“മതം ഇല്ല, മതം വേണ്ട.
ശരിയാണ്.
“വേണമെങ്കിൽ വേണ്ടത് പരിഹാരങ്ങളാണ്, വെറും സങ്കല്പങ്ങളും കഥാപാത്രങ്ങളും അവ തരുന്നവിശ്വാസങ്ങളും ചൂഷണങ്ങളുമല്ല.“
അതും ശരിയാണ്.
“ഉണ്ടെങ്കിൽ ഉള്ള ദൈവത്തിന് മതമില്ല, മതം വേണ്ട, മതം ഉണ്ടാവില്ല.
“ഉണ്ടെങ്കിൽ ഉള്ള ദൈവം വിശ്വാസം ആവശ്യപ്പെടുകയല്ല; പരിഹാരങ്ങൾ നൽകുകയാണ് വേണ്ടത്.”
ശരി.
“ചുരുങ്ങിയത്: അനിശ്ചിതത്വങ്ങൾ നിറഞ്ഞ ഈ ജീവിതത്തിന് (പരീക്ഷണങ്ങൾ എന്ന് വിശേഷിപ്പിച്ചാലും, ആ പരീക്ഷണങ്ങളിലും) പരിഹാരസാധ്യതകളും കൃത്യമായ ലക്ഷ്യവും വഴിയുംവഴികാട്ടലും പ്രതീക്ഷയും നൽകുകയാണ് വേണ്ടത്.”
ഒരു സുഹൃത്ത് പറഞ്ഞതാണിത്.
സുഹൃത്തെന്ന് മാത്രം പറഞ്ഞൊതുക്കാനാവാത്ത സുഹൃത്ത് പറഞ്ഞത്.
അടഞ്ഞ മുറിക്ക് ജനാല പോലെ, വേരിന് കൊമ്പ് പോലെ, ഭൂമിക്ക് ആകാശം പോലെ, വെളിച്ചവുംവായുവും എത്തിക്കുന്ന, പച്ചമനുഷ്യനായ സുഹൃത്ത് പറഞ്ഞത്. വെറും വെറുതേയും കൂട്ടിരിക്കാൻ വരുന്ന സുഹൃത്ത്.
പ്രത്യേകിച്ചൊരു മതത്തിലും വിശ്വസിക്കാത്ത സുഹൃത്ത്.
നിലവിൽ തീർത്തും നിർമതാനായ സാമൂഹികമായി അമുസ്ലിം മാത്രമായ സുഹൃത്ത്.
സംഭാഷണങ്ങൾക്കിടയിൽ ആനുശങ്കികമായി എക്കാലത്തെയും ഈ വലിയ സുഹൃത്ത് പറഞ്ഞതാണ് മേൽവാചകങ്ങൾ.
അങ്ങനെപറഞ്ഞത് കൊണ്ട് തന്നെ, പറഞ്ഞ് നിർത്താതെ വീണ്ടും വിശദീകരണമോ വ്യാഖ്യാനമോ നൽകുന്നത് പോലെ വീണ്ടും സുഹൃത്ത് പറഞ്ഞുതുടർന്നു.
“ഉണ്ടെങ്കിൽ ഉള്ള ദൈവം ഉണ്ടെങ്കിൽ ആ ദൈവത്തിന്റെ വ്യവസ്ഥ ഇവിടെ ഉണ്ട്, ഉണ്ടാവണം, ഉണ്ടായിരിക്കണം. സംശയമില്ല.
“ശരിയാണ്.
“അങ്ങനെയൊരു ദൈവിക (പ്രകൃതിപര)?വ്യവസ്ഥ ഇല്ലെന്നും ഉണ്ടാവരുതെന്നും പറയാൻ മാത്രംആരുമല്ല ഞാൻ, അതിനുള്ള ഒരു വിവരവും എനിക്കെന്നല്ല ആർക്കും യഥാർത്ഥത്തിൽ ഇല്ല, ഉണ്ടാവില്ല. അകപ്പെട്ട മാനത്തിൽ കുടുങ്ങിയുള്ള വെറും അൽപജ്ഞാനവും ഉപരിതല ജ്ഞാനവും മാത്രമല്ലാതെ.
“അങ്ങനെയൊരു ദൈവിക വ്യവസ്ഥ ഇല്ലെന്നും ഉണ്ടാവരുതെന്നും പറയാൻ മാത്രമുള്ള വിവരമോആഴമോ അവഗാഹമോ കരുത്തോ തീരുമാനാധികാരമോ നിയന്ത്രണാധികാരമോ എനിക്കില്ല, ഒരുപക്ഷേ, മനുഷ്യരായ ആർക്കും ഇല്ല.
“എല്ലാ മനുഷ്യരും മറ്റെല്ലാ സംഗതികളെയും സൃഷ്ടികളെയും പോലെ താൻ ജനിച്ചെത്തിയമാനത്തിന്റെയും, മാനം നൽകിയത്ര മാത്രം കഴിവുകളുടേയും തടവറയിലാണ്.
“അത്തരമൊരു കരുത്തോ തീരുമാനാധികാരമോ എന്നെ ഞാനാക്കുന്ന സ്വന്തം ശരീരത്തിലോരക്തചംക്രമണത്തിലോ കോശനിർണ്ണയത്തിലോ പോലും എനിക്കില്ല.
“ഇങ്ങനെ ആയത് കൊണ്ട് ഞാൻ ഇങ്ങനെ ആയെന്നല്ലാതെ ഇങ്ങനെ ആവുന്നതിൽ എന്റെ അടിവോ തീരുമാനമോ നിയന്ത്രണമോ അശേഷം ഇല്ല.
“അതുകൊണ്ട് തന്നെ ഉണ്ടെങ്കിൽ ഉള്ള ദൈവത്തിന്റെ വ്യവസ്ഥ മാത്രമേ ഉണ്ടെങ്കിൽ ഉള്ളൂ , ഉണ്ടാവൂ, ഉണ്ടാവാൻ പാടുള്ളൂ.
“ആ വ്യവസ്ഥ വെറും വിശ്വാസ-ആചാര-അനുഷ്ഠാനങ്ങൾ മാത്രം ആവശ്യപ്പെടുന്ന മതം അല്ല, അങ്ങനെയുള്ള മതം ആവില്ല, ആയിക്കൂടാ.
“ദൈവത്തെയും ദൈവിക വ്യവസ്ഥയെയും വിമർശിച്ച് പോകുന്നതും ഇല്ലെന്ന് പറയേണ്ടി വരുന്നതുംഒരു പരിഹാരവും നൽകാതെ, എല്ലാ പരിഹാരങ്ങൾക്കും തടസ്സമായി നിന്ന്, ഒന്നിനുമല്ലാതെഎന്തൊക്കെയോ പറഞ്ഞ് ചൂഷണം ചെയ്ത് പറ്റിക്കുന്ന പൗരോഹിത്യ ഭണ്ഡാരപ്പെട്ടി മതങ്ങളെകാണുമ്പോഴാണ്.
