ദൈവമേ നീ ഇല്ലെന്ന് പറയാൻ ഞാനാര്?

അറിയില്ല, അറിയില്ല, എനിക്കൊന്നും അറിയില്ല.

അറിയില്ലെന്നറിയുന്ന ഞാനാരെന്നും എനിക്കറിയില്ല.

ദൈവമേ നീ ഇല്ലെന്ന് പറയാനും എനിക്കറിയില്ല.

അല്ലേലും ദൈവമേ നീ ഇല്ലെന്ന് പറയാൻ ഞാനാര്?

ഞാനില്ലെന്നറിയുന്ന ഞാൻ, എന്നെ നിശ്ചയിച്ചത് ഞാനല്ലെന്നറിയുന്ന ഞാൻ, പിന്നെ  പ്രത്യക്ഷമായിക്കാണുന്ന ബാക്കിയുള്ളതിനെ മുഴുവൻ എന്ത് വിളിക്കണം? 

പ്രത്യക്ഷമായിക്കാണുന്ന ബാക്കിയുള്ളതിനെ മുഴുവൻ നീയെന്ന് വിളിക്കുകയല്ലാതെ ഞാൻ പിന്നെന്ത് ചെയ്യണം?

ദൈവമേ നീ ഉണ്ടെന്ന് പറയാനും ഞാനാര്?

അറിയയ്കയിൽ എനിക്കെൻ്റെ അറിയയ്കയാണ് അറിവ്. അതുകൊണ്ട് നീയുണ്ട്.

അറിവിൽ അറിവാണ് എനിക്കെൻ്റെ അറിവ് എന്നത് പോലെത്തന്നെ അറിയയ്കയിൽ അറിയയ്കയാണ് എനിക്കെൻ്റെ അറിവ്.

പക്ഷേ എൻ്റെ അറിവ് അറിവാണെന്നും അറിയായ്ക അറിയായ്‌കയാണെന്നും അറിയാനും എനിക്കെന്ത് വഴി?

ഒരുവഴിയുമില്ല.

ധരിക്കുന്നുവെന്ന് കരുതി തെറ്റിദ്ധരിക്കുക മാത്രം.

അറിയുന്നു എന്ന് കരുതി അറിവുകേടിനെ അറിവായി കൊണ്ടിനടക്കുക.

കുടുങ്ങിയ, എന്നെ ഞാനാക്കിയ മാനത്തിൻ്റെ സൗകര്യത്തിനനുസരിച്ച് സംഗതികളെടുക്കുക.

വന്നുവീണ് കെണിഞ്ഞ മാനത്തെ എനിക്കും ആർക്കുമൊരു കെണിയായി കാണാനാവുന്നില്ല, കാണാനാവില്ല.

വന്നുവീണ് കെണിഞ്ഞ ആ മാനം നൽകിയ ഉപാധികളും മാനദണ്ഡങ്ങളും ഇന്ദ്രിയങ്ങളും വെച്ച്, ആ മാനത്തെ സർവ്വവുമായി കണക്കാക്കി സൗകര്യം പൊലെയെടുക്കുക മാത്രം. ഞാനെന്നും നീയെന്നും വരെയെടുക്കുക മാത്രം.

മാനം നൽകിയ ഉപാധികളും മാനദണ്ഡങ്ങളും ഇന്ദ്രിയങ്ങളും വെച്ച് അറിയാവുന്നത് മാത്രമേ അറിയൂ. അറിയാത്തതൊന്നും അറിയില്ല.

മാനം നൽകിയ ഉപാധികളും മാനദണ്ഡങ്ങളും ഇന്ദ്രിയങ്ങളും വെച്ചുള്ള "ഉണ്ട്" "ഇല്ല" എന്നത് മാത്രമേ ഉള്ളൂ. 

മാനത്തിനുള്ളിൽ വെച്ച് അനുഭവഭേദ്യമാകാത്തത് ഇല്ലാത്തത്.

മാനത്തിനുള്ളിൽ വെച്ച് അനുഭവഭേദ്യമാകുന്നത് ഉള്ളത്. 

നമ്മെ സംബന്ധിച്ചേടത്തോളം നമ്മുടെ മാനത്തിനുള്ളിൽ വെച്ച് ഉള്ളതും ഇല്ലാത്തതും വെച്ച് മാത്രം "ഉണ്ട്" "ഇല്ല" എന്ന കരുതൽ, പറച്ചിൽ.

*******

അറിയയ്ക കൊണ്ട് ഇല്ലെന്ന് പറഞ്ഞാലും ഉണ്ടെന്ന് പറഞ്ഞാലും ഒരുപോലെ. 

രണ്ടും അറിയയ്ക മാത്രം. 

ഏറിയാൽ ഉണ്ടെന്ന് പറയുന്നത് അല്പം കളവാണെന്ന് കൂടി വരാമെന്ന് മാത്രം. 

കാരണം, അറിയില്ലെങ്കിൽ അറിയില്ലെന്ന്  പറയുന്നതിന് പകരം അറിയാം, ഉണ്ടെന്ന് പറഞ്ഞ കളവ്.

ഉണ്ടെന്നത് കാഴ്ചയും തെളിവും ആവശ്യപ്പെടുന്നത്. 

എന്നിരിക്കെ കാഴ്ചയും തെളിവും ഇല്ലാതെ ഉണ്ടെന്ന് പറയുന്ന കളവ്.

*******

നിഷേധിക്കാൻ മാത്രം ഞാനില്ല, നിഷേധിക്കാൻ ഞാൻ ആളല്ല. 

വിശ്വാസം പോലെത്തന്നെ ഒരു വിശ്വാസമാണ് നിഷേധവും. 

നിഷേധമെന്ന വിശ്വാസം. 

ഉണ്ടെന്നത് പോലെ തന്നെ ഇല്ലെന്ന കരുതൽ, വിശ്വാസം.

********

അറിവുകേടാണ് എൻ്റെ അറിവ്.

കഴിവുകേടാണ് എൻ്റെ കഴിവ്.

ദൈവം ദൈവമെങ്കിൽ എൻ്റെ കഴിവുകേടും ദൈവം അറിയും.

എനിക്ക് സാധിക്കില്ലെന്നും അറിയാനാവില്ലെന്നും ദൈവം.

എന്നെ ഉണ്ടാക്കിയത് ദൈവമെങ്കിൽ എൻ്റെ കഴിവും കഴിവില്ലായ്മയും ദൈവം തന്നെ ഉണ്ടാക്കിയത്.

അതിനാൽ തന്നെ സത്യസന്ധമായ, അറിയായ്‌ക കൊണ്ടും അറിയാൻ പറ്റായ്‌ക കൊണ്ടുമുള്ള, മാനം നൽകിയ മറയും പരിമിതി കൊണ്ടുമുളള നിഷേധത്തെ വിശ്വാസത്തേക്കാൾ ആ ദൈവം നന്നായെടുക്കുകയും ചെയ്യും.

എനിക്ക് എന്നെയും അറിയില്ല, ദൈവത്തെയും അറിയില്ലെന്ന് ഞാനറിയുന്നു. 

ദൈവം ദൈവമെങ്കിൽ ആ ദൈവവും അറിയും എനിക്ക് എന്നെയും ദൈവത്തെയും അറിയില്ലെന്ന്.

ദൈവം ദൈവമെങ്കിൽ ആ ദൈവത്തിന് എന്നെയും ദൈവത്തെയും അറിയും. എന്നെ എൻ്റെ എല്ലാ പരിമിതികളും കഴിവുകേടുകളും അറിവുകേടും ദൗർബല്യങ്ങളും വെച്ച് തന്നെ അറിയും.

അണു തൊട്ട് അണ്ഡകടാഹം വരെ ഒന്നും എനിക്കറിയില്ല എന്നറിയും. 

ഞാനും എൻ്റേതും എങ്ങിനെയായി എന്നുപോലും എനിക്കറിയില്ല എന്നറിയും.

ആത്യന്തികതയിൽ ഇരുട്ട് മാത്രം. സത്യവും ദൈവവും ഇരുട്ട്.

ആത്യന്തികതയിൽ ഇരുട്ട് മാത്രം. 

ആ ഇരുട്ടിൽ പോകണം, 

ആ ഇരുട്ടിൽ പോകാൻ തയ്യാറാവണം, 

ആ ഇരുട്ടിൽ പോകാൻ സാധിക്കണം. 

കൃത്രിമമായി ഉണ്ടാവുന്ന നിഴലില്ലാത്ത, 

നിഴൽ പിന്തുടരാത്ത ഇരുട്ടിൽ പോകണം, പോകാൻ തയ്യാറാവണം, പോകാൻ സാധിക്കണം.

നിഴൽ വ്യക്തിത്വവും അസ്തിത്വവും നിശ്ചയിക്കാത്ത ഇരുട്ടിൽ പോകണം, പോകാൻ തയ്യാറാവണം, പോകാൻ സാധിക്കണം.

ഇരുട്ട് സ്ഥിരമായത്, 

ഇരുട്ട് ഉപാധികൾ വേണ്ടാത്തത്, 

അതിനാൽ ഇരുട്ട് സ്വാഭാവികം.

ഇരുട്ടിൽ രണ്ടില്ല. 

വെളിച്ചവും നിഴലും ഉണ്ടാവുന്നത് പോലെ ഇരുട്ടിൽ രണ്ടില്ല. 

വെളിച്ചവും ഇരുട്ടും ഉണ്ടാവുന്നത് പോലെ ഇരുട്ടിൽ രണ്ടില്ല. 

അതിനാലെ ഇരുട്ടിൽ വകതിരിവില്ല, വേർതിരിവില്ല.

ഇരുട്ടിൽ ഒന്നേയുള്ളൂ. 

ഇരുട്ടിൽ ഇരുട്ട് എന്ന് പറയാനാവാത്ത വിധം ഒന്ന് പോലും ഇല്ല. ഇരുട്ട് പോലുമില്ല

ഇരുട്ടിൽ തുലനമില്ല, അതുകൊണ്ട് ഇരുട്ട് എന്നത് പോലുമില്ല. 

വെളിച്ചമെന്നത് ഇരുട്ടിൽ കേട്ടുകേൾവി പോലുമല്ല

വെളിച്ചം താത്കാലികം, ഉപാധികൾ വേണ്ടത്, അതിനാൽ കൃത്രിമം. 

വെളിച്ചത്തിൽ രണ്ടുണ്ട്. 

വെളിച്ചവും നിഴലും ഉണ്ടാവുന്നത് പോലെ രണ്ടുണ്ട്. വകതിരിവുണ്ട്, വേർതിരിവുണ്ട്.

വെളിച്ചവും ഇരുട്ടും ഉണ്ടാവുന്നത് പോലെ രണ്ടുണ്ട്. ഇരുട്ടും വെളിച്ചവും ഉണ്ട്.

വെളിച്ചത്തിൽ രണ്ടും അനേകവും ഉണ്ട്. 

വെളിച്ചത്തിൽ വെളിച്ചം എന്ന് പറയേണ്ടി വരുന്ന വിധം രണ്ടും അനേകവും ഉണ്ട്. 

വെളിച്ചത്തിൽ തുലനമുണ്ട്, അതുകൊണ്ട് വകതിരിവുണ്ട്, വേർതിരിവുണ്ട്, ഇരുട്ട് വെളിച്ചം എന്നതുണ്ട്.

ആപേക്ഷിതയുടെ ലോകത്ത് ചുറ്റിലും വെളിച്ചം കൃത്രിമമായി ഉപാധികളോടെ ഉണ്ടാവുമ്പോഴും അവിടവിടെ വെളിച്ചം കയറാത്ത സ്വാഭാവിക ഇടമുണ്ടാവുന്നു. ഇരുട്ടുണ്ടാവുന്നു. 

ആ സ്വാഭാവിക ഇരുട്ടിനെ നാം നമ്മുടെ മാനവും തലവും വെച്ച് മോശമായിക്കണ്ട് നിഴൽ എന്ന് വിളിക്കുന്നു എന്ന് മാത്രം.  

തെറ്റായി മാത്രം ധരിക്കുന്ന നാം ദൈവത്തെയും സത്യത്തെയും അറിവിനെയും അങ്ങനെ വെളിച്ചമായി അവതരിപ്പിക്കുന്നു. 

ആപേക്ഷികതയിൽ നമുക്ക് വെളിച്ചമാണ് വേണ്ടത്, വെളിച്ചമാണ് നല്ലത് എന്ന ഒറ്റക്കാരണത്താൽ ദൈവവും അറിവും സത്യവും വെളിച്ചമാണ് എന്ന് നാം വരുത്തുന്നു. 

നമ്മുടെ ആവശ്യവും അളവുകോലും മാത്രം വെച്ചുകൊണ്ട് അങ്ങനെ ദൈവവും അറിവും സത്യവും വെളിച്ചമാണ്

വെളിച്ചം സ്ഥിരമല്ല, സ്വാഭാവികമല്ല. സത്യമല്ല.

ഇരുട്ടാണ് സ്ഥിരമായത്, സ്വാഭാവികമായത്, സത്യമായത്.

യഥാർത്ഥത്തിൽ ദൈവവും അറിവും സത്യവും ഇരുട്ട് മാത്രമാണ്, ഇരുട്ടിലേക്കാണ് നമ്മെ നയിക്കുന്നത്, നയിക്കേണ്ടത്. 

കാരണം ആത്യന്തിയതയിൽ ഇരുട്ട് മാത്രം, ഇരുട്ടെന്ന് പോലും വിളിക്കപ്പെടാതെ അവശേഷിക്കുന്നു. 

ആത്യന്തികതയിൽ ആവശ്യങ്ങൾ ഇല്ലാത്ത ഉപാധികൾ ആവശ്യമില്ലാത്ത ഇരുട്ട്. 

രണ്ടില്ലെന്നു വരുത്തുന്ന, ഒന്ന് മാത്രമായി, പിന്നീട് ആ ഒന്ന് പോലും അല്ലെന്നും ഇല്ലെന്നും വരുന്ന, വരുത്തുന്ന ഇരുട്ട് മാത്രം. 

ആത്യന്തികത മാത്രമായ ഇരുട്ട്. 

