൽ ഇല്ലാത്തത്.

പ്രത്യേകിച്ചും കർമശാസ്ത്ര കാര്യങ്ങളിലും, രാഷ്ടീയകാര്യങ്ങളിലുമുള്ള അഭിപ്രായവ്യത്യാസങ്ങൾ മാത്രമാണ് സുന്നി, ഷിയാ, മുജാഹിദ്, ജമാഅത്ത് ഇസ്ലാമി എന്നതൊക്കെ.

ഒരാൾക്ക് ഒന്നിൽ നിന്ന് മറ്റേതിലേക്ക് മാറിപ്പോകാം, തെരഞ്ഞെടുത്ത് മാറിപ്പോകുന്നതിനുള്ള സ്വാതന്ത്ര്യം ഉണ്ട്. 

ജന്മം കൊണ്ട് ഓരോരുത്തരും സ്വതന്ത്രരാണ് എന്നത് ഇസ്‌ലാമിൻ്റെ അടിസ്ഥാന തത്വം.

സുന്നി, ഷിയാ, മുജാഹിദ്, ജമാഅത്ത് ഇസ്ലാമി, എന്നതൊക്കെ വെറും തെരഞ്ഞെടുപ്പ് മാത്രം. അതുകൊണ്ടാണ് പരമാവധി തെരഞ്ഞെടുപ്പിക്കാനും തിരുത്താനുമായി മുസ്ലിംകൾക്കിടയിലെ ഓരോ വിഭാഗവും മറുവിഭാഗവുമായി തർക്കിക്കുന്നത്, വാഗ്വാദങ്ങൾ സംഘടിപ്പിക്കുന്നത്, പ്രചാരണം നടത്തുന്നത്. നമ്മുടെ നാട്ടിലെ രാഷ്ട്രീയ പാർട്ടികൾ നടത്തുന്നത് പോലെ തന്നെ. പരമാവധി ആളുകളെ തങ്ങളുടെ പാർട്ടിയിൽ കയറ്റാൻ. അതിനുള്ള തെരഞ്ഞെടുപ്പ് സ്വാതന്ത്ര്യം (ജാതി പോലെ അല്ലാത്തതിനാൽ) എല്ലാവർക്കും ഉണ്ടെന്ന് അടിസ്ഥാനപരമായി തന്നെ കരുത്തുന്നതിനാൽ

ജനനം കൊണ്ട് കിട്ടുന്നതും കൊണ്ടുനടക്കേണ്ടതുമല്ല സുന്നി, ഷിയാ, മുജാഹിദ്, ജമാഅത്ത് ഇസ്ലാമി എന്നതൊന്നും. ഒരു വിശ്വാസവും അങ്ങനെയല്ല, അങ്ങനെ ആയിക്കൂടാ.

സിപിഐയും സിപിഎമ്മും കോൺഗ്രസ്സും പോലെയൊക്കെ വേറെ വേറെ പാർട്ടികൾ മാത്രം സുന്നി, ഷിയാ, മുജാഹിദ്, ജമാഅത്ത് ഇസ്ലാമി, എന്നിവ. 

ആർക്കും എപ്പോഴും തെരഞ്ഞെടുക്കാം, കയറിയിറങ്ങാം, എങ്ങോട്ടും ഇറങ്ങിപ്പോകാം.

മുസ്ലിമിൻ്റെ മക്കൾ ആയത് കൊണ്ട് മാത്രം ആരും മുസ്‌ലിം ആവില്ല. 

സുന്നിയുടെ മക്കൾ സുന്നിയും ഷിയായുടെ മക്കൾ ഷിയായും ആവില്ല. 

ജാതിയുടെ കാര്യത്തിൽ സംഭവിക്കുന്നത് പോലെ മുസ്ലിമും സുന്നിയും ഷിയായും ആവുന്നത് ജന്മം കൊണ്ടല്ല, തെരഞ്ഞെടുപ്പ് കൊണ്ട് മാത്രമാണ്. 

മഹാഭൂരിപക്ഷവും ആ തെരഞ്ഞെടുപ്പ് സ്വാതന്ത്ര്യം നടപ്പാക്കാതെ അനുകരിച്ച് ജന്മം മൂലം കിട്ടിയത് വെച്ച് തുടരുന്നുവെങ്കിലും സംഗതിയുടെ കിടപ്പ് അങ്ങനെയാണ്. 

എല്ലാവരുടെയും ജന്മം നിശ്ചയിക്കുന്നു മതവിശ്വാസം എന്ന തോന്നൽ ഉണ്ടാക്കുന്നത് അത്തരം  സ്വാതന്ത്ര്യം നടപ്പാക്കാതവരാണ്.

ഓരോ മുസ്ലിമിനും മുസ്ലിമാവാൻ "അഷ്ഹദു അൻ ലാഇലാഹ ഇല്ലല്ലാഹ്" എന്ന് പലപ്പോഴായി ആവർത്തിച്ച് പറയണം. അത് പലപ്പോഴായി പറയുക നിർബന്ധവും ആണ്.

താത്കാലികമായി കുട്ടികൾക്ക് തെരഞ്ഞെടുപ്പില്ല എന്നതിനാൽ മാതാപിതാക്കളെ പോലെയാകുന്നു എന്ന് മാത്രം. 

ഭാവിയിൽ അവരുടെ തെരഞ്ഞെടുപ്പ് പോലെ അവർക്ക് അഭിപ്രായം മാറി ആവുകയും ആവാം.

********

മുസ്ലിംകൾക്കിടയിൽ കാണുന്ന പാർട്ടികളും വിഭാഗങ്ങളും പരസ്പരം ഉണ്ടായ അഭിപ്രായവ്യത്യാസങ്ങൾ മാത്രമാണ്.

വിചാരിക്കുമ്പോൾ മാറിക്കൂടാത്തതല്ല അവ.

ഏതെങ്കിലും വേദമോ ഗ്രന്ഥമോ നിർദേശിച്ചത് പോലെ ഉണ്ടായവയല്ല ആ പാർട്ടികളും വിഭാഗങ്ങളും. 

ശാഖാപരമായ കർമശാസ്ത്ര രാഷ്ടീയ വിഷയങ്ങളിലെ അഭിപ്രായ വ്യത്യാസങ്ങൾ മാത്രം കൊണ്ട് മാത്രം അവർ പാർട്ടികളായി മാറി

ഒരു മുസ്ലിമിനും ജന്മം കൊണ്ട് കിട്ടിയ ഒരേയൊരു പാർട്ടിയിലും വിഭാഗത്തിലും തന്നെ ആയിക്കൊള്ളണമെന്നില്ല.

ആർക്കും എപ്പോഴും വേണ്ടെന്ന് വെക്കാം, വിഭാഗം മാറാം, പാർട്ടി മാറാം.

നമ്മുടെ നാട്ടിൽ രാഷ്ട്രീയ പാർട്ടിക്കാർ പാർട്ടി മാറുന്നത് പോലെ തന്നെ മുസ്‌ലിംകളിൽ നിങൾ കാണുന്ന പാർട്ടി ഏതൊരു മുസ്ലിമിനും മാറാം. അങ്ങനെ മാറാനും മാറ്റാനുമാണ് അവർക്കിടയിൽ ആശയപരമായ വാഗ്വാദങ്ങളും തർക്കങ്ങളും ഉണ്ടാവുന്നത്

കേരളത്തിലെ പഴയ സുന്നികൾ മാറിയാണ് മുജാഹിദും ജമാത്തും ഇവിടെ വളർന്നത്. അങ്ങനെ മാറാൻ സാധിക്കും എന്നർത്ഥം.

പല മറ്റ് മതസ്ഥരും സുന്നി, ഷിയാ, മുജാഹിദ്, ജമാഅത്ത് ഇസ്ലാമി, എന്നത് സംബന്ധിച്ച് ഒന്നും മനസ്സിലാവാതെ, ഹിന്ദു വിഭാഗാത്തിലുള്ളത് വെച്ച് എന്തോ മുൻധാരണയിൽ കുടുങ്ങി എന്തോ തെറ്റിദ്ധരിച്ച മട്ടിലാണ്  സംസാരിക്കുന്നത്.

മുസ്ലിമായ ആർക്കും ഏത് വിഭാഗത്തിൽ നിന്നും മതപരമായി കല്യാണം ചെയ്യാം.

ആളുകൾ അവരുടെ കുടുംബ, സാമ്പത്തിക മഹിമയും പദവിയും അഹങ്കാരവും താൻപ്രമാണിത്തവും വെച്ച് അതുപോലുള്ള വിവാഹം നോക്കുന്നത് അവരുടെ മാത്രം പ്രശ്നമാണ്. വിശ്വാസപരമായോ ഇസ്‌ലാമികമായോ വിളക്കുള്ളത് കൊണ്ടല്ല.

അങ്ങനെ മാത്രം ഒസ്സാനും മുക്കുവനും ഒക്കെ.

അല്ലാതെ മുൻകൂട്ടി വേദവും ഗ്രന്ഥവും വെച്ച് നിശ്ചയിച്ച ജാതിയും തൊട്ടുകൂടായ്മയും വിരോധവും അല്ല അവ.

മുക്കുവനെയോ ഒസ്സാൻകാരനെയോ കല്യാണം കഴിച്ചുകൂടെന്ന വിലക്കോ നിർദേശമോ മുസ്‌ലിംകൾക്ക് എവിടെയും ഇല്ല.

തൊഴിലധിഷ്ഠിത വിഭജനം തന്നെ ഇസ്ലാമിൽ ജനങ്ങൾക്കിടയിൽ ഇല്ല.

എല്ലാവരും ആദമിൽ നിന്ന് ആദം മണ്ണിൽ നിന്ന്, അറബിക്ക് അനറബിയുടെയോ വെളുത്തവന് കറുത്തവൻ്റെയോ മേൽ ഒരുതരം മേൽക്കോയ്മയും ശ്രേഷ്ഠതയും ഇസ്ലാമിൽ ഇല്ല. എല്ലാവർക്കും തോളോട് തോളൂരുമ്മി ഒരേ നിരയിൽ നിൽക്കാം

സിപിഎംകാരൻ കോൺഗ്രസ് പാർട്ടി ഓഫീസിൽ പോകാത്തത് പോലെയേ ഉള്ളൂ അവർ മറ്റുള്ളവരുടെ പള്ളികളിൽ പോകാത്തത്.

പോകാൻ തയ്യാറായാൽ ആർക്കും പോകാം. ആർക്കും ഒരു വിലക്കുമില്ല. പുണ്യാഹം തളിച്ച് വൃത്തിയാക്കേണ്ടി വരില്ല.

പാർട്ടി മാറി പോകുന്നത് പോലെയും ആർക്കും ഏത് വിഭാഗത്തിലേക്കും പള്ളിയിലേക്കും പോകാം.

********

തങ്ങൾ വിഭാഗം ഇല്ല. 

അറബ് ലോകത്ത് പോയാൽ അങ്ങനെയൊരു വിഭാഗമേ ഇല്ല.

ഇസ്‌ലാമിക വിശ്വാസമോ വേദഗ്രന്ഥമോ പ്രവാചകചര്യയോ വചനങ്ങളോ തങ്ങൾ എന്ന ഒരുവിഭാഗം ഉണ്ടെന്ന് പറയുന്നില്ല, സമ്മതിക്കുന്നില്ല  എന്ന് മാത്രമല്ല, മനുഷ്യരാകെയും ഒരൊറ്റ വിഭാഗമാണെന്ന് ശക്തിയുക്തം പറയുകയും സമർത്ഥിക്കുകയും ചെയ്യുന്നു

ഇന്ത്യയിലെ വിവരക്കേടാണ് തങ്ങൾ വിഭാഗം. 

ഇല്ലാതുണ്ടായ മുസ്‌ലിംകളുടെ ഇടയിലെ പൗരോഹിത്യം പോലെ.

*******

ജാതിസമ്പ്രദായം മാത്രമേ ഇന്ത്യയിൽ ഒരു മതമായി നിലനിന്നിരുന്നിട്ടുള്ളൂ, ഇപ്പോഴും നിലനിൽക്കുന്നുള്ളൂ. 

ജാതി മാറാൻ സാധിക്കില്ല. മതം മാറാൻ ആർക്കും സാധിക്കും. അത്രയേ ഉദ്ദേശിച്ചുള്ളൂ. 

ജാതി മാറാൻ സാധിക്കില്ല മതം മാറാൻ സാധിക്കും എന്നത് കൊണ്ടാണ് മതം മാറി തന്ത്രത്തിൽ ജാതീയമായ ചൂഷണത്തിൽ നിന്നും ഉച്ചനീചത്വങ്ങളിൽ നിന്നും ആളുകൾ രക്ഷപ്പെട്ടത്

ജാതി എന്ന മതം ജനങ്ങളെ പരസ്പരം ഭിന്നിപ്പിച്ച് നിർത്തി, ഇന്ത്യയെ ആർക്കും വന്ന് ആക്രമിച്ച് കീഴടക്കാൻ പരുവത്തിലാക്കി. 

ഇപ്പിപ്പോൾ ഇസ്ലാംവിരുദ്ധത വെച്ച് ഇസ്ലാം പോലെ തന്നെയുള്ള ഒരു മതമായി മാറ്റാൻ ആരൊക്കെയോ ശ്രമിക്കുന്നുണ്ട് എന്ന് മാത്രം.

മദ്രസകളെ കുറിച്ച തെറ്റിദ്ധാരണകൾക്ക് ഒരു ചെറിയ തിരുത്ത് വേണം.

മദ്റസാവിദ്യാഭ്യാസം സമയനഷ്ടമാണ്, വൃഥാവ്യയമാണ്. 

അതേസമയം മദ്രസകളെ കുറിച്ച് ഒരു ചെറിയ തിരുത്ത് വേണം.

ദുരുദ്ദേശപൂർവ്വം വസ്തുതകളുമായി ഒരു പുലബന്ധവും ഇല്ലാതെ പടച്ചുവിട്ടുണ്ടാക്കുന്ന വിവരം വെച്ചുള്ള തെറ്റിദ്ധാരണകൾക്ക് ഒരു ചെറിയ തിരുത്ത് വേണം. 

മദ്രസകൾ വെറുപ്പും തീവ്രതയും പഠിപ്പിച്ചു വിടുന്ന, ഭീകരത പരിശീലിപ്പിക്കുന്ന ഇടങ്ങളല്ല. 

മദ്രസകൾ തുറന്ന ഇടങ്ങളാണ്.

മദ്രസകൾ ഇരുണ്ട അജണ്ടകൾ നടപ്പാക്കുന്ന ഒളിയിടങ്ങളല്ല. 

എന്തൊക്കെയോ കേട്ടറിഞ്ഞ് പുറമേയുള്ളവർ തെറ്റിദ്ധരിക്കും പോലെ, മദ്റസകൾ വലിയ സ്ഥാപനങ്ങളല്ല. 

മദ്രസകൾ യോഗ്യന്മാരും കഴിവുള്ളവരും കുശാഗ്രബുദ്ധിയുള്ളവരും വലിയ പണ്ഡിതന്മാരും പഠിപ്പിക്കുന്ന ഇടങ്ങളല്ല. 

സമൂഹത്തിലെ ഏറ്റവും അയോഗ്യരും കഴിവില്ലാത്തവരുമാണ് മദ്റസാ അധ്യാപകരും പള്ളിയിലെ ഇമാമുമാരും ആയി മാറുന്നത്. 

പ്രത്യേകിച്ചും പൗരോഹിത്യം ഇസ്ലാമിൻ്റെ ഭാഗമല്ലാത്തത് കൊണ്ട് തന്നെ, ശക്തമായ, വലിയ സ്ഥാപനമായി മാറിയ പൗരോഹിത്യസ്ഥാപനം (പിരമിഡ് പോലെ വളർന്ന് നിൽക്കുന്ന hierarchy സൂക്ഷിക്കുന്ന ചർച്ചും വത്തിക്കാനും പോലെ) മദ്റസകൾക്ക് പിന്നിൽ കരുത്തായും അജൻഡ നിശ്ചയിക്കാനായും ഇല്ല.

