ലോകത്ത് മുസ്ലികളല്ല, ഇസ്ലാമല്ല സമാധാനം ഇല്ലാതാക്കുന്നത്.

ലോകത്ത് മുസ്ലികളല്ല, ഇസ്ലാമല്ല സമാധാനം ഇല്ലാതാക്കുന്നത്.

മുസ്ലിംകളുടെയും ഇസ്ലാമിന്റെയും പേര് പറഞ്ഞും പേരിലിട്ടും മറ്റുള്ളവർ മുഴുക്കെയുമാണ്സമാധാനം ഇല്ലാതാക്കുന്നത്. 

ആ മറ്റുള്ളവർ ആരൊക്കെയെന്നാൽ, നിലവിലെ അധികാരശക്തി, രാഷ്ട്രഭീകരത, അധിനിവേശ സാമ്രാജ്യത്വ ഫാസിസ്റ്റ് ഭീകര ശക്തികൾ

അപ്പപ്പോൾ തോന്നുന്നതല്ലാത്ത, അധികാരമല്ലാത്ത ശരിതെറ്റുകൾ അധികാരശക്തികൾക്കും രാഷ്ട്രഭീകരതക്കും അധിനിവേശ സാമ്രാജ്യത്വ ഫാസിസ്റ്റ് ഭീകരശക്തികൾക്കും ബാധകമല്ല.

ഇസ്ലാമിനും മുസ്ലിംകൾക്കും ശരിതെറ്റുകൾ ഉണ്ട്, ബാധകമാണ്. 

എന്ന് മാത്രമല്ല, കൃത്യമായ മാനദണ്ഡങ്ങളും നിബന്ധനകളും മാതൃകകളും മാർഗ്ഗനിർദ്ദേശങ്ങളും ശരിതെറ്റുകളുടെ കാര്യത്തിൽ മുസ്ലികൾക്കും ഇസ്ലാമിനും ഉണ്ട്.

മുസ്ലിംകളെയും ഇസ്ലാമിനെയും എന്തിനെന്നില്ലാതെ പേടിക്കേണ്ടിവരുന്നത് പലരുടെയും വിശ്വാസപരമായ ഉള്ളുപൊള്ളത്തരം കാരണം മാത്രം, നിക്തിപ്തതാല്പര്യ സംരക്ഷണം ഉദ്ദേശിച്ചുള്ളത് മാത്രം.

അവർ മുസ്ലിംകളെ കൊല്ലാനും ഇസ്ലാമിനെയും മുസ്ലിംകളെയും കുറിച്ച് തെറ്റിദ്ധരിപ്പിക്കാനും ഉപയോഗിക്കുന്ന തന്ത്രം അങ്ങനെയുള്ളതാണ്. 

അവരുടെ കുതന്ത്രത്താൽ കൊല്ലപ്പെടുന്ന മുസ്ലിംകളെ തന്നെ ഭീകരരായി കാണിക്കുന്നത് അവരുടെ തന്ത്രം. 

ആ തന്ത്രം ഒരുകുറെ നാട്ടുകാരെയും കൂടെ കൊല്ലുന്നതാവും. 

അവരുടെ അധികാരക്കൊതിക്ക് ആരെത്ര കൊല്ലപ്പെടുന്നു എന്നതൊന്നും എവിടെയും ഒരിക്കലും വിഷയമാകാറില്ല. 

അവർ കൊന്നുവെന്ന് സമ്മതിക്കാറുമില്ല. 

ഇങ്ങനെ വകതിരിവില്ലാതെ കൊല്ലുന്നതിന് അധികാരം അവരുടേതായ കാരണങ്ങളും ന്യായങ്ങളും എല്ലാ കാലത്തും ശരിയെന്ന് തോന്നിപ്പുക്കും വിധം നിരത്തിയിട്ടുമുണ്ട്. 

ബ്രിട്ടീഷുകാരായാലും മുസോളിനിയും ഹിറ്റ്ലറും സദ്ദാം ഹുസൈനും ആയാലും ഒക്കെ.

അങ്ങനെ കുറെ നാട്ടുകാർ അവരാൽ തന്നെ കൊല്ലപ്പെടുമ്പോൾ വളരെ എളുപ്പം അവർ തന്നെ വിശേഷിപ്പിക്കും. കൊല്ലപ്പെട്ടവർ ഭീകരവാദികൾ, തീവ്രവാദികൾ. അവർ ചാവേറുകളായി പൊട്ടിത്തെറിച്ച് നാട്ടുകാരെ കൊന്നു.  

വളരെ ലളിതമായ, വിശ്വസിപ്പിക്കുന്ന വിശേഷണം, വിശദീകരണം. 

