സ്വതന്ത്രചിന്ത സുഖമാണെന്ന് വിചാരിച്ച് ആരും ഇറങ്ങിപ്പുറപ്പെടേണ്ട.

ആരാണ് എറ്റവും സുരക്ഷിതവും സുനിശ്ചിതവുമായി ജീവിക്കുന്നവൻ? 

തടവ്പുള്ളി.

അടിമ.

******

സ്വതന്ത്രചിന്ത എളുപ്പവും സുഖവും ആണെന്ന് വിചാരിച്ച് ആരും ഇറങ്ങിപ്പുറപ്പെടേണ്ട. 

ഉള്ള കൂടും കൂരയും നഷ്ടപ്പെടുന്ന പണിയാണത്. 

നിലവിലുള്ളതുമായി ഒത്തുപോകുന്നതാണ് എളുപ്പവും സുഖവും.

*****

അല്പത്തിലും അല്പങ്ങൾക്കിടയിലും കളിക്കുമ്പോൾ മാത്രമേ കാരണവും കാര്യവും ഉള്ളൂ. 

എന്തെങ്കിലും ചെയ്യാൻ ന്യായവും താൽപര്യവും കാണൂ. 

മുഴുവനും കണ്ടാൽ, മുഴിവനിൽ നിന്ന് കണ്ട് തുടങ്ങിയാൽ കാരണവും കാര്യവും നഷ്ടപ്പെടും. 

എന്തെങ്കിലും ചെയ്യാനുള്ള ന്യായവും താൽപര്യവും ഇല്ലാതാവും. അലസത എന്ന് നാം വിളിക്കുന്നത് ബാക്കിയാവും.

*****

എന്തുകൊണ്ട്‌ ഇങ്ങനെയൊക്കെ എഴുതുന്നു, പറയുന്നു? 

മരിക്കുവോളം 'ഞാന്‍' ഉണ്ടെന്ന് വരുത്താൻ. 

അല്ലെങ്കില്‍ ഇല്ലാത്ത  'എന്നെ' ഉണ്ടാക്കാൻ. 

****

ജനങ്ങൾ കൊടുക്കുന്ന പൈസ വാങ്ങുന്ന ആളാണോ? 

എങ്കിൽ അയാൾ ഉള്ളിൻ്റെയുള്ളിൽ ജനങ്ങൾ പൈസ കൊടുക്കാൻ ഇഷ്ടപ്പെടുന്ന ആളുമായിരിക്കും. 

ശുദ്ധ പുരോഹിതൻ. 

കൈക്കൂലി വാങ്ങുന്നവർ. 

കൈക്കൂലി വാങ്ങുന്നവർ മുഴുവൻ പുരോഹിതൻമാർ. 

പുരോഹിതൻമാർ മുഴുവൻ കൈക്കൂലി വാങ്ങുന്നവർ.

അവർ എല്ലാവരെയും കൈക്കൂലി കൊടുക്കേണ്ടവരായി കാണുന്നു. 

ചിലന്തിയെ പോലെ അവർക്ക് എല്ലാവരും താൻ നെയ്ത തൻ്റെ വലയിൽ വീഴേണ്ട ഇരകൾ.

അതിനാൽ, വലയിൽ വീഴാനായി എല്ലാവരെയും സുഖിപ്പിച്ചു മാത്രം ഇടപെടുന്നു, സംസാരിക്കുന്നു. 

പുരോഹിതൻ.

കപടൻ. 

പറയേണ്ടത് പറയേണ്ടത് പോലെ പറയാതെ.

അങ്ങനെ പറയേണ്ടത് പറയേണ്ടത് പോലെ പറയാനുള്ള ആർജവം ഇല്ലാതെ. 

*****

അറിയുക.

യഥാർത്ഥ സന്യാസിക്ക് ശിഷ്യന്മാരുണ്ടാവില്ല. 

നല്ല കൂട്ടുകാരൻ പോലും ഉണ്ടാവില്ല.

യഥാർത്ഥ സന്യാസി

പൂച്ചകളെ പോലെ.

എങ്ങനെയായാലും ഒറ്റക്ക്.

ആൺപൂച്ചകളെ കണ്ടിട്ടില്ലേ?

മുഴുവൻ പൂച്ചകൾ തന്നെ പൊതുവേ അങ്ങനെയാണ്. 