വകതിരിവുകളും വേർതിരിവുകളും ഇല്ലാതാവുന്ന ഇരുട്ട്.

രണ്ടില്ലാത്ത ഇരുട്ട്. 

ഒന്ന് മാത്രമായ ഇരുട്ട്. 

ഒന്നും പോലും അല്ലെന്നും ഇല്ലെന്നും വരുന്ന, വരുത്തുന്ന ഇരുട്ട്.

(ദൈവം എന്ന വാക്ക് വെളിച്ചം കൊണ്ടാണ് വെളിച്ചം എന്ന അർത്ഥം തരും 

വിധമാണ് എന്നതും നാം നമ്മുടെ ആപേക്ഷികമായ ആവശ്യവും അളവുകോലും മാത്രം വെച്ചുണ്ടാക്കിയ മറ്റൊരബദ്ധം)

ഒരു കല്യാണക്കത്ത്. ആ കത്തിലൊരു വിത്ത്.

ഒരു കല്യാണക്കത്ത്. 

ആ കത്തിലൊരു വിത്ത്. 

(ആ വിത്തും 

വിത്ത് പേറുന്ന കത്തും 

താഴെ ചിത്രത്തിൽ).

കത്ത് വിത്തും

വിത്ത് കത്തുമാകുന്ന

വേറിട്ട കാഴ്ച, 

വ്യത്യസ്തമായ അനുഭവം.

എല്ലാറ്റിലുമൊരു വിത്തും

എല്ലാ വിത്തിലും

ഒരായിരം സന്ദേശങ്ങൾ പേറുന്ന കത്തും

ഉണ്ടെന്നറിയിക്കുന്ന കാഴ്ച, അനുഭവം.

ഓരോ വിത്തും 

ഒരു പ്രപഞ്ചത്തെ

ഗർഭം ധരിക്കുന്നു,

ഓരോ പ്രപഞ്ചവും 

സ്വയമൊരു 

വിത്തുമായിത്തീരുന്നു.

വല്ലാത്ത കാഴ്ച, 

വേറിട്ട അനുഭവം.

ഓരോ നിമിഷവും

ഓരോ വിത്ത് കൂടിയാണ്,

എന്തൊക്കെയോ അറിയിക്കുന്ന

കത്ത് കൂടിയാണ്.

ജീവിതം പേറുന്ന വിത്ത്

സ്വയമൊരു കത്ത്.

ജീവിതമായി വളരേണ്ട വിത്ത്,

ജീവിതത്തെ വിളംബരം ചെയ്യുന്ന കത്ത്.

ജീവിതത്തെ പേറിനടക്കേണ്ട വിത്ത്,

ജീവിതത്തിന് വഴിയും വിളക്കുമാകുന്ന കത്ത്.

വിത്തായി മുളച്ച് 

വൃക്ഷമായി വളർന്ന് 

വൃക്ഷത്തിലൊരായിരം 

വിത്തുകളുണ്ടായി 

ആ വിത്തുകളും മുളച്ച് 

ജീവിതം സ്വയമൊരു 

പൂന്തോട്ടമാവണമെന്നാഗ്രഹിച്ച് 

വിത്തുംപേറി വന്നൊരു 

കല്യാണക്കത്ത്. 

വേരിറക്കാനുറച്ച്,

കൊമ്പുകുലുക്കാൻ നിനച്ച്, 

ആകാശം മുട്ടാൻ തന്നെ ഉയരുന്ന 

വിത്ത്, കത്ത്. 

അങ്ങനെയൊരു 

വിത്തായ കത്തായ

പുതിയ ആശയം, 

പുതിയ സന്ദേശം. 

കല്യാണപ്പെണ്ണ് (Siya'a Inaya) 

തന്നെ ഒരുക്കിയ കല്യാണക്കത്ത്.

സ്വയമൊരു വിത്തായ 

ആശയം, സന്ദേശം, കത്ത്. 

അതും, 

സ്വന്തം അനുജത്തിയുടെ (Anam Leen)

കൈപ്പടയിൽ ഒരുങ്ങിയ

ചേച്ചി കല്യാണപ്പെണ്ണ് തന്നെ 

നൂല് കോർത്ത് കെട്ടി നൽകുന്ന 

വിത്തായ കത്ത്. 

സ്വന്തം ജീവിതവും

സ്വന്തം ജീവിതം പോലെ

സർവ്വരുടെ ജീവിതവും 

വിത്തായി 

വൃക്ഷമായി 

പൂന്തോട്ടമായി 

പുഷ്‌കലമാവണമെന്നാഗ്രഹിക്കുന്ന 

ഒരു കല്യാണക്കത്ത്.

ഒരു വിത്ത്.

അതുകൊണ്ട് മാത്രം 

ഈയൊരു കുറിപ്പ്.

വേറൊരു വിത്ത്, 

മറ്റൊരു കത്ത്.

മൊത്തം ചോർച്ച. നാടിനെയും നാട്ടുകാരെയും തന്നെ ചോർത്തുന്നവർ,

മൊത്തം ചോർച്ച. 

നീറ്റ് ചോർച്ച, 

നെറ്റ് ചോർച്ച,

രാമക്ഷേത്ര ചോർച്ച. 

നാടിനെയും നാട്ടുകാരെയും ചോർത്തുന്നവർ, ചേർത്തുപിടിക്കാത്തവർ 

അവർ മൊത്തം നാടിനെയും നാട്ടുകാരെയും ചോർത്തും നശിപ്പിക്കും. 

ഇപ്പോൾ രാജ്യസ്നേഹമെന്നാൽ വെറുപ്പും വിഭജനവും കളവും നടത്തുക, നാടിനെ നശിപ്പിക്കുക എന്ന പുതിയ നിർവ്വചനവുമുണ്ട്..

********

രാം മന്ദിറിൽ, അതും രാം ലല്ല പ്രതിഷ്ഠയുടെ അടുത്ത്, നടക്കുന്ന ചോർച്ചക്കും ഉത്തരവാദി കോൺഗ്രസ്സും നെഹ്രുവും തന്നെ. 

പ്രാധാനമന്ത്രിയോ മറ്റാരെങ്കിലുമോ വല്ലവിധേനയും കുളിമുറിയിലോ മറ്റോ വഴുക്കിവീണാലും കുറ്റംപറയാൻ കോൺഗ്രസ്സും നെഹ്രുവും പാക്കിസ്ഥാനും മുസ്ലിംകളും ഒക്കെ ഉള്ളത് വല്ലാത്തൊരു ഭാഗ്യം തന്നെയാണ്.

*******

ഇന്ത്യയെ നിർമ്മിക്കാനും വളർത്താനും വേണ്ടത് ഇന്ത്യക്കാരായ മനുഷ്യരാണ്. 

അല്ലാതെ ഹിന്ദുവും മുസ്ലിമും ക്രിസ്റ്റ്യനുമല്ല. 

ശത്രുവെ ഉണ്ടാക്കിക്കാണിച്ച് അധികാരം സ്ഥാപിക്കുക സാമ്രാജ്യത്വശക്തികളുടെ രീതി. 

സ്വന്തം നാട്ടുകാരെത്തന്നെ ശത്രുവാക്കിക്കാണിച്ച് അധികാരം നേടാനും ഉറപ്പിക്കാനും ആര് ശ്രമിച്ചാലും അവരും സാമ്രാജ്യത്വശക്തികൾ തന്നെ.

എങ്ങനെ നോക്കിയാലും വെറും ഭ്രാന്ത്.

എല്ലാ തിരിച്ചറിവും ബോധോദയവും പ്രായോഗികലോകത്ത് നിന്ന് നോക്കിയാൽ വെറും ഭ്രാന്ത്. 

നേരെമറിച്ച് തിരിച്ചറിവിൻ്റെയും ബോധോദയത്തിൻ്റെയും ലോകത്ത് നിന്ന് നോക്കിയാൽ പ്രായോഗികലോകം വെറും ഭ്രാന്ത്. 

താഴ്‌വരക്കും മലമുകളിലിനും ഇടയിൽ നിൽക്കാനോ നന്നേബുദ്ധിമുട്ടും.

********

എന്തെല്ലാം കടന്നുപോയി. 

കടന്നുപോയ അവസ്ഥകളെല്ലാം അപ്പപ്പോൾ പ്രധാനമായിരുന്നു. 

ഒരവസ്ഥയും നമ്മളും സ്ഥിരമല്ല. 

ഒരവസ്ഥയിലും നമുക്ക് പിടിച്ചുനിൽക്കാനാവില്ല. 

ഒരവസ്ഥക്കും നമ്മളിലും പിടിച്ചുനിൽക്കാനാവില്ല. 

എന്നിട്ടും ശ്രമിക്കുന്നു. 

പിടിച്ചുനിൽക്കാൻ. 

അവസ്ഥയിൽ നമ്മെയും 

നമ്മളിൽ അവസ്ഥയെയും 

പിടിച്ചുനിർത്താൻ.

*******

എന്തായാലും മരിക്കും. ജീവിക്കുന്നവനും ജീവിപ്പിക്കുന്നവനും മരിക്കും. എന്തായാലും മരിക്കുമെന്നറിഞ്ഞിട്ടും, 'ഞാനും ' 'നീയും' ഇല്ലാത്തതും നിൽനിൽക്കാത്തതും എന്നറിഞ്ഞിട്ടും എന്തിന് ജീവിക്കുന്നു? എന്തിന് ജീവിപ്പിക്കുന്നു? 

ചോദ്യമുണ്ട്. 

ഉത്തരമില്ല.

*****

ജീവിക്കുവോളം ജീവിക്കുക തന്നെയെല്ലാവരും. 

ആദ്യമാദ്യം ആലോചനയുണ്ട്, സ്വപ്നങ്ങളുണ്ട്, ആസ്വാദനമുണ്ട്. 

പിന്നെപ്പിന്നെ ആലോചനകളും സ്വപ്നങ്ങളും ആസ്വാദനങ്ങളും ഇല്ലാതെ, 

പകരം അവയുണ്ടാക്കിയ കെണിയിലകപ്പെട്ട് ആ കെണിയെത്തന്നെ സമ്പാദ്യമായിക്കണ്ട്, താനെന്നും തൻ്റേതെന്നും ധരിച്ച് അഹങ്കരിച്ച് നടക്കുക.

********

ഓരോ പുരുഷനും ഗൗരവം നടിച്ച് അടയിരിക്കുന്നത് താനനുഭവിക്കുന്ന ശൂന്യതയുടെ പുറത്താണ്. 

കവിതയും അധികാരവും ചിന്തയും ജോലിയും ഒക്കെയായ്.

********

അവരുടെ ദൈവം പോലും സെൽഫ് മാർക്കറ്റിംഗ് നടത്തുന്ന ദൈവം. 

എങ്കിൽ അവർ എല്ലാവരെ കുറിച്ചും അങ്ങനെ ചിന്തിച്ചുപോകും. 

ഓരോരുത്തൻ്റെയും നിരീക്ഷണവും അഭിപ്രായവും അവരവരുടെ നിലവാരവും മനോഗതിയും പോലെ. 

തനിക്ക് വേണ്ടി താൻ ചിന്തിക്കുന്നത് അവർ മറ്റുള്ളവരുടെമേലും ആരോപിച്ച് പറയും. 

അതുകൊണ്ട് അത്തരക്കാരോട് മറിച്ചെന്ത് പറയാൻ?

*******

ജിഹാദിയും പറയുന്നത് തന്നോട് ദൈവം കല്പിച്ചതാണ്, തന്നെ ദൈവം ഏൽപ്പിച്ചതാണ്, അയച്ചതാണ് എന്നതാണ്.

മറ്റൊന്ന് കൊണ്ടുമല്ല. 

ജിഹാദിയും പറയുന്നത് തന്നോട് ദൈവം കല്പിച്ചതാണ്, തന്നെ ദൈവം ഏൽപ്പിച്ചതാണ്, തന്നെ ദൈവം അയച്ചതാണ് എന്നാണ്. 

ജിഹാദിയുടെ (ധർമ്മയുദ്ധം ചെയ്യുന്നവൻ്റെ) വിശ്വാസവും തന്നോട് ദൈവം കല്പിച്ചതാണ്, തന്നെ ദൈവം ഏൽപ്പിച്ചതാണ്, തന്നെ ദൈവം അയച്ചതാണ് എന്നതാണ്. 

പ്രധാനമന്ത്രിയും അവരുടെ പാർട്ടിയും വേറൊരു കോലത്തിൽ ഇത്തരമൊരു ജിഹാദിയുടേത് പോലുള്ള മാനസിക നിലവാരത്തിൽ തന്നെയാണുള്ളത്. 

പ്രധാനമന്ത്രിയും അവരുടെ പാർട്ടിയും ജിഹാദ് തന്നെയാണ് പറയുന്നതെന്നും ചെയ്യുന്നതെന്നും ഇക്കോലത്തിലെങ്കിലും നമുക്ക് അവരോട് പറയാൻ സാധിക്കണം.

ജിഹാദ് തെറ്റെങ്കിൽ, തീവ്രവാദമെങ്കിൽ, ഭീകരവാദമെങ്കിൽ ഭരണകൂട പാർട്ടിയുടെ ജിഹാദും (പേര് വേറേത് ഭാഷയിൽ വേറെന്ത് വിളിച്ചാലും) തെറ്റും തീവ്രവാദവും ഭീകരവാദവും തന്നെ. 

ധർമ്മയുദ്ധം എന്ന ന്യായം ഉള്ളവർക്ക് കുറ്റബോധം ഉണ്ടാവില്ല. കാരണം, അവർ എല്ലാറ്റിലും പുണ്യം കാണുന്നു, ധർമ്മം കാണുന്നു. 

ഇന്ത്യയിലെ വലത് പക്ഷ തീവ്രവാദ ഭീകരവാദ സംഘങ്ങളും എത്തിപ്പെട്ടിരിക്കുന്നത് ഇത്തരമൊരു ന്യായത്തിലും മാനസികാവസ്ഥയിലും തന്നെയാണ്. ഭഗവദ്ഗീത അവർക്കതിന് ന്യായവും ഊർജവും ആണ്.

