യാഥാര്‍ത്ഥ രാജ്യദ്രോഹികള്‍ ഒന്നറിയുന്നു. അവർ ശരിക്കുമതറിയുന്നു.

കലാപത്തെ കളി പോലെ, 

കളിയില്‍ സ്കോര്‍ ചെയ്യുന്നത് പോലെ 

കണ്ടാനന്ദിക്കുന്നു ചിലര്‍ ഗ്യാലറിയില്‍. 

മനസത്രക്ക് രോഗഗ്രസ്ഥമായിരിക്കുന്നു

*******

ബിജെപിയോട് : കോൺഗ്രസിന്റെ തെറ്റ് കാണിച്ച് 

സ്വന്തം തെറ്റുകളെ ന്യായീകരിക്കാനാണെങ്കിൽ, 

പിന്നെ നിങ്ങളും കോണ്‍ഗ്രസ്സും തമ്മിലെന്ത് വ്യത്യാസം? 

വര്‍ഗീയ എരിവ് മാത്രമോ?

******

ഭരണഘടന എല്ലാ മതങ്ങളെയും 

വിശ്വാസവ്യത്യാസങ്ങളേയും സംരക്ഷിക്കുന്നു. 

എന്നാൽ വിശ്വാസികളും മതങ്ങളും 

ഭരണഘടനയെ സംരക്ഷിക്കാന്‍ ഒരുക്കമല്ല.

********

ഭരണഘടനയെ മതവേദങ്ങളുടെ മേലെ കാണുന്നവർ 

മതവിശ്വാസികളില്‍ എത്ര പേരുണ്ടാവും? 

ഇന്ത്യ ഇപ്പോൾ നേരിടുന്ന 

മൊത്തം പ്രശ്നങ്ങളുടെ നാരായ വേര്.

*********

യാഥാര്‍ത്ഥ രാജ്യദ്രോഹികള്‍ ഒന്നറിയുന്നു. 

അവർ ശരിക്കുമതറിയുന്നു. 

ഭരണഘടനക്ക് തുരങ്കം വെക്കാതെ, 

ഭരണഘടനാസ്ഥാപനങ്ങള്‍ക്ക് തുരങ്കം വെക്കാതെ 

നാടിന് തുരങ്കം വെക്കാനാവില്ലെന്ന്. 

ഭരണഘടനയെയും ഭരണഘടനാസ്ഥാപനങ്ങളെയും 

നശിപ്പിക്കാതെ നാടിനെ നശിപ്പിക്കാനാവില്ലെന്ന്.

******

ഇന്ത്യക്കാരനെ ഇന്ത്യക്കാരനാക്കുന്ന 

പൊക്കിള്‍കൊടിയും വേദവും ഭരണഘടന. 

അതുവെച്ച്, അതിനുവേണ്ടി മാത്രം പോരടിക്കണം. 

ശ്രദ്ധ മാറരുത്.

********

ഗീതയെയും ഖുറാനെയും ബൈബിളിനെയുമല്ല 

വിഘടനവാദികളും തീവ്രവാദികളും രാജ്യദ്രോഹികളും ഭയക്കുന്നത്. 

അവർ ഭയക്കുന്നത് 

ഇന്ത്യൻ ഭരണഘടനയേയാണ്.

*******

ഭരണഘടന - ഇന്ത്യയെ കാത്തുരക്ഷിക്കാനുള്ള 

ഒരേയൊരു സൂത്രം, ആദര്‍ശം, കരുത്ത്, ആയുധം. 

വിശ്വാസങ്ങളും ചിഹ്നങ്ങളും അതിനുവേണ്ടി തലതാഴ്ത്തണം.

***********

ഇന്ത്യൻഭരണഘടന പോലെ ഹൈന്ദവതയുടെ 

അതിവിശാലതയും സഹിഷ്ണുതയും 

അപ്പടി ഉള്‍കൊണ്ട്‌ സര്‍വ്വതിനെയും ആശ്ലേഷിക്കുന്ന

മറ്റൊരു ഗ്രന്ഥം ഇല്ലതന്നെ

***********

വര്‍ഗീയത കൊണ്ട്‌ രാജ്യത്തിന്റെ 

വിശപ്പും രോഗവും മാറ്റാമെന്ന് കരുതുന്ന 

ഭരണാധികാരികളെ എന്തുവിളിക്കാം? 

രാജ്യദ്രോഹികളെന്ന് മാത്രമല്ലാതെ

********