ആൺ പെൺ വ്യത്യാമില്ലാതെ.

കൂട്ടില്ല. 

ആരുമായും കൂടാൻ പറ്റില്ല.

ഒറ്റക്കുള്ള ജീവിത വീക്ഷണം.

ഒറ്റക്കുള്ള ജീവിത വഴി. 

ഒറ്റയിൽ ഒറ്റയായി

ജീവിതത്തിലെ എല്ലാ യഥാർത്ഥ അനുഭവങ്ങളും എന്ന പോലെ.

യഥാർത്ഥ അനുഭങ്ങൾ ഒന്നും ആരുമായും പങ്കു വെക്കാനാവില്ല എന്നത് കൊണ്ട്, എന്നത് പോലെ.. 

സമൂഹമായി ജീവിക്കാൻ തീരേ ഇഷ്ടപ്പെടാത്തവർ. 

ഇരുട്ടിലും വെളിച്ചത്തിലും ഒറ്റക്ക് മാത്രം. 

ലോകത്തിന് താനും 

തനിക്ക് ലോകവും

സാക്ഷി

എന്ന് ധീരമായി വരുത്തുംവിധം. 

ഒറ്റക്ക് വെല്ലുവിളിക്കും. 

കൂടെയുണ്ടാവേണ്ട മറ്റൊരു പൂച്ചയെ വരെ. 

ഒറ്റക്ക് വെല്ലുവിളിയെ നേരിടും. 

കൂടെയുണ്ടാവേണ്ട മറ്റൊരു പൂച്ചയിൽ നിന്ന് വരെ.

അവസാനം വരെ ഒറ്റക്ക് നിന്ന് പോരടിച്ച്, അനുഭവിച്ച്, സാക്ഷിയായി.

ഒട്ടും സ്വാധീനിക്കപ്പെടാതെ. 

യഥാർത്ഥ സന്യാസികൾ. 

ധീരൻമാർ. 

പക്ഷേ, നഷ്ടം വിഷയമാക്കാതെ എല്ലാം നഷ്ടപ്പെടുന്നവരും.

സംതൃപ്തിയോടെ.

*****

സ്ഥാനങ്ങളുടെയും അംഗീകാരങ്ങളുടെയും വലുപ്പമാണ് ഒരാളുടെ വലുപ്പമെങ്കിൽ, കപടന്മാരായിരിക്കും ഏറ്റവും വലിയ മഹാന്മാർ. 

സത്യം സത്യമായി പറയുന്നതും പിന്തുടരുന്നതും കൊണ്ട് ഒരാൾ ഏൽക്കുന്ന പീഢയുടെയും അവഗണനയുടെയും വലുപ്പമാണ് യഥാർത്ഥ മഹത്വം

ജീവിതം സുഗമമാവാനുള്ള സ്വാര്‍ത്ഥത മാത്രം എല്ലാം.

ജീവിതം സുഗമമാവാനുള്ള സ്വാര്‍ത്ഥത മാത്രം എല്ലാം. 

ജീവിതം ജീവിതത്തില്‍ അള്ളിപ്പിടിക്കുന്ന ശ്രമം എല്ലാം. 

അല്ലാതെന്ത് സ്നേഹം? 

അല്ലാതെ ആരോട് സ്നേഹം? 

സ്നേഹം അവനവനോട് മാത്രം. 

ബാക്കിയെല്ലാം അതുകൊണ്ടുള്ള, കാരണം വെച്ചുള്ള ഇഷ്ടവും വെറുപ്പും മാത്രം. 

ഒന്നും സ്നേഹമല്ല. 

*****

ബന്ധങ്ങൾ മിക്കതും ബലൂൺ പോലെയെ ഉള്ളുവെന്നറിയാൻ മഹാഭൂരിപ്ഷത്തിനും ജീവിതം മുഴുവൻ വേണ്ടിവരുന്നു. 

പലപ്പോഴും വെറുമൊരു മുള്ള് പോലും വേണ്ടാതെ, ചിലപ്പോൾ വെറും വെളിച്ചം കൊണ്ട് മാത്രം പോട്ടിത്തകരുമ്പോൾ. 

പലപ്പോഴും ജീവിതാവസാനം വെച്ച്. 

അതൊരു കെണി, വെറും ചതി.

