അഗ്നിയായി തെളിഞ്ഞ്, സ്വയം കൊളുത്തി മറുപടി തരിക

ചില ഇല്ലാക്കഥകളും 

പെരുംനുണകളും വിശ്വസിക്കാൻ

ഏറെയിഷ്ടം.

ഇല്ലാക്കഥകകൾക്കും  

പെരുംനുണകൾക്കും

നല്ല ചന്തമാണ്, ചൂടാണ്.

അതുകൊണ്ട് തന്നെ 

ചോദിക്കട്ടെ..

ഈയുളളവനുള്ളിടത്തോളം

നിനക്കു വേണ്ടി 

ഈയുള്ളവൻ വിളക്ക് കൊളുത്തും.

ശരിയാണ്. 

പക്ഷേ ഒരിക്കൽ

ഈയുളളവനും ഇല്ലതാവും.

അപ്പോൾ പിന്നെ, 

ഈയുള്ളവൻ ഇല്ലാതായാൽ,

നിനക്കുവേണ്ടി 

ആര് വിളക്ക് കൊളുത്തും?

ചന്തത്തിലും ചൂടിലും 

ഇല്ലാക്കഥകളും 

പെരുംനുണകളും

അഗ്നിയെയും തോൽപ്പിക്കും.

ഈയുള്ളവനെ 

അസ്വസ്ഥപ്പെടുത്തുന്നത് 

അതാണ്.

അത് മാത്രം.

മഴപ്പാറ്റകൾ കണക്കെ

ആകർഷിച്ച് വീഴുന്ന

അനേകായിരങ്ങൾ തെളിവ്.

ഈയുള്ളവൻ മാത്രമല്ലേ 

നിന്നെ അറിയൂ.

ഈയുളളവനറിയാനാവുന്നത് പോലെ 

ആർക്കറിയാനാവും നിന്നെ.

അത് പോട്ടെ...

ഈയുള്ളവന് ശേഷം 

ഈയുള്ളവന് വേണ്ടി ആരെങ്കിലും 

വിളക്ക് കൊളുത്തും.

മഴപ്പാറ്റകൾ ഒടുങ്ങാനുള്ള അഗ്നി

എപ്പോഴും എവിടെയും തെളിയുന്നത്

അതിന് തെളിവ് 

പക്ഷെ, അവർ കൊളുത്തുന്ന 

വിളക്കുകൾ 

നിനക്ക് വേണ്ടി കൂടിയാവുമോ? 

അതാണ് 

ഈയുള്ളവൻ്റെ സംശയം.

സംശയമായി മാറിയ ആഗ്രഹം. 

സംശയം തീരാൻ ഉത്തരം 

നീ തന്നെ പറഞ്ഞുതരണം.

അഗ്നി

ഒടുക്കാനുള്ളത് മാത്രമാണോ?

അഗ്നി

ഒരുക്കാനും കൂടിയുള്ളതല്ലേ? 

പിന്നീട് ഈയുള്ളവന് വേണ്ടി 

വിളക്ക് കൊളുത്തിയവരും 

അവർക്ക് ശേഷമുള്ളവരുമൊക്കെ

ഇല്ലാതാവും.

അവരൊക്കെയും ഇല്ലാതായാൽ പിന്നെ ആരൊക്കെയോ 

ആർക്കൊക്കെയോ വേണ്ടി 

വിളക്ക് കൊളുത്തും

ആ കൊളുത്തുന്ന വിളക്കുകളും 

നിനക്ക് വേണ്ടി നിനക്കുള്ളതാവുമോ?

ഈയുളളവന് വേണ്ടിയുള്ളതാവില്ല

അവയെങ്കിലും

നിനക്ക് വേണ്ടിയുള്ളതെങ്കിലുമാവണം. 

എന്നത് ഈയുളളവൻ്റെ പ്രാർത്ഥന.

*****

ചില ഇല്ലാക്കഥകളും 

നുണകളും വിശ്വസിക്കാനിഷ്ടം.

അതുകൊണ്ടെങ്കിലും 

നീ അഗ്നിയായി തെളിഞ്ഞ്

സ്വയം കൊളുത്തി

മറുപടി തരിക.

