ഭരണ പാർട്ടികൾ സ്വന്തം അണികളെ ധരിപ്പിക്കുന്നത്.

(കഴിഞ്ഞ വർഷം ഇതേ ദിവസം എഫ്ബിയിൽ ഇട്ട പോസ്റ്റ്)

ഇതാണ് അതാത് ഭരണ പാർട്ടികൾ സ്വന്തം അണികളെ ധരിപ്പിക്കുന്നത്:

'പെട്രോൾ വില കമ്പനികളാണ് നിശ്ചയിക്കുന്നത്. കമ്പനികളാണ്  വിലകൂട്ടുന്നത്. കമ്പനികൾക്ക് വില നിശ്ചയിക്കാനുള്ള അധികാരം കൊടുത്തതാണ് പ്രശ്നം. അത് പണ്ട് കോൺഗ്രസ് ചെയ്തതാണ്.'

പക്ഷെ മേൽപറഞ്ഞ ഭരണ പാർട്ടികളുടെ ഭാഷ്യം തെറ്റാണ്. 

യഥാർഥത്തിൽ വില കൂട്ടുന്നത് സർക്കാരാണ്, കമ്പനികൾ അല്ല. വേലിയാണ് വിള തിന്നുന്നത്. സംസ്ഥാന - കേന്ദ്ര സർക്കാരുകൾ എന്ന വൻ വേലികൾ.

യഥാർത്ഥ വിലയുടെ ഇരട്ടിയിലധികം നികുതിയിടുന്നത് ഈ രണ്ട് സർക്കാരുകൾ ആണ്. അങ്ങനെയാണ് ഇത്ര ഭീകരമായി പെട്രോൾ വില കൂടുന്നത്.

കമ്പനികൾ വില നിശ്ചയിക്കുന്നുണ്ട്. ശരിയാണ്. 

പക്ഷേ, കമ്പനികൾ നിശ്ചയിക്കുന്ന ആ വില  അന്താരാഷ്ട്ര വിപണിക്ക് തുല്യമായി മാത്രം. ഒപ്പം അവരുടെ ചെറിയ ചിലവും ചെറിയ ലാഭവും ചേർത്ത്.

ഇവിടെ നമ്മുടെ നാട്ടിൽ ഈ പറഞ്ഞ കമ്പനികൾ നൽകുന്ന (ഈടാക്കുന്ന) പെട്രോളിൻ്റെ വില വെറും 45 രൂപ. 

ബാക്കി മുഴുവൻ സർക്കാർ എന്ന വേലികൾ ഉദ്യോഗസ്ഥരെ പോറ്റാൻ വേണ്ടി വിളതിന്നുന്നത്. 

നമ്മുടെ പെട്രോൾ വിലയിൽ 70 ശതമാനവും വെറും സർക്കാർ നികുതി. എന്ന് വെച്ചാൽ വിലയുടെ ഇരട്ടിയോളം നികുതി മാത്രം.

പെട്രോൾവില കൂടുന്നതും കുറക്കാത്തതും.

പെട്രോൾവില കൂടുന്നതും കുറക്കാത്തതും. 

(ഇത് 2021 എൽ ഇതേ ദിവസം fbയിൽ പോസ്റ്റ് ചെയ്തത്).

ഉദ്യോഗസ്ഥരെ തീറ്റി പോറ്റാൻ വേണ്ടി മാത്രം നികുതി പിരിച്ച് , പോരാത്തതിന് കടവുംവാങ്ങി നടന്ന്പോകുന്ന ഒരു സംസ്ഥാനം. കേരളം.

എന്നിട്ട് ഭരിക്കുന്ന പാർട്ടിയും നേതാക്കളും സമരം, പ്രതിഷേധം, ബന്ദ്, ഹർത്താൽ എന്നീ നാടകങ്ങൾ കളിച്ച് ജനങ്ങളെ കബളിപ്പിക്കുക, ബുദ്ധിമുട്ടിക്കുക.

ഉദ്യോഗസ്ഥർക്ക് വേണ്ടി ഭരിക്കുന്ന ഭരണകൂടവും രാഷ്ട്രീയ നേതൃത്വവും. 

രാഷ്ട്രീയ നേതൃത്വത്തിന് വേണ്ടി ശിങ്കിടി പാടാൻ ഒരുദ്യോഗസ്ഥ വൃന്ദം.

*****

രാജ്യവും സംസ്ഥാനവും ഭരണകൂടവും ഉദ്യോഗസ്ഥരും തങ്ങൾക്ക് കിട്ടികൊണ്ടിരിക്കുന്നത് വേണ്ടെന്ന് വെക്കില്ല.

അവരത് കൂട്ടിക്കൂട്ടി എടുക്കുകയേ ചെയ്യൂ. അതുകൊണ്ട് ആ രണ്ട് കൂട്ടർക്കും വേണ്ട ശമ്പളവും ആനുകൂല്യങ്ങളും ഏത്വസ്ഥയിലും ദുരന്ത കാലത്തും കഷ്ടത്തിലും താഴാതെ ഉയർന്ന് മാത്രം പോകുന്നത്.

എന്ന മേൽപറഞ്ഞ കാര്യം പെട്രോൾ വിലയിലെ വർദ്ധനവും അത് കുറക്കാൻ തയ്യാറില്ലാത്തതും നമുക്ക് മനസിലാക്കിത്തരുന്നു. 