*****

നാം താഴെയെന്നും ഇരുട്ടെന്നും കരുതുന്നിടത്ത് വേരുകൾ പണിയെടുക്കുന്നു. 

എന്തിന്? 

നാം ഉയരേയെന്നും വെളിച്ചമെന്നും കരുതുന്നിടത്ത് കൊമ്പുകളെ എത്തിക്കാൻ.

*****

സ്ഥാനങ്ങളുടെയും അംഗീകാരങ്ങളുടെയും വലുപ്പമാണ് ഒരാളുടെ വലുപ്പമെങ്കിൽ....,

കപടന്മാരായിരിക്കും ഏറ്റവും വലിയ മഹാന്മാർ. 

സത്യം സത്യമായും പറയുന്നതും പിന്തുടരുന്നതും കൊണ്ട് ഒരാൾ ഏൽക്കുന്ന പീഢയുടെയും അവഗണനയുടെയും വലുപ്പമാണ് യഥാർത്ഥ മഹത്വം. 

*****

മതത്തെ നിഷേധിച്ച് ദൈവത്തെ കൊണ്ടുനടന്നാൽ പോരേ...?

നിങ്ങൾക്ക് മനസ്സിലാവുന്നത് പോലുളള ദൈവത്തെ, ദൈവമില്ലായ്മയെ. 

എല്ലാറ്റിനെയും 1400ഉം 2000വും 3000വും കൊല്ലങ്ങൾ പിറകിലേക്ക് മാത്രം കെട്ടിവെച്ചതിൻെറ അബദ്ധങ്ങളെ ഇങ്ങനെയും വ്യാഖ്യാനിച്ച് ന്യായീകരിക്കേണ്ടതുണ്ടോ? 

ദൈവവും ദൈവമില്ലായ്മയും നമുക്ക് പിടികിട്ടാത്ത കാര്യമാണ്. 

പക്ഷേ പിടികിട്ടാത്ത കാര്യമാണെന്ന് ഉണ്ടെങ്കിൽ ഉള്ള ദൈവത്തിനും അറിയാതിരിക്കില്ല 

പിന്നെന്തിനാണ്, പിടികിട്ടാത്ത കാര്യത്തിൻ്റെ പേരിൽ മനുഷ്യനെ തിരുത്താനുള്ള ശ്രമവും നരകഭീഷണിയും ഒക്കെ? 

പിടികിട്ടിച്ചു കൊടുത്താൽ മാത്രം പോരേ? 

ദൈവമല്ലേ? 

വിചാരിച്ചാൽ നടക്കുമല്ലോ?

അതല്ലേൽ ദൈവം മനുഷ്യനെ പോലെ ആവുകയാണോ? 

അതുമല്ലെങ്കിൽ മതം പരിചയപ്പെടുത്തുന്ന ദൈവം മാത്രം മനുഷ്യനെ പോലെ ആവുകയാണോ?

മതം പറഞ്ഞത് പോലുള്ള ദൈവത്തോട് നമ്മൾ ക്ഷണിക്കുകയാണ് നല്ലത്.

ആ ദൈവം എന്തായാലും നമ്മോട് ക്ഷമിക്കാൻ ഒരുക്കമല്ല.

ഈയുള്ളവനെ അവഗണിക്കുകയോ? Hahahahaha. അത് പുതിയ കാര്യമല്ല.

ഈയുള്ളവനെ അവഗണിക്കുകയോ?

Hahahahaha....

അത് പുതിയ കാര്യമല്ല.

ഒരു കുറേ ആളുകൾ ഇതിനകം തന്നെ ചെയ്തു കഴിഞ്ഞതും ചെയ്തുകൊണ്ടിരിക്കുന്നതുമാണ്. 

അവരുടെ തന്നെ പരാജയം ഒളിച്ചുവെക്കാൻ. ഉത്തരം മുട്ടിയാൽ കൊഞ്ഞനം പോലെ. 

കണ്ടില്ലെന്നും കേട്ടില്ലെന്നും നടിച്ച് തമസ്കരിക്കുക. 

ഇരുട്ട് കൊണ്ട് ഓട്ടയടക്കുക. 

ഒട്ടകപ്പക്ഷിയിൽ നാം ആരോപിക്കുന്നത് നാം തന്നെ ചെയ്യുക. 

മണ്ണിൽ തലപൂഴ്ത്തിവെക്കുക. 