പൗരോഹിത്യത്തിൻ്റെ നെറ്റ്‌വർക്കും പിൻബലവും മദ്രസകൾക്കില്ല. 

മദ്രസകൾ വളരെ പ്രാദേശികമായി മാത്രം സാമ്പത്തികവും ആൾബലവും കണ്ടെത്തി സംഘടിപ്പിക്കപ്പെടുന്നു. മുസ്‌ലിം പള്ളികളും ഏറെക്കുറെ ഇങ്ങനെ തന്നെ. അതാതിടങ്ങളിലെ വിശ്വാസികൾ നൽകുന്ന, പിരിച്ചുണ്ടാക്കുന്ന വിഭവങ്ങൾ വെച്ച് മാത്രം.

അറബി ഭാഷ വായിക്കാൻ പഠിപ്പിക്കുക, ഏറിയാൽ ഖുർആൻ അറബിയിൽ വായിക്കാൻ പ്രാപ്തരാക്കുക മാത്രം മദ്രസകൾ ചെയ്യുന്നു. 

ആരും ഒന്നും കാര്യമായി പഠിക്കാതിരിക്കാൻ വേണ്ടി മാത്രം കുട്ടികളുടെ ഏറ്റവും നല്ല സമയം വർഷങ്ങളോളം വൃഥാവ്യയം ചെയ്യുന്ന ഇടങ്ങൾ മാത്രം മദ്രസകൾ.

*******

അവിടവിടെ വിശ്വാസ പ്രചാരണത്തിൻ്റെ ഭാഗമായി പലതും പറഞ്ഞു നടക്കുന്നവരുണ്ട്. 

പക്ഷെ, അതൊക്കെയും മുഴുവനും മദ്റസാ വിദ്യാഭ്യാസത്തിൽ കെട്ടിവെച്ചുകൂടാ... 

ഐതിഹ്യങ്ങളും അന്ധവിശ്വാസങ്ങളും ഉണ്ടാവുന്ന കുറേ വഴികളുണ്ട്. 

കുഞ്ഞുങ്ങൾ ചെറുപ്പത്തിൽ തന്നെ കണ്ടീഷൻ ചെയ്യപ്പെടുന്നു എന്നത് ക്രിസ്ത്യൻ മുസ്‌ലിം സമൂഹങ്ങളിൽ പൊതുവെ നടക്കുന്ന കാര്യങ്ങളാണ്. 

അതിന് മദ്രസയും മുസ്‌ലിംകളുടെ ഇടയിൽ ഒരു പങ്കുവഹിക്കുന്നു എന്ന് മാത്രം. പക്ഷെ തീർത്തും മദ്റസാ കൊണ്ട് മാത്രമല്ല.

വരുന്നു, പോകുന്നു എന്നും ജീവിതത്തിന് അർത്ഥം നൽകാമോ?

വരുന്നു, പോകുന്നു എന്നും ജീവിതത്തിന് അർത്ഥം നൽകാമോ? 

ഇല്ല. 

കാല്പനികമായും, കവിതക്ക് വേണ്ടിയും വിശ്വാസത്തിന് വേണ്ടിയും അല്ലാതെ അങ്ങനെയൊരർത്ഥം ജീവിതത്തിന് നൽകിക്കൂട.

എന്തുകൊണ്ട്? 

ആരും അവരായ് വരുന്നുമില്ല, ആരും അവരായ് പോകുന്നുമില്ല എന്നത് കൊണ്ട്.

എല്ലാവരും ഒരുപോലെ ആയിത്തീരുന്നു, എല്ലാവരും ഒരുപോലെ ഇല്ലാതാവുന്നു, എല്ലാവരും ഒരുപോലെ ഇല്ലാതായി പലതാവുന്നു എന്നത് കൊണ്ട്.

ആദ്യമേ ഉണ്ടായിരുന്ന ആരും വന്നതല്ല ജീവിതം എന്നത് കൊണ്ട്.  

ശേഷം ബാക്കിയാവാൻ വേണ്ടി തീരുമാനിച്ച് ആരും പോകുന്നതല്ല മരണം എന്നത് കൊണ്ട്.

വരുന്നതായ ആരും പോകുന്നതായ ആരും യഥാർത്ഥത്തിൽ ആദ്യമേ ഇല്ല, ശേഷവും ഇല്ല എന്നത് കൊണ്ട്.

എന്തുകൊണ്ട് വരുന്നതായ ആരും പോകുന്നതായ ആരും യഥാർത്ഥത്തിൽ ഇല്ല?

ജനിക്കുന്നതിന് മുൻപ് ഇല്ലായിരുന്നു, മരണത്തിന് ശേഷം ഉണ്ടാവുകയും ഇല്ല എന്നതിനാൽ. 

എങ്കിൽ ജീവിക്കുമ്പോഴുള്ള ഞാൻ?

തലച്ചോർ അപ്പപ്പോൾ ഉണ്ടാക്കിയത്, ഉണ്ടാക്കുന്നത്. 

തലച്ചോർ സാധിക്കും പോലെ ഉണ്ടാക്കി ഉണ്ടാവുന്ന തോന്നൽ മാത്രം ഞാനും എൻ്റേതും.

ജീവിക്കുമ്പോൾ തന്നെ മാറിമാറിയുണ്ടായ ഞാൻ മാത്രം. 

ജനിച്ച്, വളർന്ന്, വലുതായി, വൃദ്ധനായി മരിക്കുന്നതിനിടയിൽ മാറിമാറിയായ ഞാൻ മാത്രം.

എവിടെനിന്നോ വന്ന ഞാനും എവിടേക്കോ പോകുന്ന ഞാനും ഇല്ല.

എങ്കിൽ പിന്നെങ്ങിനെ വരുന്നു, പോകുന്നു എന്ന് ജീവിതത്തിന് അർത്ഥം വരും?

വരില്ല.

കൊപ്രക്കച്ചവടക്കാരന് എവിടെയും കൊപ്ര തന്നെ വിഷയം.

ശരി ഒന്നുമാത്രമല്ലെന്നത് ഇന്ത്യൻ ചിന്തയും ദർശനവും വിശ്വാസവും കൂടിയാണെന്ന് മനസ്സിലാക്കുക. 

ശരിയും ധർമ്മവും നടപ്പാക്കാൻ സ്വന്തം കുടുംബത്തിനെതിരെയായാലും പ്രതികരിക്കണം എന്നത് ശ്രികൃഷ്ണൻ കാണിച്ചുതന്ന വഴിയും കൂടിയാണെന്നത് നാം മറന്നുപോകരുത്.

*******

കൊപ്രക്കച്ചവടക്കാരന് എവിടെയും കൊപ്ര തന്നെയാവും വിഷയം. 

തെങ്ങിൻ മുകളിലോട്ട് മാത്രമാവും അവന് എപ്പോഴും എവിടെയും നോട്ടം. 

എല്ലായിടത്തും അവന് ഒരേയൊരു കാഴ്ച, 

എല്ലാറ്റിനും അവന് ഒരേയൊരു ദിശ, മുഖം. 

വെറുപ്പും വിഭജനവും ഉണ്ടാക്കുന്നവനും വിതരണം ചെയ്യുന്നവനും അപ്പടി. 

ഇന്ത്യയിൽ അവർക്ക് എവിടെയും എപ്പോഴും പാക്കിസ്ഥാനും മുസ്ലിമും ഇസ്‌ലാമും തന്നെ എപ്പോഴും വിഷയം. 

അവർക്ക് എവിടെയും എപ്പോഴും പാക്കിസ്ഥാനും മുസ്ലിമും ഇസ്‌ലാമും കേന്ദ്രീകരിച്ചും വിരുദ്ധമാക്കിയും മാത്രം വിഷയങ്ങൾ. 

അല്ലാതെ ഒന്നും പറയാനില്ലാതെ അവർ. 

രാജ്യസ്നേഹമെന്നാൽ അയൽരാജ്യങ്ങളെ കുറിച്ച് മോശമായത് ഉള്ളതും ഇല്ലാത്തതും സ്വന്തം രാജ്യത്ത് പറയുക, അതുകൊണ്ട് വയറുനിറക്കുക എന്നതാണ് അവരുടെ രീതി.

കളവ് മാത്രം പടച്ചുണ്ടാക്കി പറയുന്ന അവർക്ക് എവിടെയും എപ്പോഴും എല്ലാം തന്നെ കളവ് പറയാനുള്ള അവസരങ്ങൾ, ന്യായങ്ങൾ.

പെരുംകളവ് അവർക്ക് സത്യം. 

സത്യം അവർക്ക് പെരുംകളവ്.

അവരുടെയും അവരെ ഒരുക്കിയവരുടെയും ഒരു ദുരന്തം ഓർത്തുനോക്കൂ. 

ഉപബോധമനസ്സ് കൊണ്ടാണ് എല്ലാവരും അവരും അടിമപ്പെടുന്നത്. 

അല്ലാതെ ശരീരം കൊണ്ടല്ല ആരും അവരും അടിമപ്പെടുന്നത്.

അവർ ഉപബോധമനസ്സ് കൊണ്ട് അടിമപ്പെട്ടവർ.

ശരിയും തെറ്റും എപ്പോഴും എല്ലാ കാലത്തും എല്ലാ അവസരങ്ങളിലും ഒരേയൊരു പക്ഷത്തല്ല എന്നത് അവർക്ക് ബാധകമല്ല.

ഏത് പക്ഷത്തും എപ്പോഴും കുറച്ചെങ്കിലും ശരിയും തെറ്റും ഉണ്ടാവും.

എന്നതിനാൽ ഈയടുത്ത് നടന്ന ബംഗ്ലാദേശ് ഭരണ വിരുദ്ധ സമര വിഷയം വരെ വേറേതന്നെ രീതിയിൽ ചർച്ച ചെയ്യാൻ ഈയുള്ളവൻ ശ്രമിച്ചിട്ടുണ്ട്. ബംഗ്ലാദേശിൽ നടന്നത് മുഴുവൻ ശരിയാണ് എന്നത് കൊണ്ടല്ല. ഒരു കുറേ തെറ്റുകൾ ഏത് സമരത്തിലും കലാപത്തിലും അനിയന്ത്രിതമായി നടക്കും എന്നതിനാൽ അവിടെയും നടന്നിട്ടുണ്ട്. ഒരു സംശയവും തർക്കവും ഈയുള്ളവന് അക്കാര്യത്തിൽ ഇല്ല.

പക്ഷെ, മതത്തിനും രാഷ്ട്രീയത്തിനും അപ്പുറം ഇന്ത്യയിൽ ഇന്ത്യൻജനതയുടെ സൗഹാർദ്ദവും ഐക്യവും തകരാതിരിക്കുന്നതിന് എപ്പോഴും മുൻഗണന കൊടുക്കേണ്ടതുണ്ട് എന്ന് ഉള്ളിലുറച്ച് മനസ്സിലാക്കുന്നതിനാൽ.

ഇന്ത്യക്കാരെ ഇന്ത്യക്കാരെ കൊണ്ട് തന്നെ കൊണ്ണുതള്ളിക്കാൻ വെറുപ്പും വിഭജനവും നടത്തരുത് എന്നതിനാൽ.

വർത്തമാനകാലത്തിൽ പഴയകാല വിഴുപ്പുകൾ കൊണ്ടുനിറച്ച് വൃത്തികെടുത്തരുത്, അക്രമാസക്തമാക്കരുതല്ലോ എന്നതിനാൽ.

അത്തരം തെറ്റുകൾ ഇന്ത്യയിൽ വിളിച്ചുപറയാൻ ശ്രമിച്ചിട്ടില്ല. കാരണം അവ ബംഗ്ലാദേശിനുള്ളിൽ തിരുത്തേണ്ട വിഷയങ്ങളാണ്. 

അതിവിടെ നിക്ഷിപ്ത താല്പര്യക്കാർക്ക് അവരുടെ വെറുപ്പും വിഭജനവും നടത്താനുള്ള അജൻഡ നടപ്പാക്കാൻ വേണ്ടി വിളിച്ചു പറയേണ്ടതല്ല. 

അതിവിടെ സന്ദർഭത്തിൽ നിന്നും അടർത്തിമാറ്റി അല്ലെങ്കിൽ തന്നെ നിക്ഷിപ്ത താല്പര്യക്കാർ ദുരുപയോഗപ്പെടുത്തുന്നുണ്ട്  എന്നറിയുന്നതിനാൽ

നാം നമുക്ക് വേണ്ടി പറയുന്നതും ഉണ്ടാക്കി പറയുന്നതും ആയിരിക്കില്ലല്ലോ ബംഗ്ലാദേശിൽ അവരുടെ ശരി.

പ്രത്യേകിച്ചും അധികാരം നേടാൻ കളവുകൾ മാത്രം പടച്ചുണ്ടാക്കി പൊലിപ്പിച്ചുവിടുന്ന വാർത്താമാധ്യമങ്ങൾ നമുക്ക് ചുറ്റും ഒരുകുറേ റോന്ത് ചുറ്റുമ്പോൾ.

അധികാരപക്ഷത്ത് മാത്രം നിന്ന്, അധികാരത്തെ ഒരിക്കലും ചോദ്യം ചെയ്യാതെ, അധികാരത്തിന് ഓശാനയും മുഖസ്തുതിയും മാത്രം പാടി, അധികാരത്തിൻ്റെ അപ്പവും വീഞ്ഞും ആസ്വദിച്ച്, ചില കുത്സിതവാർത്തകൾ മാത്രം അത്തരം വാർത്താമാധ്യമങ്ങൾ പുറപ്പെടുവിക്കുമ്പോൾ നമ്മൾ രാജ്യസ്നേഹം വെച്ച് തന്നെ ജാഗരൂകരാവണം. 

കാരണം അവർ ചിതലിനെ പോലെ സംരക്ഷിക്കുന്നു, സ്നേഹിക്കുന്നു എന്ന് വരുത്തി നമ്മെ പൊതിഞ്ഞ് നമ്മെ ഉളളിൽ നിന്നും കാർന്നുതിന്നും. അങ്ങനെ കാർന്നു തിന്നുന്നതിനും അവർ രാജ്യസ്നേഹം എന്ന് പേരിടും. 

അധികാരം എപ്പോഴും രാജ്യസ്നേഹത്തെ നിർവ്വചിക്കുന്നത് അധികാരത്തെ അതിൻ്റെ എന്ത് നേടികേടുകളും ചൂഷണവും സഹിച്ച് പിന്തുണക്കുക, അധികാരത്തിന് ഓശാന പാടുക എന്ന നിലക്കാണ്.

ഇന്ത്യയോടുള്ള സ്നേഹം എന്നാൽ ഇന്ത്യയിലെ നിക്ഷിപ്ത അധികാര താൽപര്യക്കാരോടുള്ള സ്നേഹമല്ല. 

നിക്ഷിപ്ത അധികാര താൽപര്യക്കാരുടെ അണികൾ പറയുന്ന, നടത്തുന്ന എല്ലാ കളവുകളും അപ്പടി സ്വീകരിക്കുക, പ്രചരിപ്പിക്കുക എന്നതല്ല രാജ്യസ്നേഹം.

അയൽ രാജ്യങ്ങളെ കുറിച്ചും സ്വന്തം നാട്ടിലെ തന്ന് ഏതെങ്കിലും ഒരു വിഭാഗത്തെ കുറിച്ചും നിർബന്ധമായും കളവ് പറയുക, വെറുപ്പ് പ്രചരിപ്പിക്കുക എന്നതല്ല രാജ്യസ്നേഹം.

