ഏകസിവിൽകോഡ്: ചത്തത് കീചകനെങ്കിൽ കൊന്നത് ഭീമൻ തന്നെ എന്ന മനശ്ശാസ്ത്രം വെക്കുന്നത് തെറ്റ്.

ഏകസിവിൽകോഡ്: 

കരട് രൂപം പോലും പുറത്ത് വന്നിട്ടില്ല. 

എന്നിരിക്കെ, 

കാള പെറ്റു കയറെടുത്തു എന്നതാണ് 

ഇവിടെയുള്ള അവസ്ഥ. 

സ്വത്ത് വിഭജനം, വിവാഹം, 

വിവാഹമോചനം, ദത്തെടുക്കൽ 

എന്നീ മൂന്നോ നാലോ കാര്യങ്ങളെ മാത്രം 

ഏകസിവിൽകോഡ് ബാധിക്കുന്നു. 

എന്നത് ആരും അറിയാതെയും 

അറിയിക്കാതെയും പോകുന്നു.

*****

ഏകസിവിൽകോഡ് എന്നാൽ ഇന്ത്യയിലെ  എല്ലാ നിയമങ്ങളും വിശ്വാസങ്ങളും മാറ്റി ഒന്നാക്കുകയാണെന്ന് തെറ്റായി കരുതുന്നതാണ് പ്രശ്നം സങ്കീർണമാക്കുന്നത്, വേണ്ടാതെ തെറ്റിദ്ധാരണ പരത്തുന്നത്, അന്ധമായ എതിർപ്പ് കൂട്ടുന്നത്.

പ്രത്യേകിച്ചും ഏകസിവിൽകോഡ് എന്നത് നമ്മുടെ ഭരണഘടന തന്നെ പണ്ടേ കാലേക്കൂട്ടി ആവശ്യപ്പെട്ട കാര്യമാണ് എന്നത് പോലും ജനങ്ങൾ അറിയാത്തത് കൊണ്ടും ഓർക്കാത്തത്കൊണ്ടും അവരെ അങ്ങനെ ഓർമ്മിപ്പിക്കാത്തത് കൊണ്ടും മാത്രം ഉണ്ടാവുന്ന എതിർപ്പുകൾ.

ചത്തത് കീചകനെങ്കിൽ കൊന്നത് ഭീമൻ തന്നെ എന്ന മനശ്ശാസ്ത്രം ബിജെപിക്കെതിരെ  വെച്ച്, ചെയ്യുന്നത് ബിജെപിയെങ്കിൽ സംഭവിക്കുന്നത് എന്തോ മോശം തന്നെ എന്ന് കരുതുന്ന, കരുതിപ്പിക്കുന്ന, സംഗതിയെ കൂടുതൽ തെറ്റിദ്ധാരണയിലേക്കും എതിർപ്പിലേക്കും വീണ്ടും കൊണ്ടുപോകുന്ന മനശ്ശാസ്ത്രം.

ഏകസിവിൽകോഡ് എന്നത് എന്തോ ബിജെപി ഇതാദ്യമായി ആലോചിച്ചുണ്ടാക്കി കരുതിക്കൂട്ടി കൊണ്ടുവരുന്ന എന്തോ സംഗതിയാണെന്ന പേടി നിറഞ്ഞ തെറ്റിദ്ധാരണ പരക്കെ പടരുന്നു. 

ഏകസിവിൽകോഡ് എന്നത് ഒരുകാലത്ത് ഇടതുപക്ഷം വരെ ശക്തമായി ആവശ്യപ്പെട്ട കാര്യമായിരുന്നു എന്നത് സൗകര്യപൂർവ്വം മറന്ന് കൊണ്ട്, മറപ്പിച്ച് കൊണ്ട്.

ആകയാൽ വളരേ കുറഞ്ഞ വിഷയങ്ങളിൽ മാത്രമേ ഏകസിവിൽകോഡ് ബാധകമാകുന്നുള്ളൂ: വിവാഹം, വിവാഹമോചനം, പിന്തുടർച്ചാവകാശം,  ദത്തെടുക്കൽ, രക്ഷാകർതൃത്വസ്ഥാനം ഇക്കാര്യങ്ങളിൽ മാത്രം. 

ഇത് ഇങ്ങനെ തന്നെ എല്ലാവരും അറിയേണ്ടതുണ്ട്, എല്ലാവരെയും അറിയിക്കേണ്ടതുണ്ട്.

ദൈവവും സത്യവും മാതാപിതാക്കളിൽ നിന്ന് പറഞ്ഞുകേട്ടതും വീണുകിട്ടിയതും പോലെ.

വിശപ്പ് മാറ്റാനും വീട് വെക്കാനും കുട്ടികളെ വളർത്താനും വേണ്ടി പഠിച്ച് ജോലി ചെയ്യുന്നത്രയൊന്നും ആത്മാർഥതയോടെ ആരും ദൈവത്തെയും സത്യത്തെയും അന്വേഷിച്ച് നടക്കുന്നില്ല. 

ദൈവവും സത്യവും ഓരോരുത്തനും ഏറെക്കുറെ ജനിച്ചപ്പോൾ മാതാപിതാക്കളിൽ നിന്ന് പറഞ്ഞ് കേട്ടതും വീണുകിട്ടിയതും പോലെ തന്നെ. അക്കാര്യത്തിൽ  അന്ധതയും അനുകരണവും പ്രധാന വഴി..

******

വിശ്വാസികളുടെ കാര്യത്തിൽ അതങ്ങനെയല്ല. 

നോമ്പ് എടുക്കാത്തതവന് ഭക്ഷണം കൊടുക്കാൻ തയ്യാറാവുന്നവർ വീട്ടിൽ കുറഞ്ഞ് വരുന്നു, വിശ്വാസികൾക്കിടയിൽ.

അതേ സമയം അവിശ്വാസി വിശ്വാസിക്ക് എല്ലാ സൗകര്യവും ചെയ്തു് കൊടുക്കും.

അവിശ്വാസി വിശ്വാസിക്ക് കൊടുക്കുന്ന സ്വാതന്ത്ര്യവും സൗകര്യവും വിശ്വാസി അവിശ്വാസിക്ക് തിരിച്ചു കൊടുക്കില്ല. 

അപവാദം പോലെ മാത്രമല്ലാതെ. 

ആ അപവാദം മതത്തിൽ നിന്ന് പുറത്താവുകയും ചെയ്യും.

******

ഒരുകുറേ ഇസ്ലാമിസ്റ്റ്കൾ ഒളിഞ്ഞും തെളിഞ്ഞും വരാറുണ്ട്. 

