വയനാട് ദുരന്തം: മനുഷ്യൻ തന്നെ പ്രകൃതിയെ ബാധിച്ച അർബുദമാണ്.

വയനാട് ദുരന്തം: 

മനുഷ്യൻ തന്നെ പ്രകൃതിയെ (ഭൂമിയെ) ബാധിച്ച അർബുദം. 

മനുഷ്യനെ വലുതായിക്കാണുന്ന മനുഷ്യൻ അതറിയില്ല, അംഗീകരിക്കില്ല എന്ന് മാത്രം.

മനുഷ്യനെ പ്രാപഞ്ചികത്തയുടെ കേന്ദ്ര ബിന്ദുവായി കാണുന്ന മനുഷ്യൻ്റെ പുരോഗതി ഇങ്ങനെയൊക്കെയേ ആവൂ. 

അർബുദം പോലെ ചുരന്നും കാർന്നുതിന്നും മനുഷ്യൻ. 

ആ മനുഷ്യൻ്റെ പുരോഗതി പുരോഗതി നിർബന്ധമായും കൊണ്ടുവരേണ്ടതൊക്കെ കൊണ്ടുവരും. 

പ്രകൃതി അതിന് ബാധിച്ച അർബുദത്തെ പ്രതിരോധിച്ച് ചികിത്സിക്കുന്ന വഴിയിൽ വരേണ്ടത് മുഴുവൻ വരും.

എല്ലാറ്റിനും ഒരേയൊരു കാരണമല്ല. 

ഒരേ കാരണത്തെ എല്ലായിടത്തും വെച്ചുകെട്ടുകയുമരുത്. 

കാള പെറ്റുവെന്ന് കേട്ടാൽ കയറെടുക്കുന്നവർ ഓരോന്നിനും എന്തൊക്കെയോ കാരണങ്ങൾ പറയുന്നു. 

അമിതമഴ അല്ലെങ്കിലും ഇത്തരം ദുരന്തങ്ങൾ എല്ലാ കാലത്തും ഉണ്ടാക്കിയിട്ടുണ്ട്. 

സോഷ്യൽ നെറ്റ്‌വർക്ക് ഉള്ളത് കൊണ്ട് ഇപ്പോൾ നമ്മളത് കൂടുതൽ അറിയുന്നു എന്ന് മാത്രം. 

ഇന്ന് ഡൽഹിയിൽ ഒരു ബലാൽസംഗം നടന്നാൽ ഇന്ത്യയിലെ ഓരോ മുക്കിലും മൂലയിലും നടന്നതും നടക്കുന്നതും പോലെയാണ്.