ആര് പറഞ്ഞാലും കളവ് കളവ് തന്നെ.

ആര് നടത്തിയാലും വെറുപ്പ് വെറുപ്പും ശത്രുതയും ശത്രുതയും തന്നെ. 

രാജ്യസ്നേഹം എന്നാൽ നിർബന്ധമായും അയൽവാസികളെ ശത്രുക്കളാക്കുക, വെറുക്കുക എന്നതല്ല. 

അയൽവാസികളെ വെറുക്കലാണ്, അത് കാണിച്ച് മാത്രം അധികാരം നേടുക എന്നതാവരുത് സ്വന്തം നാടിനെ സ്നേഹിക്കുക എന്നാൽ അർത്ഥമെന്ന് വരരുത്, വരുത്തരുത്.

ശരി ആരെങ്കിലും പറയുന്നത് മാത്രമല്ല. 

ഇന്ത്യയിൽ നിന്ന് ഇന്ത്യയുടെ താൽപര്യം വെച്ച് പറയുന്നത് മാത്രമല്ല ലോകത്തേക്ക് മൊത്തം ശരി. 

ഇന്ത്യയിൽ നിന്ന് ഇന്ത്യയുടെ താൽപര്യം വെച്ച് പറയുന്നത് ഇന്ത്യയെ സംരക്ഷിക്കാനുള്ള, ഇന്ത്യയുടെ കാര്യങ്ങളിൽ മറ്റാരും ഇടപെടാതിരിക്കാനുമുള്ളതെങ്കിൽ ഏറിയാൽ അത് നമുക്കുള്ള ശരി. നമ്മുടെ നാട്ടിൽ ശരി.

അപ്പോഴും അപ്പുറത്ത്, അപ്പുറത്തുള്ളവർക്ക്, അവരെ സംരക്ഷിക്കാനും അവരുടെ കാര്യങ്ങളിൽ മറ്റാരും ഇടപെടാതിരിക്കാനും വേറൊരു ശരിയുണ്ട്, ഉണ്ടാവും എന്നത് നാം മറക്കരുത്.

*******

ശരി ഒന്നുമാത്രമല്ലെന്നത് ഇന്ത്യൻ ചിന്തയും ദർശനവും വിശ്വാസവും കൂടിയാണെന്ന് മനസ്സിലാക്കുക. 

ശരിയും ധർമ്മവും നടപ്പാക്കാൻ സ്വന്തം കുടുംബത്തിനെതിരെയായാലും പ്രതികരിക്കണം എന്നത് ശ്രികൃഷ്ണൻ കാണിച്ചുതന്ന വഴിയും കൂടീാണെന്നത് നാം മറന്നുപോകരുത്.

ബംഗ്ലാദേശിൻ്റെയും ബംഗ്ലാദേശുകാരുടെയും ഭാഗത്ത് നിന്ന്, അവരായി നിന്ന് ചിന്തിക്കുക

ബംഗ്ലാദേശിൽ നടന്നത് ശരിയായാലും തെറ്റായാലും ഭരണവിരുദ്ധ സമരമാണ്.

ഒരു സമരവും പൂർണ്ണ അച്ചടക്കത്തിൽ  മുൻകൂട്ടി നിശ്ചയിക്കപ്പെട്ടതും നിർവ്വചിക്കപ്പെട്ടതും പോലെ എവിടെയും നടന്നിട്ടുണ്ടാവില്ല.  അതിനാൽ ബംഗ്ലാദേശിലെ ഭരണവിരുദ്ധ സമരവും. 

ഏത് സമരവും വിപ്ലവവും പ്രത്യേശാസ്ത്രവും അതിൻ്റെ വളർച്ചയിലും ഉയർച്ചയിലും  തന്നെ പിതാക്കളെയും മക്കളെയും കൊല്ലുമെന്നത് ഫ്രഞ്ച് വിപ്ലവവും റഷ്യൻ വിപ്ലവവും വെച്ച് നമുക്ക് അറിയുന്ന കാര്യവുമാണ്. 

കമ്യൂണിസം അധികാരത്തിൻ്റെ വഴിയിൽ അതിനെ തന്നെ (നക്സലൈറ്റ് വെട്ട എന്ന ഓമനപ്പേരിൽ വരെ) കൊന്നുതിന്നുന്ന ത് നാം കണ്ടതും കാണുന്നതുമാണ്

ബംഗ്ലാദേശ് ഭരണ വിരുദ്ധ സമരത്തിലും നാം അറിഞ്ഞതും അറിയാത്തതുമായ തെറ്റുകളും കുറ്റങ്ങളും വേണ്ടാതീനങ്ങളും സംഭവിച്ചിട്ടുണ്ടാവും, സംഭവിക്കുന്നുണ്ടാവും.

അത്തരം തെറ്റുകളും കുറ്റങ്ങളും വേണ്ടാതീനങ്ങളും ബംഗ്ലാദേശിൽ നടന്നില്ലെന്നു പറയലും പറയാതിരിക്കലും അവയെയൊന്നും ന്യായീകരിക്കലും ഇവിടെ, പ്രത്യേകിച്ചും ഇന്ത്യയിൽ ആർക്കും പണിയല്ല, പണിയാവേണ്ടതില്ല. 

അത്തരം തെറ്റുകളും കുറ്റങ്ങളും വേണ്ടാതീനങ്ങളും എത്രയും കുറയുന്നുവോ അത്രയും നല്ലത് എന്ന് വിചാരിക്കുകയും ആഗ്രഹിക്കുകയും മാത്രം നമുക്ക് ചെയ്യാം.

ബംഗാദേശുകാർക്ക് വേണ്ട ബംഗ്ലാദേശിൻ്റെ രാഷ്ട്രീയമായ ശരിയും തെറ്റും ഇങ്ങ് ഇന്ത്യയിൽ നിന്ന് നമുക്ക് നിശ്ചയിക്കാനും കൽപിക്കാനും സാധിക്കില്ല.

അതേ സമയം ബംഗ്ലാദേശിൽ ഈ ഭരണവിരുദ്ധ സമരത്തിനിടയിൽ നടന്ന അപശ്രുതിയും തെറ്റുകളും കുറ്റങ്ങളും വേണ്ടാതീനങ്ങളും മാത്രം സന്ദർഭത്തിൽ നിന്നും അടർത്തിയും ഉപ്പും മുളകും തേച്ചും ഇങ്ങ് ഇന്ത്യയിൽ വിതരണം ചെയ്യുന്നതിൻ്റെ ഉദ്ദേശം മനസ്സിലാവുന്നില്ല.

അല്ലെങ്കിൽ തന്നെ ബംഗ്ലാദേശിനെക്കാൾ സാമൂഹ്യസൗഹാർദ്ദ അന്തരീക്ഷം വഷളായ, വഷളാക്കാൻ കൊണ്ടുപിടിച്ച് ശ്രമിക്കുന്ന കുറേ പാർട്ടികളുള്ള ഇന്ത്യയിൽ ബംഗ്ലാദേശിലെ ഈ ഭരണവിരുദ്ധ സമരത്തിനിടയിൽ നടന്ന അപശ്രുതിയും തെറ്റുകളും കുറ്റങ്ങളും വേണ്ടാതീനങ്ങളും മാത്രം സന്ദർഭത്തിൽ നിന്നും അടത്തിയും ഉപ്പും മുളകും തേച്ചും ഇങ്ങ് ഇന്ത്യയിൽ വിതരണം ചെയ്യുന്നത് സദുദ്ദേശപരമാവുമോ? 

ഇല്ല.

ഗുജറാത്തും നെല്ലിയും ബഗൽപൂറും മുസഫർനഗറും മീററ്റും രാമജന്മൂമി ബാബരി മസ്ജിദ് കലാപങ്ങളും ഒട്ടനവധി മനുഷ്യജീവനുകളെ കൊന്നൊടുക്കിയ, രാജ്യത്തിൻ്റെ അധികാരത്തിലേക്കുള്ള വഴിയായ ഇന്ത്യയിൽ ഇങ്ങനെ ഉള്ളതും ഇല്ലാത്തതും പാടിനടക്കുന്നത് വലിയ രാജ്യതാൽപര്യവും റാജ്യസ്‌നേഹവും ആണോ?

ഇനിയല്പം ബംഗ്ലാദേശുംകാരുടെ ഭാഗത്ത് നിന്ന് ചിന്തിച്ച് പറയുക. 

കണ്ടതിനും കേട്ടതിനുമൊക്കെ ചോറിങ് കൂറങ്ങ് എന്നാരോപിക്കുന്നത് പല്ലവിയാക്കിയ നമ്മെവെച്ച് തന്നെ ചിന്തിച്ച് പറയുക.  

നമ്മുടെ മുൻഭരണാധികാരിയോ രാഷ്ടീയനേതാവോ പാക്കിസ്ഥാനിലാണ് അഭയംതേടുന്നതെങ്കിൽ അവരെക്കുറിച്ച്  നാമെന്ത് പറയും? 

പാക്കിസ്ഥാൻ ഭരണാധികാരി മുൻഭരണാധികാരിയോ രാഷ്ടീയനേതാവോ ഇന്ത്യയിലാണ് അഭയംതേടുന്നതെങ്കിൽ പാകിസ്ഥാനികളും എന്ത് പറയും? 

എങ്കിൽ, ഇന്ത്യയിൽ അഭയം തേടുന്ന ബംഗ്ലാദേശിൻ്റെ മുൻഭരണാധികാരിയെ കുറിച്ച് ബംഗ്ലാദേശുകാർ എന്ത് പറയണം? 

ഇന്ത്യൻ പാവയും ചാരയും ആയി അവർ ഹസീന വാജിദിനെ ആദ്യമേ മനസ്സിലാക്കിയത് തെറ്റായിരുന്നില്ലെന്നല്ലേ അവരും പറയുക, എന്നല്ലേ അവർക്കും പറയാനാവുക?

ബംഗ്ലാദേശികളുടെ അങ്ങനെയുള്ള സംശയത്തിനും ആരോപണത്തിനും അതടിസ്ഥാനമാക്കിയും അല്ലാതെയും നടത്തുന്ന സമരത്തിനും തീരെ അർഥമില്ലെന്ന് പറയാൻ സാധിക്കുമോ? 

പ്രത്യേകിച്ചും ബംഗ്ലാദേശുകാരായി ബംഗ്ലാദേശിൻ്റെ ഭാഗത്ത് നിന്ന്, അവരുടെ രാജ്യസുരക്ഷയും രാജ്യതാല്പര്യവും രാജ്യസ്നേഹവും വെച്ച് അവർ ചിന്തിക്കുമ്പോൾ.

ബംഗ്ലാദേശിലെ സമരത്തെ വെളുപ്പിക്കുന്നതല്ല. വല്ലാതെ കറുപ്പിക്കുന്നത് തടയുന്നത് മാത്രം.

സമാധാനത്തിനുള്ള നോബെല്‍ സമ്മാനം നേടിയ മുഹമ്മദ് യൂനുസാണ് ബംഗ്ലാദേശിലെ ഇടക്കാല സംവിധാനത്തിന്റെ മുഖ്യ ഉപദേഷ്ടാവായും ഭരണാധികാരിയായും അധികാരമേറ്റത്. 

എടുത്തു പറയേണ്ട കാര്യം മറ്റൊന്നാണ്. ന്യൂനപക്ഷ സമുദായമായ ഹിന്ദുക്കളില്‍ നിന്നും രണ്ട് പേർ അധികാരമേറ്റപ്പോൾ കൂടിയുണ്ടെന്ന വിവരമാണത്.

ഇക്കാര്യം ഇന്ത്യയിൽ ആരും എടുത്തുപറയുന്നില്ല. വെറുപ്പും വിഭജനവും ഉദ്ദേശിക്കുന്ന നിഗൂഢ അജണ്ട പൊളിഞ്ഞുപോകും എന്നതിനാലായിരിക്കും. 

സുപ്രദീപ് ചക്ക്മയും ഡോ ബിദാന്‍ രഞ്ജന്‍ റോയിയുമാണ് ആണ് ആ രണ്ടുപേർ.

ഹസീനക്കെതിരെ വിദ്യാർത്ഥി പ്രക്ഷോഭം നയിച്ച വിദ്യാർത്ഥി നേതാക്കളും മറ്റുള്ളവരും അടങ്ങുന്ന പതിനാറംഗ ഉപദേശക സമിതിയാണ് നിലവിൽ അധികാരം ഏറ്റെടുത്തത്.

ഇവിടെ ഇന്ത്യയിൽ ആരോപിച്ച് കേട്ടത് പോലെ ജമാഅത്തെ ഇസ്ലാമിയെയോ ബിഎന്‍പിയെയോ ഈ ഇടക്കാല ഭരണസമിതിയില്‍ ഉള്‍പ്പെടുത്തിയിട്ടില്ല. 

ഇന്ത്യാമഹാരാജ്യത്ത് ഇരുപത് ശതമാനത്തോളം വരുന്ന മുസ്ലിംകളുടെ പാർലമെൻ്റിലെ പ്രാതിനിധ്യം എത്രയെന്ന് (ഭരിക്കുന്ന പാർട്ടിയിലും മുന്നണിയിലും എത്രയെന്ന്) മനസ്സാക്ഷിയിൽ തൊട്ട് ഒന്ന് ചോദ്യം ചെയ്താലും ഇത്തരുണത്തിൽ ബംഗ്ലാദേശുമായി തട്ടിച്ചുനോക്കിയാലും നന്നാവും. 

നമ്മുടെ ഉദ്ദേശശുദ്ധിയും മനോനിലവാരവും മനസ്സിലാക്കാൻ അത് ഉപയോഗപ്പെട്ടേക്കും. ഒന്ന് സ്വയം തിരുത്താനും.

********

ബംഗ്ലാദേശിൽ നടക്കുന്നത് വർഗ്ഗീയ കലാപമാണെന്നു വരുത്തിർക്കുന്നത് എന്തിന്? 

ആർക്കാണ് ബംഗ്ലാദേശിൽ നടക്കുന്നത് വർഗ്ഗീയ കലാപമാണെന്നു  വരുത്തിത്തീർക്കൽ നിർബന്ധം?

ബംഗ്ലാദേശിൽ നടക്കുന്നത് വർഗ്ഗീയ കലാപമാണെന്നു വരുത്തിർക്കുന്നത് കൊണ്ട് ആർക്കാണ് എന്താണ് പ്രയോജനം?

*******

ബംഗ്ലാദേശിലെ കാര്യം മണിപ്പൂറും ലക്ഷദ്വീപും ഫലസ്തീനും പോലെയല്ല. ചുരുങ്ങിയത് മൂന്ന് കാരണങ്ങൾ കൊണ്ട് ഐക്യദാർഡ്യം അർഹിക്കുന്നില്ല.

ഒന്ന്: ബംഗ്ലാദേശിൽ ജനങ്ങൾ ഭരണകൂടത്തിനെതിരെ തിരിഞ്ഞു, ഭരണകൂടം അടിയറവ് പറഞ്ഞു നാട് വിട്ടു.

രണ്ട്: ബംഗ്ലാദേശ് ഇന്ത്യയുടെ ഉള്ളിലുള്ള ഒരു സംസ്ഥാനമല്ല.

മൂന്ന്: ബംഗ്ലാദേശിലെ വിഷയം ഫലസ്തീനിലേത് പോലെ അധിനിവേശത്തിൻ്റെയും സ്വന്തം നാട് പുറമെ നിന്നുള്ളവർ കയ്യേറി സ്വന്തം നാട്ടുകാരെ അന്യവൽക്കരിച്ചതിൻ്റെയും വിഷയമല്ല 

വ്യത്യാസമുണ്ട്. മാങ്ങയെ പേരക്ക കൊണ്ട് ഗുണിച്ചുകൂട.