ഫലത്തിൽ മുസ്ലിംകൾ കൊടുംക്രൂരരായ ഭീകരായി ചിത്രീകരിക്കപ്പെടുന്നു. ഇസ്ലാം വെറും തീവ്രതയും ഭീകരതയുമായി ചിത്രീകരിക്കപ്പെടുന്നു. 

തെളിവുകൾ അവർ സൗകര്യം പോലെ മെനഞ്ഞുണ്ടാക്കുന്നത്.

ആടിനെ പട്ടിയാക്കി, പട്ടിയെ പേപ്പട്ടിയാക്കി ചെന്നായയാക്കി മാറ്റുന്നത്.

*******

ഇന്ത്യയിൽ തന്നെ നോക്കൂ. 

പ്രതിപക്ഷമല്ല, സ്വന്തമായ രാഷ്ട്രീയപാർട്ടി ദേശീയമായി ഉള്ളവരല്ല, അധികാരലക്ഷ്യം ഉള്ളവരല്ല ഇന്ത്യയിലെ മുസ്ലിംകൾ. 

ഇന്ത്യയിൽ അധികാരം നേടുന്നതിന്റെ നാലതൽപക്കത്ത് പോലും മുസ്ലിംകൾ ഇല്ല. 

എന്നിട്ടും ഭരിക്കുന്ന പാർട്ടിയുടെ ശത്രുപക്ഷത്ത് ഇസ്ലാമും മുസ്ലിംകളും മാത്രം. 

രാജ്യം ഭരിക്കേണ്ട പാർട്ടി വോട്ട് തേടുന്നതും നേടുന്നതും അധികാരം നിലനിർത്തുന്നതും മുസ്ലിംകളോടും ഇസ്ലാമിനോടും ഉള്ള ശത്രുത വെച്ച് മാത്രം, ആ ശത്രുതയെ കൂട്ടിയും വളർത്തിയും മാത്രം. ആ ശത്രുത ഉണ്ടാക്കാൻ വേണ്ട കളവുകൾ പെരുപ്പിച്ചുണ്ടാക്കി മാത്രം.

മുസ്ലിംകളോടും ഇസ്ലാമിനോടും ഉള്ള ശത്രുതയും വെറുപ്പും മാത്രമല്ലാത്ത ഒരു ആദർശവും പ്രത്യേശാസ്ത്രവും ഇന്ത്യ പോലെ ഒരു വലിയ രാജ്യം ഭരിക്കേണ്ട പാർട്ടിക്ക് വേണ്ട എന്ന മട്ടിലും വിധത്തിലും വരെ എത്തി നിൽക്കുന്നു കാര്യങ്ങൾ.

********

ഇത്തരുണത്തിൽ: ഒരു വിഭാഗത്തെ ഒരു കാര്യവുമില്ലാതെ പ്രതിചേർത്ത് രാഷ്ട്രീയലാഭംഉണ്ടാക്കുന്നവരുടെ കുതന്ത്ര-കുത്സിത-ദുഷ്ട-രാഷ്ട്രീയത്തിന് വളമിട്ടുകൊടുക്കാതിരിക്കുകഎന്നത് ഏതൊരു ജാഗ്രതയുടെയും പൗരബോധത്തിന്റെയും ജനാധിപത്യബോധത്തിന്റെയും മാനുഷികതയുടെയും ഭാഗമാവണം.

ലോകത്തെവിടെയും കൃത്യമായ രാഷ്ട്രീയ നേതൃത്വമോ മതനേതൃത്വമോ ഇല്ലാത്തവാർ മുസ്ലിംകൾ. 

പൗരോഹിത്യം അശേഷം പാടില്ലെന്ന ഇസ്ലാമിന്റെ നിഷ്കർഷ മുസ്ലിംകളുടെയും ഇസ്ലാമിന്റെയും ഒരു വലിയ ഗുണം എന്നത് പോലെ തന്നെ, അതേ കാര്യം കരിമ്പിന് കമ്പ് കേട് എന്ന പോലെ പൗരോഹിത്യം നൽകുന്ന നേതൃത്വമെങ്കിലും ഇല്ലാതാവുന്നു എന്ന കേടും മുസ്ലിംകളിൽ സംഭവിപ്പിക്കുന്നു.

മുസ്ലിംകൾക്കുള്ളത് ഏകദൈവവിശ്വാസം മാത്രം നൽകുന്ന ഐക്യം, കെട്ടുറപ്പ്, ഏകമാനത, ഏകമാനവബോധം.