വലത്പക്ഷ പാർട്ടി പ്രവർത്തകർക്ക് കുറ്റബോധം തീരേ ഇല്ലാത്തത് അവരെ ഇതൊക്കെ ധർമ്മയുദ്ധത്തിൻ്റെ ഭാഗമാണ് എന്ന് ആരൊക്കെയോ പറഞ്ഞു പഠിപ്പിച്ചത് കൊണ്ടാണ്. ആ നിലക്ക് അവരെ മസ്തിഷ്കപ്രക്ഷാളനം ചെയ്തുവെച്ചത് കൊണ്ടാണ്.

അതുകൊണ്ട് തന്നെ അവർ ചെയ്യുന്നത് മുഴുവൻ അവർക്ക് പുണ്യം, ധർമ്മം, ദൗത്യം. ഏതൊരു തീവ്രവാദ ഭീകരവാദ സംഘവും കരുതുന്നത് പോലെ.

അവർ ചെയ്യുന്നതെന്തെന്ന് അവർ (ഇങ്ങനെ ധർമ്മയുദ്ധം ആയല്ലാതെ) മറിച്ച് മനസ്സിലാക്കാത്ത സ്ഥിതിക്ക്. 

അവരും തീവ്രവാദികൾ തന്നെ, മനോരോഗികൾ തന്നെയെന്ന് അവരോട് വിളിച്ചുപറയാൻ തൻ്റേടം നമ്മൾ കാണിക്കണം.

സംസ്കൃതത്തെ ആര് എവിടെ മഹത്വപ്പെടുത്തി?

സംസ്കൃതത്തെ ആര് എവിടെ ഇല്ലാത്തത് പറഞ്ഞ് വെറും കാല്പനികമായും അന്ധഭക്തി കൊണ്ടും മഹത്വപ്പെടുത്തി?

ഈയുള്ളവൻ ചെയ്തില്ല. 

ഇനി വല്ലവിധേനയും സംസ്കൃതത്തെ ശരിയായ നിലക്കും തികച്ചും അർഹതപ്പെട്ട നിലക്കും മഹത്ത്വപ്പെടുത്തിപ്പോയെങ്കിൽ അത് വലിയ അപരാധമാണെന്ന് കരുതുന്നത് കൊണ്ടല്ല മേൽ ചോദിച്ചത് പോലെ ചോദിച്ചതും ഉത്തരം നൽകിയതും. മേൽ ചോദിച്ചത് പോലെ ചോദിച്ചത്.

സംസ്കൃതത്തെ എന്നല്ല ഏത് ഭാഷയെയും അതർഹിക്കും വിധം മഹത്വപ്പെടുത്താം. 

അറബിഭാഷ ഇന്ത്യൻ സ്കൂളുകളിൽ പഠിപ്പിക്കേണ്ടതില്ല എന്ന് പറയുന്നത് അറബിഭാഷയുടെ മഹത്വം മനസ്സിലാക്കാത്തത് കൊണ്ടോ അറബിഭാഷയെ കുറച്ചുകാണുന്നത് കൊണ്ടോ അല്ല.

പകരം, അങ്ങനെയൊരു മഹത്വപ്പെടുത്തലും ഇടിച്ചുതാഴ്‌ത്തലും ചെയ്തിട്ടില്ലാത്തത് കൊണ്ടും ഉദ്ദേശിച്ചിട്ടില്ലാത്തത് മാത്രം. 

കണ്ണിന് കണ്ണ്, പല്ലിന് പല്ല് എന്നത് പോലെ അറബിഭാഷയെ ഇന്ത്യയിൽ പഠിപ്പിക്കുന്നത് ചോദ്യം ചെയ്യുമ്പോൾ പ്രതിക്രിയക്ക് സംസ്കൃത്തത്തെയോ ഹിന്ദിയെയോ എടുത്തിടുന്ന പരിപാടിയെ പ്രതിരോധിക്കുന്നു എന്ന് മാത്രം.

വിഷയം പറഞ്ഞത് വേറെ കാര്യമായിരുന്നു. 

പക്ഷേ ചിലർക്ക് എന്ത് പറഞ്ഞാലും തിരിച്ച് പയറഞ്ഞാഴിയോ എന്ന് തന്നെയായത് കൊണ്ട് വിഷയം അങ്ങനെയാണെന്നും അവർക്ക് തോന്നിയതാണ്, അവർ വരുത്തിയതാണ്.

അറബിഭാഷയെ കുറിച്ചും അത് ഒരു വിദേശഭാഷ എന്ന നിലക്ക് (ഒപ്പം പലപ്പോഴും ഇങ്ങ് ഇന്ത്യയിൽ അതൊരു പ്രത്യേക മതക്കാരുടെ മതഭാഷയായി നിൽക്കുന്നു എന്ന നിലക്കും) ഇന്ത്യൻ സ്കൂളുകളിൽ പഠിപ്പിക്കുന്നതിൻ്റെ അനാവശ്യകതയെ കുറിച്ച് സംസാരിച്ചപ്പോൾ തൂക്കം ഒപ്പിക്കാൻ സംസ്കൃതം എടുത്തിട്ടത് ആരാണ് ? 

അറബ് ഭാഷയുടെ ആളുകളാണെന്ന് സ്വയം കരുതി ഇടപെട്ടവർ.

പലപ്പോഴും ഒരു പ്രത്യേക മതക്കാർ. 

അച്ഛൻ പത്തായത്തിൽ ഇല്ലെന്ന് പറയും പോലെ അവർ ഓടിവരുന്നു. എന്നിട്ടവർ തന്നെ പറയും അറബിഭാഷ മതഭാഷ അല്ലെന്ന്. അവരുടെ മതഭ്രാന്തും അസഹിഷ്ണുതയും തീവ്രതയും ഇളക്കിക്കാണിച്ചുകൊണ്ട് തന്നെ.

അവരുടെ മതവികാരത്തെ തന്നെ അറബിഭാഷക്കുള്ളിൽ ഒളിപ്പിച്ച് കൊണ്ട് അവർ ഒടിവരുന്നു.

ആപ്പിളിനെ പേരക്ക കൊണ്ട് തുലനം ചെയ്യുന്നത് പോലെ അറബിഭാഷ പഠിപ്പിക്കുന്നതിനെ കുറിച്ച് സംസാരിക്കുമ്പോൾ ഇന്ത്യയിലെ ഒരു ഭാഷയെ (സംസ്കൃതത്തെ) കൊണ്ടുവരേണ്ട ആവശ്യമില്ല. 

കണ്ണിന് കണ്ണ് പല്ലിന് പല്ല് എന്നത് പോലെ എല്ലാ സംഗതിയിലും പകരത്തിന് പകര പ്രതിക്രിയ വേണ്ടതില്ല.

അറബിഭാഷ ഇന്ത്യൻ ഭാഷയാണോ?

അല്ല.

ഇന്ത്യയിൽ നിന്ന് ഇന്ത്യൻ ഭാഷയെ കുറിച്ച് സംസാരിക്കുന്നത് സ്വഭാവികമല്ലേ? അതും തീരെ അന്യംനിന്നുപോകുന്ന ഒരു ഭാഷയെ കുറിച്ച്.

അറബിഭാഷയെ കുറിച്ചും അറബിഭാഷ ഇന്ത്യൻ സ്കൂളുകളിൽ ഇന്ത്യൻ സർക്കാരിൻ്റെ ചിലവിൽ പഠിപ്പിക്കുന്നതിൻ്റെ (അതും വെറും കോപ്രായം പോലെ, യഥാർത്ഥത്തിൽ എവിടെയും പഠിപ്പിക്കാത്തതിൻ്റെ) അനൗചിത്യത്തെ  കുറിച്ചും സംസാരിക്കുമ്പോൾ അവിടെ സംസ്കൃതം എടുത്തിടേണ്ട ആവശ്യമില്ല.

അതാണ് ഇക്കാര്യത്തിൽ ഈ ചർച്ചയിൽ സംഭവിച്ചത് സംഭവിച്ചത്.

ഇത് സംബന്ധമായി ഈയുള്ളവൻ്റെ ആദ്യപോസ്റ്റ് നോക്കൂ...  

പിന്നെ തുടർച്ചയായി മറുപടിയായി ഇട്ട നാല് പോസ്റ്റുകളും നോക്കൂ. 

പോസ്റ്റുകൾ താഴെ: 

പോസ്റ്റ് നമ്പർ 1: "അറബിക് ഒരു മതഭാഷയായാണ് ഇന്ത്യയിലുള്ളത്. മതഭാഷയെന്ന നിലക്ക് ഒരു ഭാഷയും സ്‌കൂളുകളിൽ പഠിപ്പിക്കേണ്ടതില്ല. അതിന് വേറെതന്നെ ഇടങ്ങളുണ്ട്. മതഭാഷകൾ പഠിപ്പിക്കാനും മതം വിൽക്കാനുമല്ല സർക്കാർ ശമ്പളം നൽകേണ്ടത്. വെറുതെ വന്നുപോയി ശമ്പളം വാങ്ങുന്നതല്ലാതെ അറബിക് അദ്ധ്യാപകർ ആരെയെങ്കിലും എന്തെങ്കിലും എപ്പോഴെങ്കിലും കാര്യമായി പഠിപ്പിച്ചതായി അറിയില്ല."

മേൽ പോസ്റ്റിന് വന്ന പ്രതികരണങ്ങൾക്ക് പ്രതികാരമായി തുടർന്ന് നൽകിയ മറുപടിയാണ് ബാക്കി രണ്ടെണ്ണം. 

പോസ്റ്റ് നമ്പർ 2: " സംസ്കൃതം പോലെയാണോ അറബിഭാഷ? സംസ്കൃതം ഇന്ത്യയുടെ പൈതൃകം പേറുന്ന ഭാഷയാണ്. ഇന്ത്യയിലെ ഒട്ടുമിക്ക ഭാഷക്കും സംസ്കൃതവുമായി എന്തെങ്കിലും ബന്ധമുണ്ട്. ഇന്ത്യൻ സംസ്കാരവും ദർശനങ്ങളും അതിലെ വൈവിധ്യവും വിളിച്ചോതുന്ന വേദങ്ങളും പുരാണങ്ങളും ഉപനിഷത്തുകളും സംസ്കൃതത്തിലാണ്. അറബിഭാഷ തീർത്തും വൈദേശികവും പലപ്പോഴും ഒരേയൊരു മതവുമായി ബന്ധപ്പെട്ടതുമാണ്."

പോസ്റ്റ് നമ്പർ 3: " ഇന്ത്യൻ ഭാഷകൾക്ക് ഇന്ത്യയല്ലാതെ വേറെ ഏത് രാജ്യം പരിഗണനയും പ്രോത്സാഹനവും നൽകും? അറബിഭാഷക്ക് അറബ്നാട്ടിൽ കിട്ടുന്ന പരിഗണന നമ്മുടെ നാട്ടിൽ നമ്മുടെ ഭാഷകൾക്ക്, ആ ഭാഷകളിൽ ഒന്നായ, ഏറെ പ്രത്യേകതകളുള്ള, എന്നാൽ പലകാരണങ്ങളാൽ അന്യംനിന്നുപോയ സംസ്കൃതത്തിനും കിട്ടേണ്ടതില്ലേ, നൽകേണ്ടതില്ലേ?"

പോസ്റ്റ് നമ്പർ 4 : "അറബിഭാഷ (ചുരുങ്ങിയത് ഇന്ത്യയിൽ) മതഭാഷ തന്നെയാണ്. അറബ് രാജ്യങ്ങളായിത്തീർന്ന കുറെ രാജ്യങ്ങളിൽ അറബിഭാഷ രാഷ്ട്രഭാഷയും മറ്റുമൊക്കെയായിട്ടുണ്ട്. അറബിഭാഷ മതഭാഷയായത് കൊണ്ടാണ് ഇന്ത്യയിലെ സ്കൂളുകളിൽ അറബിഭാഷ എന്തിന് പഠിപ്പിക്കുന്നുവെന്ന് ചോദിക്കുമ്പോൾ മുസ്ലിംകൾ ഒന്നടങ്കം അസ്വസ്ഥരാവുന്നത്,  സംരക്ഷിക്കാനെന്നോണം ഇറങ്ങിപ്പുറപ്പെടുന്നത്, പകരംവീട്ടാൻ സംസ്കൃതത്തെ ചോദ്യം ചെയ്യുന്നത്".

ഇതിലിവിടെയെങ്കിലും സംസ്കൃതത്തെയോ വേറെ ഏതെങ്കിലും ഭാഷയെയോ മഹാത്വപ്പെടുത്തിയതായോ ഇകഴ്ത്തിയതായോ കാണിക്കാൻ സാധിക്കുമോ? 

ഇല്ല. കാരണം മഹത്വപ്പെടുത്തലും ഇകഴ്ത്തലും ആയിരുന്നില്ല പോസ്റ്റുകളുടെ ഉദ്ദേശം.

അങ്ങനെ സംസ്കൃതത്തെയോ മറ്റേതെങ്കിലും ഭാഷയെയോ മഹത്ത്വപ്പെടുത്തിപ്പോയെങ്കിൽ അത് വലിയ അപരാധമാണെന്ന് കരുതുന്നത് കൊണ്ടല്ല. പകരം അങ്ങനെ ചെയ്തിട്ടില്ലാത്തത് കൊണ്ട് മാത്രമെന്ന് ഒരിക്കൽ കൂടി പറയട്ടെ.

ഇടക്ക് കമൻ്റുകളിൽ പലതും വ്യക്തിപരതയിലേക്കും വ്യക്തിയധിക്ഷേപത്തിലേക്കും പോയപ്പോൾ താഴെ കൊടുക്കുന്നത് പോലെ വേറൊരു പോസ്റ്റും ഇട്ടു.