**********

ബംഗ്ലാദേശിനെ കുറിച്ച് ഉള്ളതും ഇല്ലാത്തതും ഉപ്പും മുളകും തേച്ച് പറയുന്നവരുടെ ഉദ്ദേശം അതുവെച്ചു ഇന്ത്യയിൽ ജീവിക്കുന്നവർക്കിടയിൽ വെറുപ്പും വിഭജനവും വർദ്ധിപ്പിക്കുകയും രാഷ്ടീയ നേട്ടം ഉണ്ടാക്കുകയും ചെയ്യുക എന്നത് തന്നെയാണ്.

CAA, NRC ക്ക് ഒന്നുകൂടി ന്യായവും തെളിവും ന്യായീകരണവും ഉണ്ടാക്കുകയും ലക്ഷ്യനാവാം.

CAA, NRC നിയമം ശരിയായ ദിശയിലും ഉദ്ദേശത്തോടെയുമാണെങ്കിൽ നടപ്പാക്കുക തന്നെ വേണം.

പക്ഷേ അതിനുവേണ്ടി ബംഗ്ലാദേശിൽ നടക്കുന്നത് വർഗ്ഗീയ ലഹളയാണ് അതിൽ ഹിന്ദുക്കൾ മാത്രം പീഡിപ്പിക്കപ്പെടുന്നു എന്ന് വരുത്തി CAA, NRC നടപ്പാക്കാൻ ന്യായം ഉണ്ടാക്കേണ്ടതില്ല.

CAA, NRC നടപ്പാക്കാൻ വേപതുപൂണ്ട് നടക്കുന്നവർക്ക് ന്യായമുണ്ടാക്കാൻ ന്യായമായി ഉപയോഗിക്കുക എന്ന ഗൂഢലക്ഷ്യവും ബംഗ്ലാദേശിൽ നടക്കുന്നത് വർഗ്ഗീയകലാപം എന്ന തെറ്റായ ഊഹാപോഹങ്ങൾ നിറച്ച പ്രചരണത്തിന് പിന്നിൽ കാര്യമായി ഉണ്ടാവാനിടയുണ്ട്.

**********

രാജ്യത്തേയും വീടിനെയും സ്നേഹിക്കുന്നവർ ഒരുപോലെ. 

വീട്ടിനും വീട്ടുകാർക്കും നാടിനും നാട്ടാർക്കും വേണ്ടത് ചെയ്യും. 

വീട്ടിനും വീട്ടുകാർക്കും നാടിനും നാട്ടാർക്കും വേണ്ടി ഉപകാരമുള്ള ഒന്നും ഉളളിൽ ചെയ്യാതെ അത് മറച്ചുവെക്കാൻ അയൽവാസിയോടുള്ള വെറുപ്പും വിദ്വേഷവും പറഞ്ഞുപരത്തുകയല്ല രാജ്യനേഹവും വീട്ടുസ്നേഹവും. 

അയൽവാസിയെ കുറിച്ച് കുറ്റങ്ങളും ഊഹാപോഹങ്ങളും പടച്ചുവിടുകയല്ല രാജ്യസ്‌നേഹവും വീടുസ്നേഹവും  

സ്വന്തം വീട്ടിലും നാട്ടിലും ഉള്ളവർക്കിടയിൽ ഭിന്നിപ്പും കലഹവുമുണ്ടാക്കുകയല്ല രാജ്യനേഹവും വീട്ടുസ്നേഹവും. 

സ്വന്തം വീട്ടിനും നാടിനും വേണ്ടത് ചെയ്ത് വീട്ടുകാരെയും നാട്ടുകാരെയും ഒന്നായൊരുമിച്ച് കണ്ടുനടക്കുകയാണ് രാജ്യനേഹവും വീട്ടുസ്നേഹവും. 

*******

ബംഗ്ലാദേശിലെ സമരത്തെ വെളുപ്പിക്കുന്നതല്ല. 

ദുരുദ്ദേശത്തോടെ സ്ഥാപിത നിക്ഷിപ്ത താല്പര്യം വെച്ച് വല്ലാതെ കറുപ്പിക്കുന്നത് തടയുക മാത്രം.

വല്ലാതെ കറുപ്പിച്ച്, സ്വന്തം നാട്ടിലെ വെളളം കലക്കി ആ കലക്കവെള്ളത്തിൽ നിന്ന് മീൻപിടിക്കാനുള്ള നിക്ഷിപ്ത താൽപരുത്തെ കണ്ട് മനസ്സിലാക്കി പ്രതിരോധിക്കുക മാത്രം. 

വെളുപ്പിക്കാൻ മാത്രമുള്ള ഒരു മത രാഷ്ട്രീയ ബന്ധവും അടുപ്പവും ഒന്നുമായും ആരുമായും ഇല്ല.

അങ്ങനെയുള്ള ഒരു മത രാഷ്ട്രീയ ബന്ധവും അടുപ്പവും ഒന്നുമായും ആരുമായും ഇല്ല എന്നത് നൽകുന്ന സത്യസന്ധതയും നിസ്വാർഥതയും ഉള്ളതിനാൽ മാത്രം ഇങ്ങനെയൊക്കെ കുറിക്കുന്നു. 

സത്യസന്ധതയും നിസ്വാർഥതയും നൽകുന്ന ധൈര്യവും ആത്മവിശ്വാസവും ഉള്ളതിനാൽ.

********

ഇന്ത്യയെയും ഇന്ത്യക്കാരെയും ഇന്ത്യക്കാർ തന്നെയായ ഹിന്ദുക്കളെയും എപ്പോഴും പിന്നോട്ട് ആഞ്ഞുവലിച്ച ഇന്ത്യയിലെ ജാതി സമ്പ്രദായം മറ്റ് ദേശക്കാരും മതക്കാരും ഇന്ത്യക്കുള്ളിലും ഹിന്ദുക്കളിലും കുത്തിക്കയറ്റി  ഉണ്ടാക്കിയതല്ല. 

ഇന്ത്യക്കാർ മാത്രമായ ഹിന്ദുക്കൾ ഹിന്ദുക്കളോട് ചെയ്ത ക്രൂരതയും മർദ്ദനവും അനീതിയും ചൂഷണവും തൊട്ടുകൂടായ്മയും ചരിത്രത്തിൽ ഒരിക്കലും ഒരു മുസ്ലിമും ക്രിസ്ത്യാനിയും ഇസ്‌ലാമും ക്രിസ്തുമതവും ഹിന്ദുക്കളോട് ചെയ്തിട്ടില്ല. 

പലപ്പോഴും ഹിന്ദുക്കൾ മതം മാറിയത് പോലും അത്തരം ക്രൂരതയും മർദ്ദനവും അനീതിയും ചൂഷണവും ഒഴിവാക്കാനാണ്. 

ഇതൊളിപ്പിക്കാൻ വർത്തമാനകാല രാഷ്ട്രീയ അധികാരം ലക്ഷ്യം വെച്ച് നടത്തുന്ന ക്രിസ്ത്യൻ ഇസ്‌ലാം വിരോധം നടത്തുകയാണ് ഏറെക്കുറെ.

*******

മനുസ്മൃതി ആരുണ്ടാക്കിയതാണ്?

ഹിന്ദുക്കളുടെ ശത്രുക്കൾ എന്ന് നാം പറഞ്ഞുണ്ടാക്കുന്നവരും വിദേശികളും കുത്തിക്കയറ്റി ഉണ്ടാക്കിയതല്ല മനുസ്മൃതി.

ജാതീയത തീണ്ടി നടന്ന, ജാതീയത കൊണ്ട് മേൽക്കോയ്മയും നേട്ടവുമുണ്ടാക്കിയ ഹിന്ദുക്കൾ തന്നെയായിരുന്നു ചരിത്രത്തിലുടനീളം ഹിന്ദുക്കളുടെ ശത്രുക്കൾ.

കീഴ്‌ജാതിക്കാരൻ്റെ ശരീരത്തിൽ മൂത്രമൊഴിക്കാൻ തോന്നുന്നത്ര മേൽജാതിക്കാരൻ്റെ മനസ്സിനെ സെറ്റ് ചെയ്തത് ഗൂഢാലോചനാ സിദ്ധാന്തം വെച്ച് നാം പറഞ്ഞുണ്ടാക്കുന്ന ശത്രുക്കളാണോ, വിദേശികളാണോ? 

ഇന്ത്യക്കും ഹിന്ദുക്കൾക്കും എതിരെ എന്ത് വരുമ്പോഴും പ്രതിരോധിക്കാൻ ഇസ്‌ലാമിക തീവ്രവാദികൾ എടുക്കുന്ന അതേ ന്യായമായ ഗൂഢാലോചനാ സിദ്ധാന്തം തന്നെ മതിയോ?

എല്ലാറ്റിനും ഗൂഢാലോചനാ സിദ്ധാന്തം പറയുന്നതിനൊക്കെ ഒരതിരും കണക്കും വേണ്ടേ?

ഈ  ഗൂഢാലോചനാ സിദ്ധാന്തം തന്നെയാണ് എല്ലാ നാട്ടിലും തീവ്രവാദികളും മതമൗലികവാദികളും പയറ്റുന്ന പണി ?

വികാരം കൊള്ളിക്കാനും വെറുപ്പും വിഭജനവും ഉണ്ടാക്കാനുമുള്ള എളുപ്പവഴിയാണ് ഗൂഢാലോചനാ സിദ്ധാന്തം. 

എല്ലാം ആരുടെയെങ്കിലും ആരോപിക്കുക ഒന്നും കാര്യമായി ചെയ്യാത്തവൻ്റെയും ചെയ്യാനില്ലാത്തവൻ്റെയും പരിപാടിയാണ്.

സ്വയം മനോരോഗികളായി, സമൂഹത്തെ മുഴുവൻ മനോരോഗികളാക്കി സ്വന്തം കുറ്റം മുഴുവൻ ആരുടെയോ ഒക്കെ മേൽ ആരോപിക്കുന്ന പരിപാടിയാണത്.

********

എവിടെനിന്നോ പടച്ചുണ്ടാക്കി വിടുന്ന ഓരോ കഷണം വീഡിയോയും മെസ്സേജുകളും അവിടെ നിന്നും ഇവിടെനിന്നും എടുത്ത് കേൾപ്പിച്ചും വായിപ്പിച്ചും തെറ്റിദ്ധാരണയും ഊഹാപോഹങ്ങളും പരത്തുക. ഗൂഢാലോചനാ സിദ്ധാന്തത്തെ ശക്തിപ്പെടുത്തുക.

എപ്പോൾ? ഉള്ളടക്കം എന്ത്? അതുദ്ധരിക്കുന്നവരുടെ ഉദ്ദേശമെന്ത്? എന്നതൊന്നും ആർക്കും വിഷയമാകാറില്ല. 

അങ്ങനെ തന്നെ ഒരു വലിയ നാടിൻ്റെ അധികാരം നേടാം, നിലനിർത്താം എന്ന് വരുന്നത്രയാണ് ഇങ്ങനെ പടച്ചുണ്ടാക്കി വിടുന്ന ഓരോ കഷണം വീഡിയോകളുടെയും മെസ്സേജുകളുടെയും പ്രഹരശേഷി.

പടച്ചുണ്ടാക്കി വിടുന്ന ഓരോ കഷണം വീഡിയോയിലും മെസ്സേജുകളിലും എന്താണുള്ളത്? ശരിയാണെന്ന് വരുന്ന വല്ലതും അതിലുണ്ടോ? വസ്തുതാപരമായ ചെക്കിംഗ് ആരെങ്കിലും നടത്തുന്നുണ്ടോ?

എപ്പോൾ, എവിടെ വെച്ച് നടന്ന കാര്യമാണ് അതിലുള്ളതെന്ന് പോലും കൃത്യമായി അറിയാൻ സാധിക്കില്ല. 

എന്തെങ്കിലും കഷ്ണം എടുത്ത് കാണിച്ച് അണികളെ തെറ്റിദ്ധരിപ്പിക്കുകയും വികാരം കൊള്ളിക്കുകയും തന്നെയാണ് വർഗ്ഗീയവാദികളും തീവ്രവാദികളും എല്ലാ കാലത്തും എല്ലായിടത്തും ചെയ്യുന്നത്. ഇന്ത്യയിലും അത് മറിച്ചല്ല. 

കാരണം, വെറുപ്പും വിഭജനവും അതിന് വേണ്ട ശത്രുതയും പെട്ടെന്ന് ഉണ്ടാക്കാനും വിതരണം ചെയ്യാനും സാധിക്കും.

അങ്ങനെയുള്ള കഷണങ്ങളും വീഡിയോകളും പലതും ഇവിടെയുള്ള പല നേതാക്കളുടേത് വരെ ഒരു നൂറെണ്ണം സന്ദർഭത്തിൽ നിന്നും അടർത്തിയെടുത്തും അല്ലാതെയും എടുത്ത് കാണിക്കാൻ ആർക്കും സാധിക്കും. 

പക്ഷെ അത് ശരിയായ നടപടിയല്ല. 

അത്  ചെയ്യുന്നത് സദുദ്ദേശപരമല്ല.

*********

സന്ദർഭത്തിൽ നിന്നും അടർത്തിയെടുത്തും അല്ലാതെയും വരുന്നതിൽ നിന്ന് വരുന്ന ചോദ്യങ്ങൾക്കുള്ള മറുപടികൾ ആര് അതൊക്കെ അയച്ചു പറഞ്ഞുകേൾപ്പിച്ചു പഠിപ്പിച്ചുവോ അവർ തന്നെ നൽകുന്നതായിരിക്കും നല്ലത്. 

അതേ അവർക്ക് ദഹിക്കൂ... 

കാരണം അവരുടെ ഉപബോധ മനസ്സ് രൂപപ്പെടുത്തിയത് അത്തരക്കാരാണ്. അവർ അത്തരക്കാരുടെ അടിമകൾ മാത്രം.

ഉപബോധമനസ്സിൽ ഇത്തരം വിവരങ്ങൾ കയറ്റിവെച്ചവർക്കറിയാം എന്തെല്ലാം എതിർതെളിവുകൾ കേട്ടാലും എതിർന്യായങ്ങൾ യുക്തിസഹിതം പറഞ്ഞാലും ഉപബോധമനസ്സ് മാറില്ലെന്ന്. 

അതാണ് മതപാഠശാലകളും ശാഖകളും, വളരെ ചെറുപ്പത്തിൽ തന്നെ നൽകുന്ന സ്റ്റഡിക്ലാസ്സുകളും പാഠങ്ങളും അർത്ഥമാക്കുന്നതും ഉദ്ദേശിക്കുന്നതും ലക്ഷ്യം വെക്കുന്നതും തെളിയിക്കുന്നതും.

അതൊക്കെ ആര് പറഞ്ഞു പഠിപ്പിച്ചുവോ അവർ തന്നെ അതിലൂടെ ഉരുത്തിരിയുന്ന ചോദ്യങ്ങൾക്ക് മറുപടി നൽകുന്നതായിരിക്കും നല്ലത്. 

അതേ അവർക്ക് ദഹിക്കൂ... 

*******

ഇങ്ങനെ ആര് വിചാരിച്ചാലും തകരുന്ന കോലത്തിൽ, ദുർബ്ബലമായി വെറുതേ കാത്തിരിക്കുകയാണോ തങ്ങളുടെ മതവും രാജ്യവും? 

ആ നിലക്കാണ് ഇവിടെ ഊഹാപോഹങ്ങൾ വിതരണം ചെയ്തു പ്രചാരണം.

അതും ചെറിയ ബംഗ്ലാദേശ് വരെ വിചാരിച്ചാൽ. 