കണ്ണടച്ച് ഇരുട്ടാക്കുക.

മതേതരത്വവും സഹിഷ്ണുതയും പുറംപൂച്ചിന് പറയുന്ന, പ്രസംഗിക്കുന്ന മതതീവ്രവാദിയുടെ ഉള്ളിലെ അസഹിഷ്ണുത ഇങ്ങനെയാണ് പുറത്ത് വരിക. 

സ്വാതന്ത്ര്യവും സഹിഷ്ണുതയും അവന് മാത്രം അവകാശപ്പെട്ടത്. 

അവന് മാത്രം കിട്ടേണ്ടത്. 

അവൻ ആർക്കും നൽകില്ല.

അവർ ആരെയെല്ലാം സഹിച്ചാലും, സ്വസമുദായത്തിൽ നിന്നുള്ള വേറിട്ട ചിന്താഗതിക്കരനെ സഹിക്കില്ല. പരിഹസിക്കും. ഇടിച്ചുതാഴ്ത്തും. 

ബന്ധുവായാലും സുഹൃത്തായാലും അയൽവാസിയായാലും, വീട്കൂടലിനും മക്കളുടെ കല്യാണത്തിനും വരെ വേറിട്ട് ചിന്തിക്കുന്നവനെ അവഗണിക്കും. 

അവനെ കണ്ടില്ലെന്ന് നടിച്ച് തമാസ്കരിക്കും, 

അങ്ങനെ തമസ്കരിക്കാൻ മറ്റുള്ളവരോട് ആവശ്യപ്പെടും 

ഇത് നിത്യജീവിതത്തിൽ അനുഭവിച്ചുകൊണ്ടിരിക്കുന്ന, ചിരിക്കാൻ ഏറെ വകതരുന്ന വളരേ വലിയ തമാശ മാത്രം.

*****

കോടിക്കണക്കിൻ്റെ കാര്യം പറയേണ്ട. 

അത്രക്ക് അല്പൻമാരായിപ്പോകരുത് നമ്മൾ.

നിങൾ എടുത്തുപറയുന്ന കോടിക്കണക്കിന് വിശ്വാസികളായ മനുഷ്യരും വിശ്വാസികളായത് ഖുർആൻ അറിഞ്ഞിട്ടല്ല. 

ജനനം കൊണ്ട്, പേര് കൊണ്ട്, വെറും സാമൂഹ്യമായി, ചിന്തിക്കാതിരിക്കാൻ, സുരക്ഷിതനാവാൻ. 

ഒന്നും അറിയാതെയാണ് മഹാഭൂരപക്ഷവും വിശ്വാസികൾ ആയത്. 

കുട്ടിപ്രായത്തിൽ എന്തോ കയറ്റിവെച്ചതുകൊണ്ട്. 

തീർത്തും ഉപബോധമനസ്സിനെ പിന്തുടർന്ന്. അതിന് ന്യായവും ന്യായീകരണവും പറഞ്ഞ്.

താങ്കളുടെ ചുറ്റുവട്ടത്തും താങ്കളെ തന്നെയും ഒന്ന് ചൂഴ്ന്നുനോക്കിയാൽ മനസ്സിലാവും

******

ഏറ്റവും വലിയ പാപം, ഒരിക്കലും പൊറുക്കാത്ത പാപം, ഏറ്റവും വലിയ ശക്ഷ കിട്ടുന്ന പാപം ബഹുദൈവ വിശ്വാസം. അത് ദൈവം തന്നെ പറയുക, ദൈവത്തിന് തന്നെ പറയേണ്ടി വരിക. ചിരി വരേണ്ടതല്ലേ?

ഇനി ആർക്കാണ് വധശിക്ഷ?

മൂന്ന് കൂട്ടർക്ക്.

1. കൊന്നവന്. 

2. വിവാഹം ചെയ്തതിന് ശേഷം വ്യഭിചാരിച്ചവന് (അല്ലാത്തവന് നൂറടി).

3. മതം മാറിയവന് (സമൂഹ വുമായി ഇടഞ്ഞു നിൽക്കുന്നവന്?

"അന്ന്ഫ് സു ബിന്നഫ്സി.

അസ്സയ്യിബുസ്സാനി.