വിദേശി വെറുപ്പോടെ നമ്മൾ പറയുന്ന ബ്രിട്ടീഷ് ഭരണകൂടം ചുമത്തിയ നികുതിയോക്കെ ഇതിനേക്കാൾ എത്രയോ നിസാരമായിരുന്നു എന്നും നാം ഇപ്പൊൾ അറിയുന്നു....

******

കേന്ദ്രം വർധിപ്പിക്കുന്ന പെട്രോൾ നികുതിയിലും വിലയിലും സംസ്ഥാനങ്ങൾക്ക് ഒരു കാര്യവും നേട്ടവും ഇല്ലെങ്കിൽ പെട്രോളിനെ GSTയിൽ ഉൾപെടുത്തുന്നതിനെ എന്തിന് കേരളം ഉൾപെടുന്ന സംസ്ഥാനങ്ങൾ എതിർക്കുന്നു?

എന്നിട്ടോ? സമരം, പ്രതിഷേധം ബന്ദ്, ഹർത്താൽ എന്നീ നാടകങ്ങൾ കളിച്ച് ജനങ്ങളെ കബളിപ്പിക്കുന്നതും ബുദ്ധിമുട്ടിക്കുന്നതും എന്തിന്?

*****

അല്ലാതെ എന്താണ് നമ്മൾ പറയുന്നത്, കേൾക്കുന്നത്? 

ഒന്നും ആർക്കും മനസ്സിലാകാത്തത് പോലെ.

ഇന്ത്യയുടെയും കേരളത്തിൻ്റെയും മൊത്തം സാമ്പത്തിക പ്രശ്നങ്ങൾ തീർക്കാൻ, ഇവിടെയുള്ള ഉദ്യോഗസ്ഥന്മാരെ പോറ്റുന്ന ചെലവിനുള്ള പൈസ കണ്ടെത്താൻ, വിദേശത്ത് നിന്നും വരുന്ന പെട്രോൾ തന്നെ വേണമെന്നാണോ, അതിൻ മേൽ ചിമത്തുന്ന വിലയുടെ ഇരട്ടിയിൽ അധികമുള്ള നികുതി തന്നെ വേണമെന്നോ നമ്മൾ പറയുന്നത്? പോരാത്തതിന് വിദേശത്ത് നിന്നും കടം വാങ്ങണം എന്നാണോ?

ജനങ്ങളുടെ ചുമലിൽ ഭാരം കയറ്റും വിധം പെട്രോളിന് ചുമത്തുന്ന ഭീമമായ നികുതി വേണമെന്നാണോ ഈ പറയുന്നതിൻ്റെയൊക്കെ ആകെമൊത്ത അർത്ഥം?

പെട്രോളിന് വില കുറഞ്ഞ കാലത്തും, നികുതി ഇത്രയൊന്നും കയറ്റാത്ത കാലത്തും കേരളം പോലുള്ള സംസ്ഥാനവും  ഇന്ത്യയും എങ്ങിനെയാണ് വരുമാനം കണ്ടെത്തിയത്, അതിജീവിച്ചത്?

വിദേശത്ത് നിന്ന് വരുന്ന പെട്രോൾ തന്നെ വേണോ സ്വദേശത്തിൻ്റെ രക്ഷക്ക്, ദേശസ്നേഹം വളർത്താൻ? 

അതും പെട്രോൾ വിലയുടെ ഇരട്ടിയും അതിലധികവും നികുതി ഇട്ട് തന്നെ വേണോ, പാവം ജനങ്ങളെ പിഴിഞ്ഞ് തന്നെ വേണോ കേരളത്തിനും ഇന്ത്യക്കും രക്ഷപ്പെടാൻ?

ചുരുക്കിപ്പറഞ്ഞാൽ, പെട്രോൾ വിലവർധന കേന്ദ്രത്തിൻ്റെ മാത്രം ആവശ്യമല്ല. രാഷ്ട്രീയ ഉദ്യോഗസ്ഥ നേതൃത്വത്തിൻ്റെ മൊത്തം ആവശ്യമാണ്. നാടിൻ്റെ ചിലവിൽ അവരുടെ ആർഭാടം നടക്കാൻ വേണ്ടിയാണ്.

പെട്രോൾ വിലവർധന കേന്ദ്രത്തിൻ്റെ ആവശ്യം എന്നതിലുപരി കേരളം പോലുള്ള സംസ്ഥാനങ്ങളുടേത് കൂടിയാണ് എന്നത് ഇപ്പോഴുള്ള സംഭവവികാസങ്ങൾ മനസ്സിലാക്കിത്തരുന്നു. ഒപ്പം ഭരണകൂട രാഷ്ട്രീയ നേതൃത്വത്തിൻ്റെയും ഉദ്യോഗസ്ഥപ്രഭുക്കളുടെയും ആവശ്യമാണെന്ന്. 

അതുകൊണ്ടാണല്ലോ ജനങ്ങൾക്ക് ആരോഗ്യവും ചികിത്സയും ഉറപ്പ് വരുത്തേണ്ട സർകാർ, അത് ഉറപ്പ് വരുത്താതെ, പകരം ചികിത്സയിലും ചികിൽസ ഉറപ്പ് വരുത്തുന്ന ആരോഗ്യ ഇൻഷുറൻസിലും വരെ വൻനികുതി ചുമത്തി ജനങ്ങളുടെ മേൽ വേട്ട നടത്തുന്നത്.