******

പ്രണയിക്കുമ്പോഴുള്ള സൗന്ദര്യം മാത്രം ജീവിതത്തിന്. 

പ്രണയമാണെങ്കിൽ ഇല്ലാത്തതും ഇല്ലാത്തത് കൊണ്ടും. 

മരീചിക തേടിയുള്ള യാത്ര തന്നെ ജീവിതവും പ്രണയവും 

കാഫിറെന്ന് വിളിക്കപ്പെടുന്നവൻ വിശ്വാസിയെക്കാൾ നല്ല വിശ്വാസി.

കാഫിർ എന്നാൽ നിഷേധി. 

കാഫിർ എന്നാൽ അറിഞ്ഞിട്ടും മറച്ചുവെക്കുന്നവൻ. 

ദൈവം ഉണ്ടെന്നറിഞ്ഞുകൊണ്ട് ആര് നിഷേധിക്കുന്നു? 

ദൈവത്തെ കണ്ടിട്ടും ആര് മറച്ചുവെക്കുന്നു? 

എല്ലാവരും ഒരുപോലെ വിശ്വാസികൾ. 

ആവുന്നത് വെച്ച് ആവുന്നത് വിശ്വസിക്കുന്നവർ. 

ആവാത്തത് നിഷേധിച്ചുപോകുന്നവർ.

ആവാത്തത് വിശ്വസിക്കാത്തവർ.

*****

കാഫിറെന്ന് വിളിക്കപ്പെടുന്നവൻ വിശ്വാസിയെക്കാൾ നല്ല വിശ്വാസി. 

വിശ്വാസി സ്വാർത്ഥനായി, സാമുഹ്യസുരക്ഷിതത്വത്തിനായി, ആളുകൾ കാണാനായി, അന്വേഷിക്കാതെ, കണ്ണടച്ച്, അനുകരിച്ച് വിശ്വസിക്കുന്നവൻ, ചെയ്യുന്നവൻ.  

നിഷേധി നിസ്വാർത്ഥനായി, സാമൂഹ്യസുരക്ഷിതത്വത്തിനല്ലാതെ, ആരെയും കാണിക്കാനില്ലാതെ, കണ്ണ് തുറന്ന്, അനുകരിക്കാതെ അന്വേഷിച്ച് വിശ്വസിക്കുന്നവൻ, ചെയ്യുന്നവൻ.

******

ഇല്ലെന്ന് വിശ്വസിക്കാമെങ്കിൽ ഉണ്ടെന്നും വിശ്വസിക്കാം. 

രണ്ടിനും ഒരേ അധ്വാനം, ഒരേ ചിന്ത, ഒരേ ഫലം. 

ഒന്ന് മാത്രം. 

നിനക്ക് തോന്നുന്നത് പോലെ മാത്രം നീ വിശ്വസിച്ചാലും നിഷേധിച്ചാലും മതി. 

എങ്കിൽ രണ്ടും ഒന്നാണ്. 

രണ്ടും വിശ്വാസമാണ്, രണ്ടും നിഷേധമാണ്. 

ആരെങ്കിലും പറയുന്ന ഒന്നും നിനക്ക് ബാധകമല്ല. 

ആരെങ്കിലും പറയുന്നത് നിൻ്റെ വിശ്വാസവും നിഷേധവും ആവില്ല .

*****

നിഷേധിക്കുന്നു: മതങ്ങൾ പറയുന്ന, ബാധ്യതയായ, പേടിയായ ദൈവത്തെ. 

വിശ്വസിക്കുന്നു: മതങ്ങൾ പറയാത്ത, ബാധ്യതയാവാത്ത, പേടിയാമാവാത്ത ദൈവത്തെ

*****

മതം മാറുന്നവന് വധശിക്ഷ എന്ന രാഷ്ട്രീയമായ വിധിയും ഭീഷണിയും ഇല്ലായിരുന്നെങ്കിൽ ചിത്രം മാറിയേനെ. 

ആളുകൾ പിരിഞ്ഞു പോയെനെ. ഇന്നുള്ള, 

ഇക്കോലത്തിലുള്ള ഇസ്ലാമും ഉണ്ടാവില്ലായിരുന്നു.

