എല്ലാവരും ശ്രീബുദ്ധനും സ്വാർത്ഥർ. സ്വാർത്ഥതയുടെ ഫലം നിസ്വാർത്ഥത.

ഞാൻ സ്വാർത്ഥൻ। എല്ലാവരും ശ്രീബുദ്ധനും സ്വാർത്ഥർ.

കർഷകന്റെയും തേനീച്ചയുടെയും 

സ്വാർത്ഥതയുടെ ഫലം നിസ്വാർത്ഥത. 

തേനും പഴവും നെല്ലും. 

**********

സാമൂഹ്യ രാഷ്ട്രീയ സേവനവും തൊഴിൽ.

അഭിനയം നിർബന്ധം. തന്നെ താൻ 

സഹിക്കായ്ക കൊണ്ടുള്ള ഒളിച്ചോട്ടം.

ബാഹ്യമായതിൽ നിഴലിടാനുള്ള ശ്രമം.

******** 

ലോകം മുഴുവൻ അറിയേണമെന്നില്ല, 

ജീവിതത്തെയും ഗ്രാമത്തെയും അറിയാൻ.

ജീവിതത്തെയും ഗ്രാമത്തെയും അറിഞ്ഞാൽ 

ലോകത്തെ മുഴുവൻ അറിഞ്ഞു.

*********

ആലസ്യത്തിൽ തന്നെ ജീവിതം. 

ജീവിതത്തിന്റെ ജീവിതം ലക്‌ഷ്യം. 

കഥയും കവിതയും അദ്ധ്വാനവും ചിന്തയും  

ജീവിതത്തെ നേടാൻ, നിഷേധിക്കാനല്ല. 

*********

അഴിമതിക്കാർ തന്നെ എല്ലാവരും. 

ഒരു സംശയവും ഇല്ല. പക്ഷെ, അതിൽ 

അക്രമവും വെറുപ്പും വർഗീയതയും കൂടി 

കൊണ്ടുവരുന്നു ചിലർ. 

*********

അഴിമതിയുടെ വേര്. ഇന്ത്യ വലിയ രാജ്യം.

പ്രചാരണത്തിന് മാത്രം പാർട്ടികൾക്ക് നല്ല ചെലവ് വരും.

അതുണ്ടാക്കാൻ അഴിമതിയല്ലാതെന്തു വഴി? 

ജനാധിപത്യത്തിന്റെ ദുര്യോഗം!!   

**********

ബാക്കിയെല്ലാ തീവ്ര-ഭീകരവാദങ്ങളും

സ്ഥലകാലബന്ധിതം. പരിഹരിക്കാം.

മതതീവ്രവാദം സ്ഥലകാലാതീതം.

പരിഹരിക്കാനാവില്ല, തീരില്ല. 

********

ടോപ്‌സിംഗറിലെ കുഞ്ഞുകുട്ടികളിൽ വരെ

ദൈവത്തെ നിഴലിട്ടു പ്രതിബിംബിച്ചു കാണുന്നത്ര,

ലളിതം, നിർമലം, വിശാലം ഭാരതീയ ദൈവസങ്കല്പം. 

*********

സത്യം പറയണം. പേടിക്കുന്നില്ലേൽ, അഭിനയിക്കുന്നില്ലേൽ, 

നിങ്ങൾ പ്രണയത്തെയും കാമത്തെയും 

ഒരാളിൽ മാത്രം ഒതുക്കി നിർത്തുമോ?

*********

വിവാഹം (നികാഹ്) ശരിയാവാൻ,

ഇസ്‌ലാമികമായി ഖാളിയും മുസ്ലിയാരും 

വേണ്ടെന്നുവരെ അറിയാത്തവർ മുസ്ലിംകൾ.

പൗരോഹിത്യം മുതലെടുക്കുന്നതും അവിടെ.

********* 

ഹിന്ദുവായാൽ നീ എല്ലാ മതസ്ഥനുമായി.

മുസ്ലിമാവാനും ക്രിസ്ത്യനാവാനും 

ഹിന്ദു ആവാതിരിക്കേണ്ടതില്ല.

ഹൈന്ദവതയുടെ നെഞ്ചകം വിശാലമാണ്. 

**********

സൃഷ്ടി - കൂട്ട് ബുദ്ധി, ജ്ഞാനം-സരസ്വതി.

സ്ഥിതി - കൂട്ട് ധനം, ഐശ്വര്യം-ലക്ഷ്മി.

സംഹാരം - കൂട്ട് ശക്തി-പാർവതി.

സുന്ദരം, യുക്തിഭദ്രം

********

അറബ് ഭാഷ സ്കൂളിൽ പഠിപ്പിക്കുന്നു.

പിന്നെ മദ്രസ്സകൾ? മതവും വിശ്വാസവും 

അറിഞ്ഞു തെരഞ്ഞെടുക്കേണ്ടത്.

കുഞ്ഞുപ്രായത്തിൽ അടിച്ചേല്പിക്കരുത്.

***********

ഉറുമ്പുകളും കൊതുകകളും ധ്യാനിക്കാറുണ്ട്.

കാമവും പ്രണയവും അവർക്കുമുണ്ട്.

അവരെ കൊല്ലുമ്പോൾ അഹിംസയൊന്നും 

നമുക്ക് പ്രശ്നമാകാറുമില്ല. 

********

എല്ലാ സദസ്സിലും സ്റ്റേജിലും ഇടിച്ചുകയറി വരുന്നൊരു

മുഖമുണ്ടാവും. സ്ഥാനവും ഫോട്ടോയും ആഗ്രഹിക്കുന്ന മുഖം.

കപടമുഖം. 

**********

മുൻപും ഇതുവരെയും ഒരേയൊരു

ബുദ്ധനും കൃഷ്ണനും മുഹമ്മദും മാത്രം.

പക്ഷെ, ഇപ്പോൾ എഫ് ബിയിൽ നൂറായിരം

ബുദ്ധന്മാരും കൃഷ്ണന്മാരും മുഹമ്മദുമാരും.

********** 

ഒരു തലമുറക്കപ്പുറം ഒരോർമയും നീളുന്നില്ല. 

എന്നിട്ടും ഓർമിക്കപ്പെടാൻ കൊതിച്ചു 

എന്തെല്ലാം കോപ്രായങ്ങൾ കാട്ടിക്കൂട്ടുന്നു?

എല്ലാരും.

*********

എന്തെല്ലാമായാലും ജീവിതത്തിൽ കാര്യമായൊന്നുമില്ല.

ആവർത്തനമല്ലാതെ.  ആവർത്തനം ഉറപ്പിക്കാൻ വേണ്ടി

പഠിക്കുന്നു, പണിയെടുക്കുന്നു.