നികുതിയുടെ ഏറിയ പങ്കും സംസ്ഥാനങ്ങൾക്ക് ഉള്ളതാണ്, രാഷ്ട്രീയ നേതൃത്വത്തെയും ഉദ്യോഗസ്ഥ പ്രഭുക്കളെയും പോറ്റാൻ മാത്രമുള്ളതാണ്  എന്ന്.

കേരളത്തിൻ്റെയും ഇന്ത്യയുടെയും മൊത്തം പ്രശ്നം പരിഹരിക്കാൻ ജനങ്ങളുടെ രോഗവും ചികിത്സയും വരെ വേണം. പിന്നെ വിദേശത്ത് നിന്നുവരുന്ന ഒരു പെട്രോളും അതിൻ്റ വിലയുടെ ഇരട്ടിയിൽ അധികം വരുന്ന നികുതിയും മാത്രമേയുള്ളൂ പരിഹാരമായി.  

ഈ നാട്ടിലെ ഈ സംഗതി തീർത്തും പരിഹാസ്യമായി തോന്നുന്നു. 

രാജ്യവും സംസ്ഥാനവും ഭരണകൂടവും ഉദ്യോഗസ്ഥരും തങ്ങൾക്ക് കിട്ടികൊണ്ടിരിക്കുന്നത് വേണ്ടെന്ന് വെക്കില്ല തന്നെ. അവരത് കൂട്ടിക്കൂട്ടി എടുക്കുകയേ ചെയ്യൂ.

നികുതി കൂട്ടിയപ്പോൾ ബ്രിട്ടിഷ്കാർക്കെതിരെ സമരം ചെയ്ത ഇന്ത്യക്കാർ ഇപ്പൊഴും അതേ കാരണത്താൽ സമരം ചെയ്യേണ്ടിയിരിക്കുന്നു. സ്വദേശികളായ കൊള്ളക്കാർക്കെതിരെ. വിദേശികളായ ബ്രിട്ടീഷുകാർ അക്കാലത്തെ കണക്കനുസരിച്ച് ഇത്രയൊന്നും നികുതി ഈടാക്കിയില്ലെന്ന് കൂടി ഓർത്തുകൊണ്ട് തന്നെ.

അല്ലെങ്കിൽ പിന്നെ, സ്വദേശത്തെ പോലെ വിദേശത്തേയും നമുക്ക് സ്നേഹിക്കാം. 

കാരണം, വിദേശത്ത് നിന്ന് കൊണ്ടുവന്ന പെട്രോളിൻമേൽ വൻനികുതി ചുമത്തി വേണം നമ്മടെ ഈയൊരു വലിയ രാജ്യവും കുറേ സംസ്ഥാനങ്ങളും അതിജീവിക്കാൻ.

അല്ലാതെ രാജ്യത്തിൻ്റെ ചിലവിൽ സൗജന്യമായി മാത്രം ജീവിക്കുന്ന വെള്ളാനകളായ രാഷ്ടീയ നേതൃത്വത്തിനും ഉദ്യോഗസ്ഥപ്രഭുക്കൾക്കും ജനങ്ങളുടെ പ്രയാസം മനസിലാവില്ല.  അവർ വെറും അധരവ്യായാമം മാത്രം നടത്തും.

*****

എല്ലാ ഭരണ പ്രതിപക്ഷ സംസ്ഥാനങ്ങളുടെ കാര്യവും തന്നെയാണ് പറയുന്നത്. 

ഒരു കൂട്ടരുടെ  തെറ്റിനെ മറ്റൊരു കൂട്ടരുടെ തെറ്റിനെ കൊണ്ട് ന്യായീകരിക്കാൻ തിടുക്കം കാണിക്കാതിരിക്കുക. ആരായാലും.

മഴപ്പാറ്റ പോലെ വന്ന് വീണ് കരിഞ്ഞ് തീരും.

സ്വാതന്ത്ര്യം അഗ്നിജ്വാല പോലെ. 

കാഴ്ചയിലും സങ്കല്പത്തിലും സുന്ദരം.  

ഒന്നുമറിയാത്തവരേവരും ഭോഗതൃഷ്ണയാൽ അതിലേക്ക് ആകൃഷ്ടരാവും. 

മഴപ്പാറ്റ പോലെ. 

എന്നിട്ടോ? 

വന്ന് വീണ് കരിഞ്ഞ് തീരും. 

ഭോഗവും വേണ്ടാതവുന്നതെ, ഭോഗവും ഇല്ലാതാവുന്നതേ യഥാർത്ഥ സ്വാതന്ത്ര്യമാവൂ എന്ന് മനസിലാക്കണം.

*****

മരിച്ചാൽ മാത്രമല്ല, 

ജീവിക്കുമ്പോഴും 

വിഷ്ണുപാദത്തിൽ തന്നെ, 

ദൈവത്തോടൊപ്പം തന്നെ. 

മരിക്കുമ്പോൾ നീയും ഞാനും ഇല്ലാതാവും എന്നല്ലാതെ, 

പ്രത്യേകിച്ച് എങ്ങോട്ടോ മടങ്ങുന്നില്ല. 