പോസ്റ്റ് നമ്പർ 5: "വിഷയം പറയുമ്പോൾ വ്യക്തിപരത കടന്നുവരരുത്. വ്യക്തിപരത കടന്നുവരുന്നത് അപക്വതയും സംസ്കാരരാഹിത്യവും അസഹിഷ്ണുതയുമാണ്. ചർച്ചകളും സംവാദങ്ങളും ആരോഗ്യകരമായി മുന്നോട്ട് കൊണ്ടുപോകാൻ സാധിക്കാത്തത് കൊണ്ടാണ്.  ഓരോരുത്തരുടെയും പശ്ചാത്തലവും മനശ്ശാസ്ത്രവും അങ്ങനെയായത് കൊണ്ടാണ്. അതുകൊണ്ട് തന്നെ ആരെങ്കിലും വ്യക്തിപരത കൊണ്ടുവരുമ്പോൾ ആസ്വദിക്കുക മാത്രം. അവർക്ക് പറ്റുംപോലെയല്ലേ അവർക്ക് പറ്റൂ. അല്ലാതെന്ത് ചെയ്യാം?"

ഇതാണ് ആകയാൽ സംഭവിച്ചത്.

മറിച്ച് തോന്നുന്നത് അറബിഭാഷക്ക് പിറകിൽ മതവികാരവും അതുണ്ടാക്കുന്ന തീവ്രതയും അസഹിഷ്ണുതയും  ഒളിച്ചുനിൽക്കുന്നത് കൊണ്ട് മാത്രമാണ്. 

ഒരുപക്ഷേ മതേതരരെന്ന് പ്രത്യക്ഷത്തിൽ പറയുന്ന മുസ്‌ലിം വരെ അങ്ങനെ എന്ന് പറയേണ്ടി വന്നാൽ അവർക്കും അത് നിഷേധിക്കാൻ സാധിക്കുമോ എന്ന് ഈയുള്ളവന് സംശയമാണ്. അവരത് ഒരുപക്ഷേ നിഷേധിക്കാൻ വേണ്ടി നിഷേധിക്കുമെങ്കിലും.

അല്ലാതെ വസ്തുതയും വാസ്തവവും പറഞ്ഞതല്ലാതെ ഒന്നും പ്രത്യേകിച്ച് മഹത്വപ്പെടുത്തി പറയേണ്ടി വന്നിട്ടില്ല. 

വസ്തുതയും വാസ്തവവും പറയുന്നത് മഹാത്വപ്പെടുത്തലായി തോന്നുന്നുവെങ്കിൽ മറിച്ചൊന്നും പറയാനില്ല.

അറബിക് ഒരു മതഭാഷയാണ്

അറബിക് ഒരു മതഭാഷയായാണ് ഇന്ത്യയിലുള്ളത്. 

മുസ്ലിംകൾ അത് പഠിക്കുന്നതും പഠിപ്പിക്കുന്നതും അവരതിനെ മതഭാഷയായി കണക്കാക്കുന്നത് കൊണ്ട് തന്നെയാണ്.

മതഭാഷയെന്ന നിലക്ക് ഒരു ഭാഷയും സ്‌കൂളുകളിൽ പഠിപ്പിക്കേണ്ടതില്ല. 

അത് സംസ്കൃതമായാലും സുറിയാനിയായാലും ശരി.

മതഭാഷ പഠിക്കാനും പഠിപ്പിക്കാനും വേറെതന്നെ അതാത് മതക്കാരുടെ  ഇടങ്ങളുണ്ട്, സംവിധാങ്ങളുണ്ട്. 

മതഭാഷകൾ പഠിപ്പിക്കാനും മതം വിൽക്കാനുമല്ല സർക്കാർ ശമ്പളം നൽകേണ്ടത്. 

വെറുതെ വന്നുപോയി ശമ്പളം വാങ്ങുന്നതല്ലാതെ അറബിക്, സംസ്കൃത അദ്ധ്യാപകർ ആരെയെങ്കിലും എന്തെങ്കിലും എപ്പോഴെങ്കിലും കാര്യമായി പഠിപ്പിച്ചതായി അറിയില്ല.

മാത്രവുമല്ല നമ്മുടെ കുട്ടികൾ എത്ര ഭാഷകളാണ് വെറും വെറുതെ ഒന്നിനുമല്ലാതെ പഠിക്കാൻ നിർബന്ധിതരായി പ്രയാസപ്പെടുന്നത്. മാതൃഭാഷയായി മലയാളം, മതഭാഷയായി അറബിക്/സംസ്കൃതം/ഉറുദു, രാഷ്ട്രഭാഷ എന്ന നിലക്ക് ഹിന്ദി. അന്താരാഷ്ട്ര ഭാഷയായി ഇംഗ്ലീഷ്. ഇങ്ങനെ നാല് ഭാഷകൾ. 

എന്നാലോ? 

ഒരു ഭാഷയും കാര്യമായി പഠിക്കാതെയും പോകുന്നു നമ്മുടെ കുട്ടികൾ. പല തോണികളിൽ കലുവെച്ച് ഒരു തോണിയിലും അല്ലാതെ ആയിപ്പോകുന്നത് പോലെ.

*******

മതഭാഷ ഏതും സ്കൂളുകളിൽ സർക്കാർ ചിലവിൽ പഠിപ്പിക്കേണ്ടതില്ല. 

എങ്കിലും ഇന്ത്യയിൽ നിന്ന് ചിന്തിക്കുമ്പോഴും പറയുമ്പോഴും സംസ്കൃതത്തിന് അറബിയെക്കാൾ പരിഗണന കൊടുക്കേണ്ടതുണ്ട് എന്ന് തോന്നുന്നു. 

അറബിഭാഷയുടെയും അതുപോലുള്ള എല്ലാ ഭാഷകളുടെയും എല്ലാ സാധ്യതകളും ഗുണഗണങ്ങളും അംഗീകരിച്ചു കൊണ്ട് തന്നെ സംസ്കൃത ഭാഷ ഒരിന്ത്യൻ ഭാഷ എന്ന നിലക്ക് അതർഹിക്കുന്നുവെന്ന് തോന്നുന്നു.

അറബിഭാഷക്ക് അറബ് നാട്ടിൽ കിട്ടുന്ന പരിഗണനയോ അതിൻ്റെ പകുതിയെങ്കിലുമോ നമ്മുടെ നാട്ടിൽ നമ്മുടെ ഭാഷകൾക്ക്, ആ ഭാഷകളിൽ ഒന്നായ, ഏറെ പ്രത്യേകതകൾ ഉള്ള, എന്നാൽ പല കാരണങ്ങളാൽ അന്യംനിന്നുപോകുന്ന സംസ്കൃതത്തിന് കിട്ടുന്നതിൽ എന്താണ് തെറ്റ്?

ഇന്ത്യൻ ഭാഷകൾക്ക് ഇന്ത്യയിലല്ലാതെ വേറെ എവിടെ പരിഗണനയും പ്രോത്സാഹനവും കിട്ടും?

**********

അറബിഭാഷ (ചുരുങ്ങിയത് ഇന്ത്യയിൽ) മതഭാഷ തന്നെയാണ്. 

അറബ് രാജ്യങ്ങളായിത്തീർന്ന കുറെ രാജ്യങ്ങളിൽ അറബിഭാഷ രാഷ്ട്രഭാഷയും മറ്റുമൊക്കെയായിട്ടുണ്ട്. 

അറബിഭാഷ മതഭാഷയായത് കൊണ്ടാണ് ഇന്ത്യയിലെ സ്കൂളുകളിൽ അറബിഭാഷ എന്തിന് പഠിപ്പിക്കുന്നുവെന്ന് ചോദിക്കുമ്പോൾ മുസ്ലിംകൾ ഒന്നടങ്കം അസ്വസ്ഥരാവുന്നത്,  സംരക്ഷിക്കാനെന്നോണം ഇറങ്ങിപ്പുറപ്പെടുന്നത്, പകരംവീട്ടാൻ സംസ്കൃത പഠിപ്പിക്കുന്നതിനെ ചോദ്യം ചെയ്യുന്നത്.

*********

അല്ലെങ്കിലും സംസ്കൃതം പോലെയല്ലല്ലോ ഇന്ത്യക്കാർക്ക് അറബിഭാഷ? 

എന്തെല്ലാം അഭിപ്രായവ്യത്യാസങ്ങൾ നമുക്കിടയിൽ ഉണ്ടെങ്കിലും സംസ്കൃതം ഏതെങ്കിലും കോലത്തിൽ ഇന്ത്യയുടെ പൈതൃകം പേറുന്ന ഭാഷയാണ് എന്നത് നാം സമ്മതിക്കേണ്ടി വരും. 

അതിനർത്ഥം പാലിക്കും ദ്രാവിഡ ഭാഷകൾക്കും അതില്ലെന്നല്ല. 

ഒന്നിനെ കുറിച്ച് എന്തെങ്കിലും പറയുമ്പോൾ മറ്റൊന്നില്ല എന്നർത്ഥമില്ല.  

തൂക്കം ഒപ്പിക്കാൻ എല്ലാറ്റിനെക്കുറിച്ചും അപ്പോൾ തന്നെ പറയണമെന്നുമില്ല.

ദ്രാവിഡ ഭാഷകൾ അതാത് സംസ്ഥാനങ്ങളിൽ മാതൃഭാഷയായി പഠിപ്പിക്കപ്പെടുന്നുമുണ്ട്. 

സംസ്കൃതം വളരെ ആഴവും പരപ്പും ഉള്ള ഭാഷായായിട്ടും എന്തൊക്കെയാ കാരണം കൊണ്ട് മൃതഭാഷയായിപ്പോയിട്ടുമുണ്ട്

ഇന്ത്യയിലെ ഒട്ടുമിക്ക ഭാഷകൾക്കും സംസ്കൃതവുമായി എന്തെങ്കിലും ബന്ധവുമുണ്ട്. 

ഇന്ത്യൻ സംസ്കാരവും ദർശനങ്ങളും അതിലെ വൈവിധ്യവും വിളിച്ചോതുന്ന വേദങ്ങളും പുരാണങ്ങളും ഉപനിഷത്തുകളും സംസ്കൃതത്തിലാണ് എന്നതെങ്കിലും സംസ്കൃത ഭാഷയുടെ പ്രത്യേകതയാണ്. 

ഇന്ത്യയെ സംബന്ധിച്ചിടത്തോളം അറബിഭാഷ തീർത്തും വൈദേശികവും പലപ്പോഴും ഒരേയൊരു മതവുമായി ബന്ധപ്പെട്ടതുമാണ്. 

ഇംഗ്ലീഷ് പോലെ അറബ് ഭാഷ ഇന്ത്യയിലോ അന്താരാഷ്ട്രതലത്തിലോ പൊതുവായ വിനിമയത്തിന് ഉപയോഗപ്പെടുന്നുമില്ല.

********

അറബിഭാഷ പഠിച്ചാൽ വിദേശങ്ങളിൽ ജോലി തേടുന്ന, നേടുന്ന ആളുകൾക്ക് ഉപയോഗപ്പെടില്ലേ?

ശരിയാണ്. 

അതിലൊന്നും ഒരു തർക്കവുമില്ല.

ഗൾഫിൽ എന്നല്ല പലേടത്തും പലതും പല ഭാഷകളും ഉപയോഗപ്പെടും. 

എന്നത് കൊണ്ടല്ലല്ലോ സർക്കാർ ശമ്പളം കൊടുത്ത് സർക്കാർ സ്കൂളുകളിൽ ഇപ്പോൾ അറബിഭാഷ പഠിപ്പിക്കുന്നത്?

ആർക്കും അറബി പഠിക്കാം, അതിനുള്ള അവകാശവും അനുവാദവും എല്ലാവർക്കും ഉണ്ട്. അതില്ലെന്ന് പറയാനും അത് പാടില്ലെന്ന് പറയാനുമല്ല ശ്രമിക്കുന്നത്.  അറബിഭാഷ പഠിക്കാനുള്ള വഴികൾ ഒട്ടനവധി വേറെയും ഉണ്ട്. മറ്റുപല സംഗതികൾക്കും എന്നപോലെ.

പക്ഷെ ഇന്ത്യയിൽ അറബിഭാഷ സർക്കാർ ചിലവിൽ സർക്കാർ സ്കൂളുകളിൽ പഠിപ്പിക്കേണ്ടതുണ്ടോ എന്നതാണ് ചോദ്യം?

എന്നിട്ടോ? 

ഇത്രയൊക്കെ  അറബിക്ക് അധ്യാപകർക്ക് അറബിക്ക് പഠിപ്പിക്കാൻ ശമ്പളമായി സർക്കാർ ചിലവഴിച്ചിട്ടും ഏതെങ്കിലും സ്കൂളിൽ വെച്ച് ആരെങ്കിലും ഈ അദ്ധ്യാപകരിൽ നിന്ന് അറബിഭാഷ പഠിക്കുന്നുണ്ടോ? 

ഇല്ല.

ഏതെങ്കിലും അറബി ഭാഷാ അദ്ധ്യാപകൻ വെറുതേ വന്ന് പോകുകയല്ലാതെ അറബിഭാഷ പഠിപ്പിക്കാറുണ്ടോ?

ഇല്ല.

സ്കൂൾ അധ്യാപകർ ആരേയും അറബിഭാഷ പഠിപ്പിക്കുന്നില്ല എന്നതാണ് സത്യം.  സ്കൂളിൽ നിന്നും, കൂടെ മദ്റസാ പഠനവും ഉണ്ടായിട്ടും, ആരും അറബിഭാഷയുടെ ബാലപാഠങ്ങൾ പോലും പഠിക്കുന്നില്ല എന്നതും വാസ്തവം.

ഗൾഫിൽ ചെന്നാൽ സംഭവിക്കുന്നത് മറിച്ചാണ്. 

മിക്കവാറും എല്ലാവരും ഗൾഫിൽ ചെന്ന്പെട്ടതിന് ആവുമ്പോലെ അറബി പഠിക്കലാണ്. മറ്റേതൊരു ഭാഷയും അതാത് ഭാഷയുമായി ബന്ധപ്പെട്ട നാട്ടിൽ എത്തിപ്പെട്ടാൽ പഠിക്കുന്നത് പോലെ.

