വരുമാന നികുതി നൽകുന്നവർക്ക് പെൻഷൻ നൽകുമെങ്കിൽ....

ഇന്ത്യ: 

സർക്കാർ മേഖലയിൽ ഉള്ളതല്ലാത്ത തൊഴിലാളികൾക്ക് സുരക്ഷിതത്വവും സംരക്ഷണവും ബഹുമാനവും ഒട്ടും ഉറപ്പുവരുത്താത്ത, അതിനുവേണ്ട നിയമങ്ങളില്ലാത്ത, അതുണ്ടാക്കാത്ത രാജ്യം. 

അതുകൊണ്ട് തന്നെ, വലിയ ബഹുരാഷ്ട്ര കമ്പനികൾ വരെ (ഇന്ത്യൻ കമ്പനികളുടെ കാര്യം പറയാനില്ല) മറ്റു രാജ്യങ്ങളിൽ ആ രാജ്യങ്ങളുടെ നിയമങ്ങൾ കാരണം തൊഴിലാളികൾക്ക് നിർബന്ധമായും നൽകുന്ന സുരക്ഷിതത്വവും സംരക്ഷണവും ബഹുമാനവും ഇന്ത്യയിലെ തൊഴിലാളികൾക്ക് നൽകാതെ മുതലെടുക്കുന്നു. 

മറുഭാഗത്ത് തൊഴിലാളിയൂണിയനുകൾ തെറ്റായ രീതിയിൽ, തെറ്റായ വഴിയിൽ (പ്രത്യേകിച്ചും സർക്കാർ മേഖലയെ) നയിക്കുകയും ചെയ്യുന്നു.

*******

വരുമാനനികുതി നൽകുന്നവർക്ക് പെൻഷൻ നൽകുമെങ്കിൽ, കഷ്ടകാലത്ത് ക്ഷേമം ഉറപ്പ് വരുത്തുമെങ്കിൽ എല്ലാവരും കൃത്യമായി വരുമാനനികുതി നൽകാൻ മത്സരിക്കും. 

സർക്കാർ മേഖലയിലുള്ളവരെക്കാൾ വരുമാനനികുതി നൽകുന്നത് സ്വകാര്യമേഖലയിലുള്ളവർ. 

പക്ഷേ, പെൻഷനും ആരോഗ്യ ഇൻഷുറൻസും മറ്റാനുകൂല്യങ്ങളും കിട്ടുന്നത് സർക്കാർ മേഖലയിലുള്ളവർക്ക് മാത്രം. 

സ്വകാര്യമേഖലയിലുള്ളവർക്ക് ഒന്നും തിരിച്ചുകിട്ടുന്നില്ല.