ജാതി മാറാൻ മതം മാറണം.
ജാതിയുള്ളിടത്ത് ജാതി മാത്രമാണ്.
ജാതീയ വേർതിരിവിനെ മതം എന്ന് പേരിട്ട് വിളിച്ചത് മാത്രമാണ്. അല്ലാതെ വഴിയിലുടനീളം കൃത്യതയോടെയും വ്യക്തതയോടെയും നയിക്കുന്ന, ജീവിതവഴി നൽകുന്ന, സാമൂഹ്യനീതിയും സാമൂഹ്യക്ഷേമവും ഉറപ്പുവരുത്തുന്ന ഒരു മതം ജാതിയുള്ളിടത്ത് ഇല്ല.
മതം മാറാതെ ജാതി മാറാൻ സാധിക്കില്ല.
അല്ലെങ്കിൽ, മതം മാറാതെ ജാതി മാറാനാവുമെങ്കിൽ, തെളിയിക്കൂ.
ഈയ്യൊരു കാരണം കൊണ്ട് തന്നെയാണ് ഒരു നിർബന്ധവും ആവശ്യമാകാതെ ഇന്ത്യയിൽ എല്ലാകാലത്തും മതം മാറ്റം വളരെ എളുപ്പം നടന്നത്.
ആയിരം വർഷങ്ങളോളം ഭരിച്ചിട്ടും ഒരു മുസ്ലിം രാജാവിനും ആരെയും നിർബന്ധിച്ച് മതം മാറ്റേണ്ടി വന്നിട്ടില്ല. മതം മാറ്റൽ അവരുടെ ഭരണപരമായ അജണ്ടയും ആയിരുന്നില്ല.
ജാതിരഹിത ഇന്ത്യ സാക്ഷാൽക്കരിക്കാൻ ഇന്ത്യയിൽ ഏറ്റവും പ്രോത്സാഹിപ്പിക്കപ്പെടേണ്ടത് മതംമാറ്റമാണ്.
*******
എങ്കിൽ…., ചോദ്യം വരും.
മതം മാറിയാലും പൂർവ്വജാതി നോക്കി സംവരണം നൽകുന്നുണ്ടല്ലോ?
അതിന്റെ അർത്ഥം എന്താണ്?
മതം മാറിയാലും ജാതി മാറുന്നില്ല എന്നുതന്നെയല്ലേ അതിന്റെ അർത്ഥം?
ചോദ്യം ശരിയാണ് എന്ന് തോന്നും.
പക്ഷേ ചോദ്യം ശരിയല്ല, പകരം ചോദ്യം എളുപ്പം തെറ്റിദ്ധരിപ്പിക്കുന്നതാണ്.
ഒരുപക്ഷേ പാവം ജനങ്ങളെ ഫാസിസ്റ്റുകൾ തെറ്റിദ്ധരിപ്പിക്കുന്നത് ഇങ്ങനെയൊക്കെയാണ്.
മതംമാറിയാലും സംവരണം നൽകേണ്ടിവരുന്നത് മതംമാറിയാൽ ജാതി മാറാത്തത് കൊണ്ടോ ജാതീയമായ വിവേചനത്തിൽ നിന്നും അവർ രക്ഷ നേടാത്തത് കൊണ്ടോ അല്ല.
മതം മാറിയാൽ ആ പുതിയ സമൂഹത്തിൽ ജാതീയത നിലനിൽക്കുന്നത് കൊണ്ടല്ല, മതം മാറുമ്പോൾ അവരുടെ ജാതി മാറാത്തത് കൊണ്ടല്ല മതം മാറിക്കഴിഞ്ഞിട്ടും സംവരണം നൽകുന്നതും നൽകേണ്ടിവരുന്നതും.
മതം മാറുമ്പോൾ അതിന് മുൻപ് ജാതീയമായി അവർ നേരിട്ട വിഭജനവും വിവേചനവും ഇല്ലാതാവത്തത് കൊണ്ടല്ല സംവരണം നൽകുന്നതും നൽകേണ്ടിവരുന്നതും.
മതം മാറി വന്ന സമൂഹത്തിൽ തുല്യസ്ഥാനം കിട്ടാത്തത് കൊണ്ടുമല്ല സംവരണം നൽകുന്നതും നൽകേണ്ടിവരുന്നതും.