വിഷ്ണുപാദം പൂകി, 

ദൈവത്തിലേക്ക് മടങ്ങി 

എന്നൊക്കെ പറഞ്ഞാൽ 

ആകെമൊത്തം പ്രാപഞ്ചികതയുടെ ഭാഗമായി,

നിലനില്പിൻ്റെ ഭാഗമായി എന്നർത്ഥം. 

വിഷ്ണു എന്നാലും 

ദൈവമെന്നാലും 

നിലനിൽപ് എന്ന് മാത്രമർത്ഥം.

*****

അപ്പോൾ കർമ്മഫലം? 

എല്ലാം കർമ്മഫലം തന്നെ. 

ഉള്ളതും, 

ഉണ്ടാവുന്നതും, 

ഉണ്ടായതും,  

പിന്നെ ഉണ്ടാക്കിയ എല്ലാ മാറ്റങ്ങളും 

കർമ്മഫലം തന്നെ. 

ഞാനും നീയും ഉള്ള, 

എന്നിലേക്കും നിന്നിലേക്കും നീളുന്ന, 

നമ്മളിലേക്ക് തന്നെ തിരിച്ചുവരുന്ന കർമ്മഫലമില്ല. 

കാരണം നമ്മളില്ല.  

ഞാനും നീയും ഇല്ലാത്ത 

ജീവിതമായിത്തീരുന്ന, 

തുടർച്ചയായ ജീവിതത്തിൽ നിഴലിടുന്ന 

കർമ്മഫലം മാത്രം.

****

ജീവിക്കുമ്പോൾ ജീവിച്ചുകൊണ്ട് തന്നെയുള്ള മോക്ഷം മാത്രം. 

മരണാനന്തരം സംഭവിക്കേണ്ട, നേടേണ്ട മോക്ഷമില്ല. 

ഒന്നും ഒന്നുമല്ലെന്നറിയുന്ന, നീയും ഞാനും ഇല്ലെന്നറിയുന്ന മോക്ഷം മാത്രമേ ഉള്ളൂ. 

മരിച്ചാൽ നീ തന്നെയില്ല. 

പിന്നെയാണോ മോക്ഷം? 

മരിച്ചാൽ ഏറിയാലുള്ളത് നീയില്ലാതാവുന്ന മോക്ഷം. 

പണ്ടൊരാൾ (മഹാൻ എന്നും പറയാം) ആവശ്യപ്പെട്ടിരുന്നു.

ആർക്കും ഒന്നും ചെയ്യാനില്ലാത്ത ജീവിതം. 

ജീവിക്കാൻ വേണ്ടി എല്ലാവരെക്കൊണ്ടും എന്തെങ്കിലും ചെയ്യിപ്പിക്കുന്ന ജീവിതം. 

എന്തൊക്കെയോ ചെയ്യുന്നു, ചെയ്തുപോകുന്നുവെന്ന് തോന്നുമെങ്കിലും ആർക്കും ഒന്നും ചെയ്യാൻ സാധിക്കാതെ തന്നെ യഥാർത്ഥത്തിൽ ഈ ജീവിതം. 

ആരും ബാക്കിയാവുന്നില്ല. 

ജീവിതം മാത്രം ബാക്കിയാവുന്നു.

ജീവിതം ജീവിതത്തിന് വേണ്ടി ചെയ്യിപ്പിച്ചുണ്ടായ കാര്യങ്ങൾ. നാം പുരോഗതിയെന്ന് ഓമനിച്ച് വിളിക്കുന്നത്.

*****

പണ്ടൊരാൾ (മഹാൻ എന്നും പറയാം) ആവശ്യപ്പെട്ടിരുന്നു. 

താൻ മരിക്കുമ്പോൾ തൻ്റെ ശവക്കല്ലറമേൽ, താഴെ കുറിക്കും പോലെ എഴുതിവെക്കാൻ: 

"ഇത് എൻ്റെ മാതാപിതാക്കൾ ചെയ്ത തെറ്റ്. ഈ തെറ്റ് ഞാൻ ആരോടും ചെയ്തിട്ടില്ല, ആവർത്തിച്ചിട്ടില്ല."

*****

ജീവിതം എന്തെന്നറിയാത്തവർ. 

സ്വയം ജീവിക്കാനറിയാത്തവർ. 

സ്വയം ജീവിക്കാനുള്ള വഴിയും ലക്ഷ്യവും കണ്ടെത്താത്തവർ. 

അവർ തന്നെ വീണ്ടും വീണ്ടും ജനിപ്പിക്കുന്നു.

*****

ഏതൊരു ശ്രമവും ഇരുതല മൂർച്ചയുള്ള കത്തി. 

തന്നിലും ചുറ്റുപാടിലും ഒരുപോലെ അത് മുറിവുണ്ടാക്കുന്നു. 

ശ്രമം കൊണ്ടുണ്ടാവുന്ന പുരോഗതി മറുഭാഗത്ത്, അല്ലേൽ ഇരുഭാഗത്തും മുറിവുണ്ടാക്കി മാത്രം സംഭവിക്കുന്നു.

******

ഒരർത്ഥവും ഇല്ല ഒന്നിനും എന്ന് തോന്നുന്നത് മാത്രമാണ് യഥാർഥത്തിൽ കൊട്ടിഘോഷിക്കപ്പെടുന്ന തിരിച്ചറിവും ബോധോദയവും മോക്ഷവും യോഗയും.