ഇത്തരം ഗൂഢാലോചനാ സിദ്ധാന്തങ്ങൾ തീർവ്രവാദ വർഗ്ഗീയവാദ സംഘങ്ങൾക്ക് അവരുടെ എളുപ്പമുള്ള വളർച്ചക്ക് വേണ്ടി വെറുതേ സൗജന്യമായി വിതരണം ചെയ്യുന്ന, വെറുപ്പും വിഭജനവും എളുപ്പം ഉണ്ടാക്കാനുള്ള, വേഗം കത്തുന്ന ഇന്ദനമായ വികാരങ്ങളും വിവരങ്ങളും മാത്രമാണ്.

ബംഗ്ലാദേശിൽ നടക്കുന്നത് ഹിന്ദു മുസ്ലിം കലാപമല്ല.

ബംഗ്ലാദേശിൽ നടക്കുന്നത് ഹിന്ദു മുസ്ലിം കലാപമല്ല. 

അവിടെ ഹിന്ദുക്കളെക്കാൾ കൂടുതൽ മുസ്ലിംകൾ കൊല്ലപ്പെടുന്നു. 

അവിടെ നടക്കുന്നത് ഹിന്ദു മുസ്ലിം കലാപമാണെന്ന് വരുത്തൽ ചില വർഗ്ഗീയ രാഷ്ട്രീയം മാത്രം കളിക്കാൻ ഉദ്ദേശിക്കുന്നവരുടെ, വർഗ്ഗീയത വെച്ചും കളിച്ചും മാത്രം അധികാരം നേടുകയും നിലനിർത്തുകയും ചെയ്യുന്ന വൃത്തികെട്ട രാഷ്ട്രീയമാണ്. 

ബംഗ്ലാദേശിൽ ഭരണകൂടത്തിനെതിരെ ജനവികാരം തിളച്ചുമറിഞ്ഞ്, മുസ്ലിമായ ഭരണാധികാരി തന്നെ നാടുവിടേണ്ടി വന്ന കലാപമാണ്.

ബംഗ്ലാദേശിലെ ജനങ്ങളുദ്ദേശിക്കുന്ന രാഷ്ട്രീയ മാറ്റത്തിനുള്ള കലാപമാണ് അവിടെ നടക്കുന്നത്. 

ആ കലാപത്തിലെ ശരിയും തെറ്റും അപശ്രുതിയും നമുക്ക് വേറെ തന്നെ ചർച്ച ചെയ്യാം. 

ചുരുങ്ങിയത് ഇപ്പോൾ അവിടെ സത്യപ്രതിജ്ഞ ചെയ്ത് അധികാരത്തിൽ വന്നിരിക്കുന്നത് ഗുണ്ടാ നേതാവല്ല. 

അവിടെ സത്യപ്രതിജ്ഞ ചെയ്ത് അധികാരത്തിൽ വന്നിരിക്കുന്നത് വർഗീയതയും വെറുപ്പും പറഞ്ഞ് നടന്ന ആളല്ല. 

പകരം അവിടെ സത്യപ്രതിജ്ഞ ചെയ്ത് അധികാരത്തിൽ വന്നിരിക്കുന്നത് ലോകം മുഴുവൻ അംഗീകരിച്ച, വലിയ വ്യക്തിത്വത്തിന് ഉടമയായ, തെരുവ് രാഷ്ട്രീയം കളിച്ചിട്ടില്ലാത്ത, നൊബേൽ സമ്മാന ജേതാവാണ്. 

അതിനുള്ള പക്വത ആ സമരം നടത്തിയ ജനത കാണിച്ചു. 

അത്രയെങ്കിലും ഉദ്ദേശശുദ്ധി ആ സമരത്തിന് ഉണ്ടെന്നും അതിനാൽ തെളിയുന്നു.

എന്നിട്ടും അവിടെ കൊല്ലപ്പെടുന്നതിൽ ഹിന്ദുവിനെ മാത്രം ചികയുന്ന, കാണുന്ന മനസ്സും കണ്ണും കൊതുകിൻ്റെതാണ്. 

ഒരുപക്ഷേ അത്തരം കണ്ണും മനസ്സും കഴുകൻ്റെതും പട്ടിയുടെതും ആണ്. 

പാൽ ചുരത്തുന്ന അകിടിലും ചത്തുമലച്ച് കിടക്കുന്ന അമ്മയുടെ ശരീരത്തിലും കുടിക്കാനും തിന്നാനുമുള്ള ചോരയും ഇറച്ചിയും മാത്രം കാണുന്ന അഴുക്ക് ചാൽ വീടാക്കുന്ന കൊതുകിൻ്റെയും പട്ടിയുടെയും കഴുകൻ്റെയും മനസ്സും കണ്ണും. 

ഹിന്ദു മുസ്ലിം വർഗ്ഗീയത മാത്രം കാണുന്നവരുടെ, കളിക്കുന്നവരുടെ, അതുമാത്രമേ അധികാരത്തിലേക്കുള്ള, അധികാരം നിലനിർത്താനുള്ള കുറുക്കുവഴിയുള്ളൂ എന്ന് തിരിച്ചറിഞ്ഞ അതേ കണ്ണും മനസ്സും.

********

ഒരു അന്താരാഷ്ട്ര വാർത്താവിനിമയം ഏജൻസിയും ഇതിനകം ഇതിനെ വർഗ്ഗീയമായി ചിത്രീകരിച്ചിട്ടില്ല. ഇന്ത്യയിലുള്ള വളരെ ചില തൽപര കക്ഷികൾ മാത്രമല്ലാതെ. 

*******

ആര് വിചാരിച്ചാലും തകരുന്ന കോലത്തിൽ ഭാരതം ഇങ്ങനെ വെറുതേ കാത്തിരിക്കുകയാണോ? 

അതും ചെറിയ ബംഗ്ലാദേശ് വരെ. 

ഇത്തരം ഗൂഢാലോചനാ സിദ്ധാന്തങ്ങൾ തീർവ്രവാദ വർഗ്ഗീയവാദ സംഘങ്ങൾ അവരുടെ എളുപ്പമുള്ള വളർച്ചക്ക് വേണ്ടി വെറുതേ സൗജന്യമായി വിതരണം ചെയ്യുന്ന, വെറുപ്പും വിഭജനവും എളുപ്പം ഉണ്ടാക്കാനുള്ള, വേഗം കത്തുന്ന ഇന്ദനമായ വികാരങ്ങളും വിവരങ്ങളും മാത്രമാണ്.

വിനീഷ് ഫോഗാട്ട്: മകൻ ചത്തിട്ടായാലും മരുമകളുടെ കണ്ണീർ കണ്ട് സമാധാനമായല്ലോ?

വിനേഷ് ഫോഗാട്ട് സെമിഫൈനലിന് യോഗ്യത നേടുമ്പോഴും സെമിഫൈനൽ വിജയിക്കുമ്പോഴും ഭാരം കൃത്യമായിരുന്നു. 

എങ്കിൽ ഭാരം കൃത്യമായ സമയത്ത് ജയിച്ച സെമിഫൈനൽ അടിസ്ഥാനപ്പെടുത്തി വെള്ളി നൽകേണ്ടതല്ലേ? 

കാരണം, അവരുടെ ഭാരം കൂടിയത് സെമിഫൈനലിന് ശേഷം, ഫൈനൽ ആകുമ്പോഴേക്കല്ലേ? 

എങ്കിൽ ഫൈനലിന് മാത്രമല്ലേ അയോഗ്യത കൽപിക്കേണ്ടതുള്ളൂ? 

അതുവരെയുള്ളത് നിയമപ്രകാരമുള്ളതല്ലേ?

ഒരിക്കൽ ഭാരം നോക്കി യോഗ്യത നേടിയ ആളല്ലേ സെമിഫൈനൽ വരെ മത്സരിച്ചതും ഫൈനലിലേക്ക് വിജയിച്ചതും? 

പിന്നെന്താണ് അതുവരെയുള്ളതിന് അയോഗ്യത? 

എന്ത്കൊണ്ട് ഇന്ത്യ ഇത് ശക്തിയുക്തം ചോദ്യം ചെയ്യുന്നില്ല?

ഒരാളുടെ ഭാരം വീണ്ടും വീണ്ടും നോക്കുന്ന നിയമം എന്താണ്, എന്തടിസ്ഥാനത്തിലാണ്?  

Okay അതൊരു നിയമാമാണെന്നു പറഞ്ഞും കരുതിയും നിയമം അങ്ങനെയായാൽ നമ്മളെന്ത് ചെയ്യും എന്ന് പറഞ്ഞും മിണ്ടാതിരിക്കാം. 

പക്ഷെ അയോഗ്യ ആവുന്നതിന് മുൻപ് അവൾ യോഗ്യയായിരുന്നപ്പോൾ നേടിയത് എങ്ങിനെ നഷ്ടമാകും? തുടക്കം മുതലേ അയോഗ്യയാവാൻ ലഹരി അടിച്ചു നേടിയ കെസൊന്നും അല്ലല്ലോ ഇത്? 

ഭാരം കൂടിയതിന് ശേഷമുള്ളത് വേറെ മുൻപുള്ളത് വേറെ. ഭാരം മാത്രമാണ് യോഗ്യതക്കും അയോഗ്യത ക്കും അടിസ്ഥാനമെങ്കിൽ.

ഭാരം അങ്ങനെ ഏത് സമയത്തും കൂടുന്ന പ്രശ്നമുണ്ടെങ്കിൽ കൂടുന്നതിന് മുൻപ് നടന്ന വിജയം അംഗീകരിക്കേണ്ടതല്ലേ?

ഇങ്ങനെ ഏത് സമയവും മാറുന്ന കാര്യത്തെ പിന്നെങ്ങിനെയാണ് മാനദണ്ഡമാക്കുന്നത്?

എങ്ങിനെയാണ് ഏത് സമയവും മാറിമറിയുന്നതിനെ അടിസ്ഥാനമാക്കി ഇത്ര കണിശമായ നിയമം നടപ്പാക്കുന്നത്?

*******

യഥാർത്ഥത്തിൽ വിനേഷ് ഫോഗാട്ട് അയോഗ്യയായതോ, അതല്ലേൽ അവളെ കരുതിക്കൂട്ടി അയോഗ്യയാക്കിയതോ? 

നൂറ് ഗ്രാം അധികമായാൽ അയോഗ്യത നൽകുമെന്നതൊക്കെ വിശ്വസിക്കാനാവുന്നില്ല. 

നൂറ് ഗ്രാം വർദ്ധനയൊക്കെ ഒരു വർദ്ധനയാണോ? 

ഒന്ന് വെളളം കുടിച്ചാൽ കൂടുമല്ലോ ഇതിൽ കൂടുതൽ?

*********

ബന്ധപ്പെട്ടവർ ഏകലവ്യന്മാരെ കൈകാര്യം ചെയ്യുകയാണ്

ഏകലവ്യന്മാരുടെ വിരൽ സൗകര്യപൂർവ്വം മുറിച്ച് മാറ്റുകയാണോ?

സ്പോർട്സ് അസോസിയേഷനുകൾ വിചാരിച്ചാൽ (ജില്ലാ, സംസ്ഥാന അസോസിയേഷനുകൾ തൊട്ട് ഏതും) എത്ര നല്ല കളിക്കാരനെയും എന്തെങ്കിലും ഉടായിപ്പ് കാരണങ്ങൾ ഉണ്ടാക്കി ഒതുക്കും, അവർക്കങ്ങനെ ഒതുക്കാൻ സാധിക്കും. 

അവർ സ്നേഹിക്കും പോലെ കൊല്ലും. 

അവർ സംരക്ഷിക്കുന്നത് പോലെ നശിപ്പിക്കും.

അവർ സ്നേഹിക്കുന്നുവെന്ന് തോന്നിപ്പിക്കും വിധം വെറുത്ത് തോൽപിക്കും

എന്നിട്ടോ? 

നക്കിയും ചുംബിച്ചും കൊല്ലും.

മകൻ്റെ കാര്യത്തിൽ ഇതുപോലെ നേരിട്ടനുഭവിച്ച പാഠവും കൂടെയുണ്ട്.

********

മനസ്സിലാകേണ്ടവർക്ക് കാര്യം മനസിലാവുന്നുണ്ട്. 

മനസ്സിലാക്കില്ല എന്ന് വാശി പിടിക്കുന്നവർക്കും കാര്യം മനസ്സിലാവാതെയല്ല. 

അധികാരിവർഗ്ഗത്തിന് സ്തുതിപാടുക ബാധ്യതയാവുന്നതിനാൽ  മനസ്സിലായില്ലെന്ന് വരുത്തി അവർക്ക് അധികാരികളെ ന്യായീകരിക്കുക നിർബന്ധമാവുകയാണ്.

******** 

അവൾ ഒറ്റക്കല്ല അമ്പത് കിലോ കാറ്റഗറിയിൽ മത്സരിക്കാൻ തീരുമാനിക്കുന്നതും മത്സരിക്കുന്നതും. 

അവളുടെ ഭാരം യോഗ്യത നേടുമ്പോഴും മൽസരത്തിനിടെയും അമ്പത് കിലോ തന്നെയായിരുന്നു. 

അതുകൊണ്ടാണല്ലോ അവൾ യോഗ്യത നേടിയതും മത്സരിച്ച് സെമിഫൈനൽ കടന്നതും. 

അസോസിയേഷനും രാജ്യവും കൂടി തീരുമാനിച്ച് തെരഞ്ഞെടുത്താണ് അമ്പത് കിലോ കാറ്റഗറിയിൽ അവൾ മത്സരിക്കുന്നത്. 

അവസാനം സ്വർണ്ണം നേടുന്നത്ര അടുത്ത് അവൾ ഫൈനലിൽ എത്തുകയും ചെയ്തു. 

എന്നിട്ടോ അന്ധത നടിച്ച് അവളുടെ കുറ്റം ഇതൊക്കെയും എന്നാരോപിച്ച് നമ്മൾ അഭിപ്രായം പറയരുത്, എളുപ്പം കയ്യൊഴിയരുത്?

അധികാരിവർഗ്ഗത്തിൻ്റെയും അസോസിയേഷൻ്റെയും കണ്ണിലെ കരടായി മാറിക്കഴിഞ്ഞ അവൾ മെഡലുമായി വരാതിരിക്കാനുള്ള ചതിപ്രയോഗം നടന്ന 

അവൾ തന്നെ അങ്ങനെ ചിലത് മുൻകൂട്ടി കാണുകയും പേടിക്കുകയും അത് പലരുമായും പങ്കുവെക്കുകയും ചെയ്തിരുന്നതായും കേൾക്കുന്നു.

എന്തായാലും മകൻ ചത്തിട്ടായാലും മരുമകളുടെ കണ്ണീർ കാണാൻ സാധിച്ചത് സമാധാനമായല്ലോ എന്ന നിലക്കാണ് ചിലരെങ്കിലും എന്ന് തോന്നുന്നു.

********

അതുകൊണ്ടാണ് പ്രതികരിച്ചു പോകുന്നത്. 

മറ്റ് രാഷ്ടീയ താൽപര്യമുള്ളവർക്ക്, നിഗൂഢ അധികാര അജണ്ടയും താല്പര്യവുമുള്ളവർക്ക് അതാണല്ലോ പ്രധാന പരിഗണന? 

അവർക്ക് അധികാരിവർഗ്ഗത്തിന് വേണ്ടി ന്യായീകരിക്കുക നിർബന്ധം.

വയനാട് ദുരന്തം: പ്രകൃതിയെന്ന ദൈവത്തിന് നശിക്കാനും വളരാനും ഇല്ല.

വയനാട് ദുരന്തം: 

മനുഷ്യന് ദുരന്തങ്ങൾ സംഭവിക്കുമ്പോൾ മാത്രം ദൈവത്തെ പഴിക്കും, പ്രകൃതിയെ പഴിക്കും.