ഏറിയാൽ അറബി എഴുതാനും വായിക്കാനും മദ്റസയിൽ നിന്ന് പഠിക്കുന്നതിനെക്കാൾ കൂടുതലായി എന്തെങ്കിലും അധികം സ്കൂളിൽ നിന്നും പഠിക്കുന്നില്ല, പഠിപ്പിക്കുന്നില്ല. സ്കൂളിൽ നിന്ന് പഠിക്കാത്ത കാര്യം വിടാം. അറബിഭാഷയിൽ ബി ഐയും എം എയും കഴിഞ്ഞവർക്ക് പോലും അറബിഭാഷ ഉപ്പിന് പോലും അറിയില്ല. എല്ലാം വെറും ഘോഷ്ടികൾ മാത്രമായി നടക്കുന്നു, നടപ്പാക്കുന്നു.

ഇവിടെ സ്കൂളിൽ നിന്ന് പഠിച്ചത് കൊണ്ട് ഗൾഫിൽ അറബി പ്രയോഗിച്ചവർ ഇല്ല തന്നെ.

********

ശരിക്കും തോന്നിയ മറ്റൊരു കാര്യം, അറബി അധ്യാപകർ സ്കൂളിൽ വന്നിട്ട് നാടോടി നൃത്തം വെക്കുകയായിരുന്നുവെങ്കിൽ അതെങ്കിലും ഉപകാരമായിരുന്നു എന്നാണ്.

എന്തായാലും എല്ലാവർക്കും എ പ്ലസ് കിട്ടുന്ന വളരെ കുറച്ച് വിഷയങ്ങളിൽ ഒന്നാണ് അറബിഭാഷ. 

പഠിച്ചത് കൊണ്ടും പഠിപ്പിച്ചത് കൊണ്ടുമല്ല എ പ്ലസ് കിട്ടുന്നത്. 

ആർക്കും അറബിഭാഷ ഉപ്പിന് പോലും അറിയില്ല എന്നത് കൊണ്ട്. എല്ലാം വെറുമൊരു കപടനാടകം പോലെ മാത്രം. സർക്കാരിന് ഭീമമായ ചിലവും. 

********

അല്ലെങ്കിൽ പിന്നെ, ലോകത്തിലെ എല്ലാ ഭാഷകളും പഠിപ്പിക്കാൻ എല്ലാ സ്കൂളുകളിലും സംവിധാനം ഒരുക്കുകയാണെങ്കിൽ പ്രശ്നമില്ല. 

പക്ഷെ അതെവിടെയും സാധിക്കാത്ത, സാധ്യമല്ലാത്ത ഉട്ടോപ്യൻ പരിപാടി മാത്രമായി നിൽക്കും. 

മാത്രമല്ല കുട്ടികൾക്ക് ഇത്രയധികം ഭാഷകൾ പഠിക്കേണ്ടിവരുന്ന ഗതികേട് ഇന്ത്യയിൽ മാത്രമേ ഉള്ളൂ. 

വിഷയങ്ങൾ പഠിച്ച് മനസ്സിലാക്കേണ്ട സമയത്ത് ഭാഷകൾ പഠിക്കാൻ വൃഥാശ്രമം നടത്തി വിഫലമാകുന്ന വല്ലാത്തൊരു ഗതികേട് നമ്മുടെ കുട്ടികളുടേത്.

ലോകത്തിലെ എല്ലാ ഭാഷകളും പഠിപ്പിക്കാനാണെങ്കിൽ സർക്കാരിന് എല്ലാ സ്കൂളുകളിലും എത്രതരം ഭാഷാഅധ്യാപകരെ നിയമിക്കേണ്ടി വരും, തീറ്റിപ്പോറ്റി സംരക്ഷിക്കേണ്ടി വരും?

*******

അപ്പോൾ ഹിന്ദി പഠിപ്പിക്കുന്നതോ എന്ന് ചോദിക്കും.

ചോദ്യം ശരിയാണ്. 

ഹിന്ദി വളരേ പുതിയ ഭാഷയാണ്. 

വലിയ ചരിത്രവും സാഹിത്യ സംഭാവനയും ഇല്ലാത്ത ഭാഷയാണ് ഹിന്ദി. 

സംസ്കൃത ലിപി ഉണ്ട് എന്നത് ഹിന്ദിക്ക് തുണയായി എന്നുമാത്രം.

മാതൃഭാഷയും ഏറിയാൽ അന്താരാഷ്ട്ര തലത്തിൽ ആവശ്യമുള്ള ഇംഗ്ലീഷും മാറ്റിനിർത്തിയാൽ വേറൊരു ഭാഷയും പഠിപ്പിക്കാൻ പണിപ്പെട്ട് കുട്ടികൾക്ക് ഭാരം കൂട്ടേണ്ടതില്ല. പ്രത്യേകിച്ചും ഹിന്ദി മാതൃഭാഷയല്ലാത്ത സംസ്ഥാനങ്ങളിൽ.

വലുതാകുമ്പോൾ എല്ലാവരും സാഹചര്യവും സന്ദർഭവും ആവശ്യപ്പെടുന്നത് പോലെ എല്ലാം പഠിച്ചുകൊള്ളും. 

അങ്ങനെ തന്നെയാണ് ബോംബെയിലും ഡൽഹിയിലും പോയാൽ നമ്മളെല്ലാവരും ഹിന്ദിയും ഗൾഫിൽ പോയാൽ അറബിയും വളരെ ചുരുങ്ങിയ കാലത്തിനിടയിൽ പഠിക്കുന്നത്.

അതോടൊപ്പം പറയട്ടെ. ഹിന്ദി പഠിപ്പിക്കുന്നതിനെ ഇന്ത്യയിൽ ജീവിച്ചുകൊണ്ട്, ഇന്ത്യക്കാരനായിക്കൊണ്ട് അറബിഭാഷ പഠിപ്പിക്കുന്നതുമായി താരതമ്യം ചെയ്യുന്നതിൽ വലിയ അർത്ഥമില്ല.

ഹിന്ദിഭാഷ ഇന്ത്യയിൽ നമ്മുടെ സ്വന്തം രാജ്യത്തിൻ്റെ ഔദ്യോഗിക ഭാഷയാണ്. 

ഇന്ത്യയിൽ എവിടെ പോയാലും സംസാരിക്കാൻ ഹിന്ദിഭാഷ വേണം. അത് തന്നെ ഹിന്ദിയുടെ ഇന്ത്യക്കുള്ളിൽ തന്നെയുള്ള ഉപകാരം. 

അറബിഭാഷ ഇന്ത്യയിൽ അങ്ങനെ പോലുമല്ല.

******

എന്നാൽ ഉറുദുഭാഷയോ?

ഉറുദുഭാഷ അറബിഭാഷ പോലെയല്ല. 

ഇന്ത്യയിൽ തന്നെ രൂപപ്പെട്ട ഇന്ത്യൻ ഭാഷയാണത്. 

ഇന്ത്യൻ സംസ്കാരവും ജീവിതവുമായി ബന്ധപ്പെട്ട് രൂപപ്പെട്ട, ഇന്ത്യൻ (ഹിന്ദി) ഭാഷയും പേർഷ്യൻ ഭാഷയും അറബ് ഭാഷയും (ഒപ്പം അറബി ലിപിയും) ചേർന്നുണ്ടായ ഭാഷയാണ് ഉറുദുഭാഷ.

ഉച്ചാരണത്തിലും സംസാരത്തിലും പൂർണമായും ഹിന്ദി ചുവയുള്ള ഭാഷ കൂടിയാണ് ഉറുദുഭാഷ. 

ഇന്ത്യൻ ഹിന്ദുസ്ഥാനി സംഗീത സാഹിത്യ രംഗത്ത് വളരെയേറെ സംഭാവന നൽകിയ, കവിതക്കും പാട്ടിനും സംഗീതത്തിനും ഏറെ പറ്റിയ, അതിലേറെ സൗന്ദര്യമുള്ള ഭാഷ കൂടിയാണ് ഉറുദുഭാഷ. 

പരിണമിച്ചും സമന്വയിച്ചും ഉണ്ടായ നവീന സങ്കരഭാഷയാണ് ഉറുദു. 

എല്ലാ ഭാഷകളും ഫലത്തിൽ സങ്കരമായി തന്നെയല്ലേ രൂപപ്പെട്ടത് എന്ന ചോദ്യവും ഉത്തരവും പ്രസക്തമാണ്. 

എന്നാലും നവീന ഇന്ത്യൻ സങ്കരഭാഷ എന്നത് ഉറുദു ഭാഷയെ വ്യത്യസ്തമാക്കി നിർത്തിന്നു. 

ഇന്ത്യ മുസ്‌ലിം ഭരണാധികാരികൾ ഭരിച്ചത് മൂലം കൂടി രാഷ്ട്രീയമായ ഭരണപരമായ ഒരാവശ്യം പോലെ കൂടി രൂപപ്പെട്ട സങ്കരഭാഷയാണ് ഉറുദുഭാഷ.

ഉറുദു ഏതെങ്കിലും മതഗ്രന്ഥം പേറുന്ന, ഏതെങ്കിലും പ്രവാചകൻ സംസാരിച്ചു എന്ന് പറയപ്പെടുന്ന ഭാഷയല്ല. 

മുസ്ലിംകൾ നിർബന്ധമായും അറബിയിൽ പ്രാർത്ഥിക്കുന്നത് പോലെ, അറബിയിൽ തന്നെ ഖുർആൻ പാരായായണം ചെയ്യുന്നത് പോലുള്ള ഒരു പ്രത്യേക മതപ്രാർത്ഥന നടത്തേണ്ട ഭാഷയുമല്ല ഉറുദുഭാഷ.

******

ഫ്രഞ്ചും ഇംഗ്ലീഷും ഒക്കെ പഠിപ്പിക്കപ്പെടുന്നില്ലേ?

ചോദ്യം ശരിയാണ്. 

പക്ഷെ, ഫ്രഞ്ചും ഇംഗ്ലീഷും പോലെ വെറുമൊരു ഭാഷയാണോ അറബിഭാഷ? 

അങ്ങനെയാണോ ഇന്ത്യയിൽ അറബിഭാഷ പഠിക്കുന്നതും പഠിപ്പിക്കപ്പെടുന്നതും?

അങ്ങനെയാണോ അറബിഭാഷയുമായി ബന്ധപ്പെട്ട ചർച്ചയിൽ ഇടപെടുന്നവർ ഇടപെടുന്നത്?

അല്ല.

യഥാർഥത്തിൽ അങ്ങനെയല്ല അറബിഭാഷയുടെ കാര്യത്തിൽ ഇവിടെ സംഭവിക്കുന്നത്. 

അറബിഭാഷയുടെ പിന്നിൽ ഒളിഞ്ഞുനിൽക്കുന്ന മതവികാരവും മതഅജണ്ടയുമുണ്ട്.

നമ്മൾ യാഥാർഥ്യം തൊട്ട് കപടമല്ലാതെ, വെറും അവകാശവാദമല്ലാതെ വിഷയം പറയണമല്ലോ?

*******

സ്വാതന്ത്ര്യത്തിൽ പിരാന്തുണ്ട്. പിരാന്തിൽ സ്വാതന്ത്ര്യവുമുണ്ട്.

സ്വാതന്ത്ര്യത്തിൽ പിരാന്തുണ്ട്. 

പിരാന്തിൽ സ്വാതന്ത്ര്യവുമുണ്ട്. 

സ്വാതന്ത്ര്യം മറ്റാരെയും പറഞ്ഞു ബോധ്യപ്പെടുത്തുക അസാധ്യം. 

സ്വാതന്ത്ര്യം നൽകുന്നതല്ല.

സ്വാതന്ത്ര്യം സ്വയം എടുക്കുന്നതും നേടുന്നതുമാണ്. 

സ്വാതന്ത്ര്യം നേടുക എളുപ്പവുമല്ല. 

ആശ്രയം ശീലമാക്കിയ ലോകം സ്വാതന്ത്ര്യത്തെ ഭയക്കും. 

കാരണം, 

സ്വാതന്ത്ര്യം അവനവൻ്റെ ഉത്തരവാദിത്തമാണ്. 

അവനവൻ നിരാശ്രനാവുന്നത് കൂടിയാണ് സ്വാതന്ത്ര്യം. 

അതുകൊണ്ട് തന്നെ സ്വാതന്ത്ര്യം ഒറ്റയിൽ ഒറ്റക്ക് മാത്രം. 

കൂട്ടത്തിനും രാജ്യത്തിനും സ്വാതന്ത്ര്യമില്ല.

സംഭവിച്ചു. അതുകൊണ്ടായി. ഒന്നും planned ആയി സംഭവിച്ചതല്ല, സംഭവിപ്പിച്ചതല്ല.

സംഭവിച്ചു. അതുകൊണ്ടായി. 

മുഹമ്മദും ബുദ്ധനും കൃഷ്ണനും യേശുവും ഒക്കെ.

സംഭവിച്ചു. അതുകൊണ്ടായി. 

മുഹമ്മദായാലും ബുദ്ധനായാലും കൃഷ്ണനായാലും യേശുവായാലും ആരും ഒന്നും മുൻകൂട്ടി അവനവൻ ചിന്തിച്ച്, പദ്ധതിയിട്ട് Planned ആയി സംഭവിച്ചതല്ല, സംഭവിപ്പിച്ചതല്ല. 

ചുരുങ്ങിയത് മനുഷ്യൻ അറിയും വിധം, മനുഷ്യന് അറിയാനാവും വിധം പദ്ധതിയിട്ട് Planned ആയി സംഭവിച്ചതല്ല, സംഭവിപ്പിച്ചതല്ല. ഒന്നും ആരും.

മനുഷ്യൻ ജീവിക്കുന്ന ലോകത്ത്, മനുഷ്യൻ്റെ കാര്യത്തിൽ, മനുഷ്യൻ ജനിച്ചുവളർന്നു പലതുമായിമാറിയ കാര്യത്തിൽ ഒന്നും പദ്ധതിയിട്ട് Planned ആയി സംഭവിച്ചതല്ല, സംഭവിപ്പിച്ചതല്ല. ബുദ്ധനും മുഹമ്മദും യേശുവും കൃഷ്ണനും വരെ.

എല്ലാം സംഭവിച്ചു. അതുകൊണ്ടായി.