രാഷ്ട്രീയ നേതൃത്വവും ലക്ഷ്യവുമില്ലാത്ത ഈയൊരു വിഭാഗത്തെ വെച്ച് സൗകര്യപൂർവ്വം, അവർക്ക് വേണ്ടി ആരും ചോദ്യം ചെയ്യാനില്ലെന്ന മട്ടിൽ, പന്താടുകയാണ് മറുപക്ഷത്തെ സർവ്വരും. ലോകാടിസ്ഥാനത്തിൽ.

മറുപക്ഷത്തിന്റെ രാഷ്ട്രീയവും അധികാരവും പടുത്തുയർത്താനുള്ള ഏകവഴിയായി ഇസ്ലാമിനെയും മുസ്ലിംകളെയും കണ്ട് തന്നെ, ഏക ആയുധമായി ഇസ്ലാമിനെയും മുസ്ലിംകളെയും ആക്കിക്കൊണ്ട് തന്നെ അവരത് ചെയ്യുന്നു.

ആ പ്രത്യേക മുസ്ലിം വിഭാഗത്തിന്റെ വിശ്വാസക്കരുത്ത് ഒന്ന് മാത്രം എല്ലാവരെയും പേടിപ്പിക്കുന്നു എന്ന ഒരൊറ്റ കാരണം മാത്രം ഏറിയാൽ ശത്രുപക്ഷത്തിന് ന്യായം.

അതിനിടയിൽ, ആ പ്രത്യേക വിഭാഗത്തെ ശത്രുപക്ഷത്ത് നിർത്തുന്ന പ്രവണതയിൽ നിഷ്പക്ഷനെന്ന് കരുതുന്ന നിങ്ങളും അറിയാതെ സ്വയം പെട്ടുപോകും. 

ആ നിലക്കാണ്, അത്രക്ക് വിശ്വസിപ്പിക്കുന്ന കൊലത്തിലാണ് ഇസ്ലാമിനും മുസ്ലിംകൾക്കും എതിരെ കാര്യങ്ങൾ നടത്തുന്നത്, ആസൂത്രണം ചെയ്യപ്പെടുന്നത്.

എല്ലാ മുസ്സോളിനിമാരും ഹിറ്റ്ലർമാരും അതാത് സമൂഹത്തെ എങ്ങനെ മറ്റൊരു വിഭാഗത്തിനെതിരേ ഇല്ലാക്കഥകൾ ഉണ്ടാക്കിപ്പറഞ്ഞു വിശ്വസിപ്പിച്ച് കയ്യിലെടുത്തിരുന്നുവോ അതുപോലെ തന്നെ എന്ന് ഓർത്താൽ നല്ലത്.

വഞ്ചിക്കപ്പെടുന്ന ഒരു സമൂഹവും അവർ വഞ്ചിക്കപ്പെടുകയാണെന്ന് അറിഞ്ഞുകൊണ്ടല്ലല്ലോ വഞ്ചിക്കപ്പട്ടത്?

******

ആരാണ് പറയുന്നത് അവിടവിടെ ആക്രമണങ്ങൾ നടത്തിയത് അറബ് നാമധാരികൾ ആണെന്ന്.

അറബ് മുസ്ലിം നാമധാരികൾ ആയിരിക്കണം അങ്ങനെ ചെയ്തത് എന്ന് നിർബന്ധബുദ്ധിയുള്ളവർ തന്നെ. 

അധികാര അധിനിവേശ സാമ്രാജ്യത്വ ഫാസിസ്റ്റ് ശക്തികൾ തന്നെ. 

രാഷ്ട്രഭീകരത നടത്തുന്നവർ തന്നെ.

ഒരുപക്ഷേ ആരൊക്കെയോ ആസൂത്രണം ചെയ്ത് സംഭവിപ്പിക്കുന്ന എല്ലാ ആക്രമണങ്ങൾക്ക്പിന്നിലും അറബ്നാമവും മുസ്ലിംനാമവും വെച്ച് രാഷ്ട്രീയനേട്ടം ഉണ്ടാക്കുന്നവർ തന്നെ.

അധികാരം കയ്യിലുള്ളത് കൊണ്ട് സൗകര്യം പോലെ ഏത് പേരും കൊടുക്കാൻ സാധിക്കുന്നവർതന്നെ.

********

സാമാന്യബുദ്ധി പോലും വേണ്ട ഇതൊന്നും മനസ്സിലാക്കാൻ.

അധികാരം കയ്യിലുള്ളവർ വിചാരിച്ചാൽ ഇതും ഇതിനപ്പുറവും ഒരുങ്ങും, ഒരുക്കും, സംഭവിക്കും.