“അത്തരം പൗരോഹിത്യ ഭണ്ഡാരപ്പെട്ടി മതങ്ങൾ ദൈവത്തിന്റെയും ദൈവികവ്യവസ്ഥയുടെയുംഅട്ടിപ്പേറും പകർപ്പവകാശവും എടുക്കുമ്പോഴാണ്.
“ദൈവികമെന്നോ പ്രകൃതിയെന്നോ വിളിക്കാവുന്ന ആ വ്യവസ്ഥ തികഞ്ഞ വസ്തുതയുംവാസ്തവവും മാത്രമായി മാത്രം നിലനിൽക്കും. ഒരു മതം അല്ലാതെ. സമർപ്പണ- സമർപ്പിത വഴിയായി. അത്രയേയുള്ളൂ.”
അദ്ദേഹം അങ്ങനേയങ്ങനെ തുടർന്നു.
ഈയുള്ളവൻ അദ്ദേഹത്തിന്റെ വിശദീകരണങ്ങൾ കേൾക്കാനും തീരുമാനിച്ചു.
“എന്നിട്ടും ഇനി, ഇവിടെ പറഞ്ഞുകേൾക്കുന്നത് പോലെ ഒരു മതം ഉണ്ട്, ഉണ്ടായേ തീരൂ എന്ന്മനുഷ്യന് നിർബന്ധമുണ്ടെങ്കിൽ അതിന് പറ്റിയ ഏക സാധ്യത ഇസ്ലാം മാത്രമാണ്.
“അതിന് പറ്റിയ ഏക മതം ഇസ്ലാം മാത്രമാണ്.
“ഇസ്ലാം അല്ലാത്ത ബാക്കിയെല്ലാ മതങ്ങളും വെറും വേഷംകെട്ട് മതങ്ങൾ മാത്രം, നെല്ലില്ലാത്ത പതിര് മതങ്ങൾ. എലിയെ പിടിക്കാത്ത പൂച്ച മതങ്ങൾ. ചൂഷണവഴികൾ മാത്രം വെറും മതമാക്കിയ മതങ്ങൾ മാത്രം. ഓർഗാനിക്കല്ലാത്തവ.
“അതുകൊണ്ട് തന്നെ അവ വെറും ആചാര അനുഷ്ഠാന വെറും മതങ്ങൾ.
“ഇസ്ലാം വെറും ആചാര അനുഷ്ഠാന മതമല്ലാത്തതും…..
ചോദ്യം: എന്തുകൊണ്ട് ഇസ്ലാം?
“പൊതുവെ കേൾക്കുന്നത് പോലുള്ള മതമല്ല ഇസ്ലാം എന്നതിനാൽ.
“ഇസ്ലാം ഒരു മതമല്ലാത്ത മതം ആണെന്നതിനാൽ.
“ഇസ്ലാം മതമേ അല്ലെന്നതിനാൽ.
“ഇസ്ലാം എല്ലാ മേഖലകളും സമ്പൂർണ്ണമായി സ്പർശിക്കുന്ന ജീവിതവഴിയും ജീവിതവ്യവസ്ഥയും ആണെന്നതിനാൽ.
“അതുകൊണ്ട് തന്നെയാണ് ലോകത്താകമാനമുള്ള അധികാരശക്തികൾക്കും രാഷ്ടീയ പ്രസ്ഥാനങ്ങൾക്കും സാമ്രാജ്യത്വശക്തികൾക്കും ഫാസിറ്റ് ശക്തികൾക്കും ഒരുപോലെ ഇസ്ലാം പ്രശ്നവും വെല്ലുവിളിയും ശത്രുവും ആകുന്നത്.
“വെറുമൊരു മതം ആക്കുന്ന, വെറും വിശ്വാസങ്ങളും ആചാര-അനുഷ്ഠാനങ്ങളും മാത്രമാക്കുന്നഒന്നും ഇസ്ലാമിൽ ഇല്ലെന്നതിനാൽ.”
ചോദ്യം: എങ്ങനെ, എന്തുകൊണ്ട് ഇസ്ലാം മാത്രം മതമല്ലാത്ത മതം?
“മതം വേണ്ടെന്ന് പറയുന്നത്: മതം ചൂഷണാത്മകം ആയത് കൊണ്ടാണല്ലോ, മതം പരിഹാരങ്ങൾനൽകാത്തത് കൊണ്ടാണല്ലോ?
“ഇസ്ലാം മറ്റ് മതങ്ങളിൽ നിന്നും വ്യത്യസ്തമാകുന്നത് ഇവിടെയാണ്.
“ഇസ്ലാം ചൂഷണാത്മകമല്ല, പരിഹാരങ്ങൾ നൽകുന്നതാണ്.
“ഇസ്ലാം വേണ്ടെന്ന് വെക്കേണ്ടതുണ്ടെങ്കിൽ അതിനേക്കാൾ നല്ല, കൂടുതൽ ചൂഷണരഹിതമായ, പരിഹാരദായകമായ, കൂടുതൽ സമഗ്രമായ വേറൊന്ന് കൊണ്ടുവന്നിട്ടായിരിക്കണമല്ലോ?
“അങ്ങനെയൊന്നില്ല.
“ഇസ്ലാമിനേക്കാൾ നല്ല, കൂടുതൽ ചൂഷണരഹിതമായ, കൂടുതൽ പരിഹാരദായകമായ, കൂടുതൽസമഗ്രമായ വേറൊരു ജീവിതപദ്ധതിയും പ്രത്യേശാസ്ത്രവും മതമല്ലാത്ത മതവും ഇന്ന് ഭൂമിയിൽ ഇല്ല.
“ദൈവത്തെ എല്ലാവർക്കും ഒരുപോലെയാക്കി ഇസ്ലാം എന്നതിനാൽ.
“ദൈവത്തെയോ വിശ്വാസത്തേയോ ചൂഷണോപാധി ആക്കുന്ന ഒന്നും ഇസ്ലാമിൽ ഇല്ലഎന്നതിനാൽ.”
അതെങ്ങിനെ പറയാം?
“ഇസ്ലാമിൽ ബിംബങ്ങളില്ല.
“ഇസ്ലാമിൽ പുരോഹിതന്മാരും പൂജാരിമാരും ഇല്ല.
“ഇസ്ലാമിൽ വിശ്വാസികളെക്കൊണ്ട് ദൈവത്തിന് വേണ്ടി സമ്പത്ത് കൊടുപ്പിക്കുന്ന ഒരേർപ്പാടും ഇല്ല.
