ഒറ്റക്കെടുത്താൽ അക്ഷരവും കുത്തും കോമയും അർത്ഥമില്ലാത്തത്.

ഒറ്റക്കെടുത്താൽ അക്ഷരവും 

കുത്തും കോമയും അർത്ഥമില്ലാത്തത്.

മുഴുവന്റെയും ഭാഗമായാൽ അവക്കർത്ഥം.

മുഴുവനേയുള്ളൂ. അതിനു വേണ്ട “ഞാനും”. 

******** 

കുത്തായാലും കോമയായാലും അക്ഷരമായാലും 

അർഥം അറിയാൻ മുഴുവനെയും അറിയേണം.

മുഴുവനും അറിയുന്നവനേ സ്വന്തത്തെ അറിയൂ.

മൊത്തത്തിന്റെ ഞാനും എന്റെതുമേ ഉള്ളൂ.

*******

എന്നെ ഞാനാക്കുന്നതൊന്നും "ഞാന"ല്ല, "എന്റേത"ല്ല.

അവയില്ലാതായാൽ പിന്നെ "ഞാനി"ല്ല, "എന്റേതി"ല്ല.

പിന്നെന്ത് "ഞാൻ", “എന്റേത്"?

********

തലച്ചോറ് ഞാൻ എന്ന തോന്നലുണ്ടാക്കുമ്പോൾ തന്നെ

തലച്ചോറിലെ ഓരോ കോശത്തിനും അണുവിനും കണത്തിനും 

അവരുടെ "ഞാനുകൾ" വേറെ വേറെയാണ്.

*******

എന്നെ ഞാനാക്കുന്ന കോശങ്ങളും അണുക്കളും   

ജീവിക്കാനെടുക്കുന്ന 

മാനങ്ങളും മാനദണ്ഡങ്ങളും എന്റേതല്ല. 

പിന്നെ "ഞാൻ" ആരാണ്?