ഒരാളും തീവ്രമായി മതം പറയുന്ന, നടപ്പാക്കുന്ന ആളെ കൈകാര്യം ചെയ്യില്ല, ചോദ്യം ചെയ്യില്ല.

മൗനം കൊണ്ടെങ്കിലും പിന്തുണക്കുകയല്ലാതെ.

ഈയുള്ളവൻ്റെ ഭാര്യയെ ഒരു ഇസ്ലാമിസ്റ്റ് ഉപദേശിച്ചത്. എത്ര തീവ്രം, അസഹിഷ്ണുതാപരം!!??

എല്ലാവരും അറിയണമല്ലോ. 

ശരിയായ ഉള്ളിലിരിപ്പ്. 

യഥാർത്ഥ തീവ്രവാദവും അസഹിഷ്ണുതയും എന്തെന്ന്, എങ്ങിനെയെന്ന്.

ഓരോ വിശ്വാസിയിലും അതെങ്ങനെ ഒളിഞ്ഞുനിൽക്കുന്നുവെന്ന്.

പുറത്ത് മതേതരത്വം മാത്രം പറയുന്ന ഒരു സുഹൃത്ത് ഈയുള്ളവൻ്റെ ഭാര്യയെ എഫ്ബിയിൽ വന്ന് ഉപദേശിച്ച കാര്യങ്ങൾ നോക്കൂ:

"നിങ്ങളുടെ ഭർത്താവ് ശഹാദത്ത് കലിമ ചൊല്ലി മുസ്ലിമായി മരിക്കണമെന്ന് നിങൾ ആഗ്രഹിക്കുന്നില്ലേ?  

"അതോ, അയാൾ കാഫിറായി മരിക്കണം എന്നാണോ നിങൾ ഉദ്ദേശിക്കുന്നത്? 

"ഇസ്‌ലാം അല്ലാത്ത അദ്ദേഹത്തിൻ്റെ കൂടെ നിങൾ ജീവിക്കുന്നത് തന്നെ, കൂടെ ഭക്ഷണം കഴിക്കുന്നത് പോലും തെറ്റാണ്."

എങ്ങിനെയുണ്ട് ഉള്ളിലിരിപ്പ്. സാമാന്യം നല്ല വിദ്യാഭ്യാസം നേടിയ ഒരാളിൽ നിന്നാണിത്. 

മതേതരത്വവും ജനാധിപത്യവും (ഇന്ത്യയിൽ മാത്രം) വേണമെന്ന് പുറത്ത് പുറമ്പൂചായി പറയുന്ന ഒരാളിൽ നിന്ന്. 

പലർക്കും ഇങ്ങനെയൊരു വർത്തമാനം ഇങ്ങനെയൊരാൾ പറയുമ്പോൾ ഒരു പ്രശ്നവും തോന്നുന്നില്ല. 

കുവൈറ്റിൽ നിന്നുള്ള ഒരു ജമാഅത്തെ ഇസ്ലാമിക്കാരൻ സുഹൃത്ത് ഇയാളുടെ ഈ ഉപദേശം സൂക്ഷിച്ച് വായിച്ച് നോക്കി അതിൽ like ഇട്ടതും "കറക്ട്" എന്ന് കമെൻ്റ് നൽകിയതും വല്ലാത്തൊരു സൂചനയും നൽകുന്നു. ഇങ്ങനെ പലപ്പോഴും ഇത്തരക്കാരിൽ നിന്ന് ആവർത്തിച്ച് കണ്ടതിനാൽ കൂടി.

എല്ലാ ഓരോ ഇസ്ലാമിസ്റ്റിൻ്റെ ഉള്ളിലും യഥാർഥത്തിൽ ഇങ്ങനെയൊരു തീവ്രവാദിയും അസഹിഷ്ണുവും ഒളിഞ്ഞുനിൽക്കുന്നുണ്ട് എന്നതിനാലാണോ ആവോ. 

മേൽപറഞ്ഞ അദ്ദേഹം മാധ്യമം പത്രത്തിൻ്റെ കുവൈറ്റിലെ പ്രധാനപ്പെട്ട ആളും കൂടിയാണെന്ന് പ്രത്യേകം ഓർക്കണം.

മതേതര ഇന്ത്യയിൽ മതേതരത്വം തന്നെ നിലനിൽക്കണം, എല്ലാ വ്യത്യസ്ത വിശ്വാസികളും  ഒരുമിച്ചു തന്നെ ജീവിക്കണം എന്ന് പേർത്തും പേർത്തും മനുഷ്യാവകാശ ജനാധിപത്യ മതേതരത്വ പ്ര ശ്നമായി പറയുന്നവരാണിവർ എന്നോർക്കണം. 

ജനാധിപത്യ മതേതര മതസഹിഷ്ണുത പ്രശ്നങ്ങൾ  ഉയത്തിക്കാട്ടുന്ന ഇവർ തന്നെയാണ് പറയുന്നത് വ്യത്യസ്ത മതവിശ്വാസികൾ ഒരുമിച്ച് ഒരേ വീട്ടിൽ താമസിക്കരുത് എന്ന്. 

ഒരു യഥാർത്ഥ മുസ്ലിമിന് അവിശ്വാസി യുമായി ഒരുമിച്ച് ജീവിക്കാൻ പറ്റില്ല, പാടില്ല എന്ന്.

അയാൾ അങ്ങനെ പറഞ്ഞുനിർത്തുന്നുമില്ല. 

പകരം അയാൾ വീണ്ടും തുടരുന്നു. 

ഒരു മടിയും വളച്ചുകെട്ടുമില്ലാതെ ഒന്നുകൂടി വ്യക്തമാക്കിക്കൊണ്ട്.

"ഞാൻ തോറ്റു ഇത്ത. നിങൾ ഒരു മുസ്ലിം ആയിരിക്കും എന്ന എൻ്റെ തെറ്റിദ്ധാരണയിലാണ് ഞാൻ ഇത് പറഞ്ഞത്. ഇപ്പോൾ മനസ്സിലായി നിങൾ ചക്കിക്കൊത്ത ചങ്കരനാണെന്ന്.

"വിശ്വാസിയും അവിശ്വാസിയും ഒരു വീട്ടിൽ ഒരിമിച്ച് കഴിയുക പ്രയാസമാണ്. പ്രത്യേകിച്ചും ഇസ്ലാമിൽ."

".... ഇത്ത എൻ്റെ ചോദ്യത്തിന് ഉത്തരം തന്നില്ല. എന്നിട്ട് വളഞ്ഞ വഴിയിൽ മൂക്ക് പിടിക്കുകയാണ്."

ഇയാൾക്ക് ഈയുള്ളവൻ്റെ ഭാര്യ കൊടുത്ത മറുപടി ചുവടെ വെക്കുന്നു.