“ഇസ്ലാമിൽ ചിലവേറിയ പൂജയും അർച്ചനയും അഞ്ജലിയും ഇല്ല എന്നതിനാൽ.
“മക്കയിലും മദീനയിലും പോയാൽ വരെ ഒരു പുരോഹിതനോ തന്ത്രിയോ ഇല്ല. എല്ലാം ഒറ്റക്കൊറ്റക്ക്. എല്ലാവരും ഒറ്റക്ക്. നിസ്കരിക്കുമ്പോൾ മുമ്പിൽ നിൽക്കുന്ന ആരും ഇമാം.
“മുൻപിൽ നിൽക്കുന്ന ഇമാമായ അദ്ദേഹത്തിന്റെ വിവരമോ ഉദ്ദേശമോ പോലും ചികയേണ്ട ആവശ്യമില്ല നിസ്കാരത്തിൽ അയാളെ പിന്തുടരുമ്പോൾ.
“അത്രക്ക് ദൈവത്തിലേക്ക് എല്ലാവരും ഒരുപോലെ. എല്ലാവരും ഒരുപോലെ പുണ്യാളൻ, പുരോഹിതൻ. ഏതെങ്കിലും ഒരാൾ മാത്രം അല്ലാതെ.
“ഭൂമിയിൽ എവിടെ നിന്നും ആർക്കും ഒരുപോലെ നിസ്കരിക്കാം, ദൈവത്തെ വിളിക്കാം, പ്രാപിക്കാംഇസ്ലാമിൽ.
“ഭൂമിയെ മുഴുവൻ, പ്രാപപഞ്ചികതയിലെ ഏത് ബിന്ദുവും ഒരുപോലെ, നിസ്കരിക്കാനും ദൈവത്തെവിളിക്കാനും പ്രാപിക്കാനും പ്രണമിക്കാനും പറ്റിയ ഇടമെന്ന് (മസ്ജിദ്) എന്ന് ഇസ്ലാം വരുത്തി.”
ചോദ്യം: അതുകൊണ്ട് മാത്രം ഇസ്ലാം മതമല്ലാത്ത മതം ആവുമോ?
“അതുകൊണ്ട് മാത്രമല്ല ഇസ്ലാം മതമല്ലാത്ത മതം ആവുന്നത്.
“പകരം, വിശ്വസിക്കാൻ മാത്രം പറഞ്ഞ്, എന്തെങ്കിലും ആചാര അനുഷ്ഠാനങ്ങൾ മാത്രം ചെയ്യിപ്പിച്ച്, ജീവിതത്തെയും ജീവിക്കുന്ന മനുഷ്യരെയും പെരുവഴിയിലാക്കാതെ സർവ്വമേഖലകളിലുംമാർഗ്ഗനിദ്ദേശങ്ങൾ നൽകി വഴിനടത്തുന്നത് കൊണ്ട് കൂടിയാണ് ഇസ്ലാം മതമല്ലാത്ത മതം ആവുന്നത്.
“ഇസ്ലാം നൽകുന്ന അത്തരം വഴിനടത്തലും അതിനുള്ള മാർഗ്ഗനിദ്ദേശങ്ങളും ആവശ്യമെന്നുംഅനാവശ്യമെന്നും ആർക്കെങ്കിലും തോന്നിയാലും ഇല്ലെങ്കിലും ഇത് ഇസ്ലാമിനെ സംബന്ധിച്ചകൃത്യമായ വസ്തുതയാണ്, വാസ്തവമാണ്, വ്യതിരിക്തതയാണ്.
ചോദ്യം: അതുകൊണ്ട് മാത്രം, ഉണ്ടാവുമെങ്കിൽ ഉണ്ടാകാവുന്ന ഏക മതസാധ്യത ഇസ്ലാംആവുന്നതെങ്ങിനെ?
“മാനുഷിക പ്രശ്നങ്ങൾക്ക് മുഴുവൻ പരിഹാരം നിശ്ചയിക്കുന്ന ജീവിതയും പ്രത്യേശാസ്ത്രവും വ്യവസ്ഥ കൂടിയാണ് ഇസ്ലാം എന്നതിനാൽ.
“ഇസ്ലാമിനുള്ളിൽ കമ്യൂണിസവും കാപ്പിറ്റലിസവും ജനാധിപത്യവും സോഷ്യലിസവും മതേതരത്വവും കൂടിക്കലരുന്ന ത് പോലെ.
“എല്ലാം കൂടിക്കലർന്ന് അവയിലെ ഒക്കെ നന്മകൾ മാത്രം ഉൾച്ചേർന്ന ഇസ്ലാം എന്ന ഒന്ന് മാത്രമാവുന്നത് പോലെ.
“പ്രാപഞ്ചിക പ്രതോഭാസങ്ങൾ മുഴുവൻ ഏതൊരു നിയമത്തിന് വിധേയപ്പെട്ടിരിക്കുന്നുവോ അതിന്മാത്രം മനുഷ്യനും വിധേയപ്പെടണം, സമർപ്പിക്കണം എന്നതാണ് ഇസ്ലാം.
“അല്ലാതെ വെറും ആചാര-അനുഷ്ഠാന-പൗരോഹിത്യ-ചൂഷണ മതമല്ല ഇസ്ലാം.
“ആ അർഥത്തിൽ മാത്രമാണ് ഇസ്ലാം എന്ന വാക്കിന്റെ അർത്ഥം സമർപ്പണം എന്നാവുന്നതും.
“എല്ലാവിധ ചൂഷണങ്ങളിൽ നിന്നും വിടുതി നൽകുന്ന ഒരു വിശ്വാസക്രമം മാത്രമാണ് ഇസ്ലാംഎന്നതിനാൽ കൂടി.
“ഒരേയൊരു ദൈവം, ഒരേയൊരു മനുഷ്യൻ, തീർത്തും ചൂഷണരഹിതമായ ഒരേയൊരു നിയമം, വ്യവസ്ഥ. അത്രയേ ഉള്ളൂ ഇസ്ലാം.
“മാനുഷികത മാത്രമായ ഒരു വ്യവസ്ഥക്ക് പ്രകൃതിപരത മാത്രമായ ദൈവവിശ്വാസത്തിന്റെ പിൻബലംകൊടുക്കുക മാത്രമാണ് ഇസ്ലാം.
“അങ്ങനെയുള്ള ഏക മതവും പ്രത്യേശാസ്ത്രവും ഇസ്ലാം മാത്രമാണ് എന്നതിനാൽ.
“ദൈവവിശ്വാസം തുണയായ, ഫലത്തിൽ നടപ്പിലാവുന്ന കമ്യൂണിസമാണ്, കമ്യൂണിസത്തിനുംഅപ്പുറം പ്രായോഗികമായ സമ്പൂർണ്ണ-സമഗ്ര ജീവിതവ്യവസ്ഥയാണ് ഇസ്ലാം എന്നതിനാൽ.”