*****

ദൈവം ഉണ്ടാവട്ടെ, ഇല്ലാതിരിക്കട്ടെ. 

ദൈവം എങ്ങിനെയോ ആവട്ടെ, ആവാതിരിക്കട്ടെ. 

പക്ഷേ, അതൊന്നും വെറും 1400 അല്ലെങ്കിൽ 2000 വർഷങ്ങൾ മുൻപ് മാത്രം ഉണ്ടായി എന്ന് പറയപ്പെടുന്ന ചില ഗ്രന്ഥങ്ങൾ പറയുന്നത് പോലെയും പറയുന്നതിനാലും അല്ല.

*****

വിവേകി അനുസരിക്കും. 

വിവേകിക്ക് മാത്രമേ അങ്ങനെയെങ്കിലും വിഡ്ഢിയെ അനുസരിക്കാൻ പറ്റൂ. 

എന്നുവെച്ച് വിഡ്ഢി പറയുന്നത് മുഴുവൻ വിഡ്ഢി പറയുംപോലെ ഒരു വിവേകിക്കും ചെയ്യാൻ പറ്റില്ല. 

കാരണം, വിഡ്ഢി ചന്ദ്രനെ പിടിച്ചുകൊടുക്കാനും ആവശ്യപ്പെട്ടേക്കും. 

എന്നാലും ഒന്നറിയണം. 

വിഡ്ഢിക്ക് ഒരിക്കലും വിവേകിയെ വേണ്ടവിധം അനുസരിക്കാൻ വിഡ്ഢിക്ക് സാധിക്കില്ല.

എല്ലാം താൽക്കാലികമായ ഒരുക്കൂട്ടുകൾ മാത്രമാണെങ്കിൽ.

കണ്ണിൽ കാണാത്തത് ഇല്ലെന്നു കരുതുന്നവൻ മൂഢൻ.

ഒരു സുഹൃത്ത് ഉണർത്തി.

ഇങ്ങനെയൊരു സുഹൃത്തിൻ്റെ പറച്ചിലിന് കാരണം താഴേ പറഞ്ഞത് പോലെ ഈയുള്ളവൻ പറഞ്ഞത്.

"ഇല്ലാത്തത് പരലോകമല്ല. ഞാന്‍ ഇല്ലാത്ത എല്ലാ ലോകവും പരലോകമാണ്. ഇല്ലാത്തത് ഞാനാണ്. പരലോകമുണ്ട്. പക്ഷേ ഞാനില്ല, ഞാനുണ്ടാവില്ല."

ഇനി ഈയുള്ളവന് തിരിച്ചു പറയാനുള്ളത്.

ശരിയാവാം. 

ആപേക്ഷിക ലോകത്തെ നാം നിശ്ചയിച്ച അളവുകോൽ ഒന്നും മതിയാവില്ല എല്ലാം മനസ്സിലാക്കാൻ. 

പ്രത്യേകിച്ചും നമ്മുടെ മാനത്തിനപ്പുറമുള്ളതും ആത്യന്തികമായതും. 

നമ്മുടെ ഇന്ദ്രിയങ്ങൾ മുഴുവൻ ആപേക്ഷികമായത് അനുഭവിക്കാനും അറിയാനും മാത്രം ഉതകുന്നത്.

അതുകൊണ്ട് തന്നെ തീർത്തും പദാർത്ഥപരമായി പറഞാൽ പോലും:

വല്ലാതെ ചെറുതും വല്ലാതെ വലുതും കാണില്ല, കേൾക്കില്ല. 

അണുവേയും  ആകാശത്തെയും കാണില്ല. 

കണ്ണിനോട് ഒട്ടിനിന്നടുത്തതും വല്ലാതെ ദൂരെയും കാണില്ല. 

എന്നിട്ടും കാണുന്നതും അനുഭവിക്കുന്നതും മാത്രം ഉള്ളത്??? 

നീയും ഞാനും പോലും അനുഭവത്തിൽ, അനുഭവിക്കുമ്പോൾ മാത്രം. അല്ലാതെയില്ല.

