വാക്കുകളെയും നിറങ്ങളേയും അവയുണ്ടാക്കുന്ന വിശ്വാസങ്ങളെയും ആകാശങ്ങളേയും ഭേദിച്ചവർ.

ജോസഫേട്ടൻ, ക്ലാരച്ചേച്ചി.

ഉള്ളറിഞ്ഞവർ.

നമ്മൾ പരസ്പരം ഉള്ളറിഞ്ഞവർ. 

ഉള്ളിനെ അറിയിക്കാൻ 

ഉള്ളതിനെ അറിയിക്കാൻ 

വാക്കുകൾ ഇല്ല. 

വാക്കുകൾ പോരാ. 

അതിനാൽ, നിങ്ങളെ ഞാൻ 

പരിചയപ്പെടുത്തുന്നില്ല.

ആർക്കും.

പരിചയപ്പെടുത്താൻ വാക്കുകൾ 

മതിയാവാതാവും, പരാജയപ്പെടും.

അനുഭവങ്ങളെ വരച്ചുകാട്ടുന്ന

നിറങ്ങളും അക്ഷരങ്ങളും ഇല്ല.

നിങ്ങളോ,

വാക്കുകളെയും നിറങ്ങളേയും 

അവയുണ്ടാക്കുന്ന 

വിശ്വാസങ്ങളെയും ആകാശങ്ങളേയും  

ഭേദിച്ചവർ.