ചോദ്യം: എന്തുകൊണ്ട്, എങ്ങനെ ഇസ്ലാം മാത്രം ചൂഷണരഹിതമായ, ചൂഷണസാധ്യതകളെഇല്ലാതാക്കുന്ന മതം എന്ന് പറയാൻ സാധിക്കും?
“അത് മറ്റൊന്നും കൊണ്ടല്ല.
“ഇസ്ലാം ദൈവത്തിന് ബിംബങ്ങളും പുരോഹിതന്മാരും ഇല്ലാതാക്കി എന്നത് കൊണ്ട് മാത്രമല്ല.
“എല്ലാ ഓരോരുത്തർക്കും ദൈവത്തിലേക്ക് ഒരേ ദൂരവും അടുപ്പവും നിശ്ചയിച്ച ദർശനമായി ഇസ്ലാംഎന്നത് കൊണ്ട് മാത്രമല്ല “
പിന്നെ?
“പൊതുവേ ഇവിടെ കാണപ്പെടുന്, ആചരിക്കപ്പെടുന്ന ഏതൊക്കെയോ മതങ്ങളുടെ അവസ്ഥയും രീതിയും കണ്ടിട്ടാണല്ലോ മതം വിശ്വാസികളേ ചൂഷണം ചെയ്യുന്നു എന്ന പൊതുധാരണ ഉണ്ടാക്കുന്നതും അതേ ധാരണയെ തന്നെ ഒരു വിധിയാക്കി വെറുമൊരു മതമല്ലാത്ത ഇസ്ലാമിന്റെ മേൽ കൂടി ആരോപിക്കുന്നതും.
“നിങ്ങൾ തന്നെ സത്യസന്ധമായി മനസ്സാക്ഷിയോട് നീതി പുലർത്തും വിധം പരിശോധിച്ച് പറയുക: ഇസ്ലാം നൽകിയ ഏത് നിർദേശവും കല്പനയുമാണ് ആരാധന-അനുസരണ രീതികളും ആണ് പുരോഹിതന്മാരെയോ മറ്റ് മധ്യവർത്തികളെയോ വെച്ച് വിശ്വാസികളെ ചൂഷണം ചെയ്യുന്നതാവുന്നത്?
- പലിശ നിരോധിച്ചതോ?
“പലിശ നിരോധിച്ചത് കൊണ്ട് (ആ നിരോധനം എങ്ങനെ, എത്രത്തോളം പ്രായോഗികം, ശരി, എങ്ങനെ, എവിടെ നടപ്പാക്കാം എന്നതിനപ്പുറം) എവിടെ, എങ്ങനെ, ആര് ചൂഷണം ചെയ്യുന്നു?
“വിശ്വാസികളെ വിശ്വാസം മുതലെടുത്ത് എവിടെ, എങ്ങനെ, ആര് പലിശ നിരോധനം കൊണ്ട് ചൂഷണം ചെയ്യുന്നു?
“എത്ര വലിയ സാമൂഹ്യനീതിയും സാമൂഹ്യക്ഷേമവും പലിശ നിരോധനം കൊണ്ട് ഇസ്ലാം ഉദ്ദേശിച്ചു, നടപ്പാക്കി എന്നതല്ലേ പലിശ നിരോധിച്ചത് കാണുന്ന ആർക്കും മനസ്സിലാവുക?
2, മദ്യവും മറ്റിതര ലഹരികളും നിരോധിച്ചതോ?
“മദ്യം നിരോധിക്കുന്നത് കൊണ്ട് എന്ത് തരം ചൂഷണ സാധ്യതയാണ് വിശ്വാസികളെക്കൊണ്ട് ഇസ്ലാംസാധിക്കുന്നത്?
“ഒന്നുമില്ല.
“പകരം, ഒരുതരം ശീലങ്ങളും ലഹരികളും മനുഷ്യന് വേണ്ടെന്നാക്കും വിധം ഇസ്ലാം മനുഷ്യനെസ്വതന്ത്രനാക്കി.
“ഉറച്ച ബോദ്ധ്യത തന്നെയായി മാറേണ്ട വിശ്വാസത്തെ തന്നെ ഇസ്ലാം ആശ്വാസം നൽകുന്നതാക്കി.
“വിശ്വാസികളെ ബോധപരമായി പരമാവധി സ്ഥൈര്യമുള്ളവരാക്കി.
“വ്യക്തി-കുടുംബ-സാമൂഹ്യ ജീവിതം ഒന്നുകൂടി ഭദ്രതയുള്ളതാക്കി.
“എന്നൊക്കെ വേണം മദ്യവും മറ്റിതര ലഹരികളും നിരോധിച്ചത് കാണുന്നതിലൂടെ സാമാഭ്യയുക്തി വെച്ച് ആരും മനസ്സിലാക്കാൻ.
“വിശ്വാസം, വിശ്വാസികൾ എന്നത് തന്നെ ഇസ്ലാമിൽ ഇല്ല.
“ഇസ്ലാമിൽ ഉള്ളതും ഇസ്ലാം നൽകുന്നതും ഉറച്ച ബോധ്യതയുടെയും ചൂഷണരഹിത പ്രതീക്ഷയുടെയും നിർഭയത്വം, നിർഭയർ എന്നത് മാത്രം.
“ഏകദൈവത്ത മാത്രം കണ്ട്, ഏക ദൈവത്തിനെ മാത്രം ആശ്രയിച്ച് ബാക്കി ഒന്നിനാലും വഞ്ചിക്കപ്പെടാതെ, ചൂഷണം ചെയ്യപ്പെടാതെ, എല്ലാ തരം ആപേക്ഷിക ശക്തികളിൽ നിന്നും അവയിൽ നിന്നുള്ള പേടികളിൽ നിന്നും മുക്തരാവുക. അതാണ് ഇസ്ലാം എന്ന സമർപ്പണം, അതാണ് ഈമാൻ എന്ന നിർഭയത്വം.
“ഈമാൻ എന്നാൽ നിർഭയത്വം, മൂമിൻ എന്നാൽ നിർഭയൻ, നിർഭയത്വം നൽകുന്നവൻ.
3, വ്യഭിചാരം നിരോധിവെച്ചു. എന്നത് കൊണ്ട് ഏത് തരം നീതിനിഷേധമാണ് ഇസ്ലാം വിശ്വാസികളിൽഅടിച്ചേൽപ്പിക്കുന്നത്?
“വ്യഭിചാരം നിരോധിവെച്ചു എന്നത് കൊണ്ട് എന്ത് തരം ചൂഷണം ആർക്കാണ് സാധിക്കുക?