അതുകൊണ്ട് തന്നെ കാണുന്നു, കാണുന്നില്ല എന്ന ഒരൊറ്റ കാരണം കൊണ്ട് ഒന്നിനെയും നിഷേധിക്കാൻ പറ്റില്ല, പാടില്ല.

നാം കാണുമ്പോഴേ നാം കാണുന്ന ഈ ലോകം നിലനിൽക്കുന്നുള്ളൂ എന്നത് നമുക്ക് ഏകപക്ഷീയമായി പറഞ്ഞ് ശരിയാക്കാൻ സാധിക്കുമെങ്കിലും അതപ്പടി ശരിയല്ല. 

******

ഇനി മേൽ വിഷയത്തിൽ, മേൽ വിഷയം പറഞ്ഞതിനുള്ള യുക്തി വെച്ച് മറിച്ചൊന്ന് പറയട്ടെ... 

കണ്ണിൽ കാണുന്നത് തന്നെ യഥാർഥത്തിൽ സ്ഥായിയായി ഇല്ല എന്നാണെങ്കിൽ. 

എല്ലാം താൽക്കാലികമായ ഒരുക്കൂട്ടുകൾ മാത്രമാണെങ്കിൽ.  

താൽക്കാലികമായ ഒരുക്കൂട്ടുകൾ ഉണ്ടാക്കുന്ന ഞാൻ മാത്രമേഉള്ളൂവെങ്കിൽ. 

അല്ലാത്ത ഞാനില്ലെങ്കിൽ. 

അല്ലാത്ത ഒന്നുമില്ലെങ്കിൽ.

പിന്നെങ്ങിനെ കണ്ണിൽ കാണാത്തത് മാത്രം, കണ്ണിൽ കാണുന്നില്ല എന്നത് കൊണ്ട് മാത്രം ഉള്ളതാവും? 

കാണുന്നില്ല എന്നതും കാണുന്നു എന്നതും ഒരു സംഗതി എപ്പോഴും സ്ഥായിയായി ഉള്ളതാണ് എന്നതിന് ന്യായമല്ല.

അതുകൊണ്ട് തന്നെ കണ്ണിൽ കാണുന്നത് തന്നെ ഇല്ലെന്ന് കരുതുന്നവൻ പിന്നെന്ത് പറയണം?

അവന് ബാധകമായ പരലോകം ഇല്ലെന്നല്ലാതെ.. 

അഥവാ ഈ കാണപ്പെടുന്ന  ഞാൻ സ്ഥിരമായ അർത്ഥത്തിൽ ഇല്ലെന്ന് കരുതുന്നു, പറയുന്നു.

ഈ ഞാൻ സ്ഥായിയായി ഉണ്ടെങ്കിലല്ലേ ഈ എനിക്ക് ബാധകമായ പരലോകമുളളൂ..

ഈ ഞാൻ ഇല്ലാത്ത പരലോകം ഇല്ലെന്ന് പറയുന്നുമില്ലല്ലോ? 

ഞാൻ ഇല്ലാത്ത ലോകം മുഴുവൻ പരലോകം എന്ന് പറയാൻ മടിക്കുന്നുമില്ല.

****

ഇല്ലെന്ന് വിശ്വസിക്കാമെങ്കിൽ ഉണ്ടെന്നും വിശ്വസിക്കാം. 

രണ്ടിനും ഒരേ അധ്വാനം, ഒരേ ചിന്ത, ഒരേ ഫലം. 

ഒന്ന് മാത്രം. 

നിനക്ക് തോന്നുന്നത് പോലെ മാത്രം നീ വിശ്വസിച്ചാലും നിഷേധിച്ചാലും മതി. 

എങ്കിൽ രണ്ടും ഒന്നാണ്. 

രണ്ടും വിശ്വാസമാണ്, രണ്ടും നിഷേധമാണ്. 

ആരെങ്കിലും പറയുന്ന ഒന്നും നിനക്ക് ബാധകമല്ല. 

ആരെങ്കിലും പറയുന്നത് നിൻ്റെ വിശ്വാസവും നിഷേധവും ആവില്ല 

ദാമ്പത്യത്തിൽ എന്തുകൊണ്ട് തോറ്റുകൊണ്ട് ജയിക്കണം?