ആർക്കും ഒന്നും അങ്ങനെ planned ആയി സംഭവിപ്പിക്കാൻ സാധിക്കില്ല. 

ഒരു മുഹമ്മദിനും യേശുവിനും ബുദ്ധനും അവറെ ഇന്ന് നമ്മൾ മനസ്സിലാക്കുന്നത് പോലെ ഒരു ബുദ്ധനും യേശുവും മുഹമ്മദും ആകുമെന്നും വിളിക്കപ്പെടുമെന്നും അറിയില്ലായിരുന്നു, പ്ലാൻ ഇല്ലായിരുന്നു.

അധികാരവും രാഷ്ട്രീയവും അത് സംരക്ഷിക്കാൻ ഉണ്ടാക്കിയത് മാത്രം നാം ഇപ്പോൾ അറിയുന്ന, കേൾക്കുന്ന ബുദ്ധനും യേശുവും മുഹമ്മദും. അപ്പപ്പോൾ അതത് പോലെ പറഞ്ഞത്, സംഭവിച്ചത്. 

ഇപ്പോൾ ഇവിടെ നിന്ന് നാം നോക്കുമ്പോൾ, post event ആയി (സംഭവാനന്തരമായി) ചിന്തിക്കുമ്പോൾ അതൊക്കെയും അവരൊക്കെയും planned ആണെന്നും planned ആയി സംഭവിച്ചതാണെന്നും തോന്നും. 

Pre event ആയി (സംഭവാനന്തരമായി) നമ്മൾ ഇപ്പോൾ post eventൽ കാണുന്നത് പോലെ ഒരു കാര്യം ഉണ്ടാവണം എന്ന നിലക്കുള്ള ഒരു planning അന്ന് ഒരു ബുദ്ധനും മുഹമ്മദിനും യേശുവിനും ഉണ്ടായിരുന്നില്ല, ഉണ്ടായിരിക്കണമെന്നില്ല. 

പലപ്പോഴും ആരെറിഞ്ഞാലും മാങ്ങ വീഴില്ല. 

എപ്പോഴെങ്കിലും ആരെരിഞ്ഞാലും ഏറ് കൊണ്ട് മാങ്ങ വീഴുകയും ചെയ്യും.

ഏറ് കൊണ്ട് മാങ്ങ വീണാൽ, വീണതിന് ശേഷം post event ആയി  (സംഭവാനന്തരമായി) ഒരവകാശവാദം പോലെ ചിന്തിച്ച് വ്യാഖ്യാനിച്ച് പലതും പറയാം. അതൊരു pre-planned സംഗതിയും സംഭവവും ആയിരുന്നുവെന്ന് വരെ പറയാം. നാം അങ്ങനെ എറിഞ്ഞത് കൊണ്ട് ഇങ്ങനെ എറിഞ്ഞത് കൊണ്ട് മാങ്ങ വീണു എന്ന് വീരവാദം പറയാം. ഇന്ന് നമ്മൾ മുഹമ്മദിൻ്റെയും യേശുവിൻ്റെയും കൃഷ്ണൻ്റെയും ബുദ്ധൻ്റെയും കാര്യത്തിൽ കേൾക്കുന്ന കഥകളും വ്യാഖ്യാനങ്ങളും വിശദീകരണങ്ങളും പോലെ.

യഥാർത്ഥത്തിൽ ആവർത്തിക്കാനും അനുകരിക്കാനും സാധിക്കാത്തവിധം എങ്ങിനെയൊക്കെയോ സംഭവിച്ചു. അതുകൊണ്ടായി. മുൻകൂട്ടി ഒരുവിവരവും പദ്ധതിയും ഇല്ലാതെ ആയി. അതിനപ്പുറം ഒന്നുമില്ല.

അതേ, ദൈവം പ്രത്യക്ഷപ്പെടണം. എല്ലാവരുടെ മുൻപിലും പ്രത്യക്ഷപ്പെടണം.

ഖുർആനും ഹദീസും ചരിത്രവും എല്ലാം മുഹമ്മദ് മരിച്ചിട്ട് എത്രയോ കാലം കഴിഞ്ഞതിനു ശേഷം ഉണ്ടായതാണ്, ഉണ്ടാക്കിയതാണ്. 

മുഹമ്മദ് (അവസാന) പ്രവാചകനാണെന്ന വാദവും ഖുർആൻ അവസാനഗ്രന്ഥമാണെന്ന വാദവും മുഹമ്മദ് നബിയോ കൂടെ ജീവിച്ചവരോ അറിഞ്ഞിരുന്നിട്ട് പോലും ഉണ്ടാവില്ല. 

കൂടെ ജീവിച്ചവർ അങ്ങനെ അറിഞ്ഞിരുന്നുവെങ്കിൽ ഖുർആനും ഹദീസും മുഹമ്മദിൻ്റെ ചരിത്രവും എല്ലാം ഉണ്ടാക്കുന്ന പണിയൊക്കെ അവർ സ്വയം തന്നെ തികഞ്ഞ ഗൗരവബോധത്തോടെ ചെയ്യുമായിരുന്നു. 

പോരാത്തതിന് ദൈവവും (ദൈവം തന്നെയെങ്കിൽ) ആകാശത്ത് നിന്ന് ഖുർആൻ ഗ്രന്ഥരൂപേണ തന്നെ, എല്ലാ ഭാഷകളിലായും തന്നെ, ആർക്കും ഒരു സംശയവും ഉണ്ടാകാത്ത വിധം, ആർക്കും ഒരു തർക്കവും പണിയുമാകാത്ത വിധം ഇറക്കുമായിരുന്നു. 

ദൈവവും അറിയില്ലായിരുന്നു മുഹമ്മദും ഖുർആനും ഇവർ പറയും പോലെ അവസാന പ്രവാചകനും അവസാന ഗ്രന്ഥവും ആവുന്ന കാര്യം എന്ന് തോന്നുന്നു.

********

ഇങ്ങനെയാണെങ്കിൽ ദൈവം എല്ലാവർക്കും അവരുടെ മുമ്പിൽ വന്ന് പ്രത്യക്ഷപ്പെടാണം എന്നും നിങൾ ആവശ്യപ്പെട്ടേക്കുമല്ലോ?

അതേ, അതേ...

ദൈവം പ്രത്യക്ഷപ്പെടണം...

എല്ലാവരുടെ മുൻപിലും ദൈവം പ്രത്യക്ഷപ്പെടണം.

അതാണ് ശരി.

അല്ലെങ്കിൽ എല്ലാ പ്രത്യക്ഷമായതും പദാർത്ഥമായതും മുഴുവൻ ദൈവമാണെന്നു വരേണം, ബോധ്യപ്പെടണം

പ്രത്യേകിച്ചും എല്ലാവരുടെയും വിശ്വാസവും അനുസരണയും ആരാധനയും ആവശ്യപ്പെടുന്ന ദൈവമാണെങ്കിൽ ആ ദൈവം എല്ലാവരുടെ മുൻപിലും പ്രത്യക്ഷപ്പെടണം.

അങ്ങനെയുള്ള, എല്ലാവരുടെയും വിശ്വാസവും അനുസരണയും ആരാധനയും ആവശ്യപ്പെടുന്ന ദൈവം, താനാണ് ദൈവമെന്ന് എല്ലാവരെയും ബോധ്യപ്പെടുത്തും വിധം, താൻ ദൈവം തന്നെയെങ്കിൽ, എല്ലാ ഓരോ മനുഷ്യൻ്റെ മുൻപിലും, മനുഷ്യൻ ബോധപൂർവം ജീവിക്കാൻ തുടങ്ങിയതിനു ശേഷം ഒരിക്കലെങ്കിലും പ്രത്യക്ഷപ്പെടണം.

പ്രത്യേകിച്ചും ആ ദൈവം, തന്നെ വിശ്വസിച്ചില്ലെങ്കിലും ആരാധിച്ചില്ലെങ്കിലും അനുസരിച്ചില്ലെങ്കിലും മനുഷ്യരെ ശിക്ഷിക്കുമെന്നും നരകത്തിലിടുമെന്നും ഭീഷണിപ്പെടുത്തുന്ന ദൈവമാണെങ്കിൽ. 

ഒപ്പം, തന്നെ വിശ്വസിച്ചാലും അനുസരിച്ചാലും ആരാധിച്ചാലും മനുഷ്യരെ രക്ഷിക്കും സ്വർഗ്ഗംനൽകും എന്ന് വാഗ്ദാനം നൽകുന്ന ദൈവമാണെങ്കിൽ.

അതേ. എല്ലാവരുടെ മുൻപിലും ദൈവം പ്രത്യക്ഷപ്പെടണം.

 അതേ...

ദൈവം പ്രത്യക്ഷപ്പെടണം...

എല്ലാവരുടെ മുൻപിലും ദൈവം പ്രത്യക്ഷപ്പെടണം.

അതാണ് ശരി.

അല്ലെങ്കിൽ പിന്നെ പ്രത്യക്ഷമായതും പദാർത്ഥമായതും മുഴുവൻ ദൈവമാണെന്നു ബോധ്യപ്പെടണം

പ്രത്യേകിച്ചും എല്ലാവരുടെയും വിശ്വാസവും അനുസരണയും ആരാധനയും ആവശ്യപ്പെടുന്ന ദൈവമാണെങ്കിൽ ആ എല്ലാവരുടെ മുൻപിലും പ്രത്യക്ഷപ്പെടണം.

അങ്ങനെയുള്ള എല്ലാവരുടെയും വിശ്വാസവും അനുസരണയും ആരാധനയും ആവശ്യപ്പെടുന്ന ദൈവം, താനാണ് ദൈവമെന്ന് എല്ലാവരെയും ബോധ്യപ്പെടുത്തുംവിധം, താൻ ദൈവം തന്നെയെങ്കിൽ, എല്ലാ ഓരോ മനുഷ്യൻ്റെ മുൻപിലും, മനുഷ്യൻ ബോധപൂർവം ജീവിക്കാൻ തുടങ്ങിയതിനു ശേഷം ഒരിക്കലെങ്കിലും പ്രത്യക്ഷപ്പെടണം.

പ്രത്യേകിച്ചും തന്നിൽ വിശ്വസിച്ചില്ലെങ്കിലും ആരാധിച്ചില്ലെങ്കിലും അനുസരിച്ചില്ലെങ്കിലും മനുഷ്യരെ ശിക്ഷിക്കുമെന്നും നരകത്തിലിടുമെന്നും ഭീഷണിപ്പെടുത്തുന്ന ദൈവമാണെങ്കിൽ. 

ഒപ്പം, തന്നിൽ വിശ്വസിച്ചാലും അനുസരിച്ചാലും ആരാധിച്ചാലും മനുഷ്യരെ  രക്ഷിക്കും സ്വർഗ്ഗംനൽകും എന്ന് വാഗ്ദാനം നൽകുന്ന ദൈവമാണെങ്കിൽ.

വേശ്യകൾ മോശം പേരല്ല, മോശക്കാരല്ല.

പുരോഹിതൻ രാഷ്ട്രീയ നേതാക്കളെ ഉപദേശിക്കുന്നത് കാണുമ്പോൾ: 

ഒരഭിസാരിക മറ്റഭിസാരികകളെ അഭിസാരികപ്പണി എങ്ങിനെ ഒന്നുകൂടി മെച്ചപ്പെടുത്താമെന്ന് ഉപദേശിക്കുന്നത് പോലെ തോന്നുന്നു.  

വൃത്തികേട് മറ്റ് വൃത്തികേടുകളോട് ഒന്നുകൂടി എങ്ങിനെ കൂടുതൽ വൃത്തികെടാമെന്ന്  ഉപദേശിക്കുന്നത് പോലെയും തോന്നുന്നു.

*********

വേശ്യകൾ മോശം പേരല്ല, മോശക്കാരല്ല. 

സമൂഹത്തിലെ സർവ്വരുടെയും യഥാർത്ഥ മനോവികാര നിലയെ പ്രതിബിംബിച്ച് കാണിക്കുന്ന കണ്ണാടികൾ മാത്രമാണ് വേശ്യകൾ.

പലരെയും നല്ലവരായി പരിശുദ്ധരായി പുറമെയുള്ള കാഴ്ചക്ക് നിർത്തുന്ന യഥാർത്ഥ ദിവ്യരും പുരോഹിതരുമാണവർ.

വേശ്യകൾ എന്ന് ആരാലൊക്കെയോ വിളിക്കപ്പെടുന്നവർ അങ്ങനെ വിളിക്കപ്പെടുക മാത്രമാണ്. എല്ലാ സ്ത്രീ പുരുഷന്മാരിലും അവരുണ്ട്. പക്ഷേ, കാപട്യം അത് മറച്ചു പിടിക്കുന്നു എന്ന് മാത്രം. 

എന്നാൽ, വേശ്യകൾ എന്ന് ആരാലൊക്കെയോ വിളിക്കപ്പെടുന്നവർ സത്യസന്ധതയുടെയും നിസ്സഹായതയുടെയും ആർക്കും മനസ്സിലാവാത്ത പരിശുദ്ധിയുടെയും പര്യായങ്ങളാണ്, ആൾരൂപങ്ങളാണ്. 

അവർ ആർക്കും ഏത് വണ്ടിനും പൂമ്പാറ്റക്കും തേനീചക്കും ചിലന്തിക്കും കയറിവന്ന് തൊഴുതു പോകാവുന്ന ദേവാലയങ്ങൾ.

അവർ ആരെയും വഞ്ചിക്കില്ല, വഞ്ചിച്ചിട്ടില്ല.

അവർ ആരുടെ മുൻപിലും കപടനാടകം കളിച്ചിട്ടില്ല, കളിക്കുന്നില്ല. 

അവർ ഉള്ളും പുറവും ഒന്നുപോലെ ആക്കിയവർ. ഉള്ളിനെ പുറത്ത് കാട്ടുന്നവർ. 

അവർ കളവും വെറുപ്പും കൊണ്ടുനടക്കുന്നില്ല, വിതരണം ചെയ്യുന്നില്ല. 

അവർ അവരെ സമീപിക്കുന്ന എല്ലാവർക്കും അവരുടെ ശൂന്യതയെ തൊട്ടുകാണിച്ചു കൊടുക്കുന്നു. 