"ഞാൻ അയാളുടെ ഭാര്യ. 

അഭിമാനപൂർവ്വം പറയാവുന്ന അയാളുടെ ഭാര്യ. 

നിങൾ പറഞ്ഞത് പോലെ പ്രത്യേകിച്ച് മാറാനും മാറ്റാനും ഇല്ലാതെ അയാളുമായി എല്ലാ നിലക്കും എല്ലാ കാര്യങ്ങളിലും ഒത്തൊരുമിച്ച് ഭംഗിയായി ഇതുവരെ ജീവിച്ച ഇപ്പോഴും ജീവിക്കുന്ന ഭാര്യ.  ഒരാളുടെ വിശ്വാസം മറ്റൊരാൾക്ക് മനസ്സിലാക്കാൻ പോലും കഴിയില്ല, അതിനാൽ അതന്വേഷിക്കേണ്ട കാര്യമില്ല എന്ന് കൃത്യമായും കരുതുന്ന ഭാര്യ.

താങ്കൾക്ക് മനസ്സിലാക്കാൻ സാധിക്കാത്തത്ര സ്വാതന്ത്ര്യം അനുഭവിച്ച് ജീവിതം ഇക്കാലമത്രയും ഭാര്യയെന്ന നിലക്ക് തന്നെ ആഘോഷമാക്കിയ ഭാര്യ. 

ഈ കഴിഞ്ഞ 24 വർഷവും ഒരുതരം സംഘർഷവും ഇല്ലാതെ കവിത പോലെ ജീവിച്ച ഭാര്യ. നിങൾ വലിയ കുറ്റം പോലെ പറഞ്ഞ ഈ ആളുടെ കൂടെ തന്നെ. വലിയൊരു ഭാഗ്യം പോലെ. 

അദ്ദേഹം തന്നെ മേൽപറഞ്ഞത് പോലെ എന്തും ധരിക്കാനും ധരിക്കാതിരിക്കാനും, എന്തും വിശ്വസിക്കാനും വിശ്വസിക്കാതിരിക്കാനുമുള്ള എൻ്റെ സ്വാതന്ത്ര്യം എൻ്റെ സ്വാതന്ത്ര്യം മാത്രം തന്നെയായി സൂക്ഷിച്ച് കൊണ്ട് ജീവിക്കാൻ കഴിഞ്ഞ ഭാര്യ.

സ്വന്തം ബോധ്യത പോലെ വിശ്വസിക്കാനും വിശ്വസിക്കാതിരിക്കാനും ജീവിക്കാനും സാധിച്ചു കൊണ്ട്. 

ഈ കാര്യം നിങൾ നമ്മുടെ മക്കളോട് പോലും ചോദിച്ചു നോക്കൂ. കാഴ്ചക്കാരായി നിൽക്കുന്ന ആരോട് വേണമെങ്കിലും ചോദിച്ചുനോക്കൂ 

അവർക്കും മറിച്ചൊന്നും പറയാനുണ്ടാവില്ല. 

അത്രക്ക് ഭംഗിയായാണ് ഇതുവരെയും ജീവിച്ചത്. 

ഇന്നിതുവരെ."

വീണ്ടും ഈയുള്ളവൻ്റെ ഭാര്യ അയാൾക്ക് മറുപടി നൽകി:

" എന്ത് വലിയ അല്പത്വവും സങ്കുചിതത്വവും പിന്തിരിപ്പൻ അന്ധവിശ്വാസവും മതതീവ്രതയുമാണ് താങ്കൾ മറ്റൊരാളെ ഉപദേശിക്കുന്നത്? 

അതും എല്ലാ പാമര മതക്കാരെയും പോലെ മരണമെന്ന അതേ ന്യായം ആയുധമാക്കിക്കൊണ്ട്. 

താങ്കൾക്കുണ്ടെന്ന് പറഞ്ഞ് കേൾക്കുന്ന വിദ്യാഭ്യാസം പോലും താങ്കളിൽ കാതലായ ഒരു മാറ്റവും പുരോഗതിയും ഉണ്ടാക്കിയില്ലല്ലോ എന്നതിൽ ദുഃഖം തോന്നുന്നു?"

"താങ്കൾക്ക് തോന്നുന്നുണ്ടോ താങ്കളുടെ ചോദ്യം യഥാർഥത്തിൽ ഒരു മറുപടി അർഹിക്കുന്നുണ്ടെന്ന്. ഒരു വിവേകി എല്ലാ ചോദ്യങ്ങൾക്കും ഉത്തരം നൽകിക്കൊള്ളൂമെന്നും ഇല്ല.

അല്ലെങ്കിലും ഞാൻ ധരിച്ച വസ്ത്രം, എൻ്റെ ഭർത്താവിനെ താങ്കൾ  വിമർശിക്കാൻ ന്യായമാക്കിയ അതേ എൻ്റെ വസ്ത്രധാരണം, ഞാൻ ഏതോ ഒരു വിശ്വാസം മുറുകിപ്പിടിച്ചത് കൊണ്ടാണെന്ന് താങ്കൾ ധരിച്ചുവോ? 

ആ വസ്ത്രധാരണമൊന്നും ഒരു വിശ്വാസവും മുറുകിപ്പിടിക്കുന്നതിൻ്റെ ഭാഗമല്ല. 

ശീലിച്ച ചില സൗകര്യങ്ങൾ. 

ചുറ്റുപാട് ആവശ്യപ്പെടുന്ന സൗകര്യങ്ങൾ. 

അത്ര മാത്രം.

പിന്നെ എന്താണ് താങ്കൾ "വിശ്വാസി " "അവിശ്വാസി (കാഫിർ)" എന്നതൊക്കെ കൊണ്ട് ഉദ്ദേശിക്കുന്നത് എന്നും മനസ്സിലാവുന്നില്ല. 

ആരുണ്ട് ഇവിടെ അറിഞ്ഞ് വിശ്വസിക്കുന്നത്? 

ആരുണ്ട് ഇവിടെ അറിഞ്ഞ് നിഷേധിക്കുന്നത്? 

എന്ത് കാഫിറായി മരിക്കൽ, എന്ത് ശഹാദത്ത് കലിമ ചൊല്ലി മരിക്കൽ? 

താങ്കൾ വല്ലതും ബോധ്യപ്പെട്ടു തന്നെയാണോ ഇങ്ങനെയൊക്കെ പറയുന്നത്? 

അല്ലെങ്കിൽ എല്ലാവരും പറയുംപോലെ താങ്കളും ഉപബോധമനസ്സിന് അടിപ്പെട്ട് അന്ധമായി യാഥാസ്ഥിതികമായി പറയുന്നതോ?"