“കുടുംബജീവിതത്തിൽ മാത്രം അധിഷ്ഠിതമായ ഭദ്രതയുള്ള വ്യക്തിജീവിതവും സാമൂഹ്യഘടനയും ഉറപ്പ് വരുത്തുന്ന ഇസ്ലാം വ്യഭിചാരം നിരോധിക്കുകയല്ലാതെ വേറെന്ത് ചെയ്യണം?
4, പന്നിയിറച്ചിയും രക്തവും ശവവും നിരോധിക്കുന്നത് കൊണ്ട് (അതിലെ ശരിയും തെറ്റുംയുക്തിയും അന്വേഷിക്കുന്നതിനപ്പുറം) ഇസ്ലാം എന്ത് ചൂഷണമാണ്, ഏത് പുരോഹിതനുംമതനേതൃത്വത്തിനും ഉള്ള നേട്ടമാണ് ഉദ്ദേശിച്ചിട്ടുണ്ടാവുക, നടത്തുക?
“ഒരുതരം ചൂഷണവും അത്തരം നിരോധനങ്ങൾ കൊണ്ട് ആർക്കും സാധിക്കില്ല.
“ഒരു പുരോഹിതനും മതനേതൃത്വത്തിനും ഒരുതരം നേട്ടവും ഇത്തരം നിരോധനങ്ങൾ കൊണ്ട് ഉണ്ടാവുകയില്ല.
“സാമാന്യയുക്തി മാത്രം മതി ഒരുതരം ചൂഷണവും മുതലെടുപ്പും ഇത്തരം നിരോധനങ്ങൾ കൊണ്ട്ഉണ്ടാവില്ല എന്ന് മനസ്സിലാവാൻ.
“ഏറിയാൽ നമ്മുടെ അളവുകോൽ നിശ്ചയിച്ചുതന്ന യുക്തിക്ക് നേർക്കുനേർ മനസ്സിലാവാത്ത, നിരക്കാത്ത ചില നന്മകളും ഗുണകാംക്ഷയും ആരോഗ്യപരതയും മാത്രമല്ലാതെ.
5, ശരിയായ രീതിയിൽ കഴുത്തറുത്ത് രക്തം ഒഴുക്കിക്കളഞ്ഞതിനു ശേഷം മാത്രമേ മൃഗമാംസംഅനുവദിച്ചു, ചില അപവാദങ്ങളെയും ഉപാധികളെയും കൃത്യമായി ചൂണ്ടിക്കാണിച്ചു കൊണ്ട്.
“നോക്കൂ, എത്രമാത്രം സൂക്ഷ്മതലത്തിൽ കാര്യങ്ങൾ നോക്കുന്നു, നടത്തുന്നു, നിർദേശിക്കുന്നു?
“അറുക്കാനും രക്തം കളയാനും ഇസ്ലാം ആവശ്യപ്പെടുന്നത് കൊണ്ട് എന്ത് ചൂഷണമാണ് നടക്കുക?
“ഒന്നുമില്ല.
“ആർക്കെങ്കിലും ആരെയെങ്കിലും ചൂഷണം ചെയ്യാനും ആ വഴിയിൽ മതം എന്ന സ്ഥാപനത്തിന് നേട്ടമുണ്ടാക്കാനും എന്താണ് ഇത്തരം നിർദ്ദേശങ്ങളിലും കല്പനകളിലും ഉള്ളത്? (ആ നിലക്ക് മതംഒരു സ്ഥാപനമാവുന്ന കോലത്തിൽ മതത്തെ നിശ്ചയിക്കുന്ന പുരോഹിത-പൂജാരി നേതൃത്വവുംപിരമിഡ് പോലെ താഴെ നിന്ന് മുകളിലേക്ക് സ്ഥാപനവും ഇസ്ലാമിന് ഇല്ല, ഇസ്ലാമിൽ ഇല്ല.)
6, “നിസ്കാരം നോമ്പ് ഹജ്ജ് കർമ്മങ്ങളിൽ എവിടെയെങ്കിലും ഏതെങ്കിലും നിലക്കുള്ള ചൂഷണസാധ്യത ഉണ്ടോ?
ഇല്ല.
“ദൈവസ്മരണ ഉറപ്പിക്കുന്നു, അനാവശ്യ കാര്യങ്ങൾ എന്ന തിന്മയിൽ നിന്നും മ്ലേച്ഛമായവയിൽനിന്നും മനുഷ്യനെ അകറ്റുന്നു, അച്ചടക്കവും സൂക്ഷ്മതയും ത്യാഗസന്നദ്ധതയും മനുഷ്യനിൽഉണ്ടാക്കുന്നു എന്നതിനപ്പുറം നിസ്കാരം, നോമ്പ്, ഹജ്ജ് എന്നിവ ഒരുതരം ചൂഷണത്തിനുംകാരണമായി ഭവിക്കുന്നില്ല.
“നിസ്കാരം, നോമ്പ്, ഹജ്ജ് എന്നിവ നടത്തുന്നതിൽ എവിടെയും ചൂഷണം നടത്തും വിധം സാമ്പത്തിക ഇടപാടുകൾ ഇല്ല, പുരോഹിതന്മാർ ഇല്ല, തന്ത്രിയും പൂജാരിയും ഇല്ല.
7, “സക്കാത്ത് നിർബന്ധമാക്കി; മറുഭാഗത്ത് പലിശ നിരോധിക്കുമ്പോൾ തന്നെ.
“രണ്ടും മാനുഷികത പൂണ്ട, മനുഷ്യ നന്മ മാത്രം ലക്ഷ്യമാക്കാവുന്ന നിർദ്ദേശങ്ങൾ.
“സക്കാത്ത് എന്നാൽ ശുദ്ധിയാക്കൽ, സംസ്കരണം.
“നോക്കൂ: സമ്പാദ്യം പാവങ്ങൾക്ക് വേണ്ടി ചിലവഴിക്കുന്നത് സ്വയം ശുദ്ധിയാക്കലാണെന്നത് എന്നത് എത്ര വലിയ തലമാണ്.
“സക്കാത്ത് ചില സന്ദർഭങ്ങളിൽ ഇത്ര ശതമാനം മാത്രമെന്നില്ലാതെ എത്രയും നൽകൽനിർബന്ധമാണ്.
“അവർ നിന്നോട് ചോദിക്കുന്നു. എന്താണ് (പാവങ്ങൾക്കായി) ചിലവഴിക്കേണ്ടതെന്ന്. നീ പറയുക: ബാക്കിയുള്ളത് മുഴുവൻ “ (ഖുർആൻ).
“മാത്രമല്ല, സക്കാത്ത് ആർക്ക് കൊടുക്കണം എന്ന നിലക്ക് സക്കാത്ത് കൊടുക്കപ്പെടാൻഅർഹതയുള്ള എട്ട് വിഭാഭങ്ങളെയും ഖുർആൻ കൃത്യമായി എണ്ണി.