ഒന്നുമില്ലെന്നവറിയാനാണ്, ഒന്നുമല്ലെന്നുമറിയാനാണ് ഒരു വലിയ ജീവിതം പോലും ജീവിച്ചുതീർക്കുന്നത് എന്നവരെല്ലാവരെയും അറിയിക്കുന്നു 

രാഷ്ട്രീയനേതാക്കളുമായും പുരോഹിതന്മാരുമായും വേശ്യകളെ ഉപമിക്കുന്നതും താരതമ്യം ചെയ്യുന്നതും തെറ്റാണ്.

അങ്ങനെ ഉപമിക്കുന്നത് വേശ്യകളെ ഇകഴ്‌ത്തുന്നതിനും പരിഹസിക്കുന്നതിനും തുല്യമാണ്. 

രാഷ്ട്രീയനേതാക്കളുമായും പുരോഹിതന്മാരുമായും ആരെയും ഒന്നിനെയും ഉപമിക്കരുത്. 

രാഷ്ടീയ പുരോഹിത നേതൃത്വത്തേക്കാൾ കളങ്കപ്പെട്ടതും മോശമായതുമായി ഒന്നും പ്രകൃതിയിൽ ഇല്ല, ഒന്നും ഉണ്ടാവുക സാധ്യമല്ല. 

മണ്ണ് കൊണ്ട് മൺകലം ഉണ്ടാക്കുന്നത് പോലെ വൃത്തികേടുകൾ കൊണ്ട് ഉണ്ടാവുന്നതാണ് രാഷ്ടീയനേതൃത്വവും പുരോഹിതവർഗ്ഗവും

എന്നിട്ടും നിർവ്വഹമില്ലാതെ വേശ്യകളെക്കുറിച്ച സമൂഹത്തിൻ്റെ തെറ്റായ ധാരണയും സമീപനവും ഉപജീവിച്ച് അങ്ങനെ രാഷ്ട്രീയക്കാരുമായൂം പുരോഹിതന്മാരുമായും ഉപമിച്ചുപോയത് മാത്രമാണ്. 

അത് പാടില്ലാത്തതാണ്. 

എന്നാലും ചെയ്യേണ്ടി വന്നു. 

ക്ഷമ ചോദിക്കുന്നു..

ഹിന്ദുവെന്നാൽ കളവും വെറുപ്പും കാപട്യവും ചെയ്യുന്നവരെ സഹിക്കുകയെന്നല്ല.

ഹിന്ദുവാണ് എന്ന് പറയാൻ ഒരു പേടിയും ഉണ്ടാവേണ്ടതില്ലെന്ന് മാത്രമല്ല, അഭിമാനവും ഉണ്ടാവാം. 

പക്ഷേ ഹിന്ദു എന്നാൽ, ഹിന്ദു ആവുകയെന്നാൽ വെറും കളവും വെറുപ്പും കാപട്യവും മാത്രം പറയുന്നവരെയും വെറും കളവും വെറുപ്പും കാപട്യവും മാത്രം ചെയ്യുന്നവരെയും സഹിക്കുകയും പൊറുക്കുകയും ആണെന്ന് വരുത്തിക്കൂട

********

കളവ് കളവാണെന്നു പറയുന്നത് തീവ്രവാദം ആവുന്നതെങ്ങിനെ? 

കളവ് ആര് പറഞ്ഞാലും കളവ് തന്നെ. 

കളവ് സ്വന്തം വിദ്യാഭ്യാസത്തിൻ്റെയും സർട്ടിഫിക്കറ്റിൻ്റെയും പേരിലായാലും കളവ് തന്നെ. 

തങ്ങളെ എതിർത്തുപറയുന്ന എല്ലാവരെയും എല്ലാറ്റിനെയും തീവ്രവാദവും രാജ്യദ്രോഹവും ആയി ചിതീകരിച്ച് സ്വന്തം രാജ്യദ്രോഹത്തെയും തീവ്രവാദത്തെയും മറച്ചുപിടിക്കുകയും ആരും കാണുന്നില്ലെന്ന് വരുത്തുകയും മാത്രമാണ് കളവ്. 

വലതുപക്ഷഭീകരതയും തീവ്രതയും രാജ്യദ്രോഹവും പിന്നെന്താണ്?  

വലതുപക്ഷവും കാര്യമായി നടത്തുന്നത് ഭീകരതയും തീവ്രതയും രാജ്യദ്രോഹവും തന്നെയാണ്.

********

EVMന് ഇപ്പോഴും കുഴപ്പമുണ്ട്. 

ഇപ്പോൾ കിട്ടിയ തെരഞ്ഞെടുപ്പ് ഫലവും യഥാർത്ഥത്തിൽ കിട്ടേണ്ടിയിരുന്നതിൻ്റെ പകുതി പോലുമല്ല.

ഇപ്പോഴും ഇന്ത്യയിൽ സ്വതന്ത്രവും സത്യസന്ധവും ആയ തെരഞ്ഞെടുപ്പ് നടന്നിട്ടില്ല. 

EVMനും അപ്പുറത്ത് വലതുപക്ഷ ഭരണകൂടത്തിനെതിരെയും വലതുപക്ഷ വർഗ്ഗീയ പാർട്ടിക്കെതിരെയും ജനരോഷം ഉണ്ട് ഇന്ത്യയിൽ എന്നതിനാൽ.

EVMനും അതിലെ തിരിമറികൾക്കും പൂർണമായും ജനരോഷം മുൻ കണ്ട് നിയന്ത്രിക്കാൻ സാധിച്ചില്ല എന്ന് മാത്രം. 

2019ഉം 2014ഉം സംശയിക്കപ്പെടേണ്ടത് തന്നെയാണ്. 

പക്ഷേ ആരുണ്ട് ഇവിടെ പൂച്ചയ്ക്ക് മണികെട്ടാൻ?

ജനാധിപത്യത്തിന് വേണ്ട പകുതി വളർച്ച പോലും എത്തിയ ജനത ഇന്ത്യയിൽ ഇല്ല എന്നത് കൊണ്ട് ഇവിടെ നടമാടുന്ന ജനാധിപത്യം എന്ന പൊറാട്ട് നാടകത്തിൽ വിശ്വാസിച്ചെന്ന് വരുത്തേണ്ടിവരുന്നു.

********

ഒരു പാർട്ടിയുടെ ആദർശവും പ്രത്യേശാസ്ത്രവും തന്നെ മുസ്‌ലിം വിരോധം, മുസ്‌ലിം വെറുപ്പ്. 

വേറൊന്നും പറയാനുമില്ല, വേറൊന്നും ചെയ്യാനുമില്ല. 

ആദ്യമായാണ് ഇങ്ങനെയൊരു പാർട്ടിയെ കാണുന്നത്. 

അതും രാജ്യം തന്നെ ഭരിക്കുന്ന വലിയ പാർട്ടിയെ. ഉള്ളുപൊള്ളയായ ബലൂൺ പോലുള്ള ഒരു വലിയ പാർട്ടിയെ.

വിഷമം. 140 കോടി ഉണ്ടായിട്ടും ഭരിക്കാനും നയിക്കാനും വിഡ്ഢികളും തെമ്മാടികളും കള്ളന്മാരും മാത്രം.

വിഷമം. 140 കോടി ഉണ്ടായിട്ടും ഭരിക്കാനും, നയിക്കാനും വിഡ്ഢികളും തെമ്മാടികളും കള്ളന്മാരും തന്നെയെ ഉള്ളൂ എന്നോർക്കുമ്പോൾ. 

വിഷമം. പച്ചക്കളവും വെറുപ്പും വിഭജനവും ഭരിക്കുന്ന രാജ്യത്തിൻ്റെ ഗതികേട് ഓർക്കുമ്പോൾ.  

അന്ധത പൂകാത്ത, അടിമത്തംവരിക്കാത്ത, തലച്ചോർ ആർക്കും ഒരു പാർട്ടിക്കും മതത്തിനും പണയം വെക്കാത്ത യഥാർത്ഥ രാജ്യസ്നേഹം നൽകുന്ന വിഷമം.

*******

മഹത്തായ ഭാരതീയതയെയും ഹൈന്ദവതയേയും വ്യഭിചരിച്ചും ഉപജീവിച്ചും ചുറ്റുവട്ടത്ത് വെറുപ്പും വിഭജനവും കളവും മാത്രം പറഞ്ഞപരത്തുന്നത് നോക്കി നിന്നുകൂടല്ലോ? 

അതുകൊണ്ട് മാത്രം...

*******

"കോൺഗ്രസ്സ് മുക്ത ഭാരതം" എന്ന മുദ്രാവാക്യം തന്നെ ജനാധിപത്യവിരുദ്ധമാണ്. 

ജനാധിപത്യത്തിൽ പ്രതിപക്ഷവും പാർട്ടികളും ഭിന്നാഭിപ്രായങ്ങളും വേണം. 

കോൺഗ്രസ്സ് ഇല്ലാതായാൽ തോന്നിയത് പോലെ എന്തും ചെയ്യാം, തങ്ങളെ ചോദ്യംചെയ്യാൻ ആരും വരില്ല എന്നുറപ്പിക്കാനായിരുന്നോ "കോൺഗ്രസ്സ് മുക്ത ഭാരതം" ലക്ഷ്യം വെച്ചത്?

******

ശരിയാണ്. 

കളവും വെറുപ്പും വിഭജനവും evmഉം പിന്നെ എല്ലാവിധ അധികാരശക്തിയും ഏജൻസികളും കൂടി ആഞ്ഞുപിടിച്ചിട്ടും, മുൻകൂട്ടി നാനൂറെന്ന് പറഞ്ഞ് അതുവെച്ച് നടത്താൻ പോകുന്ന വിരുതിന് ന്യായം ഉണ്ടാക്കി, അതിനു വേണ്ടി മുഴുവൻ വാർത്താമാധ്യമങ്ങളെയും വിലക്ക് വാങ്ങി കൂട്ടുപിടിച്ചിട്ടും, പ്രതിപക്ഷ കക്ഷികളെയും നേതാക്കളെയും ആവത് ഭീഷണിപ്പെടുത്തിയിട്ടും കൂട്ടിലടച്ചിട്ടും ബിജെപിക്ക് ആകെ കിട്ടിയത് വെറും 240. 

അതും ധൃതിപ്പെട്ട് പൂർത്തിയാക്കാതെ പൂർത്തിയാക്കിയ രാമക്ഷേത്രമെന്ന തുറുപ്പ്ചീട്ട് വെച്ച് കളിച്ചിട്ട്, രാമക്ഷേത്രം നിർമ്മിച്ച നഗരിയും മണ്ഡലവും നഷ്ടപ്പെടുത്തിയിട്ട്. 

അതിനാൽ തന്നെ കോൺഗ്രസ്സിൻ്റെ 99ന് ബിജെപിയുടെ 240നേക്കാൾ എത്രയോ വിലയും തൂക്കവും ഉണ്ട്.

*******

അതേ...

ബിജെപിക്ക് ഇത്രയെങ്കിലും നേട്ടം കിട്ടിയത് evm കൊണ്ട് തന്നെയാണ്. അത്രയ്ക്ക് ജനരോഷം അവർക്കെതിരെ ഇപ്പോഴും ഇന്ത്യ മുഴുക്കെ ഉണ്ട്. ബീഹാറും ഡൽഹിയും മധ്യപ്രദേശും ഗുജറാത്തും ഹിമാചൽ പ്രദേശും evm നൽകിയതോ എന്ന് പൂർണമായും സംശയിക്കണം.

******

Evmന് ഇപ്പോഴും കുഴപ്പമുണ്ട്. 

ഇപ്പോഴും ഇന്ത്യയിൽ സ്വതന്ത്രവും സത്യസന്ധവും ആയ തെരഞ്ഞെടുപ്പ് നടന്നിട്ടില്ല. 

Evm വെച്ച് നടത്തിയ തിരിമറിക്കപ്പുറത്ത് ജനരോഷം ഉണ്ട് ഇന്ത്യയിൽ എന്നതിനാൽ, evmനും അതിലെ തിരിമറികൾക്കും പൂർണമായും ജനരോഷം മുൻകണ്ട് നിയന്ത്രിക്കാൻ സാധിച്ചില്ല എന്ന് മാത്രം കരുതണം. 

2019ഉം 2014ഉം evm മാത്രം നൽകിയ  വിജയ മായിരുന്നോ എന്ന് സംശയിക്കേണ്ടത് തന്നെയാണ്. 

പക്ഷേ ആരുണ്ട് ഇവിടെ പൂച്ചയ്ക്ക് മണികെട്ടാൻ?

*******

ജനാധിപത്യത്തിന് വേണ്ട പകുതി വളർച്ച പോലും എത്തിയ ജനത ഇന്ത്യയിൽ ഇല്ല എന്നത് കൊണ്ട് ഇവിടെ നടമാടുന്ന ജനാധിപത്യം എന്ന പൊറാട്ട് നാടകത്തിൽ വിശ്വാസമില്ല, വിശ്വസിക്കേണ്ടതില്ല. 

********

അത് ശരിയാണ്. അത് ഇസ്ലാമിൻ്റെ അടിസ്ഥാന പ്രശ്നവും ആണ്

അത് ശരിയാണ്...

അത് ഇസ്ലാമിൻ്റെ അടിസ്ഥാന പ്രശ്നവും ആണ്.

ഏകസത്യാവാദവും അവസാനവാദവും മുഖമുദ്രയാക്കിയ ഇസ്‌ലാം തീവ്രവാദപരവും അസഹിഷ്ണുതയിൽ അധിഷ്ഠിതുവുമാണ്. അതിൽ ഒന്നുമറിയാത്ത, ജനനം കൊണ്ട് മാത്രം മുസ്‌ലിം ആയിപ്പോയവർ എന്ത് പിഴച്ചു?

അതിന് പരിഹാരമായി ഇന്ത്യ ഭരിക്കുന്ന പാർട്ടി ഇന്ത്യക്കാരായ ജനങ്ങളെ കളവ് പറഞ്ഞ് വെറുപ്പും വിദ്വേഷവും വിഭജനവും ഉണ്ടാക്കി വിഭജിച്ച് തമ്മിലടിപ്പിച്ച് രക്തം കുടിക്കുകയല്ല വേണ്ടത്. 