*******

ഇനി ഈയുള്ളവനോട് ഇതേ മാന്യദേഹം വേറെ തന്നെ പറഞ്ഞതും, അവക്കുള്ള മറുപടികളും ചുവടെ വെക്കാം:

അദ്ദേഹം പറഞ്ഞത് (ചുരുക്കത്തിൽ):

 "സ്വന്തം ഭാര്യയെ പറഞ്ഞു മനസ്സിലാക്കി ഇസ്‌ലാമിൽ നിന്നു പുറത്തുകൊണ്ടുവരാൻ കഴിയാത്ത   നിങൾ..., 

ഭാര്യയുടെ തലയിൽ നിന്ന് തട്ടം ഉപേക്ഷിക്കാൻ പോലും പറയാൻ കഴിവില്ലാത്ത നിങ്ങൾ... 

ഇന്ന് പെരുന്നാൾ പ്രമാണിച്ച് വീട്ടിൽ വെക്കുന്ന മട്ടൻബിരിയാണി കഴിക്കില്ല എന്നെങ്കിലും തീരുമാനിക്കൂ."

മറുപടി :

ഇവിടെ നമുക്കിടയിൽ വിശ്വാസപരമായ സംഘർഷം ഇല്ല. 

താങ്കൾക്കതുണ്ടോ താങ്കളത് കാണുന്നുണ്ടോ എന്നറിയില്ല. 

ഉണ്ടെങ്കിലും ഇല്ലെങ്കിലും അത് താങ്കളുടെ വിശ്വാസവും മനസ്സാക്ഷിയുമായി ബന്ധപ്പെട്ട വിഷയമാണ്. 

അതുകൊണ്ടുതന്നെ അതുള്ളവർ അത് തന്നെ എല്ലായിടത്തും നിഴലിട്ട് കാണും.

എല്ലാ ഒരോരുവനും അവൻ മനസിലാക്കുന്നത് പോലെ വിശ്വാസവും വസ്ത്രധാരണവും ആവാം, ആവാൻ സാധിക്കണം എന്നത് മാത്രമാണ് എപ്പോഴും ഈയുള്ളവൻ പറയുന്ന വിഷയം. 

സത്യവും ദൈവവും വരെ. 

ഏതോ കാലത്ത് ആരോ പറഞ്ഞത് പോലെ തന്നെ എപ്പോഴും എല്ലാവരും ഒരുപോലെ വേണമെന്നില്ലാതെ. 

അത് താങ്കൾക്ക് ഇതുവരെ മനസ്സിലാവാത്തത് കൊണ്ടാണ് ഇങ്ങനെയൊരു കമെൻ്റ് വന്നത്. 

മറിച്ച് ഈയുള്ളവൻ പറയുന്നത് താങ്കൾ മനസ്സിലാക്കി അംഗീകരിച്ച് നടക്കുന്നത് കൊണ്ട് വന്ന സംഘർഷമല്ല താങ്കൾക്കിത്. ഏറെക്കുറെ ഏതോ നിലക്കുള്ള അസഹിഷ്ണുത നിറഞ്ഞത് മാത്രം ഇത്.

ഇരുപത്തിനാല് കൊല്ലമായി കവിത പോലെ ഇതേ ഭാര്യയുമായി ജീവിക്കുന്നു ഇവിടെ. 

അവൾക്ക് അവൾ എങ്ങിനെ ഉദ്ദേശിക്കുന്നുവോ അങ്ങനെയെല്ലാം വസ്ത്രം ധരിക്കാം, ജീവിക്കാം. 

ഭാര്യയെന്നാൽ ആരുടെയും അടിമയല്ല, സ്വത്തല്ല. 

അവൾക്ക് സ്വാതന്ത്ര്യം ഈയുള്ളവനോ മറ്റാരോ നൽകുന്നതല്ല. 

അവളുടെ സ്വാതന്ത്ര്യം അവളുടെ മാത്രം സ്വാതന്ത്ര്യമാണ്.

അവളും മറ്റാരും വസ്ത്രം ഏത് എപ്പോൾ ധരിക്കുന്നു എന്നതല്ല വിഷയം. 

എപ്പോഴും ആർക്കും എന്തും ധരിക്കാം എന്നതാണ് വിഷയം. 

അതാണ് സ്വാതന്ത്ര്യം. 

അവളുടെയും ആരുടെയും ചുറ്റുപാട് ആവശ്യപ്പെടുന്ന വസ്ത്രം അവൾക്കും ആർക്കും എപ്പോഴും ധരിക്കാം. 

ആരും ഇത് മാത്രം ശരി, ഇങ്ങനെ തന്നെ ധരിക്കണം, വിശ്വസിക്കണം എന്ന് പറയരുത് എന്നതാണ് വിഷയം. 

അതിനാൽ തന്നെ അവൾ ചിലപ്പോൾ ഇങ്ങനെ ധരിക്കും മറ്റ് ചിലപ്പോൾ മറ്റ് പല രീതിയിലും ധരിക്കും. 

ആർക്കും അവൾ ആ കാര്യത്തിൽ വാക്ക് കൊടുത്തിട്ടില്ല. 

ആർക്ക് കൊടുത്ത വാക്കും അത് കൊണ്ട് തന്നെ  അക്കാര്യത്തിൽ അവൾ തെറ്റിക്കുന്നുമില്ല. 

കവിത എങ്ങനെയാണോ അതിനേക്കാൾ ഭംഗിയായി ജീവിക്കുന്നു.

ഒന്നുകൂടി ഉണർത്താട്ടെ.

ഭാര്യയെ വിശ്വാസത്തിൽ കൊണ്ടുനടന്ന് ചിന്താപരമായി അടിമയാക്കാനല്ല ജീവിക്കുന്നതും വിവാഹം ചെയ്യുന്നതും കുടുംബജീവിതം നയിക്കുന്നതും. 

ഒരുപക്ഷേ നിങ്ങളെ പോലുള്ള തീവ്രമതവിശ്വാസിയുടെ കാര്യവും വലിയ ചിന്താവിഷയവും അതായിരിക്കാം. 

അപ്പോഴും താങ്കൾ, താങ്കൾ തന്നെ വിശ്വസിക്കുന്ന, പഠിച്ച ഇസ്ലാമിക കഥകളും ചരിത്രവും ഓർത്താൽ നന്ന് . 

ലൂത്ത് നബിക്ക് സ്വന്തം ഭാര്യയെ പറഞ്ഞ് മനസ്സിലാക്കി അദ്ദേഹത്തിൻ്റ വിശ്വാസത്തിലേക്ക് കൊണ്ടുവരാൻ സാധിച്ചിട്ടില്ല. അതുകൊണ്ട് അയാൾ അദ്ദേഹം മനസ്സിലാക്കിയ സത്യം വിളിച്ചുപറയാതിരുന്നുവോ?

