ആദരാഞ്ജലികൾ വേണ്ട. പ്രണാമങ്ങളും വേണ്ട.

ആദരാഞ്ജലികൾ വേണ്ട. 

പ്രണാമങ്ങളും വേണ്ട.  

മരിച്ചു കഴിഞ്ഞാൽ, 

ഇല്ലാത്ത എനിക്ക്, 

ഞാൻ ഇല്ലെന്ന് ഉറപ്പായതിൻ പിന്നെ,  

നിങൾ തരുന്ന,

നിങൾ തരാൻ ഉദ്ദേശിക്കുന്ന 

ആദരാഞ്ജലികൾ വേണ്ട.

മരിച്ചു കഴിഞ്ഞാൽ, 

ഇല്ലാത്ത എനിക്ക്, 

ഞാൻ ഇല്ലെന്ന് ഉറപ്പായതിൻ പിന്നെ,  

നിങൾ തരുന്ന,

നിങൾ തരാൻ ഉദ്ദേശിക്കുന്ന 

പ്രാർത്ഥനകളും പ്രണാമങ്ങളും വേണ്ട. 

ശുദ്ധകാപട്യവും ഉപചാരവും മാത്രമത്. 

ജീവിക്കുമ്പോൾ 

പ്രവൃത്തിച്ചു കാണിക്കുന്ന 

ആദരവുകളും ആദരാഞ്ജലികളും

പ്രാർത്ഥനകളും പ്രണാമങ്ങളും 

മാത്രം മതി. 

ജീവിക്കുമ്പോൾ സന്ദർശിക്കാത്തവൻ 

മരിച്ചാൽ സന്ദർശിക്കുന്നത് 

ആരെയും കാണാനല്ല.

നാട്ടുകാരെ കാണാനും

നാട്ടുകാരെ കാണിക്കാനും മാത്രമാണ്.

നിങൾ ശവം കാണാൻ വരേണമെന്ന് 

ശവത്തിനില്ല.

അറിയണം, അവനവൻ 

പറഞ്ഞാലും പറഞ്ഞില്ലെങ്കിലും 

കേൾക്കുന്ന ദൈവമേ ഉള്ളൂ.

അവനവൻ പറഞ്ഞാലും 

പറഞ്ഞില്ലെങ്കിലും 

കേൾക്കാത്ത ദൈവമില്ല.

അവനവൻ പറഞ്ഞാലും 

പറഞ്ഞില്ലെങ്കിലും 

കേൾക്കാത്ത ദൈവം 

നിങൾ പറഞാൽ കേൾക്കുമെന്ന് 

കരുതാൻ ഞാനാളല്ല.

അവനവൻ പറഞ്ഞാലും 

പറഞ്ഞില്ലെങ്കിലും 

കേൾക്കാത്ത ദൈവം 

നിങ്ങളോ മറ്ററെങ്കിലോ 

പറഞാലും കേൾക്കില്ല.