ദൈവമോ പ്രകൃതിയോ മനുഷ്യകേന്ദ്രീകൃതമാണെന്ന പോലെ, ദൈവമോ പ്രകൃതിയോ മനുഷ്യകേന്ദ്രീകൃതമാവണമെന്ന പോലെ.

മനുഷ്യനാണ്, മനുഷ്യനാവണം ദൈവത്തിനും പ്രകൃതിക്കും പ്രപഞ്ചത്തിനും പ്രധാനവിഷയം, കേന്ദ്രകഥാപാപാത്രം, കേന്ദ്രബിന്ദു എന്ന് മനുഷ്യൻ തന്നെ സ്വയം ഉണ്ടാക്കിയെടുത്ത ധാരണയും വിശ്വാസവും കൊണ്ടാണ് ഇങ്ങനെ മനുഷ്യന് ദൈവത്തെയോ പ്രകൃതിയെയോ പഴിക്കേണ്ടി വരുന്നത്.

അതുകൊണ്ടാണ്, മനുഷ്യന് ദുരന്തം സംഭവിക്കുമ്പോൾ മാത്രം ദൈവത്തിന് കണ്ണില്ലെന്നും കണ്ണിൽ ചോരയില്ലെന്നും, അതിനാൽ ദൈവമില്ലെന്നും അങ്ങനെയുള്ള ദൈവത്തെ വേണ്ടെന്നും ഒക്കെ പറയേണ്ടിവരുന്നത്. 

കാടും മലയും നശിച്ചപ്പോഴും, ഒട്ടനവധി ജീവിവർഗ്ഗങ്ങൾക്ക് വംശനാശം സംഭവിച്ചപ്പോഴും ദൈവത്തിന് കണ്ണില്ലെന്നും ദൈവം ക്രൂരനെന്നും ആരും ഒരിക്കലും പറഞ്ഞില്ല.

മനുഷ്യൻ തന്നെ ബാക്ടീരിയകളെയും വൈറസുകളെയും ഉറുമ്പിനെയും ആടിനെയും കൊഴിയെയും കൊതുകിനെയും കൂട്ടമായി കൊല്ലുമ്പോഴും നശിപ്പിക്കുമ്പോഴും അതൊന്നും ഈ ദൈവം തന്നെ വരുത്തിവെക്കുന്ന വൻദുരന്തമായി മനുഷ്യൻ കണ്ടില്ല, കാണുന്നില്ല.

അതെന്തേ, ബാക്ടീരിയയും വൈറസും ഉറുമ്പും കൊതുകും ആടും കോഴിയും കൂട്ടമായി നശിക്കുന്നത് ദുരന്തങ്ങളല്ലേ? 

പക്ഷെ, ഇതേ മനുഷ്യന് അവയൊന്നും ദുരന്തങ്ങളായി തോന്നുന്നില്ല. 

യഥാർത്ഥത്തിൽ മനുഷ്യൻ കൂട്ടമായി മരിക്കുന്നത് ദുരന്തമാണെങ്കിൽ എന്തുമേതും കൂട്ടമായി കൊല്ലപ്പെടുന്നത് അതുപോലെ തന്നെ ദുരന്തങ്ങളാണ്. 

ബാക്ടീരിയയും വൈറസും ഉറുമ്പും കൊതുകും ആടും കോഴിയും കൂട്ടമായി നശിക്കുന്നതൊന്നും ദുരന്തങ്ങളെല്ലെങ്കിൽ മനുഷ്യൻ കൂട്ടമായി നശിക്കുന്നതും മരിക്കുന്നതും മാത്രം ദുരന്തമാകുന്നതെങ്ങിനെ?

യഥാർത്ഥത്തിൽ ദൈവമെന്ന പ്രകൃതിയെ സംബന്ധിച്ചേടത്തോളം നാശമെന്നതില്ല. മനുഷ്യനെന്നതും മനുഷ്യനല്ലാത്തതെന്നുമെന്ന വ്യത്യാസമില്ല.

പ്രകൃതിയെന്ന ദൈവത്തിന് നശിക്കാനും വളരാനും ഇല്ല. നാശവും വളർച്ചയും എന്നത് ദൈവത്തിനില്ല.

മനുഷ്യൻ മനസ്സിലാക്കിയ, നിർവ്വചിച്ച ദൈവമല്ല ദൈവം. 

മനുഷ്യൻ മനസ്സിലാക്കിയ, നിർവ്വചിച്ച പ്രകൃതിയല്ല പ്രകൃതി. 

നാശവും വളർച്ചയും ആപേക്ഷിക മനുഷ്യൻ്റെ നിഘണ്ടുവിലെ വാക്കുകളാണ്. 

മനുഷ്യൻ്റെ ആവശ്യവും അനാവശ്യവും കണക്കാക്കിയുള്ള വാക്കുകളാണ് നാശം വളർച്ച, നന്മ തിന്മ, ശരി തെറ്റ്.

മനുഷ്യൻ പ്രകൃതിയെ നശിപ്പിക്കുക എന്നതില്ല. 

പ്രകൃതി മനുഷ്യനെ നശിപ്പിക്കുക എന്നതുമില്ല.

ആരും പ്രകൃതിയെ നശിപ്പിക്കുന്നില്ല, ആർക്കും പ്രകൃതിയെ നശിപ്പിക്കാനാവില്ല. 

എല്ലാവരും പ്രകൃതിയാണ് പ്രകൃതിയുടെ ഭാഗമാണ്. 

പ്രകൃതി ഇങ്ങനെ മാത്രമാണെന്നും ഇങ്ങനെ മാത്രമല്ലെന്നും ഇല്ല. 

പ്രകൃതി എങ്ങനെയുമാണ്. 

പ്രകൃതി അങ്ങനെയും ഇങ്ങനെയുമാണ്. 

മനുഷ്യൻ്റെ ആവശ്യങ്ങളും മനുഷ്യൻ മനുഷ്യന് വേണ്ടി ഉണ്ടാക്കിയ മാനദണ്ഡങ്ങൾ വെച്ചുള്ള ശരികളും തെറ്റുകളും വെച്ച് മാത്രമല്ല പ്രകൃതിയെയും പ്രകൃതിയുടെ ശരി തെറ്റുകളെയും നിശ്ചയിക്കേണ്ടത്.

പ്രകൃതിയെന്ന ദൈവത്തെ സംബന്ധിച്ചേടത്തോളം എല്ലാം വളർച്ചയാണ്, എല്ലാം നിർമാണമാണ്.

അങ്ങനെയുള്ള എല്ലാ വളർച്ചയിലും നാശമുണ്ട്, എല്ലാ നാശത്തിലും വളർച്ചയുണ്ട്.

പ്രകൃതി നശിക്കുക, വളരുക എന്നുവെച്ചാൽ മനുഷ്യൻ കൂടി വളരുക, നശിക്കുക എന്നത് മാത്രമാണ്.

പ്രകൃതി പ്രകൃതിയെ തന്നെ വളർത്തുന്നു, നശിപ്പിക്കുന്നു. 

കാരണം മനുഷ്യനും കൂടിയതാണ് പ്രകൃതി.

പ്രകൃതിയിൽ നിന്ന് ഭീന്നവും അകലെയുമല്ല മനുഷ്യൻ.

മനുഷ്യൻ മനസ്സിലാക്കിയത് പോലെയോ, നിർവ്വചിച്ചത് പോലെയോ അല്ല ദൈവം. 

മനുഷ്യൻ മനസ്സിലാക്കിയത് പോലെയോ, നിർവ്വചിച്ചത് പോലെയോ അല്ല പ്രകൃതി.

മനുഷ്യൻ മനസ്സിലാക്കിയത് പോലെയോ, നിർവ്വചിച്ചത് പോലെയോ ഉള്ള പ്രകൃതിയും ദൈവവും ഇല്ല.

ജീവിതത്തിനർത്ഥം ജിവിതം. ദൈവത്തിനർത്ഥം ദൈവം.

ജീവിതത്തിനർത്ഥം ജിവിതം. 

ദൈവത്തിനർത്ഥം ദൈവം. 

നീയും ഞാനും ഇല്ലാത്ത ജിവിതം. 

നീയും ഞാനും ഇല്ലാത്ത ദൈവം.

ജീവിതം കൊണ്ടുപോകുന്നിടത്തേക്ക് നീ പോകുക. 

വിധിയെന്നോ മറ്റെന്തോ ജീവിതത്തെ വിളിക്കുക. 

നീ വണ്ടിക്കുള്ളിലാണ്. 

വണ്ടിക്കുള്ളിൽ നിന്ന് എന്ത് തലകുത്തിമറിഞ്ഞിട്ടും കാര്യമില്ല. 

ജീവിതമെന്ന വിധിയെന്ന വണ്ടി പോകുന്ന ദിശയിലും വേഗത്തിലും മാത്രമേ നീ പോകൂ. 

ഈ വണ്ടിയുടെ ഗതിയും ദിശയും വേഗതയും നിശ്ചയിക്കുന്ന ഡ്രൈവർ നീയല്ല. 

ജീവിതമെന്ന, വിധിയെന്ന് നീ നിസ്സഹായത കൊണ്ട് വിളിക്കുന്ന വണ്ടിയുടെ ഗതിയും ദിശയും വേഗതയും നിശ്ചയിക്കുന്ന ഡ്രൈവറുമായി സംവദിക്കാൻ നിനക്ക് സാധിക്കുകയുമില്ല.

ബംഗ്ലാദേശ്: തെറ്റും ശരിയും ഏത് ഭാഗത്തെന്ന് അറിയില്ല, പറയുന്നില്ല.

ബംഗ്ലാദേശ്: 

തെറ്റും ശരിയും ഏത് ഭാഗത്തെന്ന് അറിയില്ല, പറയുന്നില്ല. 

പക്ഷെ നെറികെട്ട ഭരണകൂടത്തിനെതിരെ പ്രതികരിക്കുന്ന, നട്ടെല്ല് കാണിക്കുന്ന, അങ്ങനെ ഭരണകൂടത്തെ ഞെട്ടിക്കുന്ന ഒരു വിദ്യാർത്ഥിസമൂഹത്തെ കാണുമ്പോൾ ഉൾപുളകമുണ്ടാവുന്നു. 

ഒന്നിനും കൊള്ളാത്ത ക്രൂര ഭരണകൂടത്തിന് പോലും സ്തുതിപാടുക മാത്രം ചെയ്യുന്ന പ്രതികരണശേഷി നഷ്ടപ്പെട്ട വലിയൊരു ലോകപശ്ചാത്തലത്തിൽ നിന്ന് കാണുമ്പോൾ പ്രത്യേകിച്ചും. 

വിദ്യാർത്ഥിയുവത തന്നെയാണ് ലോകത്ത് എപ്പോഴും മാറ്റത്തിൻ്റെ തിരയിളക്കം ഉണ്ടാക്കിയത്.

വിദ്യാർത്ഥിയുവത തന്നെയാണ് ലോകത്ത് എപ്പോഴും പ്രതീക്ഷയുടെയും വെളിച്ചത്തിൻ്റെയും തീച്ചൂട്ട കയ്യിലേറ്റിയത്.

*******

ബംഗ്ലാദേശിലെ ഇത്തരം വിദ്യാർത്ഥി സമരത്തിന് പിന്നിൽ ജമാഅത്തെ ഇസ്ലാമിയെ പോലുള്ള പാർട്ടിയാണെങ്കിൽ പേടിക്കണം. 

എവിടെയായാലും അത്തരം മതമൗലിക തീവ്രവാദ ശക്തികളെ തന്നെയാണ് പേടിക്കേണ്ടത്. 

അത് ഇന്ത്യയിലായാലും. 

പക്ഷെ വിദ്യാർത്ഥി യുവജന വിഭാഗം നിരാശ പൂണ്ട് പ്രതിഷേധിച്ച് പ്രതികരിച്ച് തുടങ്ങിയാൽ എവിടെയായാലും എത്രവലിയ ആയുധബലമുള്ള ഭരണകൂടവും വിറങ്ങലിച്ച് തുടങ്ങുമെന്നത് സൂചന. 

ചരിത്രം അങ്ങുനിന്നിങ്ങോളം തെളിയിച്ച സൂചന.

********

ബംഗ്ലാദേശ് തരുന്ന പാഠം. 

അളമുട്ടിയാൽ ചേരയും കടിക്കും. 

മതതീവ്രവാദത്തെ അപലപിച്ചും പേടിച്ചും തന്നെ പറയട്ടെ. 

ജനങ്ങളെ വിഡ്ഢികളാക്കി, 

ഏജൻസികളെ ദുരുപയോഗം ചെയ്ത്, 

തെരഞ്ഞടുപ്പ് അട്ടിമറിച്ച്, 

ജനങ്ങളെ തന്നെ പേടിപ്പിച്ച് 

പലപ്പോഴും വിദേശശക്തികളുടെ പാവകൾ പോലുമായി 

ജനാധിപത്യത്തെ നോക്കുകുത്തിയാക്കുന്ന ഭരണകൂടത്തെ 

എപ്പോഴും ജനങ്ങൾ സഹിച്ചെന്ന് വരില്ല. 

ചില കുറ്റവാളികളും മനോരോഗികളും ഒരുപോലെ.

ചില കുറ്റവാളികളും മനോരോഗികളും ഒരുപോലെ. 

കുറ്റങ്ങൾ ചെയ്തുകൊണ്ടും  ചെയ്തില്ലെന്ന് അവർ വരുത്തും. 

ഒരുത്തരവാദിത്തവും നിർവ്വഹിക്കാതെ എല്ലാ ഉത്തരവാദിത്തങ്ങളും നിർവ്വഹിച്ചത് പോലെയും നിർവ്വഹിക്കുന്നത് പോലെയും വരുത്തും.

അങ്ങനെയവർക്ക് വരുത്താൻ സാധിക്കും. 

എങ്ങിനെ? 

കുറ്റം ചെയ്തുവെന്നോ ഉത്തരവാദിത്തം നിർവ്വഹിക്കുന്നില്ലെന്നോ ആരെങ്കിലും അവരെക്കുറിച്ച് പറയുന്നുവെങ്കിൽ, അല്ലെങ്കിൽ പറഞ്ഞാൽ, സ്വയം തിരുത്തി കുറ്റം ചെയ്യുന്നത് നിർത്തുകയോ ഉത്തരവാദിത്തങ്ങൾ നിർവ്വഹിച്ചു തുടങ്ങുകയോ അല്ല അവർ ചെയ്യുക. 

പകരം, അങ്ങനെ പറയുന്നവരേയും കരുതുന്നവരെയും ഭീഷണിപ്പെടുത്തി ഭീതിയുടെ മുൾമുനയിൽ നിർത്തും. 

മുൾമുനയിൽ നിർത്തി ആരെക്കൊണ്ടും ഒന്നും അവർക്കെതിരെ പറയാതാക്കും. 

ഒന്നും പറയാതാക്കി ഒന്നും ആരും പറയുന്നില്ല, അതിനാൽ തങ്ങളൊരു കുറ്റവും ചെയ്തില്ല, എല്ലാ ഉത്തരവാദിത്തങ്ങളും നിർവ്വഹിച്ചു എന്ന് വരുത്തും. 

കണ്ണടച്ച് ഇരുട്ടാക്കിയാൽ തങ്ങളെ ആരും കാണില്ലെന്നവർ കരുതും. 

തങ്ങൾ സ്വയം കണ്ണടച്ചാൽ മാത്രം മതി തങ്ങൾക്കെതിരെയുള്ള എല്ലാ തെളിവുകളും ഇല്ലാതായി എന്നവർ സമാധാനിച്ചുറപ്പിച്ച് കൊള്ളും.

തങ്ങൾ കുറ്റം ചെയ്യുന്നതോ ഉത്തരവാദിത്തങ്ങൾ നിർവ്വഹിക്കാത്തതോ അല്ല അത്തരം കുറ്റവാളികളെയും മാനസികരോഗികളെയും സംബന്ധിച്ചേടത്തോളം വലിയ തെറ്റും തകരാറും.