പിന്നെ, നിസ്സഹായത കൊണ്ടോ നിർബന്ധിതമായോ അതുമായി പൊരുത്തപ്പെട്ട് പോകുന്നതും.

****

നീയുമില്ല, നിൻ്റെതുമില്ല. 

ഞാനുമില്ല, എൻ്റേതുമില്ല. 

മരിച്ചാൽ എൻ്റെയും നിൻ്റെയും പേര് ശവം. 

പിന്നെ മരണശേഷം കേൾക്കുന്ന നിൻ്റെയും എൻ്റെയും പേരോ? 

അതൊക്കെ വെറും വെറുതെ. 

പേര് മാത്രം. 

കേൾക്കുന്നവന് ആരെയും എന്തിനെയും സങ്കല്പിക്കാവുന്ന പേര്. 

ആർക്കും സ്വന്തമല്ലാത്ത പേര്. 

വസ്ത്രം പോലെ മാറ്റാവുന്ന പേര്. 

ആർക്കും എന്തിനും എടുക്കാവുന്ന പേര്. 

നീയും ഞാനും ഇല്ലാത്ത പേര്. 

*****

മരിച്ചാൽ കത്തിച്ചുകളയാനുള്ള ധൈര്യം. 

അതിലുണ്ട് ഞാനും നീയുമില്ല, 

ഒന്നുമില്ല, ഒന്നുമല്ല എന്ന ഉറപ്പ്. 

ശവം എന്തുമാക്കി മാറ്റാനാവുന്ന, 

എന്തിനും ഉപയോഗിക്കാനാവുന്ന വസ്തു മാത്രമെന്ന ആ ഉറപ്പ് വല്ലാത്തൊരുറപ്പാണ്. 

തെളിച്ചവും വെളിച്ചവും ഒത്തുവരുന്ന ഉറപ്പ്.

ജനാധിപത്യം ഉപജീവന, സമ്പാദ്യ, അധികാര മാർഗം മാത്രം.സത്യസന്ധത ബാധകമേയല്ല.

സത്യസന്ധത എന്നത് ഇന്ത്യൻ രാഷ്ട്രീയ പാർട്ടികൾക്കും നേതാക്കൾക്കും ബാധകമേയല്ല. ജനാധിപത്യം അവരുടെ ഉപജീവന, സമ്പാദ്യ, അധികാര മാർഗം മാത്രം.

******

ഇന്ത്യയിലെ ഒരൊറ്റ രാഷ്ട്രീയ പാർട്ടിയും കാൽകാശിന് വിശ്വസിക്കാൻ കൊള്ളാത്തത്, കാൽകാശിൻ്റെ നിലവാരമില്ലാത്തത്, ഒരു പ്രതീക്ഷയും തരാത്തത്. ജനാധിപത്യം വെറും നഷ്ടമാക്കിയവർ.

പെട്രോൾ വിലവർദ്ധനയും അതിനെതിരെയുള്ള  സമൂഹത്തിൻ്റെയും രാഷ്ട്രീയ നേതൃത്വത്തിൻ്റെയും നിസ്സംഗതയും വെച്ച് മാത്രം പറയാം 'ഒന്നിനും കൊള്ളാത്ത രാഷ്ടീയ നേതൃത്വവും അതിലും കൊള്ളാത്ത നാട്ടുകാരും' എന്ന്.

ചോദ്യം: രാഷ്ട്രീയ പാർട്ടികൾ ഈശ്വരൻ ആകാശത്തു നിന്നും ഇറക്കിത്തരുന്നതല്ല. അത് ഉണ്ടാക്കുന്നതും/ ഉണ്ടാക്കേണ്ടതും നന്നായി നടത്തിക്കൊണ്ട് പോകേണ്ടതും നമ്മുടെ ഉത്തരവാദിത്വമാണ്.

പുറമേ നിന്ന് രക്ഷകരെ പ്രതീക്ഷിക്കരുത്.

ഉത്തരം : നല്ല സത്യസന്ധതയുള്ള ഒരൊറ്റ ഒരുത്തനെ അങ്ങോട്ട് പാർട്ടിയിൽ കയറ്റുമോ, അഥവാ ഉള്ളിൽ അങ്ങനെ ആരെങ്കിലും കയറിപ്പോയാൽ തന്നെ ഉള്ളിൽ നിർത്തുമോ, നിൽക്കാൻ പറ്റുമോ? 

ഇല്ല. അങ്ങനെ ആരെങ്കിലും ഇന്ത്യൻ രാഷ്ടീയ പാർട്ടികളിൽ കയറിപ്പോയാൽ ശ്വാസംമുട്ടി മരിക്കും

ചോദ്യം: സത്യസന്ധത ഉള്ള ആളുകൾ തന്നെ കൂട്ടംചേർന്ന് ഒരു രാഷ്ട്രീയപാർട്ടി ഉണ്ടാക്കിക്കൂടേ ? പുതിയ രാഷ്ട്രീയപാർട്ടി (പഞ്ചായത്ത്/സംസ്ഥാന/ദേശീയ തലത്തിൽ) ഉണ്ടാക്കാൻ എന്ത് തടസ്സമുണ്ട് ? 