നൂഹ് നബിക്ക് സ്വന്തം ഭാര്യയെയും മകനെയും പറഞ്ഞ് മനസ്സിലാക്കി അദ്ദേഹത്തിൻ്റ വിശ്വാസത്തിലേക്ക് കൊണ്ടുവരാൻ സാധിച്ചിട്ടില്ല. അതുകൊണ്ട് അയാൾ അദ്ദേഹം മനസ്സിലാക്കിയ സത്യം വിളിച്ചുപറയാതിരുന്നുവോ?

അനാഥനായി വളർന്ന മുഹമ്മദ് നബിക്ക്, തന്നെ സംരക്ഷിച്ച് വളർത്തിയ എളാപ്പയേയും മൂത്താപ്പയെയും പറഞ്ഞ് മനസ്സിലാക്കി അദ്ദേഹത്തിൻ്റ വിശ്വാസത്തിലേക്ക് കൊണ്ടുവരാൻ സാധിച്ചിട്ടില്ല. അതുകൊണ്ട് അയാൾ അദ്ദേഹം മനസ്സിലാക്കിയ സത്യം വിളിച്ചുപറയാതിരുന്നുവോ?

ഈയടുത്ത് മഹാത്മാ ഗാന്ധിക്ക് പോലും സ്വന്തം മക്കളെ മുഴുവൻ പറഞ്ഞ് മനസ്സിലാക്കി അദ്ദേഹത്തിൻ്റ പാതയിലേക്ക് കൊണ്ടുവരാൻ സാധിച്ചിട്ടില്ല. അതുകൊണ്ട് അയാൾ അദ്ദേഹം മനസ്സിലാക്കിയ സത്യം വിളിച്ചുപറയാതിരുന്നുവോ?

******

വീണ്ടും അദ്ദേഹത്തിൻ്റെ ചോദ്യം:

"താങ്കളുടെ നിലപാട്  എന്തുകൊണ്ട് സ്വന്തം കുടുംബത്തു കാണിക്കുന്നില്ല...അത് ഇരട്ടത്താപ്പല്ലേ...? താങ്കളുടെ പരാജയമല്ലേ? താങ്കളുടെ നിലപാട് കാരണം

ഇസ്ലാമികമായി ജീവിക്കുന്ന താങ്കളുടെ ഭാര്യക്കും മക്കൾക്കും പോലും എത്ര വേദന ഉണ്ടാകും എന്ന് താങ്കൾ ചിന്തിക്കുന്നില്ല... താങ്ങളെ ഭയന്നിട്ടോ അല്ലെങ്കിൽ നിങ്ങളെ പിണക്കണ്ട എന്ന് വിചാരിച്ചോ അവർ മിണ്ടാതെ ഇരുന്നേക്കാം."

മറുപടി:

പ്രവർത്തിക്കുന്നതിന് ഭിന്നമായ ഒരു കാഴ്ചപ്പാടും പറയാറില്ല. പറയുന്നതിന് ഭിന്നമായി പ്രവർത്തിക്കാറുമില്ല. 

കുടുംബജീവിതത്തിൽ വരെ പറയുന്നത് തന്നെ പ്രവർത്തിക്കുന്നു, പ്രവർത്തിന്നക്കുന്നത് തന്നെ പറയുന്നു എന്നതാണ് ഈ പോസ്റ്റും ഫോട്ടോയും പോലും തെളിയിക്കുന്നത്. 

പക്ഷേ മനസ്സിലാക്കേണ്ടത് മനസ്സിലാക്കാതെ കൊതുകിന് എവിടെയും ചോര മാത്രം, അഴുക്ക് മാത്രം പ്രധാനം എന്നതാണ് മേൽകമൻ്റിൻ്റെ പ്രത്യേകത.

മറ്റുള്ളവരുടെ സ്വാതന്ത്ര്യത്തിൽ കയ്യിടണമെന്ന നിലപാട് എവിടെയും ഈയുള്ളവൻ പറയാറില്ല. 

മറ്റുള്ളവരുടെ സ്വാതന്ത്ര്യത്തിൽ കയ്യിടുന്ന വിശ്വാസ രീതിക്കേതിരെ പറയുകയും ചെയ്യും. 

വിശ്വാസിക്ക് അവിശ്വാസി കൊടുക്കുന്ന സ്വാതന്ത്ര്യം വിശ്വാസി അവിശ്വാസിക്ക് കൊടുക്കില്ല അവസരം ഒത്തുവന്നാൽ എന്നതാണ് എവിടെയും പ്രശ്നം. താങ്കൾ സൂചിപ്പിക്കുന്നതും അത് തന്നെ 

ഈയുള്ളവൻ പറയുന്നതൊന്നും താങ്കൾക്ക്  മനസ്സിലായിട്ടില്ല, മനസ്സിലാവുന്നില്ല എന്നതാണ് പ്രശ്നം. 

മനസ്സിലാവാത്ത ദഹനക്കേടിൻ്റെ പ്രശ്നം മാത്രമാണിത്. 

ദഹനക്കേട് തന്നെയാണ് എല്ലാ അസഹിഷ്ണുതയുടെയും തീവ്രതയുടേയും കാരണം. താൻ വിശ്വസിക്കുന്നത് പോലും ദഹിക്കാത്ത ദഹനക്കേട് ഉണ്ടാക്കുന്ന വയറ്റ്പോക്കും ഛർദിയും 

അല്ലാതെ ഈയുള്ളവൻ പറഞ്ഞതിന് വിപരീതമായി ഈയുള്ളവൻ നിലകൊള്ളുന്നതിൻ്റെ പ്രശ്നമല്ല താങ്കളെ അലട്ടുന്നത്. 

അതിന് മാത്രം ഇതുവരെ ആത്മാർത്ഥമായി ഈയുള്ളവൻ്റെ പിന്തുടരുന്നവനും പിന്തുടർന്നവനുമല്ല താങ്കൾ. 

ഈയുള്ളവൻ്റെ നിലപാട് തന്നെ പ്രവർത്തിക്കുന്നതിൽ താങ്കൾക്കുള്ള അസ്വസ്ഥത താങ്കൾ എപ്പോഴും എന്നത് പോലെ ഇവിടെയും പ്രകടമാക്കി എന്ന് മാത്രം. 

എന്നാലോ ഒരു വിഷയത്തിലും താങ്കൾക്ക് കൃത്യമായ, ന്യായമുള്ള നിലപാട് ഇല്ല താനും. 