പകരം തങ്ങൾ കുറ്റംചെയ്യുന്നുവെന്നും ഉത്തരവാദിത്തങ്ങൾ നിർവ്വഹിക്കുന്നില്ലെന്നും ആരെങ്കിലും  കരുതുന്നതാണ് വലിയ കുറ്റമെന്നും അങ്ങനെ കരുതുന്നവരാണ് കുറ്റക്കാരെന്നും അത്തരം കുറ്റവാളികളും മനോരോഗികളും  കരുതും, വിശ്വസിക്കും വരുത്തും.

ജനങ്ങളെ കൊന്നുതള്ളി അധികാരം നേടിയവർക്കും വയനാട് ഒരു ഞെട്ടലും ഉണ്ടാക്കില്ല

പ്രധാനമന്ത്രി ഓടിപ്പോകേണ്ടത് മണിപ്പൂരിലെ ദുരാന്തഭൂമിയിലേക്കോ കേരളത്തിലെ ദുരന്തഭൂമിയിലേക്കോ അല്ല. 

അതിനേക്കാൾ ഗുരുതരമായ അംബാനിയുടെ മകൻ്റെ കല്യാണത്തിനും സുരേഷ് ഗോപിയുടെ മകളുടെ കല്യാണത്തിനും തെരഞ്ഞെടുപ്പ് പ്രചാരണത്തിനും ഒക്കെയാണ്. 

നിങ്ങൾക്കെന്താ ഒന്നും മനസ്സിലാകാത്തത്???

********

ജനങ്ങളെ കൊന്നുതള്ളി മാത്രം അധികാരം നേടിയവർക്കും, 

ജനങ്ങളെ കൊന്നുതള്ളാൻ മാത്രം പദ്ധതിയിടുന്നവർക്കും 

വയനാട് ദുരന്തം ഒരു ഞെട്ടലും ഉണ്ടാക്കില്ല. 

അവർ  ക്രൂരവിരോധികളായി നിന്ന് നോക്കിച്ചിരിക്കും. 

ഇനിയുമിനിയും ഉണ്ടാവട്ടെ എന്നാഗ്രഹിക്കും. 

കാരണം, കേരളം അവർക്കെന്നും ബാലികേറാമലയാണ്. 

അതവരറിയുന്നത് കൊണ്ട് അവരിലുണ്ടാവുന്നത് കേരളത്തോടുള്ള വെറുപ്പും അസഹിഷ്ണുതയും മാത്രം. 

കിട്ടാത്ത മുന്തിരി പുളിക്കും.

********

ഹിന്ദുക്കൾ ഹിന്ദുക്കളോട് ചെയ്ത ക്രൂരതയും മർദ്ദനവും അനീതിയും ചൂഷണവും തൊട്ടുകൂടായ്മയും ചരിത്രത്തിൽ ഒരിക്കലും ഒരു മുസ്ലിമും ക്രിസ്ത്യാനിയും ഇസ്‌ലാമും ക്രിസ്തുമതവും ഹിന്ദുക്കളോട് ചെയ്തിട്ടില്ല. 

പലപ്പോഴും ഹിന്ദുക്കൾ മതം മാറിയത് പോലും അത്തരം ക്രൂരതയും മർദ്ദനവും അനീതിയും ചൂഷണവും ഒഴിവാക്കാനാണ്. 

ഇതൊളിപ്പിക്കാൻ വർത്തമാനകാല രാഷ്ട്രീയം അധികാരം ലക്ഷ്യം വെച്ച് നടത്തുന്ന ക്രിസ്ത്യൻ ഇസ്‌ലാം വിരോധം മതിയാവില്ല.

സുഹൃത്തുക്കളോട് പറയാനുള്ളത് നന്ദിയല്ല.

സുഹൃത്തുക്കളോട് പറയാനുള്ളത് നന്ദിയല്ല.

സുഹൃത്തുക്കൾക്ക് നന്ദി പറയാൻ  ആവശ്യപ്പെട്ടാലും പറയില്ല.

സുഹൃത്തുക്കൾക്ക് നന്ദി പറയാത്തത് ഒരു ഗുണമായി എടുത്തുപറയണം.

ഒരുപക്ഷേ എവിടെയെങ്കിലും എപ്പോഴെങ്കിലും മാത്രം നന്ദി പറയുന്നതിനെ ചോദ്യം ചെയ്യണം.

********

കാരണം, സൗഹൃദത്തിൽ നന്ദി പറയേണ്ടതുണ്ടെങ്കിൽ: 

അത് സൗഹൃദത്തോടാണ്. 

സുഹൃത്തുക്കളായ ആരോടെങ്കിലുമല്ല. 

അതെപ്പോഴുമാണ്, 

അത് ഓരോ നിമിഷവുമാണ്. 

എപ്പോഴെങ്കിലുമല്ല.

അത് പ്രത്യേക സ്ഥാനവും സമയവും ഇല്ലാതെയാണ്. 

അത് ആർക്കെങ്കിലും എന്തിനെങ്കിലും മാത്രമായല്ലാതെയാണ്. 

ഒരു വകതിരിവും പ്രത്യേകതയും ഒന്നിനും ആർക്കും നൽകാതെ. 

പ്രത്യേകത സൗഹൃദത്തിന് മാത്രം തന്നെയല്ലാതെ.

*******

എന്തുകൊണ്ട് പല സൗഹൃദ കൂടിച്ചേരലുകളിലും ഈയുള്ളവൻ നന്ദി പറഞ്ഞില്ല.

എനിക്ക് എന്നോട് നന്ദി പറയാൻ സാധിക്കില്ല, പറയേണ്ടതില്ല എന്നതിനാൽ.

സൗഹൃദം എന്നിലെ ഞാനാണ്, എന്നിലെ എന്നെപ്പോലെയാണ് എന്നതിനാൽ.

നന്ദി വെറും വെറുതേയും പറയാം എന്നതിനാൽ. 

നല്ല കുറെ വാക്കുകൾ നല്ല കുറെ പ്രവൃത്തികളാവില്ല. 

നല്ല നൂറായിരം വാക്കുകൾ ഒരേയൊരു നല്ല പ്രവൃത്തിക്ക് പോലും പകരമാവില്ല.

പ്രവൃത്തിക്ക് പകരം പ്രവൃത്തി മാത്രം. 

സൗഹൃദത്തിന് പകരം സൗഹൃദം മാത്രം.

സൗഹൃദം പരസ്പരമുള്ള പ്രവൃത്തികളാണ്. പ്രവർത്തിക്കാത്ത വാക്കുകളല്ല സൗഹൃദം.

നന്ദി വെറുമൊരു പറഞ്ഞുതീർക്കലാണ്.

നന്ദി പറച്ചിൽ പലപ്പോഴും വെറും വെറുതേയുളള ചടങ്ങാണ്, ഉപചാരമാണ്.

ഉപചാരവും ചടങ്ങും പലപ്പോഴും കൃത്രിമമാണ്, യാന്ത്രികമാണ്. 

നന്ദി അക്കൗണ്ട് ക്ലോസ് ചെയ്യലാണ്, കണക്ക് തീർക്കലാണ്, തീർത്തെന്ന് വരുത്തലാണ്.

സൗഹൃദത്തിൽ അക്കൗണ്ട് തുറന്നേയിരിക്കണം, സൗഹൃദത്തിൽ കണക്ക് തീരാതെയാണ്. എക്കൗണ്ട് ക്ലോസ് ചെയ്യലില്ല.

സൗഹൃദത്തിൽ, അല്ലെങ്കിലും, ആര് ആരോട് ആർക്ക് നന്ദി പറയാൻ?

സൗഹൃദത്തിൽ നന്ദി എല്ലാവരും എല്ലാവരോടും തന്നെയാണ്. എല്ലാവരും എല്ലാവർക്കും തന്നെയാണ്.

സൗഹൃദത്തിൽ നന്ദി ആരോടെങ്കിലുമായി മാത്രമില്ല.

നന്ദി പറയേണ്ടി വരുന്നുവെങ്കിൽ, നന്ദി പ്രതീക്ഷിക്കുന്നുവെങ്കിൽ സൗഹൃദം സൗഹൃദം പോലുമല്ലെന്നാവും.

എല്ലാവരോടും എല്ലാവർക്കുമായാണ് സൗഹൃദത്തിൽ കടപ്പാട്. 

സൗഹൃദത്തോടാണ് സൗഹൃദത്തിൽ കടപ്പാട്, നന്ദി.

അതുകൊണ്ട് തന്നെ സൗഹൃദത്തിൽ നന്ദി എന്ന വാക്കില്ല. 

പകരം സൗഹൃദത്തിൽ സൗഹൃദം മാത്രം. 

വെറും വെറുതെ വിട്ടഭാഗം പൂരിപ്പിക്കുന്ന സൗഹൃദം മാത്രം നന്ദി.

സൗഹൃദം തന്നെയാണ് സൗഹൃദത്തിലെ നന്ദി.

സൗഹൃദം ആഗ്രഹിക്കുകയും നേടുകയും സൂക്ഷിക്കുകയുമാണ് സൗഹൃദത്തിൽ നന്ദി

അല്ലാത്ത ഏതൊരു നന്ദി പറച്ചിലും ഫോർമലാണ്., സൗഹൃദമല്ല. 

********

Formality വരുന്നിടത്ത് spirituality അപ്രത്യക്ഷമാകും.

Formality വരുന്നിടത്ത് സൗഹൃദം വറ്റിവരളും. 

Formality വരുന്നിടത്ത് ഒറിജിനാലിറ്റിയും സ്വാഭാവികതയും (spontaneityയും) നഷ്ടമാവും. 

Formality വരുന്നിടത്ത് സൗഹൃദം ഒഴുക്കില്ലാത്ത വെറും ദുർഗന്ധം വമിക്കുന്ന, കെട്ടിക്കിടക്കുന്ന ജലാശയമാകും.

ഫോർമാലിറ്റി രൂപത്തിലാണ്, രൂപം കൊണ്ടാണ്,  രൂപം (form) സൂക്ഷിക്കാനാണ്. 

സൗഹൃദം ഉണ്ടാവുന്നത്  ഉള്ള രൂപവും ഭാവവും നഷ്ടപ്പെടുത്താനാണ്, നഷ്ടപ്പെടുമ്പോഴാണ്. 

അതുകൊണ്ട് കൂടിയാണ് സൗഹൃദം എന്തും തുറന്നു പറയാനാവുന്ന ഇടമാകുന്നത്. 

അതുകൊണ്ടാണ് സൗഹൃദം കെട്ടഴിക്കുന്ന, കെട്ടഴിയുന്ന, ഭാരിമിറക്കുന്ന, ഭാരമിറങ്ങുന്ന ഇടമാകുന്നത്.

Formality വന്നാൽ അഭിനയവും കൃത്രിമത്വവും കാപട്യവും സ്ഥാനം നേടും. ഭാരം കൂടും. കാര്യങ്ങൾ ബാധ്യത പോലെയാകും. 

Formality വന്നാൽ സ്ഥാനമാനങ്ങളും അധികാരവും സമ്പത്തും വലുതാകും.

Formality വന്നാൽ സ്ഥാനമാനങ്ങൾക്കും അധികാരത്തിനും സമ്പത്തിനും ആയിരിക്കും സൗഹൃദമെന്ന പേരിൽ നമ്മൾ നന്ദി പറയുക.

ഫോർമാലിറ്റിയിൽ formനാണ് (രൂപത്തിനാണ്) പ്രാധാന്യം. 

ഫോമാലിറ്റിയിൽ ബാഹ്യമായ കാഴ്ചക്കാണ് പ്രാധാന്യം. 

ഫോമാലിറ്റിയിൽ സ്‌പിരിറ്റിനും സൗൾനും സ്ഥാനമില്ല.

ഫോം ദ്രവിക്കാനുള്ളതാണ്, നഷ്ടപ്പെടുന്നതാണ്. 

അതിനാൽ ഫോമാലിറ്റിയും യഥാർത്ഥത്തിൽ കാലത്തിൽ നിലനിൽക്കുന്നതല്ല.

അനുഭവിക്കുമ്പോൾ നഷ്ടപ്പെടാനുള്ളതാണ് ഫോം (രൂപം). അതിനാൽ ഫോർമാലിറ്റിയും.

ശരിക്കും അനുഭവിക്കുമ്പോൾ നാം കണ്ട് വാങ്ങിയ നാരങ്ങയുടെയും മാങ്ങയുടെയും രൂപം നഷ്ടപ്പെടും.  

അതുപോലെ ഫോമും ഫോർമലിറ്റിയും ഇല്ലാതാവും. അനിവാര്യത പോലെ.

നിറവും തോലും പാക്കറ്റും കണ്ടാണ് നാം എന്തും വാങ്ങുക, കൈക്കലാക്കുക.

പക്ഷേ, നാം കണ്ട് വാങ്ങിയ നിറവും തോലും പാക്കറ്റും അനുഭവിക്കാൻ തുടങ്ങുന്നതിൻ്റെ  ആദ്യഘട്ടത്തിൽ തന്നെ നഷ്ടമാകും, നാം നഷ്ടപ്പെടുത്തും. 

അനുഭവിക്കുമ്പോൾ മണവാട്ടിയുടെയും മണവാളൻ്റെയും, അവരെ അവരാക്കിയ വിലപ്പെട്ട വസ്ത്രം നഷ്ടപ്പെടും. 

സൗഹൃദത്തിൽ സ്ഥാനത്തിനും മാനത്തിനും അധികാരത്തിനും സ്ഥാനമില്ല.

അത്രക്കെയുള്ളൂ ഫോമും ഫോർമാലിറ്റിയും. 

അത്രക്കെയുള്ളൂ നന്ദിയും നന്ദി വാക്കുകളും. 

അത്രക്കെയുള്ളൂ ആചാരങ്ങളും ഉപചാരങ്ങളും.

*******

ഒന്നോർത്ത് നോക്കൂ: നമുക്കിടയിലെ നമ്മുടെ ഈ സൗഹൃദം ഉണ്ടായത് എങ്ങിനെയെന്ന്.

ഒന്നും ആവശ്യപ്പെടാതെ.

ഒന്നും പ്രതീക്ഷിക്കാതെ.

അവകാശവാദങ്ങളും അഭിനയങ്ങളും സ്ഥാനങ്ങളും മാനങ്ങളും ഉണ്ടാവുന്നതിനും മുൻപാണ് നമ്മുടെ ഈ സൗഹൃദം ഉണ്ടായത്. 

നമ്മൾ ഇന്നത്തെ നമ്മളാവുന്നതിനും മുൻപ്. 

പ്രതീക്ഷകളെ ചിറകുകളാക്കിയ കാലത്ത്.

നാട്യങ്ങളില്ലാത്ത അവസ്ഥയിലാണ് നമ്മൾ സുഹൃത്തുക്കളായത്. 

നമ്മൾ നമ്മളായിത്തീരുന്ന പ്രക്രിയക്കിടയിലാണ്, പരിണാമത്തിനിടയിലാണ് നമ്മൾ സുഹൃത്തുക്കളായത്. 

അതിനാൽത്തന്നെ നമ്മൾ സുഹൃത്തുക്കളായെങ്കിൽ വളരേ ഇൻഫോർമലായാണ് നമ്മൾ സുഹൃത്തുക്കളായത്. 

വളരേ കാഷ്വലായാണ് നമ്മൾ സുഹൃത്തുക്കളായത്. 

ഇൻഫോർമലും കാഷ്വലും ആവുമ്പോൾ അവിടെ ആവശ്യങ്ങളില്ല, പ്രതീഷകളില്ല, അഭിനയമില്ല, കാപട്യമില്ല, നന്ദി ഇല്ല. 

