ഗുരോ, എന്ത് ചെയ്യുന്നു? ജീവിക്കുന്നു ഗുരോ, പിന്നെ?

നന്മ തിന്മ ദൈവത്തിനില്ല; 

നിനക്കുണ്ട്, നിന്റെ മാനത്തിലും ലോകത്തുമുണ്ട്. 

പ്രാർത്ഥന നിന്റെ ആവശ്യം, അധൈര്യം, ബലഹീനത; 

ദൈവത്തിന്റെതല്ല.

******

കാവല്‍കാരാ എന്തുണ്ട്? 

"എന്തുണ്ടാവാന്‍? 

രാത്രിയാവുന്നു രാവിലെയാവുന്നു. 

പിന്നെയും രാത്രിയാവുന്നു. 

ജീവിതമങ്ങിനെ ഉന്തിത്തള്ളി പോകുന്നു.

*******

സത്യം. 

മുഹമ്മദിനും ബുദ്ധനും യേശുവിനും 

അന്ന് തോന്നിയത് 

നിനക്കിന്ന്‌ തോന്നാം. 

നിനക്കിന്ന് തോന്നുന്നത് 

അവര്‍ക്കന്ന് തോന്നിയിരിക്കാം.

********

കാണാത്തതും അറിയാത്തതും ഇല്ലാത്തതല്ല. 

മാനങ്ങളുടെ നിശ്ചയങ്ങളില്‍ ഇല്ലെന്ന് മാത്രം. 

മാനങ്ങള്‍ മാറുമ്പോള്‍ ചിലതുണ്ടാവും, ഇല്ലാതാവും…

********

യാത്രചെയ്യുന്നവർ ഗുരുശിഷ്യന്‍മാര്‍. 

ഒന്നുതന്നെപ്പോഴും പറയുകയവര്‍ക്ക് ബാധ്യതയല്ല. 

പ്രതിബിംബം മാറും കണ്ണാടിയില്‍. 

ബുദ്ധിയിലും.

******

മാനം മാറുമ്പോള്‍, 

മാനത്തിനുള്ളിലെ മാനദണ്ഡങ്ങൾക്കും senseകള്‍ക്കും, 

ഉള്ളത് ഇല്ലാത്തതാവും, 

ഇല്ലാത്തത് ഉള്ളതുമാവും.

********

On change of dimension, 

For  scales and senses within, 

Thing can or may become not a thing 

And nothing may or can become a thing.

********

ഗുരോ, എന്ത് ചെയ്യുന്നു? ജീവിക്കുന്നു

ഗുരോ, പിന്നെ? പിന്നെന്ത്?

ഗുരോ, സമയം കളയുന്നത്?

അത്രയ്ക്ക് വേണ്ടാത്തതല്ല സമയം, ജീവിതം