ലൈംഗീകത കൊണ്ടുള്ള സ്ത്രീ പുരുഷ പ്രണയം
ലൈംഗീകത കൊണ്ടവസാനിക്കും.
ജീവിതം കൊണ്ടുള്ള, ജീവിതത്തോടുള്ള പ്രണയം
ജീവിതമുള്ളിടത്തോളം തുടരും.
********
ചിലരങ്ങനെ. നുരയും പൊടിയും.
അലങ്കാരമായ് എപ്പോഴും മേലെ.
പക്ഷെ ഓടിക്കിതച്ച്, ദാഹം മാറ്റാതെ,
മോക്ഷം കിട്ടാതെ, കാര്യത്തിന് കൊള്ളാതെ.
*********
ഇന്ത്യ ആര് വേണേലും
എങ്ങിനെ വേണേലും ഭരിക്കട്ടെ.
പക്ഷേ അത് മതവെറിയും,
ഹിന്ദുമുസ്ലിം വിഭജനവും
അയല്‍വാസിവിരോധവും
പറഞ്ഞു മാത്രമാകരുത്.
********
എപ്പോഴും കൂടെയുള്ള ചിലര്‍
ഒരിക്കലും കൂടെയില്ലെന്നറിയാം.
അവര്‍ ആരുടെയും കൂടെയില്ല.
എന്നാലും അവരോടൊക്കെ
വഴിപോക്കനിരുന്ന് സംസാരിക്കും
********
കാമം വേഷംകെട്ടിയാല്‍ പ്രണയമെന്ന് പേര്‌.
സഹോദരനെ പോലെ സഹോദരിയെ പോലെ
എന്ന് പറഞ്ഞാല്‍
കാമപൂര്‍ത്തീകരണത്തിന് പറ്റിയ
ഇനമല്ലെന്നര്‍ത്ഥം
*******
തടവറയിൽ പെട്ടവന്റെ
സ്വാതന്ത്ര്യദാഹം മാത്രമാണ് പ്രേമം.
തടവറയും നിഷേധവും
ഇല്ലായിരുന്നെങ്കിൽ ഉണ്ടാവാത്തത്.
*******
.jpg)
No comments:
Post a Comment