എന്നിട്ടും എന്തുകൊണ്ട് മതംമാറിയാലും സംവരണം നൽകേണ്ടിവരുന്നു, സംവരണം തുടരുന്നു?
ഉത്തരം വ്യക്തമാണ്.
മതംമാറിയാലും സംവരണം നൽകേണ്ടിവരുന്നതിന്റെ കാരണം വ്യക്തമാണ്.
മതം കൊണ്ടല്ല, ചരിത്രമാപരമായ ജാതീയ വിവേചനം കൊണ്ടാണ് പിന്നാക്കം ആയിപ്പോയവർ പിന്നാക്കം ആയിപ്പോയത്.
ചരിത്രമാപരമായി ജാതീയത കാരണം പിന്നാക്കം ആയിപ്പോയവരെ ഉയർത്താനാണ് സംവരണം.
ഇപ്പോഴത്തെ അവരുടെ മാറിവന്ന മതം കണ്ടുകൊണ്ട് മാത്രമല്ല സംവരണം.
മതമല്ല സംവരണത്തിന് അടിസ്ഥാനം.
ഏതൊരു സമുദായത്തിന്റെയും പിന്നാക്കാവസ്ഥയാണ് സംവരണത്തിന് അടിസ്ഥാനം.
ഇപ്പോഴത്തെ അവരുടെ പിന്നാക്കാവസ്ഥക്ക് കാരണമായ ചരിത്രപരമായ ഒരു വേരുണ്ട്, കാരണമുണ്ട്.
ആ വേരും കാരണവും തീർത്തും ചരിത്രപരമാണ്, ചരിത്രപരമായ ജാതീയ വിവേചനമാണ്, നീതിനിഷേധമാണ്, അവസരനിഷേധമാണ്.
ചരിത്രപരമായി തന്നെ അവസരം നിഷേധിക്കപ്പെട്ടതായിരുന്നു അവർ പിന്നാക്കരാവാൻ കാരണം എന്നതാണത്.
അതുകൊണ്ട് തന്നെ ചരിത്രപരമായ കാരണം കൊണ്ട് പിന്നാക്കം ആയവരുടെ പിന്നാക്കാവസ്ഥ ഒരു സുപ്രഭാതത്തിൽ മതംമാറിയത് കൊണ്ട് മാത്രം മാറില്ല, പരിഹരിക്കാനാവില്ല.
മതം മാറിയാൽ സാധിക്കുക:
അവരുടെ ജീവിതത്തിൽ ഇനിയങ്ങോട്ടുള്ള ജാതീയമായ വേർതിരിവിൽ നിന്നും തൊട്ടുകൂടായ്മയിൽനിന്നും രക്ഷനേടാം എന്നത് മാത്രം.
ഒപ്പം ഇസ്ലാം പോലുള്ള മതത്തിലേക്കാണ് മാറിയതെങ്കിൽ, വെറുമൊരു വിശ്വാസ മതത്തിലേക്ക് മാറി എന്നതിന് പകരം ഒരു സമഗ്ര ജീവിത വഴിയിലേക്ക് മാറി എന്നുമാവും.
ചരിത്രപരമായി നിഷേധിക്കപ്പെട്ടതിന്റെ അടയാളവും ക്ഷീണവും മതം മാറിയ ഉടനെ തീരില്ല. അവ തീരണമെങ്കിലും നികത്തണമെങ്കിലും അവർക്ക് പ്രത്യേക പരിഗണനയും ചികിത്സയും കൊടുക്കണം.
ക്ഷീണിച്ചവർക്ക്, ക്ഷീണിക്കാൻ കാരണമായ കാരണങ്ങളെ അറിഞ്ഞ്, പ്രത്യേക പരിഗണനയും ചികിത്സയും ഉദ്ദേശിച്ചുള്ള പരിപാടിയാണ് സംവരണം.
കുറെ കാലമായി വീട്ടിൽ നിന്ന് കളവ് പോയതിനും കള്ളന്മാർ വീട് നശിപ്പിച്ചതിനും ഇന്ന് വീട് മാറിയത് കൊണ്ട് പരിഹാരമാവില്ല.
ഇന്ന് പുതിയ സ്ഥലത്തേക്ക് വീടുമാറിയാൽ ഇനിയങ്ങോട്ടു കളവുപോവില്ല, വീട് നശിപ്പിക്കപ്പെടില്ല എന്നത് മാത്രമാണ് ശരി.