“അതിൽ എവിടെയും സക്കാത്ത് മുസ്ലിംകൾക്ക് മാത്രമെന്ന നിർദ്ദേശമില്ല.
“സക്കാത്ത് നൽകപ്പെടേണ്ടത് സാമുദായിക വിഭജനമില്ലാതെ എല്ലാവർക്കും എന്ന് വരുത്തി.
“സക്കാത്ത് നൽകുന്നതിൽ പുരോഹിതനോ പൂജാരിയോ ഇല്ല. മതകർമ്മങ്ങൾക്കു വേണ്ട ചിലവില്ല. ഇസ്ലാമിൽ പുരോഹിതനോ പൂജാരിയോ മതകർമ്മങ്ങൾക്കു ചിലവോ ഇല്ല.
“എന്നിരിക്കെ സക്കാത്ത് സാമൂഹ്യ നീതിയും ക്ഷേമവും ഉറപ്പ് വരുത്തുന്നു എന്നതിനപ്പുറം സക്കാത്ത്എന്ന നിദ്ദിഷ്ട കർമ്മം എന്ത് ചൂഷണസാധ്യതയാണ് തുറക്കുന്നത്?
“ഒന്നുമില്ല.
8, “സക്കാത്ത് കല്പിച്ചതിനും പലിശ നിരോധിച്ചതിനും അപ്പുറത്താണ്:
“അവസരം നിഷേധിക്കപ്പെട്ടവർക്കും ചോദിച്ചുവരുന്നവർക്കും (അഗതികൾക്കും) എല്ലാവരുടെസമ്പത്തിലും അവകാശമുണ്ടെന്ന്” ഇസ്ലാം പ്രഖ്യാപിക്കുമ്പോൾ സംവിക്കുന്നത്.
“അത് പറഞ്ഞുതരുന്നതിന് ഇസ്ലാം തീർത്തും സാമൂഹ്യക്ഷേമവും നീതിയും ഉറപ്പുവരുത്താൻ ഉദ്ദേശിച്ചുള്ള പ്രത്യേശാസ്ത്രം മാത്രമാണ് എന്നതാണ്.
“ഇസ്ലാമിന്റെ അത്തരം പ്രഖ്യാപനത്തിൽ സാമൂഹ്യക്ഷേമവും നീതിബോധവുമല്ലാതെ വേറെന്ത് ചൂഷണസാധ്യതയാണ് ഉള്ളത്?
9, “വിവാഹവും വിവാഹമോചനവും ബഹുഭാര്യത്വവും:
“അഭിപ്രായ വ്യത്യാസങ്ങൾ ഏറെയുണ്ടാവാം. പക്ഷേ ഇസ്ലാം വിവാഹവും വിവാഹമോചനവുംബഹുഭാര്യത്വവും വരെ കൈകാര്യം ചെയ്യുന്നു. ഇസ്ലാമിന് വിഷയം വെറും ആരാധകളും അനുഷ്ഠാനങ്ങളും മാത്രം കൈകാര്യം ചെയ്യുകയല്ല.
ഇസ്ലാം വിവാഹവും വിവാഹമോചനവും ബഹുഭാര്യത്വവും വെറും വെറുതെ സമ്മതിക്കുകയല്ല.
“എല്ലാം സോപാധികമാണ്. കൃത്യമായ വഴികാട്ടലോടെയാണ്. ആർക്കും എങ്ങനെയും തോന്നുന്നത് പോലെയല്ല.
“അറിയാമല്ലോ, ഒരു മുസ്ലിമും ജീവിക്കുന്നത് ഇഹലോകത്തിന് വേണ്ടിയല്ല; പരലോകവിജയത്തിനു വേണ്ടിയാണ്. അതുകൊണ്ട് തന്നെ അവൻ എന്തും എങ്ങനെയും തോന്നിയത് പോലെ ചെയ്യില്ല. അവന് കൃത്യമായും നിശ്ചയിക്കപ്പെട്ട ശരി തെറ്റുകളുണ്ട്. നന്മയും തിന്മയും എന്നതുണ്ട്.
“കാര്യമായും സ്ത്രീസുരക്ഷയെ മുൻനിർത്തിയാണ്, കുടുംബജീവിതത്തെ മുന്നോട്ട് കൊണ്ടുപോകാനാണ് വിവാഹവും വിവാഹമോചനവും ബഹുഭാര്യത്വവും. പുരുഷന് ബാദ്ധ്യതകളും ഉത്തരവാദിത്തങ്ങളും ഏല്പിച്ചുകൊടുക്കുന്ന രൂപത്തിലാണ്
“അതുകൊണ്ടാണ്, സ്ത്രീധനം എന്ന സങ്കല്പവും സാധ്യതയും മുച്ചൂടും ഇല്ലാതാക്കി പകരം സ്ത്രീക്ക്അങ്ങോട്ട്, അവൾക്ക് കൂടി നിശ്ചയിച്ച് ആവശ്യപ്പെടാവുന്ന ധനം മഹാറായി നൽകണം എന്ന് ഇസ്ലാം നിർദ്ദേശിച്ചത്.
“എത്ര വിപ്ലവകരമാണ് ഇന്നും മഹാറെന്ന സംഗതിയെ കുറിച്ച് നിഷ്പക്ഷമായിരുന്നു ചിന്തിക്കുമ്പോൾ.
“ഇസ്ലാമല്ലാത്ത ഒരു മതവും പ്രത്യേശാസ്ത്രവും അങ്ങനെ ഇതുവരെ സ്ത്രീക്ക് അങ്ങോട്ട് ധനം നൽകുന്ന പരിപാടി നിർദ്ദേശിച്ചില്ല.
“മഹർ നൽകാൻ പറയുന്നതിൽ എവിടെയാണ് വിശ്വാസികളെ മതപരമായ ചൂഷണം ചെയ്യുന്നത്?
“ഒപ്പം, ഓർക്കണം ഇസ്ലാം വിവാഹമോചനത്തിന് പുരുഷനും സ്ത്രീക്കും ഒരുപോലെ അവകാശംനൽകി.
“വിവാഹം ചെയ്തുപോയി എന്നത് കൊണ്ട് മാത്രം , ഒട്ടും ഒത്തുപോകാൻ സാധിക്കാത്തവർ നിർബന്ധിതരായി കുടുങ്ങി ഒത്തിപോകേണ്ടതില്ല എന്ന ഇസ്ലാം നൽകുന്ന പ്രായോഗിക പരിഹാരം. ആദ്യമായി അങ്ങനെ നൽകിയതും ഇസ്ലാം മാത്രം.
