പ്രതിരോധപരമായി ആക്രമിക്കേണ്ടി വരുന്നവരോ ഭീകരവാദികൾ?

സ്വന്തം നാടിൻ്റെ മോചനത്തിന് വേണ്ടി പ്രതിരോധപരമായി ആക്രമിക്കേണ്ടി വരുന്നവരെ ഭീകരവാദികൾ എന്ന് അധിനിവേശ ശക്തികളും അതിൻ്റെ ഗുണഭോക്താക്കളും പറയുന്നത് തന്നെ താങ്കൾ പറയുന്നത് കേൾക്കുമ്പോൾ എന്താണ് തിരിച്ചുപറയുക?

ഇന്ത്യൻ സ്വതന്ത്ര സമരസേനാനികളും ഇക്കോലത്തിൽ ബ്രിട്ടീഷുകാരുടെ മുന്നിൽ തീവ്രവാദികളും ഭീകരവാദികളും തന്നെയായിരുന്നു. 

അപ്പോഴും അധിനിവേശക്കാരായ ബ്രിട്ടീഷുകാരുടെ കൂടെയായിരുന്നു പലരും നിന്നത്. 

അതിൻ്റെ പ്രത്യുപകരാമാണ് ഇന്ത്യ മുഴുക്കെയും എല്ലാ നഗരങ്ങളിലും സംസ്ഥാനങ്ങളിലും കണ്ണായ വിലപിടിപ്പുള്ള സ്ഥലങ്ങളും, അതിലെ ആരാധനാലയങ്ങളും വിദ്യാഭ്യാസ സ്ഥാപനങ്ങളും ആതുരാലയങ്ങളും. 

അതേ സമയം ഇസ്രായേൽ എന്ന അധിനിവേശശക്തി നടത്തുന്ന കാടത്തരവും കൊടുംക്രൂരതകളും താങ്കളെയും ഇന്ത്യയിലെ വലിയൊരു വിഭാഗത്തെയും അല്പവും അസ്വസ്ഥപ്പെടുത്തുന്നുമില്ല. 

അത് രോഗം വേറെ തന്നെയല്ലേ? 

അതിലുമൊരു സുഖവും ലാഭവും ഈ സമൂഹം കണ്ടെത്തുന്നുണ്ട്. 

നിലവിലെ വെറുപ്പിൻ്റെയും വിദ്വേഷത്തിൻ്റെയും വിഭജനത്തിൻ്റെയും മറപിടിച്ച് അധികാരം നേടി നിലനിർത്തുന്ന ഭരണകൂടത്തിൻ്റെ ഓരം ചേർന്നുനിൽക്കുന്നതിനുള്ള മറ്റ് പാരിതോഷികങ്ങൾ വേറെയും പലരും കണ്ടെത്തുന്നു.