പക്ഷേ, ഇതുവരെ കളവുപോയതിനും നശിപ്പിക്കപ്പെട്ടതിനും നഷ്ടപരിഹാരം നൽകണം.
അതാണ്, അതിനാണ് സംവരണം.
രോഗിക്ക്, അതുവരെ ഉണ്ടായിരുന്ന രോഗം മനസ്സിലാക്കി കൊടുക്കുന്ന ചികിത്സയും പ്രത്യേക പരിഗണനയും ആണ് സംവരണം.
ഇതുവരെ ഉണ്ടായിരുന്ന രോഗം കാരണം ഉണ്ടായ ക്ഷീണം തീർക്കാനാണ് സംവരണം.
******
ജോലി അല്ലേ ജാതി?
ജോലിയിൽ ഉയർച്ച-താഴ്ച ഇല്ലേ?
ജോലിയിൽ ഉയർന്നവരും താഴ്ന്നവരും ഇല്ലേ?
ജോലിയിലെ ആ ഉയർച്ച താഴ്ച തന്നെയല്ലേ ജാതി സമ്പ്രദായത്തിലും ഉള്ളത്?
ചോദ്യം വളരെ നിഷ്കളങ്കമാണെന്ന് തോന്നും. ശരിയാണെന്നും തോന്നും.
സംഘപരിവാറുകാർ ഒന്നും മനസ്സിലാകാത്ത പാവം ജനങ്ങളെ പറഞ്ഞുപറ്റിക്കുന്ന വേറൊരു രീതിയും ചോദ്യവുമാണ് ഇത്.
ഉത്തരം ലളിതമാണ്.
ജോലി എന്നത് ലോകത്ത് എല്ലായിടത്തും ഉണ്ട്.
ജോലി തെരഞ്ഞെടുപ്പാണ്.
ജോലി യോഗ്യതക്കനുസരിച്ചും യോഗ്യതയും അനുഭവവും കൂട്ടുന്നതിനനുസരിച്ചും മാറും, ഉയരും.
ജോലി സൗകര്യവും ആവശ്യവും പോലെ പഠിച്ചും സിദ്ധിച്ചും ചെയ്യാവുന്നതും, മാറാവുന്നതുംമാറ്റാവുന്നതും ആണ്.
പക്ഷേ ജാതി ജന്മനാ കിട്ടുന്നത് മാത്രം.
ജാതി മാറാനും ഉയർത്താനും പറ്റാത്തത്.
ജാതി തെരഞ്ഞെടുപ്പല്ലാത്തത്.
ജാതി സൗകര്യവും ആവശ്യവും പോലെ പഠിച്ചും സിദ്ധിച്ചും മാറാൻ പറ്റാത്തത്, മാറ്റാൻ പറ്റാത്തത്.
അധിനിവേശശക്തികൾ അവരുടെ ആവശ്യങ്ങൾക്ക് ഒരു ജനതയെ അടിമകളാക്കി വെക്കാൻഉണ്ടാക്കിയതാണ് ജാതീയത.
അധിനിവേശം സൃഷ്ടിച്ച ജാതീയതയുടെ ഭാഗമായി ഉണ്ടായ വിശ്വാസമാണ്, നടപടിക്രമമാണ് ജന്മംകൊണ്ട് കിട്ടുന്ന ജോലിപരമായ ഐഡന്റിറ്റി മാത്രം ജാതി എന്നത്.
*******
ഒരാൾക്കും ജന്മം കൊണ്ട് ഒരു മതവിശ്വാസി ആവാൻ പറ്റില്ല, ഇസ്ലാംമത വിശ്വാസിയാവാൻ പറ്റില്ല.
ഇന്ത്യൻ രജിസ്റ്ററിലെ സാമുദായിക മതക്കാരൻ ആവുന്നത് കൊണ്ട് ആരും യഥാർത്ഥ മുസ്ലിമോഇസ്ലാംമത വിശ്വാസിയോ ആവുന്നില്ല.
