ഏറ്റവും വലിയ നിരീശ്വര മതം ഇസ്ലാം. ലാ ഇലാഹ ഇല്ലല്ലാഹ്.

യഥാർത്ഥത്തിൽ ഉള്ളതല്ലാത്തത് ഇല്ല. ലാ ഇലാഹ ഇല്ലല്ലാഹ്.

ഏറ്റവും വലിയ നിരീശ്വര മതം ഇസ്ലാം. ലാ ഇലാഹ ഇല്ലല്ലാഹ്.

ഏറ്റവും ധീരമായി നിരീശ്വരത്വം പറഞ്ഞ മതം ഇസ്ലാം. ലാ ഇലാഹ ഇല്ലല്ലാഹ്.

ഉള്ളതേ ഉള്ളൂ, മറ്റൊന്നും ഇല്ല. ലാ ഇലാഹ ഇല്ലല്ലാഹ്.

യഥാർത്ഥത്തിൽ ഉള്ളത് മാത്രം ഉള്ളത്, മറ്റെല്ലാം ഇല്ലാത്തത്, മറ്റെല്ലാം ഇല്ലാതാവുന്നത്. ലാ ഇലാഹ ഇല്ലല്ലാഹ്.

മറ്റൊന്നും മറ്റാരും ഇല്ലെന്ന് ഉറപ്പിച്ചു ധീരമായി പറയുന്ന നിരീശ്വരമതം ശരിയായ നിരീശ്വരമതം. ഇസ്ലാം. ലാ ഇലാഹ ഇല്ലല്ലാഹ്.

അല്ലാഹു എന്നാൽ യഥാർത്ഥത്തിൽ ഉള്ളത് എന്നർത്ഥം. ലാ ഇലാഹ ഇല്ലല്ലാഹ്.

അല്ലാഹു എന്നാൽ യഥാർത്ഥമായത്. ലാ ഇലാഹ ഇല്ലല്ലാഹ്.

ഉള്ളതല്ലാത്തത് ഇല്ല. ലാ ഇലാഹ ഇല്ലല്ലാഹ്.

ആ ഉള്ളത് തന്നെയായ, ആ ഉള്ളതിന്റെ മാത്രം തന്നെയായ പ്രാപഞ്ചികപ്രതിഭാസവും പ്രത്യേശാസ്ത്രവും ജീവിതവഴിയും നിയമവും ക്രമവും മാത്രം നിലനിൽക്കുന്നു, നിലനിൽക്കണം. ഇസ്ലാം. ലാ ഇലാഹ ഇല്ലല്ലാഹ്.

ഒന്നേയുള്ളൂ, ഒന്നല്ലാത്തത് ഉണ്ടെന്ന് പറയൽ വഴിതെറ്റിക്കലാണ്. ലാ ഇലാഹ ഇല്ലല്ലാഹ്.

ഒന്നല്ലാത്തത് ഉണ്ടെന്ന് പറയൽ ഇല്ലാത്ത, നിലനിൽക്കാത്ത പ്രതീക്ഷ നൽകലാണ്. ലാ ഇലാഹ ഇല്ലല്ലാഹ്. 

ഒന്നല്ലാത്തത് ഉണ്ടെന്ന് പറയൽ മരീചികക്ക് പിന്നാലെ ഓടിച്ചും ചാടിച്ചും ചൂഷണം ചെയ്യലാണ്. ലാ ഇലാഹ ഇല്ലല്ലാഹ്.

ഏറ്റവും വലിയ നിരീശ്വരവാദം. ലാ ഇലാഹ ഇല്ലല്ലാഹ്.

ഉള്ളതായ ഒന്നേയൊന്ന് മാത്രം പദാർത്ഥമായും ആത്മാവായും ഉള്ളത്. ലാ ഇലാഹ ഇല്ലല്ലാഹ്.

ആ ഉള്ളതിനെ മറ്റാരും സൃഷ്ടിച്ചതല്ല. ലാ ഇലാഹ ഇല്ലല്ലാഹ്.