ഉത്തരം : ഇന്ത്യപോലുള്ള ഇത്ര വലിയ രാജ്യത്ത് അഴിമതി നടത്തി ബില്യൺസ് കയ്യിൽ ഉള്ളവർക്കെതിരെ ആർക്കും ഒന്നും ചെയ്യാൻ കഴിയില്ലെന്നും അവർ ഉറപ്പ് വരുത്തുന്നു. 

ഇന്ത്യപോലുള്ള ഇത്ര വലിയ രാജ്യത്ത് ജനാധിപത്യം തന്നെ നടക്കില്ലെന്നും അവർ അവരുടെ ഉള്ളിൽ വ്യക്തമായി അറിയുന്നു.

പോരാത്തതിന് രാജ്യസ്നേഹം എന്ന കെട്ടുകഥ ഉണ്ടാക്കി, രാജ്യദ്രോഹം എന്ന ഉമ്മാക്കി അവർ ഉദ്ദേശിക്കുന്നത് പോലെ ആർക്കെതിരെ എപ്പോൾ വേണമെങ്കിലും ഉപയോഗിച്ച് കൊണ്ടും. 

അതും പോരാഞ്ഞ് അവർ ഉദ്ദേശിക്കുന്നത് പോലെ, അവരുടെ താൽപ്പര്യങ്ങൾ സംരക്ഷിക്കാൻ മാത്രം പ്രവർത്തിക്കുന്ന അന്വേഷണ ഏജൻസികളും പോലീസും പട്ടാളവും....

ഇതിനെല്ലാം പുറമേ മതവർഗീയതയും അന്ധവിശ്വാസവും മാത്രം ചിലവാകുന്ന, ജനാധിപത്യത്തിന് വേണ്ട സാക്ഷരതയും വിവരവും അശേഷം കിട്ടാത്ത മഹാഭൂരിപക്ഷം ജനതയും അവരുടെ മാത്രം ധൈര്യം.

ചോദ്യം: സമൂഹത്തിൻ്റെ ഭൂരിപക്ഷം രാഷ്ട്രീയത്തിലും  പ്രതിഫലിക്കും. പ്രത്യേകിച്ച് ജനാധിപത്യമെന്ന സാധനം നടക്കുന്നു എന്ന് വിചാരിക്കുന്ന സ്ഥലത്ത് ഇവിടെ അഴിമതിയും സ്വജനപക്ഷപാതവും സ്വന്തം തന്ത നടത്താത്തതിലൂള്ള ബുദ്ധിമുട്ടേ എല്ലാവർക്കുമുള്ളൂ.

ഉത്തരം :

ഹഹഹഹഹഹ...  

അതേ....

താങ്കൾ അത് വളരേ സുന്ദരമായി പറഞ്ഞു...

തനിക്ക് കിട്ടാത്ത അസൂയയാണ് മഹാഭൂരിപക്ഷത്തിനും ആദർശം. അല്ലെങ്കിൽ അവരുടെ പേടി, വിവരക്കേട് അവരുടെ ആദർശം...

ചോദ്യം : 

ഇവിടെ തമ്മിൽ  ഭേദപ്പെട്ട  തൊമ്മന്മാർ  ഉണ്ട്.

ഉത്തരം : പേരിന് ... 

വെറും പേരിന് മാത്രമായി അവരും മാറി, മാറുന്നു... 

ഞെക്കിക്കൊല്ലുന്നുവോ നക്കിക്കൊല്ലുന്നുവോ എന്നത് മാത്രം വ്യത്യാസം.

അല്ലാതെ, അഴിമതിയും കളവും കാപട്യവും ഇല്ലാതെ ഒരിഞ്ച് പോലും പിടിച്ചു നിൽക്കാൻ കഴിയില്ലെന്ന ഇന്ത്യൻരാഷ്ട്രീയ യാഥാർത്ഥ്യം വെച്ച് അവരും ദുഷിച്ചും ദുഷിപ്പിച്ചും മാത്രം പോകുന്നു.

ചോദ്യം: അങ്ങനെ ആണോ? സത്യത്തിൽ ഈ വിശേഷണങ്ങൾ അർഹിക്കുന്നത് ഇന്ത്യൻ ജനത അല്ലെ?

ഉത്തരം :  അതേ.. 

അവരിൽ ഭേദപ്പെട്ടവർ എന്ന നിലക്ക് പാർട്ടികളെയും നേതൃത്വത്തെയും തെറ്റിദ്ധരിച്ച് കാണുന്നത് കൊണ്ട് മാത്രം ഇങ്ങനെ പറഞ്ഞു.

സത്യസന്ധത എന്നത് ഇന്ത്യൻ രാഷ്ട്രീയപാർട്ടികൾക്കും നേതാക്കൾക്കും ബാധകമേയല്ല. ജനാധിപത്യം അവരുടെ ഉപജീവന, സമ്പാദ്യ, അധികാര മാർഗം മാത്രം.

ചോദ്യം: ഇത് ജനാധിപത്യത്തിന്റെ വൈകല്യം ആണോ, അതല്ല അടിമ മനസ്സുള്ള ഒരു ജനതയുടെ പ്രശ്നമാണോ?

ഉത്തരം: രണ്ടും... 

ഒപ്പം ഇന്ത്യയുടെ വലുപ്പവും....

******

ഇവിടെ എല്ലാ സർക്കാരുകളും നല്ല സർക്കാരുകൾ തന്നെ.