കുറേ ഒളിഞ്ഞുനിൽക്കുന്ന സ്വന്തം നിരാശകളെ അസഹിഷ്ണുതയും ശത്രുതയും അസ്വസ്ഥതയുമാക്കി മാറ്റുക മാത്രമല്ലാതെ.

ഏകസിവൽകോഡ്: എല്ലാ മതങ്ങളും നഷ്ടപ്പെടും. ഒരു മതവും നേടില്ല.

ഏകസിവൽകോഡ്: 

എല്ലാ മതങ്ങളും നഷ്ടപ്പെടും. 

ഒരു മതവും നേടില്ല. 

എന്നിരിക്കെ, 

ഏതെങ്കിലും ഒരു മതക്കാർ മാത്രം 

വല്ലാതെ അസ്വസ്ഥപ്പെടുന്നതെന്തിന്? 

ഏതോ ഒരു കാലത്ത്, 

ഏതോ ഒരു വ്യക്തിയിലും ഗ്രന്ഥത്തിലും 

എല്ലാം അവസാനിച്ചുവെന്ന് 

അവർ കരുതിവശായതിനാലോ? 

അത് തിരുത്തണം. 

രാജ്യം ഒന്നുപോലെ ഒരുമിച്ച് പോകണം.

******

മുസ്ലിംകളും പ്രതിപക്ഷവും 

അന്ധമായി, ഏകപക്ഷീയമായി 

കോമൺ യൂണിഫോം സിവിൽ കോഡ് 

വിരുദ്ധരാവുന്നത് 

തെരഞ്ഞെടുപ്പ് അടുത്ത ഈ വേളയിൽ 

സ്വയം വലയിൽ വീണ് കുരുങ്ങലാണ്. 

ഒപ്പം സ്വയം നവീകരണത്തിന് 

തയ്യാറാവാതെ, മതമൗലികതയും 

യാഥാസ്ഥിതികതയും മാത്രം വെച്ച്, 

മൊത്തം മനുഷ്യൻ്റെ നന്മ കാണാതെ, 

രാജ്യത്തിൻ്റെ ഒന്നായ പോക്ക് 

ലക്ഷ്യം വെക്കാതെ, 

എല്ലാ നല്ല (നല്ലതാണെങ്കിൽ) നവീകരണത്തിനും 

അന്ധമായി എതിർനിൽക്കുന്നതും 

സ്വയം വലയിൽ വീണ് കുരുങ്ങലാണ്.

*******

ഏകസിവിൽോഡ്: ഒരു പ്രത്യേക മതക്കാർ എന്തായാലും എതിർക്കും എന്നതാണ് നിലവിൽ ഇന്ത്യ ഭരിക്കുന്ന പാർട്ടിയുടെ ഉറപ്പ്.

അതുകൊണ്ട് കൂടിയായിരിക്കും, ഒരുപക്ഷേ അവർ പോലും ശരിക്കും നടപ്പാക്കാൻ ഉദ്ദേശിക്കാതെ തന്നെ, ഇതൊരു വിഷയമാക്കാൻ സാധിക്കുന്നത്.

അച്ഛൻ പത്തായത്തിൽ ഇല്ലെന്ന് പറഞ്ഞ് സ്വയം കുടുങ്ങുന്നത് പോലെ ഈ പ്രത്യേക മതക്കാർ എല്ലാറ്റിലും എന്ന പോലെ ഇതിലും കുടുങ്ങുന്നു.

അത് മനസ്സിലാക്കാൻ, മനസ്സിലാക്കി പ്രവർത്തിക്കാൻ ഈ പ്രത്യേക മതക്കാർക്ക് മാത്രം സാധിക്കുന്നില്ല.

അവിടെയാണ് അവരുടെ പരാജയം.

എന്തുകൊണ്ട് അവർക്ക് മനസ്സിലാക്കാനും മനസ്സിലാക്കി പ്രവർത്തിക്കാനും സാധിക്കുന്നില്ല?

എന്തുകൊണ്ട് സ്വയം മാറാൻ സാധിക്കാതെ, പരിഷ്കരിക്കാതെ അവരിങ്ങനെ പരാജയപ്പെടുന്നു?

മറ്റൊന്നും കൊണ്ടല്ല.

പകരം, എല്ലാം ആയിരത്തിനാനൂറ് വർഷങ്ങൾക്ക് മുൻപ് അവസാനിച്ചു എന്നവർ കരുതുന്നതിനാൽ. 

ആയിരത്തിനാനൂറ് വർഷങ്ങൾക്ക് മുൻപ് പറഞ്ഞത് പോലേയല്ലാതെ ഒന്നും പാടില്ല എന്നവർ അടിയുറച്ച് വിശ്വസിക്കുന്നതിനാൽ.

അങ്ങനെയല്ലെങ്കിൽ നരകത്തിൽ, അങ്ങനെയായാൽ മാത്രം സ്വർഗ്ഗത്തിൽ എന്നവർ വിശ്വസിക്കുന്നതിനാൽ. 

ഇന്ത്യൻ വേരുള്ള കമലാ ഹാരിസിനെ അമേരിക്കക്ക് ഉൾകൊള്ളാൻ കഴിയും. വൈസ് പ്രസിഡൻ്റായി .

ഇന്ത്യയെ നിർമ്മിക്കാനും വളർത്താനും വേണ്ടത് ഇന്ത്യക്കാരായ മനുഷ്യരാണ്. 

അല്ലാതെ ഹിന്ദുവും മുസ്ലിമും ക്രിസ്റ്റ്യനുമല്ല. 

ശത്രുവെ ഉണ്ടാക്കിക്കാണിച്ച് അധികാരം സ്ഥാപിക്കുക സാമ്രാജ്യത്വശക്തികളുടെ രീതി. 

സ്വന്തം നാട്ടുകാരെത്തന്നെ ശത്രുവാക്കിക്കാണിച്ച് അധികാരം നേടാനും ഉറപ്പിക്കാനും ആര് ശ്രമിച്ചാലും അവരും സാമ്രാജ്യത്വശക്തികൾ തന്നെ.

*******

ഇന്ത്യക്കാരിയായ, അഥവാ ഇന്ത്യൻ വേരുള്ള കമലാ ഹാരിസിനെ അമേരിക്കക്ക് ഉൾകൊള്ളാൻ കഴിയും... വൈസ് പ്രസിഡൻ്റായി. നമ്മൾ അഭിമാനം കൊണ്ടു.

പക്ഷേ ഇന്ത്യക്കാരെ തന്നെ ഇന്ത്യൻ പ്രധാനമന്ത്രിക്കും ഇന്ത്യ ഭരിക്കുന്ന പാർട്ടിക്കും ഉൾകൊള്ളാൻ കഴിയുന്നുണ്ടോ? മതവിഭാജനവും വെറുപ്പും പറഞ്ഞുകൊണ്ട്.