അത്താരിക്കു ബിദീനിഹി, വൽ മുഫാറഖത്തു ബിൽജമാഅ"

ദൈവത്തോട് നാം ക്ഷമിക്കുക. ദൈവം ക്ഷമിക്കാൻ ഒരുക്കമല്ല.

ഏറ്റം നിഷ്കളങ്കമായ കാര്യമാണ് 

ചില മത വിശ്വാസ പ്രകാരം

ഒരിക്കലും പൊറുക്കപ്പെടാത്ത, 

ഏറ്റവും വലിയ ശിക്ഷ കിട്ടുന്ന, 

ഏറ്റവും വലിയ പാപം. 

എന്താണത്? 

ഒരാൾക്ക് മനസ്സിലാവുന്ന വിധത്തിലുള്ള 

ദൈവത്തെ ആരാധിക്കുന്നത്. 

ഒരാൾക്ക് മനസ്സിലാവാത്ത ദൈവത്തെ 

നിഷേധിക്കുന്നത്. 

ഒരാൾക്ക് മനസ്സിലാവുന്ന ദൈവസങ്കല്പവും ജീവിതസങ്കല്പവും വെക്കുന്നത്.

****

മലം എത്ര കഴുകിയാലും മലം തന്നെ. 

വൃത്തിയാവില്ല. 

വൃത്തിയാക്കാൻ ശ്രമിക്കുന്ന കൈകൾ വൃത്തികേടാവും.

******

ദൈവമല്ലാത്ത ദൈവമില്ലെന്ന് 

ഒരാൾ  സ്വയം  കണ്ടെത്തിയാൽ, 

അറിഞ്ഞാൽ, 

പറഞ്ഞാൽ, 

അത് അതിഗംഭീരം തന്നെ. 

പക്ഷേ, 

അത് ദൈവം സ്വയം പറയുന്നു, 

ദൈവത്തിന് തന്നെക്കുറിച്ച് സ്വയം 

പറയേണ്ടിവരുന്നു 

എന്നുവന്നാൽ 

മഹാഅബദ്ധം തന്നെ.

****

ദൈവത്തോട് നാം ക്ഷമിക്കുകയാണ് നല്ലത്.

ദൈവം എന്തായാലും ക്ഷമിക്കാൻ ഒരുക്കമല്ല.

*****

ആപേക്ഷിക മാനത്തിൽ 

എല്ലാ വികാരവിചാരങ്ങളും ഉള്ള, 

നമ്മുടേത് പോലെ തന്നെ തലച്ചോറുള്ള 

അല്പനായ ഏകദൈവം.

മതം പരിചയപ്പെടുത്തുന്ന ദൈവം.

*****

എവിടെയായാലും ജീവിതം ഒന്ന് തന്നെ, ജീവിതത്തിന് ഒരേ ഭാവവും കോലവും തന്നെ. 

ഇക്കരെ നിന്ന് അക്കരെ എന്ന് തോന്നും. 

അക്കരെ എത്തിയാലോ? 

ആദ്യത്തെ ഇക്കര അക്കരയാവും. 

അല്ലെങ്കിൽ വേറെ അനേകം അക്കരകൾ ഉണ്ടാവും. 

പ്രയാണം തുടരും.

*****

ഓരോരുവനും അവൻ്റെ സങ്കൽപം പോലെ അവൻ്റെ ദൈവം. 

നിഷേധിക്കുന്നതും വിശ്വസിക്കുന്നതും അറിവുകേട് കൊണ്ട്. 

ഇത് സാമാന്യയുക്തിയിൽ മനസിലാക്കിയാൽ സഹിഷ്ണുതയായി, വിശാലതയായി. 

മതവും വിഭജനവും പരസ്പരമുള്ള വെറുപ്പും ഇല്ലാതായി.

******

ചിലർക്ക് പറയുന്ന വ്യക്തിയും വ്യക്തിഅധിക്ഷേപവും ആണ് വിഷയം.

അതുകൊണ്ട് തന്നെ അത്തരം ചിലർ എപ്പോഴും കടന്നാക്രമിച്ചു വ്യക്തിപരമായി ഇടിച്ചുതാഴ്ത്താൻ ശ്രമിക്കുന്നത് കാണും.

ഒരു പ്രത്യേക കാരണവും ഇല്ലാതെ.

