എന്താണ് ആത്മീയത?

 എന്താണ് ആത്മീയത? 

എന്ത്? 

ആത്മീയതയോ?

അങ്ങനെയൊന്ന് അതായിത്തന്നെ, ആത്മീയതയായിത്തന്നെ ഇല്ല.

വെറും വെറുതെ വെറും കാല്പനികത പറഞ്ഞ്, പ്രായോഗികതയിൽ നിന്ന് മാറിയും ഒളിച്ചും നിന്ന്ആർക്കും ആരെയും തെറ്റിദ്ധരിപ്പിക്കാനും വഴിതെറ്റിക്കാനും സാധിക്കുന്നത് ഈ പറയപ്പെടുന്ന (വേറെ തന്നെയായി നിർത്തപ്പെടുന്ന) ആത്മീയത.

അതുകൊണ്ട് തന്നെ ഒരു നിർവ്വചനവും ഇല്ലാത്തത് ഈ വേറെ തന്നെയായി നിർത്തപ്പെടുന്ന ആത്മീയത.

ഒരു നിർവ്വചനവും നൽകാൻ സാധിക്കാത്തത്. 

(ആത്മീയതയെന്ന) തീർത്ഥം ആരും ഒരിക്കലും രുചിച്ചിട്ടില്ല, രുചിക്കില്ല എന്ന ധൈര്യത്തിൽ കപട ആത്മീയ വേഷധാരികൾക്ക് മൂത്രം നൽകിയും തീർത്ഥം എന്ന് വരുത്താവുന്നത് വെറും അവകാശവാദം മാത്രമായ ആത്മീയത.

ഭൗതികതയെ വേറെ തന്നെയാക്കുന്ന ആത്മീയത ഇല്ല, ആവശ്യമില്ല. 

അങ്ങനെയൊരു വേറെതന്നെയായ, ഭൗതികതയിൽ നിന്നും വേറിട്ട ആത്മീയത ഇല്ല.

ഒളിച്ചോട്ടത്തിന്റെ വഴിയായല്ലാതെ, തെറ്റിദ്ധരിപ്പിക്കുന്ന വഴിയായല്ലാതെ ആത്മീയത ഇല്ല.

ജീവിതത്തിന്റെ എല്ലാം കൂടിക്കലർന്ന ഭൗതികത കൂടിയല്ലാത്ത, എന്ത് ചെയ്താലും ചിന്തിച്ചാലും അതും കൂടി ആയിത്തീരുന്നതല്ലാത്ത ആത്മീയത ഇല്ല.

ശരിയാണ്.

എല്ലാം ജീവിതമെന്ന ആത്മീയതയുടെ ഭാഗമാണ്, എല്ലാം ജീവിതമെന്ന ഭൗതികതയുടെ ഭാഗമാണ് എന്നത് ശരിയാണ്. 

അതുകൊണ്ട് തന്നെ പലവിധത്തിൽ പല കോണുകളിലൂടെ നോക്കിയാൽ എല്ലാ ഭൗതികമായതും ആത്മീയതയാണ്, എല്ലാ ആത്മീയമായതും ഭൗതികതയുമാണ്.

അതിനപ്പുറം എല്ലാ നിരാശകളെയും വ്യതിചലനങ്ങളെയും പിടുത്തമില്ലായ്മയെയും ശരിയെന്ന വെറുംകപടവാദം കപടമായി പറഞ്ഞ്, ആ വഴിയിൽ കുറെ ആൾദൈവങ്ങളെയും ബിംബങ്ങളെയുംപുണ്യകേന്ദ്രങ്ങളെയും ഉണ്ടാക്കി, വെറും വെറുതേ സമൂഹത്തെ മരീചികക്ക് പിന്നാലെ എന്നപോലെപലതിന് പിന്നാലെ ഓടിപ്പിച്ച് ചൂഷണം ചെയ്ത് തളർത്തുക, നിരാശരാക്കുക എന്നതല്ലാത്ത ആത്മീയത ഇല്ല.

എന്നിട്ടും വേറെതന്നെയായി അവകാശപ്പെടാവുന്ന ആത്മീയത ഉണ്ടോ എന്ന് ചോദിച്ചാൽ ഒരൊറ്റ ഉത്തരമേ ഉള്ളൂ.

ഉണ്ട് എന്നത്.

അതാണ് വെറും മനോരോഗം എന്നത്.