അതും നാടിനെ സ്നേഹിക്കുന്നവർ അങ്ങനെയല്ല ചെയ്യേണ്ടത്. അവർ നാട്ടുകാരെ മുഴുവൻ ഒരുപോലെ കണ്ട് ഒന്നായി കൊണ്ടുപോകേണ്ടവരാണ്. 

വിദ്യാഭ്യാസം കൊടുത്ത്, മദ്രസ പോലുള്ളത് നിരോധിച്ച് ഘട്ടംഘട്ടമായി മുസ്‌ക്ലിംകളെ തിരുത്തി ഇസ്‌ലാമിൽ നിന്നും രക്ഷപ്പെടുത്തി മുഖ്യ ധാരയിൽ കൊണ്ടുവരികയാണ്. 

കാരണം വിശ്വാസം വേറെ എന്നത് മാറ്റിനിർത്തിയാൽ മുസ്ലിംകളും ഇവിടത്തുകാർ മാത്രമാണ്. ഇന്ത്യക്കാർ മാത്രമാണ്. ഇന്ത്യക്കാരെ ഇന്ത്യക്കാരെ കൊണ്ട് കളവും വെറുപ്പും പറഞ്ഞ് വിഭജിച്ച് തമ്മിലടിപ്പിക്കുന്നത് ബുദ്ധിപരമല്ല, വിവേകമല്ല, രാജ്യ സ്നേഹമല്ല.

******

കൈകാര്യം ചെയ്യേണ്ടതും ബുദ്ധിപരമായി കൈകാര്യം ചെയ്ത് ഇല്ലായ്മ ചെയ്യേണ്ടതും ഏകസത്യാവാദവും അവസാനവാദവും പറഞ്ഞ് തീവ്രവാദവും അസഹിഷ്ണുതയും ഉണ്ടാക്കുന്ന ഇസ്ലാമിനെയാണ്. അല്ലാതെ ഇന്ത്യക്കാർ മാത്രമായ മുസ്‌ലിംകളെ അല്ല.

ഇസ്‌ലാം ആണ് യഥാർത്ഥ വിഷവും വിഷയവും പ്രശ്നവും.

മുസ്ലിംകൾ വെറും ഇന്ത്യക്കാർ മാത്രമായ പാത്രങ്ങളാണ്. എല്ലാവരെയും പോലെ ജന്മം കിട്ടിയത് നിറച്ച, നിറച്ചത് വെച്ച് വിശ്വാസികളായ മുസ്ലിംകൾ.

ആ പാത്രങ്ങളിൽ മരുന്ന് നിറച്ചാൽ അവ മരുന്ന്പാത്രങ്ങളായി.

വിഷം നിറച്ചാൽ ആരും അവരും വിഷപ്പാത്രങ്ങളായി.

മുൻകൂട്ടി തയ്യാറാക്കിയ തിരക്കഥക്കനുസരിച്ച തെരഞ്ഞെടുപ്പ് ഫലം

മുൻകൂട്ടി തയ്യാറാക്കിയ തിരക്കഥക്കനുസരിച്ചാണ് വരാൻപോകുന്ന തെരഞ്ഞെടുപ്പ് ഫലമെങ്കിൽ, എക്സിറ്റ് പോളിനെ മാത്രം കുറ്റം പറയേണ്ടതില്ല. 

ഭരണകൂടത്തെ ഭയന്നും ഭരണകൂടത്തിൻ്റെ തണൽപറ്റിയും വാർത്താമാധ്യമങ്ങൾ കൂടെ നിൽക്കുന്നുവെന്ന് മാത്രം കരുതിയാൽ മതി. 

എന്തായാലും തെറ്റില്ലെന്നുറപ്പുള്ളതിനാൽ വാർത്താമാധ്യമങ്ങൾക്ക് ഭയക്കാനുമില്ല. 

എങ്കിൽ എക്സിറ്റ് പോൾ പറയുന്നത് ശരി തന്നെയേ ആവൂ. എക്സിറ്റ് പോൾ ഫലം തെറ്റാവുമെന്ന് തർക്കിക്കാനും ഇല്ല.

മുൻകൂട്ടി നാനൂറിന് മേൽ കിട്ടുമെന്ന് പറഞ്ഞ് വരുത്തിയത് കൊണ്ട് സംഗതി കുശാലാണ്.

അപ്പറഞ്ഞുണ്ടാക്കിയ തിരക്കഥ പോലെ തന്നെ പിന്നീട് സംവിധാനിച്ച് വരുത്താനിരിക്കുന്ന തെരഞ്ഞെടുപ്പ് ഫലത്തിന് വേണ്ടി ജനങ്ങളെ പറഞ്ഞ് വിശ്വസിപ്പിച്ച് മനസ്സൊരുക്കിവെക്കുന്ന പണിയും ആ വകയിലും വഴിയിലും എല്ലാവരും എടുത്തുവെച്ചതാണെങ്കിലും എടുത്തുവെക്കുന്നതാണെങ്കിലും പ്രത്യേകിച്ച്.

*******

അറിയില്ല.

അറിയേണ്ടതും അറിവിനനുസരിച്ച് പ്രതിഷേധിക്കേണ്ടതും പ്രതികരിക്കേണ്ടതും പ്രതിപക്ഷ പാർട്ടികൾ ആണ്.

അവരാരും കാര്യമായും ഒന്നും പറയുന്നില്ല, പ്രതിഷേധിക്കുന്നില്ല, പ്രതികരികരിക്കുന്നില്ല..

********

ഇന്ത്യൻ ജനത പൊതുവെ പ്രതികരിക്കുന്ന, പ്രതിഷേധിക്കുന്ന തരമല്ല.

ഇന്ത്യൻ ജനത പൊതുവെ പ്രതികരിക്കുന്ന, പ്രതിഷേധിക്കുന്ന തരമല്ല.

ഇന്ത്യൻ ജനത പൊതുവെ പ്രതികരിക്കുന്ന, പ്രതിഷേധിക്കുന്ന തരമല്ല.

അങ്ങിങ്ങ് ഒറ്റതിരിഞ്ഞുണ്ടായ ചില സംഭവങ്ങളെയും വ്യക്തികളെയും പാർവ്വതീകരിച്ച് സാമാന്യവൽക്കരിച്ച് ഇന്ത്യ മുഴുവൻ പ്രതികരിക്കുന്നു, പ്രതിഷേധിക്കുന്നു എന്ന് വരുത്തിപ്പറയുന്നത് ഒഴിവാക്കിയാൽ മാത്രം മതി.

അന്നും എന്നും അങ്ങനെ കാര്യമായി പ്രതികരിക്കാത്ത കൂട്ടത്തിൽ തന്നെയാണ്, തന്നെയായിരുന്നു ഇന്ത്യൻ ജനത കുടികൊണ്ടത്. 

ഇന്നും ഇന്ത്യൻ ജനത അങ്ങനെ തന്നെയെന്ന്, അവരെ വളരെ പ്രതികൂലമായി ബാധിച്ച, പ്രതികൂലമായി ബാധിക്കുന്ന നൂറായിരം തെളിവുകളും സംഭവങ്ങളും എടുത്തുദാഹരിച്ച് പറയാൻ സാധിക്കും.

ഈയടുത്തകാലത്ത് ഒന്നിനുംമല്ലാതെ ഒരു ജനതയെ മൊത്തം കഷ്ടപ്പെടുത്താൻ മാത്രം നടന്ന നോട്ട് നിരോധനവും നികുതി വർദ്ധനവും നിത്യോപയോഗ സാധന പെട്രോൾ ഡീസൽ വില വർദ്ധനവും വരെ തെളിവുകളും ഉദാഹരണങ്ങളും

അധിനിവേശം നടത്തിയ ഭരണാധികാരികൾക്കും ഇപ്പോഴുള്ള സ്വദേശക്കാർ എന്ന് വിശേഷണമുള്ള അധിനിവേശം തന്നെ നടത്തിക്കൊണ്ടിരിക്കുന്ന ഭരണാധികാരികൾക്കും വല്ലാതെ നിസ്സംഗതയും നിഷ്ക്രിയത്വവും പുലർത്തുന്ന ഈയൊരു ഇന്ത്യൻ മാനസികാവസ്ഥ വല്ലാതെ ഉപയോഗപ്പെട്ടിട്ടുണ്ട്, ഉപയോഗപ്പെടുന്നുണ്ട്.

ചരിത്രത്തിൽ ഒരിക്കലും ഇന്ത്യൻ ജനത സ്വാതന്ത്ര്യ ദാഹമോ ജനാധിപത്യ വാഞ്ചയോ പുലർത്തി കാര്യമായും ഒന്നടങ്കം പ്രതിഷേധിച്ചതായും പ്രതികരിച്ചതയും കാണില്ല. എന്തെല്ലാം കൊടുംക്രൂര അധിനിവേശങ്ങൾ നടന്ന കാലത്ത് പോലും ഇന്ത്യൻ ജനത അധികാരികളെ പാടിപ്പുകാഴ്‌ത്തുക മാത്രം ചെയ്തതല്ലാതെ ബാക്കി എല്ലാ നിലക്കും നിസ്സംഗത പുലർത്തിയർ മാത്രമായിരുന്നു..

വളരേ അലസമായ, പ്രതികരിക്കാത്ത, നിഷ്ക്രിയ, നിസ്സംഗ, ഉദാസീന സ്വഭാവം ഉള്ളരാണ് ഇന്ത്യൻ ജനത എന്നത് എക്കാലത്തും ഭരണകൂടത്തിന് ഇന്ത്യയിൽ ഒരു ഈസി വാക്കോവർ സമ്മാനിക്കാറുണ്ട്.

ഇന്ത്യയ്ക്ക് കിട്ടിയതെന്ന് നാം കൊട്ടിഘോഷിക്കുന്ന സ്വാതന്ത്ര്യം പോലും ഇന്ത്യൻ ജനതയുടെ പൊതുവായ പ്രതിഷേധവും പ്രതികരണവും മൂലമല്ല.

അക്കാലത്ത് ബ്രിട്ടീഷുകാർ അവരുടെ എല്ലാ കോളനികൾക്കും നൽകിയ സ്വാതന്ത്ര്യം ഇന്ത്യക്കും നൽകി/കിട്ടി എന്നുമാത്രം.

അക്കാലത്ത്, ബ്രിട്ടീഷുകാർ അവരുടെ എല്ലാ കോളനികളെയും വിട്ടൊഴിഞ്ഞുപോകാൻ തീരുമാനിച്ചപ്പോൾ അതിൻ്റെ ഫലമായി എല്ലാവർക്കും കിട്ടിയ സ്വാതന്ത്ര്യം ഇന്ത്യക്കും കിട്ടി എന്നുമാത്രം.

അതുകൊണ്ട് തന്നെ കാര്യമായ ഒരു സാഹിത്യഗ്രന്ഥം പോലും സ്വാതന്ത്ര്യസമരക്കാലം എന്ന് നാം പാടിപ്പുകഴ്‌ത്തിപ്പറയുന്ന കാലഘട്ടത്തിൽ പ്രതിഷേധിച്ചും പ്രതികരിച്ചും സ്വാതന്ത്ര്യദാഹം വിളിച്ചറിയിച്ചു ബ്രിട്ടീഷുകാർക്കെതിരെ ഇന്ത്യയിൽ രചിക്കപ്പെട്ടതായി കാണില്ല.

എല്ലാറ്റിനെയും കുറിച്ച് എല്ലാം എഴുതിയ, സംസാരിച്ച അംബേദ്ക്കർ പോലും അക്കാലത്തെ അധിനിവേശ ഭരണകൂടത്തിനും ബ്രിട്ടീഷുകാർക്കുമെതിരെ കാര്യമായി എന്തെങ്കിലും എവിടെയെങ്കിലും പ്രതികരിച്ച്, പ്രതിഷേധിച്ച് എഴുതിയതായും പറഞ്ഞതായും കാണില്ല.

അക്കാലത്തെ സാഹിത്യത്തിലെ നൊബേൽ സമ്മാന ജേതാവായ രവീന്ദ്ര നാഥ ടാഗോറും ബ്രിട്ടീഷുകാർക്കെതിരെ കാര്യമായി എന്തെങ്കിലും എവിടെയെങ്കിലും പ്രതികരിച്ച്, പ്രതിഷേധിച്ച് എഴുതിയതായി കാണില്ല.

ഇങ്ങനെ ഒട്ടും പ്രതികരിക്കുകയും പ്രതിഷേധിക്കുകയും ചെയ്യാതിരിക്കുന്ന ഇന്ത്യൻ ജനതയുടെ പൊതുവായ പ്രകൃതം നല്ലതാണോ മോശമാണോ എന്ന് പറയാനും തരമില്ല.

ഒരു ജനത അങ്ങനെയാണ് എന്ന് മാത്രം പറയാം.

അതുകൊണ്ട് തന്നെ ആ ജനതക്ക് എല്ലാ കാലത്തും കിട്ടിയ ഭരണനേതൃത്വവും അങ്ങനെത്തന്നെ ആയിരുന്നു എന്നും പറയാം.
********
നിരാശപ്പെട്ട, എന്നാൽ തീർത്തും നിസ്സംഗരും നിഷ്ക്രിയരുമായ ഒരു ജനതയിൽ കാര്യമായും ഉണ്ടാവുക, ഉണ്ടാക്കാനാവുക അസൂയ, വെറുപ്പ്. പിന്നെ നിരാശയും അസൂയയും വെറുപ്പും ഉണ്ടാക്കുന്ന അഹങ്കാരം, നന്മ കണ്ടില്ലെന്ന് നടിക്കുന്ന നിഷേധം. ആ അഹങ്കാരവും നിഷേധവും ഉണ്ടാക്കുന്ന ധാർഷ്ട്യം, ധിക്കാരം. ഇന്ത്യൻജനതയിൽ ഇപ്പോൾ വേണ്ടത്ര വളരുന്നതും നിഴലിടുന്നതും തന്നെ