എന്ത് പറഞ്ഞാലും പറഞ്ഞ വ്യക്തിയിലേക്ക് കാര്യം ചുരുക്കിക്കൊണ്ട്. അദ്ദേഹത്തെ കൊച്ചാക്കാൻ ശ്രമിച്ചുകൊണ്ട്.

ഒരുതരം അധമബോധത്തിൽ നിന്നും അപകർഷതാബോധത്തിൽ നിന്നും അസൂയയിൽ നിന്നും ഉയരുന്ന അസഹിഷ്ണുത നിറഞ്ഞ, വെറുപ്പ് പോലെ.

കാലേക്കൂട്ടി നിശ്ചയിച്ച സ്വരം പോലെ.

തുടരെത്തുടരെ.

സംവാദത്തിൽ സൂക്ഷിക്കേണ്ട മര്യാദ തൊട്ടുതീണ്ടാതെ.

അത് മറ്റൊന്ന് കൊണ്ടുമല്ല.

ഏകസത്യാവാദവും അവസാനവാദവും ഉണ്ടാക്കിയ അനിവാര്യമായ തീവ്രതയും അസഹിഷ്ണുതയും അവരറിയാതെയും പുറത്ത് വരുന്നതാണ്.

പിന്നെ വ്യക്തിപരമായ വെറുപ്പും കുശുമ്പും അസൂയയും അതിൻ്റെ കൂടെ കൂടിക്കലരുന്നത്.

ചരിത്രത്തിൽ അബൂജഹലുമാർക്ക് സംഭവിക്കുന്നത്.

നേരിട്ടറിയുകയോ കാണുകയോ ചെയ്യാത്ത ഒരാളുടെ നേരെ പോലും.

അല്ലാതെ ആശയത്തിൻ്റെ നേരെ ആശയം വെച്ച് തന്നെയല്ല.

സ്വന്തമായ ന്യായന്യായതകൾ വെച്ചുമല്ല.

ശരിയും അത് പറയുന്നതുമല്ല അത്തരക്കാർക്ക് വിഷയം.

പറയുന്ന വ്യക്തി വലിയ ആൾ ആയിപ്പോകുന്നുവോ ആരെങ്കിലും അങ്ങനെ കരുതിപ്പോകുന്നുവോ എന്നതാണ് അവരെ കൂടുതൽ ബാധിക്കുന്നത്.

ഏതോ എന്തോ പഴയ ചിലത്, ഒന്ന് മാത്രമെന്നത്, ഓരാൾ മാത്രമെന്നത്, ഒരു ഗ്രന്ഥം മാത്രമെന്നത്, കിണഞ്ഞ് പരിശ്രമിച്ച് പ്രതിരോധിക്കാനുള്ളത് പോലെ അത്തരക്കാർ.

ആരോ പറഞ്ഞുവിട്ടതും പറഞ്ഞേല്പിച്ചതും പോലെ.

സത്യം ഇളക്കമാണ്. സ്ഥാനമാനങ്ങളും നിന്നിടവും നഷ്ടമാക്കും.

അറിവും കാഴ്ച്ചയും അനുഭവവും ഉള്ളവന് എന്ത് വിശ്വാസം, എന്തിന് വിശ്വാസം? 

അറിവും കാഴ്ചയും അനുഭവവും തന്നെ ആവുന്നവന് എന്ത് വിശ്വാസം, എന്തിന് വിശ്വാസം?

*****

കൂടെ ആരെങ്കിലുമുണ്ടാവുമെന്ന് കരുതി 

സത്യം പറയേണ്ട, 

സത്യം പറയാൻ നിൽക്കേണ്ട. 

പറയുന്നത് സത്യമാണെങ്കിൽ, 

ആരും കൂടെയുണ്ടാവില്ല. 

ആർക്കും കൂടെനിൽക്കാനാവില്ല. 

കാരണം, 

സത്യം ഇളക്കമാണ്. 

സ്ഥാനമാനങ്ങളും നിന്നിടവും 

നഷ്ടമാക്കും. 

നിങ്ങളും പറഞ്ഞതും 

വെറും കളവും കാല്പനികവും 

കഥയും കഥാപാത്രവും 

ആവുമ്പോൾ ഒഴികെ. 

അതിനാൽ, 

ശരിക്കും തോന്നുന്നുവെങ്കിൽ മാത്രം, 

തോന്നുന്നത് കൊണ്ട് മാത്രം, 

അനുകരിക്കാതെ മാത്രം, 

പ്രതീക്ഷകൾ ഒന്നും വെക്കാതെ മാത്രം, 

സത്യം പറയുക.