ആർക്ക് എന്ന് ചോദിക്കരുത്. സ്വദേശി ഭരണമാണ്. ചോദിക്കുന്ന നിങൾ രാജ്യദ്രോഹി ആവും.

ഭരണത്തിൻ്റെ നന്മ സ്വദേശി പാർട്ടികൾക്കും നേതാക്കൾക്കും തന്നെ. 

ഭരണത്തിൻ്റെ നന്മ ജനങ്ങൾക്ക് കിട്ടണം എന്ന് നിങൾ കരുതുന്നുണ്ടെങ്കിൽ നിങൾ മനസിലാക്കണം നിങൾ ഒരു രാജ്യസ്നേഹി അല്ലെന്ന്. പകരം നിങൾ വെറുമൊരു രാജ്യദ്രോഹി മാത്രമാണെന്ന്.

നിങ്ങൾക്കറിയുമോ എന്തൊരു സഹായമാണ് ജനങ്ങൾക്ക് വേണ്ടി ഈ സർക്കാരുകൾ ചെയ്ത് കൊണ്ടിരിക്കുന്നത്? ജനജീവിതം ദുസ്സഹമാക്കുക എന്നത് അത്ര ചെറിയകാര്യമൊന്നും അല്ല. 

അതുകൊണ്ട്, നമ്മൾ പറഞ്ഞു കൊണ്ടേയിരിക്കണം രാജാവ് നഗ്നനനല്ല എന്ന്.

രജ്ജ്യസ്നേഹവും രാജ്യസുരക്ഷയും രാജ്യദ്രോഹവും ഒരുമിച്ച് വെച്ച് പുഴുങ്ങിത്തിന്നണമെന്ന്.

******

ഇവിടെ സംഗതി അങ്ങനെയാണ്..

ശുദ്ധ കള്ളനും കപടനും എത്ര വേണേലും സ്ഥാനവും അധികാരവും പ്രശസ്തിയും കിട്ടിക്കൊണ്ടെയിരിക്കും... 

അവർ മുഖ്യമന്ത്രിയും പ്രധാനമന്ത്രിയും പ്രസിഡൻ്റും ഒക്കെ വരെ ആവും.

*****

സത്യസന്ധത എന്നത് ഇന്ത്യൻ രാഷ്ട്രീയപാർട്ടികൾക്കും നേതാക്കൾക്കും ബാധകമേയല്ല. ജനാധിപത്യം അവരുടെ ഉപജീവന, സമ്പാദ്യ, അധികാര മാർഗം മാത്രം

അടിമകളാവാനുള്ള സ്വാതന്ത്ര്യമാണ് സ്വാതന്ത്ര്യം.

ചിലർ ചില കാര്യങ്ങൾ നടന്നുകിട്ടാൻ സ്വാതന്ത്ര്യം പറയും, ഉൽഘോഷിക്കും, ആവശ്യപ്പെടും. 

എന്നുവെച്ച് അവർ സ്വതന്ത്രരോ സ്വാതന്ത്ര്യം ആവശ്യപ്പെടുന്നവരോ അല്ല. 

അവരും അവരുടെ ആവശ്യങ്ങളുടെ അടിമകളാണ്. 

അടിമകളാവാനുള്ള സ്വാതന്ത്ര്യമാണ് അവരുടെ സ്വാതന്ത്ര്യം. 

സ്വാതന്ത്ര്യം ഉണ്ടാക്കുന്ന നിരാശ്രയത്വവും അരക്ഷിതത്വവും അപരിചിതത്വവും താങ്ങാൻ അവർക്ക് സാധിക്കില്ല.

*****

ഒരാർത്ഥവും ഇല്ല ഒന്നിനും എന്ന് തോന്നുന്നത് മാത്രമാണ് യഥാർഥത്തിൽ കൊട്ടിഘോഷിക്കപ്പെടുന്ന തിരിച്ചറിവും ബോധോദയവും. 

പിന്നെ നിസ്സഹായത കൊണ്ടോ നിർബന്ധിതമായോ അതുമായി പൊരുത്തപ്പെട്ട് പോകുന്നതും...

*****

പ്രയാസത്തിൽ അവസരങ്ങൾ കാണുന്നവരുണ്ട്. 

അവർ ഓരോ പ്രയാസവും തന്നെ വളർത്തുന്ന, തനിക്ക് പരിശീലനം തരുന്ന അവസരങ്ങൾ എന്ന് മനസ്സിലാക്കുന്നു.

അതേ സമയം അവസരങ്ങളിൽ പ്രയാസം കണ്ടെത്തുന്നവരും ഉണ്ട്. 

ഏറെക്കുറെ ജീവിതത്തിൽ നിന്ന് തന്നെ ഒളിച്ചോടുന്നവർ. 

*****

സ്വസ്ഥതയുണ്ട്. 

ഇരിക്കുന്നിടത്ത് എത്രയും ഇരിക്കാനുള്ള, ആയിരിക്കുന്ന അവസ്ഥിൽ ആയിരിക്കാനുള്ള സ്വസ്ഥത. 

അന്നവും പാർപ്പിടവും ആരോഗ്യവുമുള്ളിടത്തോളം. 

പിന്നെന്തിന് സ്വസ്ഥതയുണ്ടെന്ന് അവകാശപ്പെടുന്നു എന്നായിരിക്കും ചോദ്യം. 