ആവലും ആയിത്തീരലും മാത്രമാണ്.

******

ചിലർ എല്ലാവർക്കുമിടയിൽ, സൗഹൃദത്തിനിടയിലെ പാലമായി വർത്തിക്കും. 

അവർ കാരണം എല്ലാവരും ഒരു മറയും ഇല്ലാതെ പരസ്പരം ഇടപെടും, വിനിമയം നടത്തും.

ആ ചിലർ സൗഹൃദത്തിലെ കാറ്റലിസ്റ്റുകളാണ്. ഉൾപ്രേരകങ്ങൾ. 

എല്ലാം നഷ്ടപ്പെടാൻ തയ്യാറായി ഒന്നും നഷ്ടപ്പെടാത്തവർ. എല്ലാവർക്കും നേട്ടമുണ്ടാക്കുന്നവർ,

എല്ലാവരെയും ത്വരിതപ്പെടുത്തുന്നവർ 

ബന്ധങ്ങളുടെ ശ്വാസോച്ഛ്വാസമാക്കും അവർ പരസ്പരമുള്ള അത്തരം കൂടിച്ചേരലുകളെയും വിനിമയങ്ങളെയും ഇടപെടലുകളെയും.

എല്ലാവരും എല്ലാവർക്കും വേണ്ടി എന്തിനും തയ്യാറാവുന്നത് പോലെയാവും പിന്നെ അത്തരം  കൂടിച്ചേരലുകളും വിനിമയങ്ങളും.

വണ്ടി ഇല്ലാത്തവർക്ക് വണ്ടിയും കാലില്ലാത്തവർക്ക് കാലുമാകുന്നത് സൗഹൃദം, പാലം.

പരസ്പരം സ്വന്തമാക്കാനും അടുക്കാനുമുള്ള മത്സരമാകുന്നത് സൗഹൃദം. 

ആർക്കും ഒരുതരം excuse ആരോടും പറയാനില്ലാത്തത് സൗഹൃദം. 

ഒന്നും ഒരു  ബുദ്ധിമുട്ടും പ്രകടിപ്പിക്കാതെ പാതിരാവിലും കൂടെനിൽക്കാൻ തയ്യാറാവുന്നത് സൗഹൃദം. 

അത്തരം സൗഹൃദത്തിൻ്റെ കാര്യത്തിൽ ചിലരെക്കുറിച്ച് പ്രത്യേകം  പറയേണ്ടതില്ല. 

അവരെപ്പോഴും മുന്നിൽ. 

ഏറെ വിശദീകരണങ്ങൾ വേണ്ടാതെ, ഇല്ലാതെ മുന്നിൽ. 

വേറെ ചിലരെ നമുക്ക് കുറേ കാലങ്ങൾക്ക് ശേഷം സൗഹൃദ കൂടിച്ചേരനിടയിൽ വീണുകിട്ടും. 

സൗഹൃദം എല്ലാവർക്കും എല്ലാവരെയും വീണുകിട്ടലാണ് എന്നോർമ്മിപ്പിക്കും പോലെ.

വീണുകിട്ടുമ്പോൾ കിട്ടുന്നേടത്ത് നിന്ന് ആരുടേത് എന്ന് നോക്കാതെ എടുത്ത് കൊണ്ടുപോകേണ്ടതുമാണ് സൗഹൃദം എന്ന് പറയും പോലെ.

മറ്റുചിലർക്ക് സൗഹൃദത്തിൽ നിറഞ്ഞുനിൽക്കാൻ കാരണങ്ങളും ന്യായങ്ങളും വേണ്ട. അവർ സ്വയം തന്നെ നിറഞ്ഞുനിൽക്കുന്ന സംഘാടകരാകും. വിശേഷങ്ങൾ ഏറെ പറയുന്ന, പറയാനുള്ള ആളുകളാകും അവർ.

എന്നാൽ മറ്റുപലരും നല്ല പങ്കാളിത്തമുള്ള കാഴ്ചക്കാരാവാൻ തന്നെ കിണഞ്ഞ് ശ്രമിക്കും. ഗാലറി പണിത്, ആ ഗാലറിയിൽ ഇരുന്ന്.

********

ഇതിനെല്ലാമിടയിൽ ഒന്ന് പറയട്ടെ.

സൗഹൃദം കൂടുന്നിടത്ത് അഭാവം കൊണ്ട് അവിടെത്തന്നെ ഉണ്ടാവുന്ന ചിലരുണ്ട്.

അവർ നാമാരും കാണാത്ത സൗഹൃദത്തിൻ്റെ ആത്മാവ് ഒളിപ്പിച്ചു കൊണ്ടുനടക്കുന്നവരാണ്.

എൽനിനോയും ലാനിനയും എല്ലാ കാലത്തും ഉണ്ടായിട്ടുണ്ട്.

ദുരന്തങ്ങൾ സംഭവിക്കുന്നത് മുൻകൂട്ടി അറിയാൻ സാധിക്കുമെങ്കിൽ രക്ഷനേടാനുള്ള വഴി മനുഷ്യന് നോക്കാം. 

അത്രയേ ഉള്ളൂ, സാധിക്കൂ. 

പക്ഷെ ഇത്തരം ദുരന്തങ്ങൾ ഉണ്ടാവുന്നത് മനുഷ്യൻ്റെ കെടുകാര്യസ്ഥത കൊണ്ടല്ല. 

എല്ലാ കാലത്തും ഉണ്ടായത് പോലെ മനുഷ്യന് പങ്കും നിയന്ത്രണവും ഇല്ലാതെയാണ്, മുൻകൂട്ടി അറിയാൻ വഴിയില്ലാതെയാണ് ഇവ ഉണ്ടാവുന്നത്.

*******

നേരിട്ട് ഇതാണെന്ന് പറയാവുന്ന കാരണങ്ങളും തെളിവുകളും പ്രകൃതിദുരന്തങ്ങളുടെ കാര്യത്തിൽ ഇല്ല. 

അമിതവർഷത്തിനു വേണമെങ്കിൽ ആഗോളതാപനം കാരണമായി പറയാമെന്ന് പറയാമെന്ന് മാത്രം. 

അപ്പോഴും പറയാനുണ്ട്: അമിതവർഷവും ചരിത്രാതീതകാലം മുതൽ അങ്ങിങ്ങ് ഏറിയും കുറഞ്ഞും ഉണ്ടായിട്ടുണ്ട്. 

എൽനിനോയും ലാനിനയും ചരിത്രാതീതകാലം മുതൽ അങ്ങിങ്ങ് ഏറിയും കുറഞ്ഞും ഉണ്ടായിട്ടുണ്ട്. 

ആഗോളതാപനം ആരോപിക്കപ്പെടുന്ന കാലത്തിനു മുൻപും എൽനിനോയും ലാനിനയും ഉണ്ടായിട്ടുണ്ട്.

*******

പാറയുടെ മേലുള്ള മണ്ണിലാണ് നാം കൃഷിയും നിർമ്മാണങ്ങളും നടത്തുന്നത്. 

മലക്ക് ഉണ്ടെന്ന് നാം കരുതുന്ന കരുത്ത് മണ്ണിനില്ല. 

അമിതവർഷം ഉണ്ടാവുമ്പോൾ വളരേ ചെറിയ സമയത്തിനുള്ളിൽ ആ മണ്ണിൽ വെളളം അമിതമായി നിറയുന്നു. 

ഉളളിലെത്തുന്ന വെള്ളത്തിൻ്റെ അളവും ഭാരവും അമിതമായി കൂടുമ്പോൾ പാറയുടെ മുകളിൽ നിന്നും ആ മണ്ണ്, മണ്ണിലുള്ള മരങ്ങളും വീടുകളും നിർമ്മിതികളും സഹിതം ഊരി ഒഴുകി താഴേക്ക് വീഴുന്നു. 

Land slide എന്ന മലയിടിച്ചിലും ഉരുൾപൊട്ടലും ഉണ്ടാവുക എത്ര എളുപ്പം!

വയനാട് ദുരന്തവും അതുപോലുള്ളതും എന്തുകൊണ്ട് സംഭവിക്കുന്നുവെന്നതിന് തെളിവില്ല

വയനാട് ദുരന്തവും അതുപോലുള്ളതും ലോകമാകെയും എന്തുകൊണ്ട് സംഭവിക്കുന്നു എന്നതിന് കൃത്യമായ ന്യായവും തെളിവുമില്ല. 

പറയുന്ന ന്യായങ്ങളും തെളിവുകളും ഒക്കെ സംഭവാനന്തരം ഉണ്ടാക്കുന്ന ന്യായങ്ങളും ഊഹാപോഹങ്ങളും മാത്രം. ഒരടിസ്ഥാനവും ഇല്ലാത്തത്. മനുഷ്യനെ കുറ്റപ്പെടുത്തി വെറുതേ കുറ്റബോധം ജനിപ്പിക്കുന്നത്.

കാള പെറ്റു കയറെടുക്കുന്നു എന്നത് പോലുള്ളത് അതിലധികവും. 

യഥാർത്ഥത്തിൽ മനുഷ്യൻ്റെ അതിക്രമങ്ങളെന്ന് നാമിപ്പോൾ ആരോപിക്കുന്ന സംഗതികൾ നടക്കുന്നതിന് മുൻപും ഇത്തരം ദുരന്തങ്ങൾ ചരിത്രത്തിലുടനീളം ഒട്ടനവധി അരങ്ങേറിയിട്ടുണ്ട്. 

അമിതവർഷവും അതുണ്ടാക്കുന്ന ദുരന്തങ്ങളും ചരിത്രാതീതകാലം മുതലേ നടന്നിട്ടുണ്ട്, തുടർന്നിട്ടുണ്ട്. 

പ്രത്യേകിച്ച് ഇന്നാലിന്ന കാരണം എന്ന് കൃത്യമായി പറയാനില്ലാതെ തന്നെ അമിതവർഷവും അതുണ്ടാക്കുന്ന ദുരന്തങ്ങളും ചരിത്രാതീതകാലം മുതലേ നടന്നിട്ടുണ്ട്, തുടർന്നിട്ടുണ്ട്.  . 

തൊട്ടുമുൻപിലുള്ള കാരണമായ ഭൂകമ്പവും അമിതവർഷവും സുനാമിയും കൊടുങ്കാറ്റും എന്നൊക്കെയുള്ള കാരണങ്ങൾ തന്നെയല്ലാതെ മറ്റ് കാരണങ്ങൾ അതിനും പിന്നിലുണ്ടെന്ന് പറയാൻ സാധിക്കാതെ.

ഇപ്പോൾ മനുഷ്യനായിരിക്കുന്നത് പോലെയാവാനേ മനുഷ്യന് അവൻ്റെ പ്രകൃതം വെച്ച് അവൻ നടത്തുന്ന അന്വേഷണവും പുരോഗതിയും വെച്ച് സാധിക്കൂ. 

"ഒരുപക്ഷേ", "അങ്ങനെ ആയിരുന്നെങ്കിൽ" എന്നതൊക്കെയുള്ളത് വെറും വെറുതെയുള്ള തോന്നലുകൾ മാത്രം.

മനുഷ്യൻ കരുതും പോലെ മനുഷ്യൻ വലുതാണോ, പ്രാപഞ്ചികതയുടെ  കേന്ദ്രബിന്ദുവാണോ, പ്രകൃതിക്ക് ബാധിച്ച അർബുദമാണോ, മനുഷ്യനും പ്രകൃതിയുടെ വെറുമൊരു സാധാരണ കോശമാണോ എന്നതൊന്നും ചിന്തിച്ചിട്ട് കാര്യമില്ല.

ഇന്നിപ്പോൾ സംഭവിച്ചതിൻ്റെ കുറ്റം മനുഷ്യൻ്റെ തലയിൽ കയറ്റിവെക്കേണ്ടതില്ല. ഇനി സംഭവിക്കാൻ പോകുന്നതിൻ്റെ കുറ്റവും മനുഷ്യൻ്റെ തലയിൽ കയറ്റിവെക്കേണ്ടതില്ല

അങ്ങനെ മനുഷ്യൻ്റെ തലയിൽ കുറ്റം കയറ്റിവെച്ചിട്ട് കാര്യവുമില്ല. 

മനുഷ്യൻ ആയത് പോലെയും ആവുമ്പോലെയും തന്നെയേ മനുഷ്യൻ ആവൂ, മനുഷ്യന് ആവാൻ സാഹിക്കൂ. 

പ്രകൃതിയുടെ തന്നെ ഭാഗമായ മനുഷ്യനെ മനുഷ്യൻ ആവേണ്ടത് പോലെ തന്നെയേ പ്രകൃതി ഘട്ടം ഘട്ടമായി ആക്കുന്നുള്ളൂ, ആക്കിയിട്ടുമുള്ളൂ 

ഇന്ന് സംഭവിക്കുന്ന പ്രകൃതി ദുരന്തങ്ങൾ നമ്മൾക്കറിയാൻ സാധിക്കുന്നുവെന്ന് മാത്രം. 

എന്തുകൊണ്ട്? 

മനുഷ്യൻ വികസിപ്പിച്ചെടുത്ത വിനിമയ സാങ്കേതിക വിദ്യ അത്രയെങ്കിലും ഉള്ളത് കൊണ്ട്. 

മുൻപ് സംഭവിച്ച അതിഭീകര പ്രകൃതിദുരന്തങ്ങൾ ഇത്രയ്ക്ക് വ്യക്തമായും വലുതായും നമുക്കും അക്കാലത്ത് ഉണ്ടായിരുന്നവർക്കും അറിയാൻ സാധിച്ചിട്ടില്ല. 

എന്തുകൊണ്ട്? 

അക്കാലത്തുണ്ടായിരുന്ന മനുഷ്യൻ ഇക്കാലത്തേത് പോലെ ഇത്രക്ക് പുരോഗമിച്ചിട്ടില്ലാതിരുന്നത് കൊണ്ട്. 

അക്കാലത്ത് ഇക്കാലത്തേത്  പോലുള്ള വിനിമയ സാങ്കേതികവിദ്യ ഇല്ലാതിരുന്നത് കൊണ്ട്. 

നമ്മൾ ഇത്രയ്ക്ക് അറിഞ്ഞിട്ടില്ല എന്നത് കൊണ്ട് ചരിത്രത്തിൽ അങ്ങുനിന്നിങ്ങോളം ഇതുപോലുള്ളതും ഇതിനേക്കാൾ ഭീകരമായതും സംഭവിച്ചിട്ടില്ല എന്നർത്ഥമില്ല. 

നമ്മൾ അറിഞ്ഞിട്ടില്ലെന്നും കണ്ടിട്ടില്ലെന്നും മാത്രമേ അർത്ഥമുള്ളൂ.

അറിയാതിരുന്നത് കൊണ്ട് അറിഞ്ഞ ദുരന്തങ്ങളുടെ കുറ്റം ആ അറിവ് ഉണ്ടാക്കിയെടുത്ത മനുഷ്യൻ്റെ തലയിൽ കെട്ടി വെക്കുകയും വേണ്ടതില്ല.

ആകയാൽ ചെയ്യേണ്ടത് ഇത്രമാത്രം.

അപകടമേഖലകൾ എന്ന് മനുഷ്യൻ തന്നെ അന്വേഷിച്ച് പഠിച്ച് കണ്ടെത്തി മനസ്സിലാക്കി വെച്ച പ്രകൃതിലോല പ്രദേശങ്ങളിൽ മനുഷ്യവാസവും നിർമ്മാണവും ജീവിതവും വേണ്ടെന്ന് വെക്കുക. ഇക്കാലത്തെന്നത് പോലെ എക്കാലത്തും അവിടെ ദുരന്തങ്ങൾ ഉണ്ടായിട്ടുണ്ട്,  ഉണ്ടാവും എന്നതിനാൽ.