ഇസ്ലാംമത വിശ്വാസിയായ മുസ്ലിം ആവാൻ അവൻ അനുവർത്തിക്കേണ്ട കാര്യങ്ങൾഅനുവർത്തിക്കുമെങ്കിൽ മാത്രമേ അയാൾ ഇസ്ലാംമത വിശ്വാസിയായ മുസ്ലിം ആവൂ.
*******
അഭിപ്രായ വ്യത്യാസങ്ങൾ മൂലമുള്ള വിഭാഗങ്ങൾ ജാതികളല്ല.
ബിജെപിയും മാർക്സിസ്റ്റും കോൺഗ്രസ്സും വ്യത്യസ്ത ജാതികൾ അല്ല.
അഭിപ്രായ വ്യത്യാസങ്ങൾ മൂലമുള്ള വിഭാഗങ്ങൾ ജാതി പോലെ ജന്മം കൊണ്ട് കിട്ടുന്ന സ്ഥിരം ചാപ്പയല്ല.
അഭിപ്രായ വ്യത്യാസങ്ങൾ മൂലമുള്ള വിഭാഗങ്ങൾ തെരഞ്ഞെടുക്കാവുന്നതാണ്.
ഇസ്ലാമിലെയും മുസ്ലിംകൾക്കിടയിലേയും വിഭാഗങ്ങൾ അഭിപ്രായവ്യത്യാസങ്ങൾ മൂലമുള്ള വിഭാഗങ്ങൾ മാത്രം. ബിജെപിയും കോൺഗ്രസ്സും ഒക്കെ പോലെ. എങ്ങോട്ടും മാറാവുന്നത്, തെരഞ്ഞെടുക്കാവുന്നത്.
*******
ഉത്തരേന്ത്യയിൽ മുസ്ലിംകൾക്കിടയിൽ ജാതികൾ ഉണ്ടെന്ന് ആരെങ്കിലും പറയുന്നത് ശരിയെന്ന്വെച്ചാൽ തന്നെയും അത് ഉത്തരേന്ത്യയിലെ വിവരക്കേടിന്റെ കഥയാണ്. ഇസ്ലാമിന്റെയും മുസ്ലിംകളുടെയും കഥയല്ല.
അതൊക്കെ വിവരക്കേട് മൂലമുണ്ടായതും ഇന്ത്യൻ ജാതിസമ്പ്രദായം അപ്പടി കടന്നുവന്നതും മാത്രം.
ഇസ്ലാമിൽ ജാതിയും ജാതീയതയും ഇല്ല, ഇസ്ലാം വിശ്വസിച്ച് പിന്തുടരുന്ന മുസ്ലിംകളിലും ജാതിയും ജാതീയതയും ഇല്ല.
ഏത് നിലക്കും ഇസ്ലാമിലും മുസ്ലിംകളിലും ജാതിയും ജാതീയതയും ഇല്ല എന്നത് ആർക്കും വ്യക്തമായി അറിയുന്ന, അറിയാവുന്ന കാര്യംമാത്രം.
*******
ഇന്ത്യയിൽ മുസ്ലിംകളുടെ ഇടയിൽ എന്ന് പറഞ്ഞത് തന്നെ ശ്രദ്ധിക്കുക.
ഇന്ത്യയിൽ…
വൃത്തികേട് നിറഞ്ഞ ഒരിടത്ത് അവിടെയുള്ളവരിൽ ഒക്കെയും അവർ ജാഗരൂകരല്ലെങ്കിൽ ആവൃത്തികേട് കയറിവരും.
മീൻ മാർക്കറ്റിൽ പോയവനിൽ മീൻ മണം കയറിവരുന്നത് പോലെ തന്നെ. ചുറ്റുപാട് ഉണ്ടാക്കുന്നസ്വാധീനം.
അങ്ങനെ കയറിവന്ന ജന്മ-കുല പെരുമയുടെയും ഉച്ചനീചത്വത്തിന്റെയും വൃത്തികേടുകൾ ഇന്ത്യൻമുസ്ലിംകളിൽ ഉണ്ട്.
പക്ഷേ ആ ഉച്ചനീചത്വ ജാതീയ വൃത്തികേടുകൾ ഇസ്ലാമിന്റെ വിശ്വാസപ്രമാണങ്ങളിൽ ഇല്ല, ഉള്ളതല്ല.
ഹൈന്ദവതയിലെ മുജ്ജന്മ പാപ-പുണ്യ വിശ്വാസം.