ദാമ്പത്യത്തിൽ എന്തുകൊണ്ട് നിങൾ തോറ്റുകൊടുക്കണം. 

ദാമ്പത്യത്തിൽ എന്തുകൊണ്ട് തോറ്റുകൊണ്ട് ജയിക്കണം? 

വ്യക്തമായ ന്യായവും വിവരവും ന്യായീകരണവും ഇല്ലാത്തവൻ, അല്ലേൽ ഇല്ലാത്തവൾ കോപിച്ചും കുറ്റംപറഞ്ഞും ആരോപണങ്ങൾ ഉണ്ടാക്കിയും അധികാരം ചെലുത്തിയും വിജയിക്കാൻ നോക്കും. 

അത്രയേ ഉള്ളൂ.

അതുകൊണ്ട് തോറ്റ് കൊടുത്തേക്കാം

*****

ഭർത്താക്കന്മാർ കൂടുതൽ സത്യസന്ധരും ആത്മാർഥതയുള്ളവരുമായപ്പോൾ ഭാര്യമാർ കൂടുതൽ സംശയമുള്ളവരായി. 

മുൻകാലങ്ങളിൽ ഭർത്താക്കന്മാർ തീരെ സത്യസന്ധരും ആത്മാർഥതയുള്ളവരുമായിരുന്നില്ല. 

അപ്പോഴൊക്കെ ഭാര്യമാർ തീരെ സംശയമുള്ളവരുമായിരുന്നില്ല. അഥവാ, സംശയം പ്രകടിപ്പിക്കാൻ സാധിച്ചവരായിരുന്നില്ല.

*****

സ്വന്തം കാലിൽ നിൽക്കാൻ പ്രാപ്തിയില്ലാതെ സ്വാതന്ത്ര്യം പറയുക. 

ഉപബോധമനസ്സിൻ്റെ തടവറയിലായിരിക്കെ വിപ്ലവം നാക്ക്കൊണ്ട് മാത്രം പറയുക. 

കുട്ടിപ്രായത്തിൽ ശീലാമാക്കി കയറ്റിവെച്ചതിൽ രൂപപ്പെട്ട വിശ്വാസങ്ങളും ആചാരങ്ങളും അവയുടെ കലവറയായ ഉപബോധമനസും കൊണ്ടുനടക്കുക. 

അങ്ങനെ വാർദ്ധക്യം വരെ തടവിലായി ഒരു മാറ്റവുമില്ലാതെ കരഞ്ഞ് തുടരുക.

ജീവിക്കാൻ എളുപ്പം വിഡ്ഢികൾക്കാണ്.

വിഡ്ഢിത്തം വിളമ്പാതിരിക്കുക.

ഒരു നല്ല സുഹൃത്ത് ഉപദേശിച്ചു.

ഉപദേശിക്കാൻ കാരണം ഈയുള്ളവൻ താഴെ പറഞ്ഞത് പോലെ പറഞ്ഞത്.

'ഇല്ലാത്തത് പരലോകമല്ല. ഞാന്‍ ഇല്ലാത്ത എല്ലാ ലോകവും പരലോകമാണ്. ഇല്ലാത്തത് ഞാനാണ്. പരലോകമുണ്ട്. പക്ഷേ ഞാനില്ല, ഞാനുണ്ടാവില്ല."

ഉപദേശം സ്വീകരിച്ചു കൊണ്ട് തന്നെ ആ സുഹൃത്തിനോട് ഈയുള്ളവന് പറയാനുള്ളത്:

താങ്കൾ ഇങ്ങനെ വല്ലാതെ അസ്വസ്ഥപ്പെടാതിരിക്കൂ...

വിഡ്ഢികൾക്കും അവർക്ക് തോന്നിയത്, തോന്നിയത് പോലെ പറയണമല്ലോ?

അല്ലെങ്കിലും വിഡ്ഢികൾക്ക് മാത്രമേ ധൈര്യപൂർവം തോന്നിയത് വിളിച്ചുപറയാൻ സാധിക്കൂ... 

വിഡ്ഢികൾക്കും ജീവിക്കേണ്ടതില്ലേ? 