അമേരിക്കയുടെ ഒട്ടുമിക്ക വലിയ കമ്പനികളുടെയും മേലാളന്മാർ ഇന്ത്യക്കാരായി. നമ്മൾ അഭിമാനം കൊണ്ടു.

പക്ഷേ, അറിയാമല്ലോ ഇവിടുത്തെ രാഷ്ടീയവും രാജ്യം ഭരിക്കുന്ന പാർട്ടിയുടെ മൊത്തം എംപിമാരിൽ അങ്ങനെ എത്ര പേരെ ഉൾകൊള്ളുന്നുണ്ടെന്നും....

സോണിയയെ ഉൾകൊള്ളാൻ പോലും നമ്മൾ എന്തെല്ലാം തടസ്സവാദങ്ങൾ ഉണ്ടാക്കി?

അവിടെ അമേരിക്കയിൽ മുസ്ലിം ആഫ്രിക്കൻ ബാക്ക്ഗ്രൗണ്ട് ഉള്ള ഒബാമ വരെ പ്രസിഡൻ്റ് ആയി...

ഇംഗ്ലണ്ടിൽ ഇന്ത്യക്കാരൻ ഋഷി സുനാക്ക് ആയി...

സ്കോട്‌ലാണ്ടിൽ പാക്കിസ്ഥാൻ വംശജൻ ആയി.

കഴിവ് മാത്രം എല്ലാറ്റിനും അടിസ്ഥാനം.

ഇവിടെയോ?

വർഗീയത, വെറുപ്പ്, വിഭജനം.

നാട് ഭരിക്കുന്ന അധികാരികളെയാണല്ലോ തിരുത്തേണ്ടത്?

പട്ടികള്‍ പരസ്പരം ഉണര്‍ത്തുന്നു. 

'എന്ത് ക്രൂരതകളും കുറ്റങ്ങളും ചെയത് അധികാരവും സ്ഥാനവും സൂക്ഷിക്കുക. അല്ലേല്‍ ഏതെങ്കിലും പട്ടിയല്ലാത്തവന്‍ അവിടെ വന്നിരിക്കും'. 

അങ്ങനെ ഇപ്പോൾ എല്ലാ സ്ഥാനങ്ങളിലും പട്ടികള്‍ മാത്രം.

*******

നാട് ഭരിക്കുന്ന വിഭാഗത്തെയും അധികാരികളെയുമാണല്ലോ ഉണർത്തേണ്ടതും തിരുത്തേണ്ടതും?

അതും കൃത്യമായും വിഭജനത്തിൻ്റെയും വെറുപ്പിൻ്റെയും രാഷ്ട്രീയം മാത്രം കളിക്കുമ്പോൾ. 

ഈയടുത്ത് കർണാടകയിൽ വരെ, മറ്റൊന്നും പറയാനും ഉയർത്തിക്കാണിക്കാനും ഇല്ലാതെ കേരള സ്റ്റോറി പറഞ്ഞ് വരെ പ്രധാനമന്ത്രിയടക്കം കളിച്ചത് കണ്ട സ്ഥിതിക്ക്. 

അതല്ലാത്ത ഒരജണ്ടയും ആശയവും പറയുന്നില്ല, പറയാനില്ല രാജ്യം ഭരിക്കുന്ന രാജ്യത്തെ ഒന്നായിക്കണ്ട് ഒന്നായി കൊണ്ടുപോകേണ്ട പാർട്ടിക്ക് എന്ന് കാണുമ്പോൾ. 

തീർത്തും നിരാശരായി സങ്കടപ്പെട്ടു കൊണ്ട്.

എന്തെല്ലാമായാലും രാജ്യം ഭരിക്കുന്ന പാർട്ടി, രാജ്യത്തെ ഏറ്റവും വലിയ പാർട്ടി, രാജ്യത്തെ ഏറ്റവും വലിയ ന്യൂനപക്ഷത്തിൽ നിന്ന്, ഏകദേശം ഇരുപത് ശതമാനം വരുന്ന സമുദായത്തിൽ നിന്ന് ഒരാളെ പോലും രാജ്യത്തെവിടെയും മത്സരിപ്പിച്ചു ജയിപ്പിച്ചില്ല എന്നത് ഒരു അപവാദമായും കളങ്കമായും കിടക്കുന്ന കാലത്തോളം ഈ തിരുത്തും ഉണർത്തലും നടന്നുകൊണ്ടേയിരിക്കണം.

യാഥാർത്ഥ്യബോധം ഉണ്ടാക്കാൻ മാത്രം. 

കുറച്ചാളുകളുടെ, അല്ലെങ്കിൽ ഏതെങ്കിലും പാർട്ടിയുടെ, അധികാരദുരക്കും ആക്രാന്തത്തിനും വേണ്ടി മാത്രമായി രാജ്യം ആഭ്യന്തര കലാപത്തിലെത്തി നശിച്ചുപോകാതിരിക്കാൻ. 

******

എഴുപത് വർഷങ്ങൾ കൊണ്ടുണ്ടായതല്ലാത്ത എന്താണ് ഇവിടെ പുതിയതായി, ഈ പത്തു വർഷങ്ങൾക്കുള്ളിൽ ഉണ്ടായത്?

സ്വന്തം ഭാര്യക്ക് കൊടുക്കാൻ സാധിക്കാത്ത green diamond അമേരിക്കൻ പ്രസിഡൻ്റിൻ്റെ ഭാര്യക്ക് കൊടുത്തതോ? 

അതാണോ രാജ്യത്തിൻ്റെ മുൻപോട്ടുള്ള പോക്ക്?

പുതിയ ഐഐടിയോ ഐഐമ്മോ, isroയോ റെയ്ൽവേയോ ആശുപത്രികളോ തുറന്നുവോ?

നികുതിയും വിലയും കൂടിയത് മാത്രമല്ലാതെ വേറെന്തുണ്ടായി?

ഒപ്പം വെറുപ്പും വിഭജനവും മാത്രമല്ലാതെ.

നാം മനസ്സാക്ഷിയോട് തന്നെ ചോദിച്ചുനോക്കുക.

*******

നാടിൻ്റെ ദുരിതമോർത്ത് മാത്രം പറയുന്നതിനെ വ്യക്തിയെ കേന്ദ്രീകരിച്ച്, ഏതെങ്കിലും പാർട്ടിയെ എതിർത്തു മാത്രം പറയുന്നതായി കാണരുത്.