“ഏത് പരിഹാര നിർദ്ദേശവും വേണ്ടവണ്ണം ഉപയോഗിക്കാതെ ദുരുപയോഗം ചെയ്യുന്നത് പരിഹാരത്തിൻറെ കുറ്റമല്ല.
“വേസ്റ്റ് ബോക്സ് വെച്ചിട്ടും ആ ബോക്സിൽ തന്നെ വേസ്റ്റ് ഇടാത്തവരുടെ കുറ്റം, പൊതു ഇടങ്ങളിലും പൊതുവഴികളിലും വേസ്റ്റ് ഇടുന്നവരുടെ കുറ്റം, വേസ്റ്റ് ബോക്സുകൾ വേണ്ടെന്ന തീരുമാനത്തിലല്ല നമ്മെ എത്തിക്കേണ്ടത്.
“പകരം, പരിഹാര നിർദ്ദേശങ്ങൾ വേണ്ടവണ്ണം പാലിക്കാത്തവരെ ശിക്ഷിക്കുന്ന തുടർനിയന്ത്രണ രീതികൾ ആവിഷ്ക്ഷിക്കുകയാണ് വേണ്ടത്. പരിഹാര നിർദ്ദേശങ്ങൾ എന്ന വിത്തിനെ മുളപ്പിച്ച് മരമാക്കുകയാണ് വേണ്ടത്
“പുരുഷന്മാർക്ക് ബഹുഭാര്യത്വത്തിന് അനുവാദം നൽകി. അനാഥർക്കിടയിൽ നീതി പുലർത്തുകഎന്ന ഉപാധിയോടെ. ഭാര്യമാർക്കിടയിൽ നീതിപുലർത്തണം എന്ന ഉപാധിയോടെ. നീതിപുലർത്താൻ സാധിക്കില്ലെങ്കിൽ ഒന്ന് മാത്രമെന്ന നിഷ്കർഷയോടെ.
“യുദ്ധസാഹചര്യങ്ങളിലും മറ്റും പുരുഷൻമാർ ഏറെ കൊല്ലപ്പെട്ടു സ്ത്രീകൾ വിധവകൾ ആവുന്ന, കുട്ടികൾ അനാഥരാവുന്ന ചില പ്രത്യേക സാഹചര്യത്തിൽ പുരുഷന്മാർക്ക് ബഹുഭാര്യത്വത്തിന്അനുവാദം നൽകി.
“ഇത്തരം നിയമങ്ങളും നിർദ്ദേശങ്ങളും ശരിയാണോ തെറ്റാണോ, ഇക്കാലത്ത് അവ ദുരുപയോഗപ്പെടുത്തപ്പെടുന്നുണ്ടോ എന്നൊക്കെയുള്ള ചർച്ച ശരി തന്നെ.
“സ്ത്രീക്ക് എന്തുകൊണ്ട് ബഹുഭർതൃത്വത്തിന് അനുവാദം നൽകിയില്ല എന്ന ചോദ്യം ഉയരും.
“ഒന്നാമതായി : പിതൃത്വം നിശ്ചയിക്കൽ പ്രശ്നമാവും എന്നതിനാൽ.
“രണ്ടാമതായി: പ്രകൃതിപരമായി തന്നെ ആർത്തവമില്ലാത്ത,
മൂന്നാമതായി: മാസത്തിൽ ഒരിക്കൽ മാത്രം അണ്ഡം ഉൽപാപിപ്പിക്കപ്പെടുന്നു എന്ന പരിമിതി ഇല്ലാത്ത പുരുഷൻ,
നാലാമതായി: ഏറിയാൽ കൊല്ലത്തിൽ ഒരേയൊരു പ്രാവശ്യം ഗർഭധാരണം എന്ന പരിമിതി ഇല്ലാത്ത പുരുഷൻ
അഞ്ചാമതായി: പുരുഷന്റേത് പ്രകൃതിപരമായ പ്രകൃതം തന്നെ വിത്ത് വിതരണത്തിന്റേതാണ്.
“അപ്പോഴും ഒന്നോർക്കണം: ഇത്തരം ബഹുഭാര്യത്വ അനുവാദങ്ങളിലും നിയമങ്ങളിലും നിർദ്ദേശങ്ങളിലും എവിടെയും മതത്തിന്റെയോ മതസ്ഥാപനങ്ങളുടെയോമതപുരോഹിതന്മാരുടെയോ ചൂഷണത്തിന് എന്ത് സാദ്ധ്യതയാണുള്ളത്?
“ഒന്നുമില്ല.
9, “ഇസ്ലാമിലെ സ്ത്രീ സ്വത്തവകാശം / അനന്തരവകാശം:
“ഏറ്റവും കൂടുതൽ ശരിയായത് , എന്നാൽ ഏറ്റവും കൂടുതൽ തെറ്റിദ്ധാരണകൾ പരത്തി ചർച്ചക്ക് വിധേയമാക്കപ്പെടുന്ന വിഷയം.
“സ്ത്രീക്ക് അനന്തര സ്വത്തവകാശം ആദ്യമായി നൽകിയത് ഇസ്ലാം.
“ഒരൊറ്റവകയിൽ മാത്രമല്ല ഇസ്ലാം സ്ത്രീക്ക് അനന്തര സ്വത്തവകാശം ആദ്യമായി നൽകിയത്.
“പലവകയിൽ. ചുരുങ്ങിയത് നാല് വകയിൽ.
“മാതാപിതാക്കളുടെ സ്വത്തിൽ നിന്ന് മാത്രമല്ല സ്ത്രീക്ക് അനന്തര സ്വത്തവകാശം.
“ഭർത്താവിന്റെ സ്വത്തിൽ നിന്നും, മക്കളുടെ സ്വത്തിൽ നിന്നും വരെ സ്ത്രീക്ക് അനന്തരസ്വത്തവകാശം ഇസ്ലാം ആദ്യമായി നൽകി.
“അനന്തര സ്വത്തവകാശം സ്ത്രീക്ക് നൽകുമ്പോഴും കുടുംബ കാര്യങ്ങൾക്കോ മറ്റോ നിർബന്ധമായും ചിലവഴിക്കേണ്ട ഒരു ബാധ്യതയും സ്ത്രീക്ക് നൽകിയില്ല.
“കുടുംബ കാര്യങ്ങൾക്കോ അവളുടെ തന്നെ കാര്യങ്ങൾക്കോ മറ്റോ നിർബന്ധമായും ചിലവഴിക്കേണ്ട ബാധ്യത പുരുഷനിൽ മാത്രമാക്കി ഇസ്ലാം ഒതുക്കി.