വിഡ്ഢികൾക്കും അവരുടേതായ സ്വാതന്ത്ര്യമില്ലേ?

ചുരുങ്ങിയത് മറ്റുള്ള ആരെയും ബുദ്ധിമുട്ടിക്കാതെ, അവരുടെ അകത്തളങ്ങളിൽ വരാതെ വിഡ്ഢികൾ പറയട്ടെ.....

പിന്നെ ഇങ്ങനെ എളുപ്പം വിധികളും മുൻവിധികളും പറയാൻ സാധിക്കുന്നത്... അത് ശരിക്കും ബുദ്ധിയും വിവേകവും ഉറച്ചവർക്ക് മാത്രമേ സാധിക്കൂ എന്നും തോന്നിപ്പോകുന്നു

ഇനി ആരാണ് വിഡ്ഢി എന്നത്. 

തീർത്തും ആപേക്ഷികമായ കാര്യം. 

പലപ്പോഴും വസ്തുനിഷ്ഠത ഇല്ലാത്ത വെറും ആത്മനിഷ്ഠമായ കാര്യം. 

ആർക്കും മറ്റൊരാളെ കുറിച്ച് എളുപ്പം കരുതാനും പറയാനും സാധിക്കുന്നത്. 

തനിക്ക് മനസ്സിലാവാത്തത് മറ്റൊരാൾ പറഞാൽ അങ്ങനെയുള്ള ഏതൊരു മറ്റൊരാളും വിഡ്ഡി തന്നെ. 

മനസ്സിലാവാത്തവനെ സംബന്ധിച്ചിടത്തോളം പ്രത്യേകിച്ചും പറഞ്ഞയാൾ വിഡ്ഢി തന്നെ. 

അധികം ചിന്തിക്കാതിരിക്കാൻ എളുപ്പം അങ്ങനെ വിധിയും മുൻവിധിയും ഉണ്ടാക്കുന്നതും അങ്ങനെ രക്ഷപ്പെടുന്നതും തന്നെ. 

ചരിത്രത്തിൽ അങ്ങോളമിങ്ങോളം അങ്ങനെ വിധിയെഴുതപ്പെട്ടു വിഡ്ഢികൾ ആയവർ എത്രയെത്ര....  

ഇനി വേറൊരു സ്വകാര്യം പറയാം. 

ജീവിക്കാൻ എളുപ്പം വിഡ്ഢികൾക്കാണ്. 

കാരണം, വിഡ്ഡിക്ക് അവകാശവാദങ്ങൾ ഇല്ല. 

വിഡ്ഡിക്ക് ആരേയും ഒന്നും ബോധ്യപ്പെടുത്താൻ ഇല്ല. 

വിഡ്ഡിക്ക് തോന്നിയത് പോലെ ജീവിക്കാം. 

വിഡ്ഡിക്ക് അഭിനയിക്കാനും വിധേയപ്പെടാനും ഇല്ല.

അറിയാമല്ലോ, ബുദ്ധിപരാത വല്ലാതെ അവകാശവാദങ്ങൾ ഉണ്ടാക്കും. 

ബുദ്ധി പലരെയും പലതും ബോധ്യപ്പെടുത്താൻ നിർബന്ധിക്കും. 

ബുദ്ധി അഭിനയവും കൃത്രിമത്വവും മസിൽപിടുത്തവും ആവശ്യപ്പെടും. 

ബുദ്ധി സ്വാതന്ത്ര്യവും സ്വാഭാവികതയും നഷ്ടപ്പെടുത്തും. വിധേയത്വം കൂട്ടും... 

അതല്ലെങ്കിൽ, ബുദ്ധി ഏറെയും രക്ഷപ്പെടാൻ സാധിക്കാതെ ചോദ്യം ചെയ്ത് ക്ഷീണിപ്പിക്കും.

അതിനാൽ ഈയുള്ളവൻ വളരേ സന്തോഷപൂർവം വിഡ്ഢിയായിത്തന്നെ, വിഡ്ഢിത്തം വിളമ്പി തന്നെ തുടരട്ടെ..

വല്ലാതെ ചെറുതും വല്ലാതെ വലുതും കാണില്ല, കേൾക്കില്ല.