മുജ്ജന്മ പാപ-പുണ്യത്തിന്റെ അടിസ്ഥാനത്തിലാണ് ഓരോരുത്തന്റെയും ഓരോ ജന്മമെന്നവിശ്വാസം.
ഓരോരുത്തന്റെയും ജന്മം മുജ്ജന്മ പാപ-പുണ്യങ്ങളുടെ ഫലമായി മാത്രമുണ്ടാവുന്ന പുനർജന്മം മാത്രമാണെന്ന വിശ്വാസം (ഹിന്ദുമതത്തിന്റേത് എന്ന് പറയപ്പെടുന്ന വിശ്വാസം).
മനുസ്മൃതി തൊട്ട് പുരാണങ്ങളും വേദങ്ങളും എല്ലാം ശരിവെക്കുന്ന ചാതുർവണ്ണ്യ വിശ്വാസം.
ഇത് ഇന്ത്യയിലെ ഹിന്ദുക്കഉൾ എന്ന് ഈയ്യടുത്ത് വിളിക്കപ്പെടുന്നവരിൽ ഉച്ചനീചത്വ ജാതീയ വൃത്തികേടുകൾ ഉണ്ടാക്കി.
ഇത് ഇന്ത്യയിലെ ഹിന്ദുക്കഉൾ എന്ന് ഈയ്യടുത്ത് വിളിക്കപ്പെടുന്നവരെഉച്ചനീചത്വ ജാതീയ വൃത്തികേടുകൾ നടപ്പാക്കുന്നതിൽ ഒരുതരം വേദനയും ഇല്ലാത്തവരാക്കി.
അങ്ങനെയുള്ള മുജ്ജന്മ പാപ-പുണ്യ പുനർജന്മ വിശ്വാസം സംഭാവന ചെയ്യാത്ത ഇസ്ലാം മുസ്ലിംകളിൽ അതുവെച്ചുള്ള ഉച്ചനീചത്വം ഉണ്ടാക്കിയില്ല.
പകരം മനുഷ്യരെല്ലാവരും ഒരുപോലെ ഒന്ന്, ഒരൊറ്റ ദൈവത്തിന് മുൻപിൽ ഒന്നുപോലെ എന്നും മാത്രം ഇസ്ലാംവരുത്തി.
എന്നുവെച്ചാൽ ഇസ്ലാം വിശ്വസിച്ച് പിന്തുടരുന്നത് കൊണ്ട് മുസ്ലിംകളായവരുടെ ജീവിതത്തിലും ലോകത്തും ജന്മം കൊണ്ട് ചാപ്പയാവുന്ന ജാതിയും ജാതീയ ഉച്ചനീചത്വവും ഇല്ല, ഉണ്ടാവില്ല എന്നർത്ഥം.
********
ഇന്ത്യയിലെ സർക്കാറുകൾ ഇന്ത്യൻമുസ്ലിംകളിൽ ജാതികൾ ഉണ്ടെന്ന് നിശ്ചയിച്ചാൽ ഇസ്ലാമിൽ ജാതി ഉണ്ടാവുമോ, ഇസ്ലാമിൽ ജാതിസമ്പ്രദായം ഉണ്ടെന്ന് പറയാനാവുമോ?
ഇസ്ലാമിന് അടിസ്ഥാനം ഇസ്ലാം മാത്രമല്ലേ, ഖുർആനും ഒപ്പം മുഹമ്മദ് നബി കാണിച്ച മാതൃകയുംമാത്രമല്ലേ ഇസ്ലാമിന് അടിസ്ഥാനം?
ഇസ്ലാമിന് അടിസ്ഥാനം ഇന്ത്യൻ സർക്കാരും സർക്കാർ രേഖകളും അല്ലല്ലോ?
സർക്കാർ നിശ്ചയിച്ച മുസ്ലിംകളിലെ ജാതികൾ ഇസ്ലാം അനുവദിക്കുന്ന, നിദ്ദേശിക്കുന്ന ജാതികൾഅല്ല.
ഇസ്ലാമികമായി ഒരൊറ്റ മനുഷ്യനും ഒരൊറ്റ ഭൂമിയും ഒരൊറ്റ ദൈവവും ഒരൊറ്റ വ്യവസ്ഥിതിയുംമാത്രമേ ഉള്ളൂ.
.jpg)