പ്രതിഷേധിക്കുന്നത് കൊണ്ട് ഭരണഘടന വേണ്ടെന്നു വെച്ചാൽ? സുപ്രീം കോടതി പൂട്ടിയിട്ടാൽ?

ശബരിമല. കുറച്ചാളുകൾ 
പ്രതിഷേധിക്കുന്നത് കൊണ്ട് 

ഭരണഘടന വേണ്ടെന്നു വെച്ചാൽ? 

സുപ്രീം കോടതി പൂട്ടിയിട്ടാൽ? 

നാട് ചിന്നഭിന്നമായാൽ?

*******

ശബരിമല: വിഷയദാരിദ്ര്യം ദേശീയ പാർട്ടികളെ 

എവിടെയോ ചെന്നെത്തിക്കുന്നു.

എവിടെയോ തുടങ്ങിയ അവർ 

എവിടെയോ ഒടുങ്ങുന്നു.  

********

എത്രയോ കാലമായല്ലോ ശബരിമല?

പിന്നെന്തേ ഇപ്പോഴൊരു പുകിൽ?

കേരളം തങ്ങൾക്കു വഴങ്ങാത്തതിന്റെ ദേഷ്യം

സന്നിധാനത്തോ? അയ്യപ്പനോടോ?

അങ്ങാടിയിൽ തോറ്റാൽ അമ്മയോടോ?

********

ശബരിമല. രാജ്യം ഭരിക്കുന്നവർക്ക്

രാജ്യത്തോടും നിയമത്തോടും കൂറില്ലെന്നോ?

രാജ്യസ്നേഹത്തേക്കാൾ വലുത്

അധികാരവും അധികാരസ്‌നേഹവുമെന്നോ?

********

ശബരിമല: വെള്ളം സംരക്ഷിക്കാൻ 

ചുറ്റും തീയിട്ടു വെള്ളം വറ്റിക്കുന്നു.

ആചാരം പറഞ്ഞു ആചാരം ലംഘിക്കുന്നു.

ശ്വാസം മുട്ടിച്ചു കൊല്ലാൻ ചുംബിക്കുന്നു 

********

ശബരിമല. ജനാധിപത്യം പഠിപ്പിക്കുന്ന,

പ്രയോഗിക്കുന്ന പാർട്ടികൾ നമുക്കില്ല. 

ജനാധിപത്യത്തെ പരാജയപ്പെടുത്തുന്ന 

ജനങ്ങളെ പ്രകോപിതരാക്കുന്ന പാർട്ടികളെ നമുക്കുള്ളു.

*******

ശബരിമല. പാർട്ടികൾക്ക് പ്രധാനം
രാജ്യവും രക്ഷയും നന്മയുമല്ല.
രാജ്യ ഭരണം മാത്രം. വിശ്വാസികളെന്നു

പറഞ്ഞു കാണിക്കുന്നത് ഓലപ്പാമ്പിനെ വരെ. 

******

ശബരിമല. കലാപം എളുപ്പം.

അതൊഴിവാക്കാൻ ബുദ്ധിമുട്ടു.അയക്കാനും 

പോകാനും ആയിരങ്ങൾ ഇല്ലാഞ്ഞല്ല.

പക്ഷെ, കലാപം ഒഴിവാക്കാനുള്ള വിവേകമുണ്ട്. 

********

ശബരിമല വിധി. കേട്ടാൽ പുരോഗമനപരം. 

സംഗതി തീക്കളി.

കമ്മ്യുണിസ്റ്റുകൾക്കും ഇതിലെ 

കെണി മനസ്സിലായില്ലെന്ന് തോന്നുന്നു.

********

ശബരിമല. നട്ടെല്ലും നിലപാടുമില്ലാതെ

മൃദു സമീപനവുമായി നീങ്ങുന്ന 

കോൺഗ്രസിനെ ബി ജെ പി 

സ്വന്തം നിഴലിൽ വീഴ്ത്തി വിഴുങ്ങും. 

*******

ശബരിമല. സ്വന്തം കൊടി പാറിക്കാനാവാത്ത,

എവിടെയും നിൽക്കാത്ത കാപട്യം, 

കോൺഗ്രസിനെ ഉത്തരേന്ത്യയിലെന്നപോലെ 

കേരളത്തിലും അനാവശ്യമാക്കും.  

********

ശബരിമല. രാമജന്മഭൂമിയിലും 

കോൺഗ്രസിന് പറ്റിയത് ഇതേ അമളി.

"തൊട്ടു തൊട്ടീല, മിണ്ടി മിണ്ടീല".

ഡ്യൂപ്ലിക്കേറ്റ് വേർഷൻ. ജനം ഒറിജിനൽ തേടി.

**********

ശബരിമല. തുപ്പിയും വിഴുങ്ങിയും 

ബി ജെ പിയും സി പി എമ്മും.

തുപ്പാതെ, വിഴുങ്ങാതെ ശ്വാസം മുട്ടുന്നു കോൺഗ്രസിന്. 

ശ്വാസം മുട്ടുന്നവൻ മരിക്കും

*********

ശബരിമല. വിധി നടപ്പാക്കാൻ സി പി എം 

എതിർക്കാൻ ബി ജെ പി. 

അപ്പോൾ പിന്നെ കോൺഗ്രസ്? 

ചെസ്സ് കളിക്കാനറിയാതെ 

ഓരംപറ്റി കാളി കാണുക.

*******

ശബരിമല. വീണുകിട്ടുന്ന ഇത്തരം 

ചില അവസരങ്ങളല്ലാത്ത ഒന്നും 

ദർശനമായും പ്രത്യേശാസ്ത്രമായും

ആർക്കുമില്ലെന്നത് ജനാധിപത്യത്തിന്റെ ദുര്യോഗം. 

******

ശബരിമല.

നിലപാടില്ലാതെ ഉഴലുന്ന കോൺഗ്രസിന്റെ ധൈര്യം

45 % വരുന്ന മതന്യൂനപക്ഷം

 കേരളത്തിന്റെ പ്രത്യകത എന്നതിലോ?

********

ശബരിമല. സുപ്രീകോടതി ബി ജെ പിക്ക് നൽകിയത് 

ബാലികേറാമല കയറാനുള്ള വിദ്യയോ?

കേരളത്തിലൊരു അയ്യപ്പ ജനഭൂമി? 

ബി ജെ പി യുടെ വസന്തഭൂമി? 

*********

ശബരിമല. വീണുകിട്ടുന്ന ഇത്തരം 

ചില അവസരങ്ങളല്ലാത്ത ഒന്നും 

ദർശനമായും പ്രത്യേശാസ്ത്രമായും

ആർക്കുമില്ലെന്നത് ജനാധിപത്യത്തിന്റെ ദുര്യോഗം. 

********

ശബരിമല. ഉത്തരവാദിത്വമുള്ള പാർട്ടികൾ

ബോധവത്കരിക്കുകയായിരുന്നു വേണ്ടത്.

പ്രകോപിപ്പിക്കുകയായിരുന്നില്ല.

വിധി തെറ്റായാലും ശരിയായാലും.