******

രാജ്യതാൽപര്യവും രാജ്യക്കാരുടെ താൽപര്യവുമാണ് സ്വന്തം പാർട്ടിയുടെയും, കുടുങ്ങിപ്പോയ ഉപബോധമനസ്സിൻ്റെയും താല്പര്യത്തിനേക്കാൾ യഥാർഥത്തിൽ മുകളിലെങ്കിൽ നിങൾ ആലോചിക്കുക.

*******

നമ്മൾ സെലക്ടീവായി, വെറുപ്പും വിഭജനവും ഉണ്ടാക്കേണ്ട കാര്യങ്ങളിൽ മാത്രം വാചാലരാവുന്നു.

സെലക്ടീവായി തന്നെ പല മർമ്മപ്രധാനമായ വിഷയങ്ങളിൽ നമ്മൾ മൗനം പാലിക്കുന്നു.

******

നികുതിയടക്കുന്ന ജനങ്ങൾക്ക് സൗജന്യം നൽകുന്നത് തെറ്റായ രാഷ്ടീയമോ?

നികുതിയടക്കേണ്ടാത്ത എന്തെങ്കിലുമുണ്ടോ ഇവിടെ? 

പിച്ചച്ചട്ടി, ശവമടക്ക്, ആശുപത്രിബില്ല്, മരുന്ന്, ഭക്ഷണം, ഇഷുറൻസ്, ഇലക്ട്രിക് ബില്ല്, എന്നുവേണ്ട മൂത്രമൊഴിക്കുന്നതിനും കാഷ്ടിക്കുന്നതിനും വരെ നികുതി. 

പിന്നെന്തിനായിരുന്നു നാം എന്തോ ചില്ലറ കാര്യങ്ങൾക്ക് മാത്രം നികുതി ചുമത്തിയ ബ്രിട്ടീഷുകാർക്കെതിരെ സമരം ചെയ്തത്? 

ഒന്നും മനസ്സിലാവുന്നില്ല.

*******

ജനങ്ങൾക്ക് സൗജന്യം നൽകുന്നത് തെറ്റായ രാഷ്ടീയം, കീഴ്‌വഴക്കം എന്ന് പറയുന്നവരോട് ചോദിക്കട്ടെ. 

ഇവിടെയുള്ള എംഎൽഎമാർ, എംപിമാർ, മന്ത്രിമാർ, മുഖ്യമന്ത്രിമാർ, പ്രധാനമന്ത്രിമാർ ഒക്കെയും ജീവിതകാലം മുഴുവൻ രാജ്യത്തിൻ്റെ ചിലവിൽ സൗജന്യമായി ജീവിക്കുന്നവരല്ലേ?

അവർ വൻതുക രാജ്യത്തിൻ്റെ ഖജനാവിൽ നിന്നും ജീവിതകാലം മുഴുക്കെ പെൻഷനായി കൈപ്പറ്റുന്നതിന് പുറമേ. 

അതെന്തേ, ഭീമമായ തുക നികുതിയടക്കുന്ന ജനങ്ങൾക്ക് രാജ്യത്തിൻ്റെ സൗജന്യം അനുഭവിച്ചുകൂടേ?

******

സൗജന്യം കൊടുത്താൽ ജനങ്ങൾ അലസരായിപ്പോവില്ലേ എന്നൊരു ചോദ്യം.

മറിച്ചൊന്ന് ചോദിക്കട്ടെ.

അപ്പോൾ സൗജന്യം മാത്രം തിന്നുന്ന നമ്മുടെ എംഎൽഎമാരും എംപിമാരും മന്ത്രിമാരും മുഖ്യമന്ത്രിമാരും പ്രധാനമന്ത്രിമാരും മടിയന്മാർ ആയിപ്പോയോ? 

എങ്കിൽ ജനങ്ങളുടെ നികുതപ്പണം ജനങ്ങൾക്ക് തന്നെ സഹായമായി നൽകുമ്പോൾ മാത്രമെന്താണ് ഇത്തരം കുനിഷ്ട് ന്യായങ്ങൾ. 

ജനങ്ങൾ പാവങ്ങളായത് കൊണ്ട്, ജനാധിപത്യത്തിന് വേണ്ടി വളർന്നിട്ടില്ല എന്നതിനാൽ എന്തെങ്കിലും പറഞ്ഞും, വെറുപ്പും വിഭജനവും മാത്രം ഉണ്ടാക്കിയും മാത്രം എന്നും അവരെ ഇങ്ങനെ പറഞ്ഞ് പറ്റിക്കാം എന്നാണോ?

*******

പിന്നെന്തിനാണ് നമ്മുടെ ഭരണാധികാരികളും എംഎൽഎ എംപിമാരും മന്ത്രിമാരും പ്രധാനമന്ത്രിമാരും അവർക്ക് കിട്ടേണ്ട സൗജന്യം കൂട്ടിക്കൂട്ടി എടുക്കുന്നത്? 

അതും ജീവിതകാലം മുഴുക്കെ വേണ്ടതും പോരാത്തതിന് തലമുറകൾക്ക് വേണ്ടതും. 

രാജ്യത്തിലെ പാവങ്ങളുടെ ചിലവിൽ.

താങ്കൾ മേൽപറഞ്ഞത് പോലെയാണോ സൗജന്യം കൂട്ടിക്കൂട്ടിയെടുക്കുന്ന നമ്മുടെ മന്ത്രിമാർക്കും എംഎൽഎ എംപിമാർക്കും പ്രധാനമന്ത്രിമാർക്കും ഉദ്യോഗസ്ഥൻമാർക്കും പറ്റിയത്? എല്ലാം സുരക്ഷിതമായതിൽ പിന്നെ അവർ വെറുതെയിരുന്ന് അലസരായി ഒന്നും ചെയ്യാതിരിക്കുകയാണോ?

അതുകൊണ്ടാണോ നമ്മുടെ നാട് ഇങ്ങനെ ആയിപ്പോകുന്നത്?

നേതാക്കൾക്ക് എല്ലാം വേണം, പാവം ജനങ്ങൾക്ക് ഒന്നും പാടില്ല എന്നാണോ വേണ്ടത്? 

നേതാക്കൾ ലാളിത്യം കാണിച്ച് മുന്നിൽ നിന്ന് മാതൃക കാണിക്കുകയല്ലേ വേണ്ടത്. 

അവരൊക്കെ സമ്പന്നരായിട്ടും അവർക്ക് രാജ്യത്തെ പാവങ്ങളുടെ ചിലവിൽ കിട്ടേണ്ട സൗജന്യം ഏകപക്ഷീയമായി എപ്പോഴും വർദ്ധിപ്പിച്ച് വർദ്ധിപ്പിച്ച് കൊഴുക്കുകയാണോ വേണ്ടത്?