മറ്റാരേക്കാളും ശക്തമായി ദൈവത്തെ നിഷേധിക്കുന്നു. 

അതേസമയം മറ്റാരേക്കാളും ശക്തമായി ദൈവത്തിൽ വിശ്വസിക്കുന്നു.

*****

നിഷേധിക്കുന്നു: മതങ്ങൾ പറയുന്ന, ബാധ്യതയായ, പേടിയായ ദൈവത്തെ. 

വിശ്വസിക്കുന്നു: മതങ്ങൾ പറയാത്ത, ബാധ്യതയാവാത്ത, പേടിയാമാവാത്ത ദൈവത്തെ

*****

ഇല്ലെന്ന് വിശ്വസിക്കാമെങ്കിൽ ഉണ്ടെന്നും വിശ്വസിക്കാം. 

രണ്ടിനും ഒരേ അധ്വാനം, ഒരേ ചിന്ത, ഒരേ ഫലം. 

ഒന്ന് മാത്രം. 

നിനക്ക് തോന്നുന്നത് പോലെ മാത്രം നീ വിശ്വസിച്ചാലും നിഷേധിച്ചാലും മതി. 

എങ്കിൽ രണ്ടും ഒന്നാണ്. 

രണ്ടും വിശ്വാസമാണ്, രണ്ടും നിഷേധമാണ്. 

ആരെങ്കിലും പറയുന്ന ഒന്നും നിനക്ക് ബാധകമല്ല. 

ആരെങ്കിലും പറയുന്നത് നിൻ്റെ വിശ്വാസവും നിഷേധവും ആവില്ല 

*****

ഇല്ലാത്തത് പരലോകമല്ല. 

ഞാന്‍ ഇല്ലാത്ത എല്ലാ ലോകവും പരലോകമാണ്. 

ഇല്ലാത്തത് ഞാനാണ്. 

പരലോകമുണ്ട്. 

പക്ഷേ ഞാനില്ല.

ഞാനുണ്ടാവില്ല.

******

വല്ലാതെ ചെറുതും വല്ലാതെ വലുതും കാണില്ല, കേൾക്കില്ല. 

അണുവേയും  ആകാശത്തെയും കാണില്ല. 

കണ്ണിനോട് ഒട്ടിനിന്നടുത്തതും വല്ലാതെ ദൂരെയും കാണില്ല. 

എന്നിട്ടും കാണുന്നതും അനുഭവിക്കുന്നതും മാത്രം ഉള്ളത്??? 

നീയും ഞാനും പോലും അനുഭവത്തിൽ, അനുഭവിക്കുമ്പോൾ മാത്രം. 

അല്ലാതെയില്ല.

*****

എന്തെല്ലാം വിപ്ലവം നാക്ക് കൊണ്ട് ബാഹ്യമായി പറയുമ്പോഴും, നമ്മൾ ഉപബോധമനസ്സിൻ്റെ തടവറയിൽ തന്നെ. 

പലതും ശീലാമാക്കി കുട്ടിപ്രായത്തിൽ കയറ്റിവെച്ചതിൽ രൂപപ്പെട്ട വിശ്വാസങ്ങളും ആചാരങ്ങളും, അതിൻ്റെ കലവറയായ ഉപബോധമനസ്സ്.

അത് തന്നെയാണ് എല്ലാവരെയും തടവിലിട്ട് വാർദ്ധക്യം വരേ കാതലായ ഒരു മാറ്റവും ഇല്ലാതെ കൊണ്ടുനടക്കുന്നത്.

****

എല്ലാം താൽക്കാലികമായ ഒരുക്കൂട്ടുകൾ മാത്രം.  

താൽക്കാലികമായ ഒരുക്കൂട്ടുകൾ ഉണ്ടാക്കുന്ന ഞാൻ മാത്രം. 

അല്ലാത്ത ഞാനില്ല. 

അല്ലാത്ത ഒന്നുമില്ല.

തുടക്കമുള്ളതെല്ലാം ഒടുക്കത്തിലേക്ക് ഓടിക്കൊണ്ടിരിക്കുന്നത്.

കടലിനെന്ത് ലക്ഷ്യം? 