പറഞ്ഞുകേൾക്കുന്നത് പോലൊരു ഗുരു ഇല്ലാതെ, ശിഷ്യനാവാതെ, യോഗയോ ധ്യാനമോ കൂടാതെ, മതമോ സംഘടനകളോ പ്രാർത്ഥനകളോ ഇല്ലാതെ ഈ സ്വസ്ഥത എന്നതിനാൽ.

മുള്ള് വീണാൽ പോട്ടിപ്പോകുന്നത് എല്ലാ ശ്രമവും പ്രണയവും

ശ്രമം ബാഹ്യത്തിൽ നിന്നെ ഒട്ടിച്ചു നിർത്താനും ഒളിപ്പിച്ചു നിർത്താനും. 

ശ്രമം നിന്നെ നീ മറക്കാനും നിന്നിൽ നിന്ന് നീ രക്ഷപ്പെടാനും.

****

നിലനിൽക്കുന്നത് ശ്രമവും ശ്രമിച്ച് നേടിയതുമല്ല.

ശ്രമവും ശ്രമിച്ച് നേടിയതും നഷ്ടപ്പെടാനുളളത്.

നിലനിൽക്കുന്നത് ശ്രമം നഷ്ടപ്പെട്ടാൽ ഉളളത്. താഴെ മാത്രം. ഉടുമ്പിനെ പോലെ മസിൽ പിടിച്ച് നിൽക്കാനാവുന്നത് മാത്രം ഉയരത്തിൽ.. 

മസിൽ പിടിക്കുന്ന ശ്രമം വിട്ടാൽ താഴെ.

ജീവിതം പോലും ശ്രമം. 

ജീവിതം പോലും, സ്വാഭാവികതക്കപ്പുറം, ശ്രമമാണ്. 

ശ്വാസോച്ഛ്വാസം ശ്രമമാണ്. 

ജീവിക്കാനും ജീവിതം നിലനിർത്താനുമുള്ള ശ്രമം ജീവിതം. 

ആ ശ്രമം നിൽക്കുമ്പോൾ മരണം. 

ഞാനും നീയും ഇല്ലാതാവുന്ന, ഞാനും നീയും ഇല്ലാത്ത ജീവിതത്തിൽ ലയിക്കുന്ന, ലയിക്കാൻ സഹായിക്കുന്ന മരണം മാത്രം എല്ലാവർക്കും . ശ്രമം നിൽക്കുമ്പോൾ മരണം.

****

പലപ്പോഴും കൃത്രിമമായി ഉണ്ടാവുന്ന, ഉണ്ടാക്കുന്ന ലക്ഷ്യവും ബോധവും. 

അത്തരം കൃത്രിമമായി ഉണ്ടാവുന്ന, ഉണ്ടാക്കുന്ന ലക്ഷ്യവും ബോധവും കാരണമായുണ്ടാവുന്ന ആഗ്രഹം.

അത്തരം ആഗ്രഹങ്ങൾ ഉണ്ടാക്കുന്ന മൂർച്ചയുള്ള കത്തിയാണ് ശ്രമം.

****

ഏതൊരു ശ്രമവും ഇരുതല മൂർച്ചയുള്ള കത്തിയാണ്. 

ആ കത്തി തനിക്കും ചുറ്റുപാടിലും ഒരുപോലെ മുറിവുണ്ടാക്കുന്നു. വേദനയുണ്ടാക്കുന്നു.

*****

പ്രണയം പോലും വെറും ശ്രമം 

ദാഹവും വിശപ്പും തീർന്ന് സ്വച്ഛനായാൽ വെറും നിസ്സംഗത രൂപപ്പെടും. ശ്രമം ഇല്ലാത്ത അവസ്ഥ. 

അങ്ങനെ സ്വച്ഛനായാൽ പ്രേമം രൂപപ്പെടുകയും ഇല്ല. 

പലത് കൊണ്ടും നടക്കാത്ത കാമം വേഷംകെട്ടി വരുന്നതാണ് പ്രേമം, പ്രണയം എന്ന ശ്രമം. 

പലപ്പോഴും നിഷേധങ്ങൾ ഉണ്ടാക്കുന്ന തെറ്റിദ്ധാരണയെ വല്ലാതെ കാല്പനികവൽക്കരിച്ചുകൊണ്ട് പ്രണയം രൂപപ്പെടുന്നു. ശ്രമം രൂപപ്പെടുന്നു.

അങ്ങനെ ബലൂൺ പോലെ വീർപ്പിച്ച് കൊണ്ട് ശ്രമം, പ്രണയം. 

യാഥാർത്ഥ്യത്തിൻ്റെ മുള്ള് വീണാൽ പോട്ടിപ്പോകുന്ന കോലത്തിൽ എല്ലാ ശ്രമവും പ്രണയവും.

*****

ശരിക്കുമുള്ള ശരി അതാണ്, മടിയാണ്. ഭൂരിപക്ഷം മറിച്ചൊരു ശ്രമത്തിൽ ആണെന്നതിനാൽ മറിച്ച് തോന്നുന്നതാണ്.

സ്വർഗ്ഗത്തിൽ എല്ലാവരും വാഗ്ദാനം ചെയ്യുന്നതും ആഗ്രഹിക്കുന്നതും മടിയാണ്. കുഴിമടി