*****

അതുവരെ ഉണ്ടായിരുന്ന, 

അല്ലെങ്കിൽ അപ്പപ്പോൾ 

അവിടവിടെ നിലനിന്നിരുന്ന 

ഏതെങ്കിലും ഒരു കുടയുടെയും 

സംഘത്തിൻ്റെയും 

തോളിൽ കയറിയും, 

അവരുടെയൊക്കെ മറയിയിലും 

പിന്തുണയിലുമല്ല, 

അങ്ങനെ അത്തരം 

വിശ്വാസങ്ങളുമായി ഓർത്തുപോകുന്നവരായിട്ടല്ല 

ബുദ്ധനും മുഹമ്മദും 

യേശുവും കൃഷ്ണനും 

നാരായണനും ശങ്കരനും 

സോക്രട്ടീസും രമണനും റൂമിയും?

പിന്നെന്താണ് 

ആരെയെങ്കിലും പിന്തുടരാതെ 

എങ്ങിനെ എന്ന ചോദ്യം?

കുടയുടെയും 

സംഘബലത്തിൻ്റെയും ആവശ്യം 

ഭീരുക്കൾക്കാണ്. 

സ്വന്തമായി തെളിച്ചമില്ലാത്തവർക്ക്. 

അനുകരിച്ച് പോകുന്നവർക്ക്. 

ഒറ്റക്ക് നിൽക്കാൻ കഴിയാത്തവർക്ക്.

വിത്ത് ശല്യമാണെന്ന് വരെ വന്നേക്കും.

വിത്ത് മുളക്കും. 

വിത്ത് മരമാകും. 

മരത്തിൽ  നൂറായിരം വിത്തുകളുണ്ടാവും. 

വിത്ത് സാധാരണ സംഭവമാവും. 

വിത്ത് വിലയില്ലാത്തതാവും. 

വിത്ത് ശല്യമാണെന്ന് വരെ വന്നേക്കും. 

എന്നാലും അറിയണം....

മരത്തെ മരമാക്കിയത് വിത്തല്ലെന്ന് വരില്ല. 

വിത്തിൻ്റെ വിലയും വലുപ്പവും 

ഏതൊരു മരത്തിൻ്റെതും 

മരത്തിനേക്കാളുമാണ്. 

നമ്മെ നമ്മളാക്കിയ ഓരോ കാര്യവും 

ഓരോ വിത്ത് തന്നെ. 

പുതുവത്സരാശംസകൾ. 

*****

നമ്മുടെ വർഷം തുടങ്ങുന്നത് 

നമ്മുടെ ജന്മദിനം തൊട്ട്. 

നമ്മൾ പോലുമറിയാതെ 

നമ്മൾ കയറിവന്നുണ്ടായി. 

നമ്മൾ പോലുമറിയാതെ 

നമ്മൾ ഇറങ്ങിപ്പോയില്ലാതാവും. 

അത്രതന്നെ. 

ജീവിതം സ്വയം മാറും. 

ആ വഴിയിൽ നമ്മളെയും മാറ്റും. 

അല്ലാതെ നമ്മൾ സ്വയം മാറാനില്ല. 

സമൃദ്ധിയും പൊരുത്തവും ഉണ്ടാവട്ടെ.

പുതുവസരാശംസകൾ...

*****

അതുവരെ ഉണ്ടായിരുന്ന, 

അല്ലെങ്കിൽ അപ്പപ്പോൾ 

അവിടവിടെ നിലനിന്നിരുന്ന 

ഏതെങ്കിലും ഒരു കുടയുടെയും 

സംഘത്തിൻ്റെയും 

തോളിൽ കയറിയും, 

അവരുടെയൊക്കെ മറയിയിലും 

പിന്തുണയിലുമല്ല, 

അങ്ങനെ അത്തരം 

വിശ്വാസങ്ങളുമായി ഓർത്തുപോകുന്നവരായിട്ടല്ല 

ബുദ്ധനും മുഹമ്മദും 

യേശുവും കൃഷ്ണനും 

നാരായണനും ശങ്കരനും 

സോക്രട്ടീസും രമണനും റൂമിയും?