കടൽ തന്നെയല്ലാതെ 

കടലിന് എവിടെയെത്താനുള്ള ലക്ഷ്യം?

കടലിൽ തന്നെയല്ലാതെ.

അതുകൊണ്ട് തന്നെ

കടൽ എന്തിനൊഴുകണം?

കടൽ വെറും വെറുതേ 

ആയിരിക്കുക മാത്രം.

നിറഞ്ഞ് നിൽക്കുക മാത്രം.

കടൽ 

വേറെന്ത് ചെയ്യാൻ? 

ലക്ഷ്യമില്ലാതെ, 

ഉദ്ദേശമില്ലാതെ 

കടൽ.

ആയിരിക്കും പോലെ ആയിരുന്ന്,

അവനവനിൽ തിരകളിളക്കി, 

നൃത്തം ചവിട്ടുന്നു കടൽ. 

തനിക്ക് താൻ മാത്രം 

ലക്ഷ്യവും തുടക്കവും 

ഒടുക്കവും ഉദ്ദേശവും 

ഉദ്ദേശരാഹിത്യവുമാക്കി

കടൽ.

ലക്ഷ്യമുള്ളതല്ലേ ഒഴുകുക? 

അതിനാൽ പുഴ ഒഴുകുന്നു.

തുടക്കള്ളത് ഒഴുകുന്നു.

തുടക്കള്ളത് മുഴുവൻ

ഒടുക്കത്തിലേക്ക് ഒഴുകുന്നു.

തുടക്കള്ളത്

നശിക്കാൻ ഒഴുകുന്നു.

തുടക്കത്തിനും ഒടുക്കത്തിനുമിടയിലുള്ള

താൽക്കാലികതയുടെ തടവിൽ നിന്നും 

നശിക്കാൻ ഒഴുകുന്നു.

പുഴ ഒഴുകുന്നു.

വളർച്ചയെന്ന് പേരുള്ള

നാശത്തിന് വേണ്ടി.

എല്ലാ ഓരോ നിമിഷവും 

മരിച്ചു കൊണ്ട്

പുഴ ഒഴുകി വളരുന്നു.

വളർച്ച അന്വേഷിച്ചുകൊണ്ടൊഴുകുന്ന

പുഴ തളർച്ച നേട്ടമാക്കും 

വളർന്നുകൊണ്ട് തളർന്നൊഴുകുന്നു

പുഴ.

പുഴക്ക് ലക്ഷ്യമുണ്ട്. 

കടലിലെത്താനുള്ള ലക്ഷ്യം. 

കാരണം,

തുടക്കമുള്ളത് മുഴുവൻ 

ഒടുക്കവുമുള്ളത്. 

കാരണം,

തുടക്കമുള്ളത്ത് മുഴുവൻ 

അതിൻ്റെ ഒടുക്കം കൂടി അന്വേഷിക്കുന്നു.

അതിൻ്റെ തന്നെ

ഒടുക്കം അന്വേഷിക്കുന്നതാണ് 

പുഴയുടെ ഒഴുക്ക്.

തുടക്കമുള്ളത് മുഴുവൻ വളരുന്നത് 

തളരാൻ, ഒടുങ്ങാൻ

എന്ന് പുഴ

ഒഴുകിക്കൊണ്ട് പറയും.

തുടക്കമുള്ളതെല്ലാം

ഓരോ നിമിഷവും 

തളർന്നുകൊണ്ടും 

ഒടുങ്ങിക്കൊണ്ടും 

വളരുന്നു.

പുഴയെ പുഴയാക്കുന്ന

പുഴയുടെ ഭാഷ്യമാണത് 

തുടക്കമുള്ളതെല്ലാം 

ഒടുക്കത്തിലേക്ക് 

ഓടിക്കൊണ്ടിരിക്കുന്നത്.

അതിനാൽ പുഴയും 

ഓടിക്കൊണ്ടിരിക്കുന്നത്.

തന്നത്താൻ ഒടുക്കാൻ.

തുടക്കവും ഒടുക്കവുമില്ലാത്ത

അതിനാൽ ലക്ഷ്യമില്ലാത്ത

കടലാക്കി തന്നെ

മാറ്റി ഒടുക്കാൻ.