യഥാർത്ഥത്തിൽ ഉള്ളതാണ് എല്ലാത്തിനും ആധാരം. ലാ ഇലാഹ ഇല്ലല്ലാഹ്.

യഥാർത്ഥത്തിൽ ഉള്ളതിൽ നിന്നാണ് എല്ലാം. ലാ ഇലാഹ ഇല്ലല്ലാഹ്.

അതുകൊണ്ട് തന്നെ യഥാർത്ഥത്തിൽ ഉള്ളതാണ് സൃഷ്ടാവ്, യഥാർത്ഥത്തിൽ ഉള്ളതാണ് സംവിധായകൻ. (മാഷാ അല്ലാഹു കാൻ. യഥാർത്ഥത്തിൽ ഉള്ളത് ഉദ്ദേശിച്ചത് മാത്രം ഉണ്ടായി) ലാ ഇലാഹ ഇല്ലല്ലാഹ്.

ആ യഥാർത്ഥത്തിൽ ഉള്ളതിൽ നിന്ന് മാത്രം എല്ലാം, ആ ഉള്ളതിലേക്ക് മാത്രം എല്ലാം. ഇന്നാ ലില്ലാഹി വ ഇന്നാ ഇലയ്ഹി റാജിഊൻ. (നിശ്ചയമായും നാം യഥാർത്ഥത്തിൽ ഉള്ളതിൽ  നിന്നാണ്, അതിലേക്ക് തന്നെ നാം മടങ്ങുന്നു.) ലാ ഇലാഹ ഇല്ലല്ലാഹ്.

ആ ഉള്ളത് ആരുടെയും പിതാവുമല്ല, പുത്രനുമല്ല. ലാ ഇലാഹ ഇല്ലല്ലാഹ്.

ആ ഉള്ളതായതിനെ ആരും സൃഷ്ടിച്ചതല്ല. ലാ ഇലാഹ ഇല്ലല്ലാഹ്.

ആ ഉള്ളതിനെ സൃഷ്ടിച്ച, സൃഷ്ടിക്കേണ്ട ആരുമില്ല. ലാ ഇലാഹ ഇല്ലല്ലാഹ്.

ഉള്ളതിന് മുകളിൽ ഈശ്വരനായി ഉടമപ്പെടുത്തിയും സ്വന്തപ്പെടുത്തിയും ഒന്നും ആരുമില്ല എന്ന് ഉറപ്പിച്ച് ധീരമായി പ്രഖ്യാപിച്ച് പറഞ്ഞ മതം വെറും മതമല്ല, സർവ്വവിധ അന്ധവിശ്വാസങ്ങളിൽ നിന്നും മോചിപ്പിക്കുന്ന നിരീശ്വരവാദ മതം കൂടിയാണ് ആ മതം. ലാ ഇലാഹ ഇല്ലല്ലാഹ്.

അതാണ്, അങ്ങനെയാണ് ലാ ഇലാഹ ഇല്ലല്ലാഹ്. 

ഒന്നുമില്ല; ഒന്നുമില്ലെന്നാവുമ്പോഴും ഉണ്ടാവുന്ന, ഒന്നുമില്ലെന്ന് പറയുന്ന ഒന്നല്ലാതെ. ലാ ഇലാഹ ഇല്ലല്ലാഹ്.

അങ്ങനെ യഥാർത്ഥത്തിൽ ഉള്ളതല്ലാത്ത, ആ ഒന്ന് മാത്രമല്ലാത്ത ഒന്നുമില്ലെന്ന് പ്രഖ്യാപിച്ച മതമായ ഇസ്ലാം യഥാർത്ഥ നിരീശ്വരമതം.

*******

അത്ഭുതം കണ്ടും, അത്ഭുതം പ്രതീക്ഷിച്ചും മുസ്ലിമാവാൻ പറ്റില്ല, ഇസ്ലാം സ്വീകരിക്കാൻ പറ്റില്ല. 

കാരണം, ഇസ്ലാം തീർത്തും ആശയപരമാണ്, വിശ്വാസപരമാണ്, ജീവിതത്തിൽ മുച്ചൂടുംഇടപ്പെടുന്നതാണ്.