പിന്നെന്താണ് 

ആരെയെങ്കിലും പിന്തുടരാതെ 

എങ്ങിനെ എന്ന ചോദ്യം?

കുടയുടെയും 

സംഘബലത്തിൻ്റെയും ആവശ്യം 

ഭീരുക്കൾക്കാണ്. 

സ്വന്തമായി തെളിച്ചമില്ലാത്തവർക്ക്. 

അനുകരിച്ച് പോകുന്നവർക്ക്. 

ഒറ്റക്ക് നിൽക്കാൻ കഴിയാത്തവർക്ക്.

ഇന്ത്യ ഒരു മതേതര രാജ്യമല്ലേ? ആദ്യവും അവസാനവും മതവിശ്വാസി മാത്രം.

ചോദ്യം: ഇന്ത്യ ഒരു മതേതര രാജ്യമല്ലേ?

അതേ,

എന്ത് പറ്റി?

എന്തേ അങ്ങനെ ചോദിക്കാൻ? 

ഒന്നുമില്ല.

നിങൾ അത്രക്കങ്ങ് മതേതരത്വത്തിൽ വിശ്വസിക്കുന്നത് കൊണ്ടാണോ?

അല്ല.

നിങൾ ഇന്ത്യയിൽ വിശ്വസിക്കുന്നത്കൊണ്ടാണോ?

അല്ല.

എങ്കിൽ നിങൾ ശരിക്കും വിശ്വസിക്കുന്നത്?

മതത്തിൽ. 

മതം പറയുന്ന സ്വർഗ്ഗത്തിലും നരകത്തിലും.

ഓഹോ...

എന്നിട്ടും ഇന്ത്യ മതേതര രാജ്യമല്ലേ എന്ന് ചോദിക്കാൻ കാരണം?

നമ്മുടെ മതത്തിൻ്റെ പ്രബോധന പ്രചാരണ പരിപാടികൾ നടത്താൻ. 

അവ നടത്താനുള്ള അനുവാദം കിട്ടാൻ.

അതിന് ഇന്ത്യ മതേതര രാജ്യമായി തുടരേണ്ടത് നമ്മുടെ ആവശ്യമാണ്.

ഓഹോ... 

അല്ലാതെ നിങൾ മതേതര വിശ്വാസി ആയത് കൊണ്ടല്ല.

അല്ല.

നിങ്ങളുടെ സ്വന്തം ഇടങ്ങളും വീട്ടകങ്ങളും മതേതരമാക്കുന്നത് കൊണ്ടും, അങ്ങനെ മതേതരമാക്കാൻ ആഗ്രഹിക്കുന്നത് കൊണ്ടുമല്ല.

അല്ല.

തീരെയും അല്ല.

എങ്കിൽ, നിങൾ ആദ്യവും അവസാനവും എന്താണ്?

നമ്മൾ ആദ്യവും അവസാനവും മതവിശ്വാസി മാത്രം.

മതവിശ്വാസിയായി തന്നെ മരിക്കാൻ എപ്പോഴും പ്രാർത്ഥിക്കുന്ന മതവിശ്വാസി.

ഒഹോ...

അങ്ങനെ.....

അല്ലാതെ, ഇന്ത്യ ഒരു മതേതര രാജ്യമല്ലേ എന്ന് ചോദിച്ചത്  നിങൾ മതേതരത്വത്തേയും ഇന്ത്യയെയും സ്നേഹിക്കുന്നത് കൊണ്ടല്ല.

നിങൾ ഒരു മതേതരൻ ആവുന്നത് കൊണ്ടുമല്ല. 

മതേതരൻ ആയിത്തന്നെ ജീവിക്കാനും മരിക്കാനും അല്ല. 

അതേ..., അല്ല.

രാജ്യത്തിനും മതേതരത്വത്തിനും മുകളിൽ തെരഞ്ഞെടുക്കുന്നതും ഇഷ്ടപ്പെടുന്നതും നമ്മുടെ മതത്തെ. 

സ്വർഗ്ഗം വാഗ്ദാനം ചെയ്യുന്ന, അല്ലെങ്കിൽ നരകം കൊണ്ട് ശിക്ഷിക്കും എന്ന് ഭീഷണിപ്പെടുത്തുന്ന മതത്തെ നമ്മൾ എപ്പോഴും ഒരുപടി മുന്നിൽ തന്നെ വെക്കും.