“എന്നുവെച്ചാൽ സ്ത്രീക്ക് കിട്ടുന്നത് മുഴുവൻ വെറും വെറുതെ വെക്കാനുള്ളത്. അവൾ മറിച്ച് ഉദ്ദേശിക്കാത്തിടത്തോളം. അവളുടെ സ്വന്തം ഇഷ്ടത്തിനനുസരിച്ചു തീർത്തും വ്യക്തിപരമായി, വ്യക്തിപരമായ ആവശ്യങ്ങൾക്ക് വേണ്ടി മാത്രം കരുതാം, സൂക്ഷിക്കാം, ഉപയോഗിക്കാം എന്ന കോലത്തിൽ.
“ഭർത്താവ് സ്ത്രീയുടെ സ്വത്തും സമ്പത്തും ഒരുനിലക്കും ആഗ്രഹിക്കരുത്, എടുത്തുപോകരുത് എന്ന കൃത്യമായ നിഷ്കർഷയോടെ.
“ഭാര്യ സ്വന്തം നിലക്ക് തീരുമാനിച്ച് അവളുടെ സമ്പത്തിൽ നിന്നുള്ള സക്കാത്ത്, അല്ലെങ്കിൽ സദഖ, ഭർത്താവിന് കൊടുത്താൽ അത് വാങ്ങാം എന്നല്ലാതെ.
“എന്നാലോ, എത്ര സമ്പന്നയാണ് സ്ത്രീ എങ്കിലും, സ്ത്രീയുടെയും മക്കളുടെയും എല്ലാ വ്യക്തിപരമായ ആവശ്യങ്ങളും നിവർത്തിക്കൊടുക്കുക ഭർത്താവായ പുരുഷന് ബാധ്യതയുമാക്കി.
“സ്ത്രീയുടെയും മക്കളുടെയും എല്ലാ ആവശ്യങ്ങൾക്കും വേണ്ട പൈസ ഭർത്താവായ പുരുഷനിൽ നിന്നും വസൂലാക്കാനുള്ള അവകാശം കൂടി സ്ത്രീക്ക് ഇസ്ലാം നൽകിയിട്ടുണ്ട് എന്നർത്ഥം.
“ഈ പശ്ചാത്തലത്തിൽ കൂടി വേണം മാതാപിതാക്കളുടെ സ്വത്തിൽ നിന്ന് സ്ത്രീക്ക് പകുതിയും പുരുഷന് സ്ത്രീയുടെ ഇരട്ടിയും അനന്തരാവകാശം നൽകിയത് നോക്കിക്കാണാൻ. ചിലവഴിക്കേണ്ട ബാധ്യതയും ഉത്തരവാദിത്തവും പുരുഷന് മാത്രമെന്ന നിർബന്ധ നിർദേശത്തിന്റെ പശ്ചാത്തലത്തിൽ.
“ഒപ്പം താഴെ പറയുന്ന കാര്യങ്ങളുടെ വെളിച്ചത്തിലും:
എ) “ഭർത്താവും കുടുംബവും ഇല്ലാതെ ഒറ്റക്ക് ജീവിക്കുന്ന സ്ത്രീയെ വെച്ച് ഇസ്ലാം കാര്യങ്ങൾ കാണുന്നില്ല.
ബി) “വിവാഹിതയായി കുടുംബമായി ജീവിക്കുന്ന സ്ത്രീയെ വെച്ചാണ് ഇസ്ലാം കാര്യങ്ങൾ കാണുന്നതും നിഷ്ക്കർഷിക്കുന്നതും.
സി) “വിവാഹിതയായി കുടുംബമായി ജീവിക്കുന്ന സ്ത്രീയെ സംബന്ധിച്ചേടത്തോളം തനിക്ക് മാതാപിതാക്കളുടെ സ്വത്തിൽ നിന്ന് പകുതിയാണ് കിട്ടുന്നതെങ്കിൽ രണ്ടർത്ഥത്തിൽ പ്രശ്നമില്ല.
ഒന്ന്: “അവൾക്ക് ചിലവുകൾ ഇല്ല, ചിലവഴിക്കേണ്ട ബാധ്യത ഇല്ല. അവൾ സ്വയം അങ്ങനെ തീരുമാനിച്ചാൽ അല്ലാതെ.
“എങ്ങനെയായാലും സ്ത്രീയെയും കുട്ടികളെയും സംരക്ഷിക്കാൻ വേണ്ട എല്ലാറ്റിനും ചിലവഴിക്കേണ്ട ബാധ്യത പുരുഷനാണ്.
“പുരുഷനാണ് സ്ത്രീയുടെ മേൽ കാര്യങ്ങൾ ചെയ്യാനുള്ള ബാധ്യത. (എന്തുകൊണ്ടെന്നാൽ) അല്ലാഹു ചിലരെ ചിലരുടെ മേൽ ക്രമീകരിച്ച് ശ്രേഷ്ടപ്പെടുത്തിയത് അങ്ങനെയാണ്. (ഒപ്പം) പുരുഷനാണ് ചിലവഴിക്കുന്നത് എന്നത് കൊണ്ടും” (ഖുർആൻ).
“രണ്ട്: തനിക്ക് സ്ത്രീയെന്ന നിലക്ക് മാതാപിതാക്കളുടെ സ്വത്തിൽ നിന്ന് പുരുഷന് കിട്ടുന്നതിന്റെ പകുതി കിട്ടുമ്പോൾ, അപ്പുറത്ത് തന്റെ ഭർത്താവിന് പുരുഷനെന്ന നിലക്ക് തന്റെ മാതാപിതാക്കളുടെ സ്വത്തിൽ നിന്ന് അവന്റെ പെങ്ങളുടെ ഇരട്ടി കിട്ടിയിട്ടുണ്ടാവും. ഫലത്തിൽ തുല്യം.
10, “കുളിക്കുന്നിടത്തും ഭക്ഷണം കഴിക്കുന്നിടത്തും ഉറങ്ങുന്നിടത്തും നടക്കുന്നിടത്തും ഇരിക്കുന്നിടത്തും കച്ചവടം ചെയ്യുന്നിടത്തും എന്നുവേണ്ട ജീവിതത്തിന്റെ മുഴുവൻ മേഖലകളിലും ഇസ്ലാം മാർഗ്ഗനിർദ്ദേശങ്ങൾ നൽകുന്നു എന്നത് കൊണ്ട് എവിടെയാണ് ചൂഷണം നടക്കുന്നത്?
“ഇസ്ലാം പൂർണാർത്ഥത്തിൽ മനുഷ്യനെ ഉൾക്കൊണ്ട്, മനുഷ്യന്റെ കൂടെ നടന്ന് മനുഷ്യന്റെ മുഴുവൻ പ്രശ്നങ്ങളും ഏറ്റെടുത്ത് കൈകാര്യം ചെയ്യുന്നു എന്നത് എങ്ങനെ ചൂഷണമാവും?”
.jpg)