എന്താണ് ജിഡിപി വളർച്ച? എന്തായിരിക്കണം, എങ്ങനെയായിരിക്കണം ജിഡിപി വളർച്ച?

എന്താണ് ജിഡിപി വളർച്ച? 

എന്തായിരിക്കണം, എങ്ങനെയായിരിക്കണം ജിഡിപി വളർച്ച?

അദാനിയുടെയും അംബാനിയുടെയും കയ്യിൽ സമ്പത്ത് കുമിഞ്ഞ് കൂടിയാലും ജിഡിപി കൂടും. 

അങ്ങനെ ജിഡിപി മാത്രം കൂടുന്നത് വളർച്ചയുടെ സൂചികയല്ല. 

അങ്ങനെയല്ല ജിഡിപി വളരേണ്ടത്. ജനങ്ങളിൽ സമ്പത്ത ഒരുപോലെ എത്തി, ജനങ്ങളുടെ മുഴുവൻ ശേഷിയും ഉത്പാദനക്ഷമതയും വളർന്ന് ജിഡിപി കൂടുമ്പോൾ മാത്രമേ രാജ്യം വളരുന്നുള്ളൂ, രാജ്യനിവാസികളുടെ ജീവിതനിലവാരം വളരുന്നുള്ളൂ.

മാത്രമല്ല അങ്ങനെയൊന്നും അത്രക്കൊന്നും ഇന്ത്യയുടെ ജിഡിപി വളർന്നിട്ടുമില്ല.

നാലാം സ്ഥാനക്കാരയ ഇന്ത്യയുടെ ജിഡിപിയും തൊട്ടുമുമ്പിലുള്ള മുന്നാം സ്ഥാനക്കാരുടെയും രണ്ടാം സ്ഥാനക്കാരുടെയും ഒന്നാം സ്ഥാനക്കാരുടെയും ജിഡിപിയും തമ്മിൽ തുലനം ചെയ്ത്ദൂരവും അന്തരവും നോക്കിയാൽ സംഗതി മനസ്സിലാവും. 

ചൈനയുടേത് നമ്മുടേതിനേക്കാൾ ആറിരട്ടിയാണ്. 

അമേരിക്കയുടേത് നമ്മുടേതിനേക്കാൾ പത്തിരട്ടിയും.

അന്താരാഷ്ട്ര സൂചികയിൽ എല്ലാ മേഖലകളിലും ഇന്ത്യ വളരെ പിന്നോട്ടാണ് ഈ പത്ത് വർഷക്കാലയളവിൽ പോയത്. 

ഇന്ത്യ വളരെ മുന്നോട്ട് പോയത് സ്വന്തം നാട്ടുകാരെയും അയൽവാസികളെയും ശത്രുക്കളാക്കുന്നതിലും വിഡ്ഢികളാക്കുന്നതിലും മാത്രം. 

ഇന്ത്യ വളരെ മുന്നോട്ട് പോയത് സ്വന്തം നാട്ടുകാരിൽ വെറുപ്പം അസൂയയും ഭീതിയും വർദ്ധിപ്പിക്കുന്നതിൽ മാത്രം. 

തൊഴിലില്ലായ്മയും ഭീതിയും വെറുപ്പും ശത്രുതയും മാത്രം ഇവിടെ വളർത്തി, വളർന്നു. 

നിത്യോപയോഗ സാധനങ്ങളുടെ വില എന്നത്തേക്കാളും എന്നതിനപ്പുറം പതിന്മടങ്ങ് ഉയർന്നു. 

അതും വല്ലാത്ത ഉയർച്ച.

വൻനികുതികൾ പലവിധത്തിൽ കൊടുക്കാൻ മാത്രം ജനങ്ങൾ എന്നായി. 

പെട്രോളിന് മാത്രം ഈടാക്കുന്ന നികുതി എത്രയാണെന്ന് അറിയാമല്ലോ? 

വരുമാന നികുതിക്ക് പുറമേ എത്രതരം നികുതികൾ ഏതെല്ലാം മേഖലകളിലും ഘട്ടങ്ങളിലും ഒരുപൗരൻ നൽകണം?

കയ്യും കണക്കുമില്ല.

ആശുപത്രി ബില്ലിനും മരുന്നിനും ആരോഗ്യ ഇൻഷുറൻസിനും ഭക്ഷണത്തിനും ഉടുമുണ്ടിനും വരെവൻനികുതികളാണ്.

രൂപയുടെ മൂല്യം അങ്ങേയറ്റം തകർന്നതിന് പുറമെയാണിത്.

അഴിമതികൾ മുഴുവൻ പല ചെറിയ ചെറിയ വ്യക്തികൾ നടത്തുന്നതിന് പകരം അദാനിക്കും അംബാനിക്കും എല്ലാം നൽകിയും വിറ്റും ഒരു പാർട്ടി മാത്രം മുഴുവൻ അഴിമതികളും ഒരുമിച്ച്നടത്തുന്ന വിധത്തിലായി രാജ്യം. 

അതും ആ പാർട്ടിക്ക് മാത്രം വലിയ മുതൽക്കൂട്ടായ വലിയ പുരോഗതിയാണ്.

പാർട്ടി ഫണ്ട് വിവരാവകാശനിയമത്തിന് കീഴിൽ വരില്ലെന്ന സൗകര്യത്തിന്റെ മറ അതിന് ഏറെ സഹായകരവുമായി.

അങ്ങനെ വെറും പത്ത് വർഷങ്ങൾ കൊണ്ട് അറുപത് വർഷം ഭരിച്ച കോൺഗ്രസിനെക്കാൾ പത്തിരട്ടിയും നൂറിരട്ടിയും സമ്പത്തുള്ള ഏറ്റവും വലിയ സമ്പന്ന പാർട്ടിയായി ബിജെപിയും സംഘവുംമാറി. 

സ്വന്തം വകർച്ചക്ക് വേണ്ടി ചിതൽ മരത്തെ നശിപ്പിക്കും പോലെ കയറിപ്പടർന്ന് വെറുപ്പും വിദ്വേഷവും വിഭജനവും കളവും മാത്രം വളർത്തി, വളർന്നു. 

വെറുപ്പും വിദ്വേഷവും വിഭജനവും മാത്രം ആയുധമാക്കുന്നത് ഇവരുടെ നിഘണ്ടുവിലെ ഏത് തരം ധർമ്മമാണെന്നും മനസ്സിലാവുന്നില്ല.

******

ഇതൊക്കെയും ഇങ്ങനെയൊക്കെയും എഴുതേണ്ടിയും പറയേണ്ടിയും വരുന്നത് മറ്റൊന്നും കൊണ്ടല്ല; പകരം അത്രക്ക് മോശം ഭരണം കാണുന്നു, അത്രക്ക് വെറുപ്പും വിദ്വേഷവും മാത്രം ആയുധമാക്കുന്നത് കാണുന്നു എന്നത് കൊണ്ട്. 

യഥാർത്ഥ ഭാരതീയതയും ഹൈന്ദവതയും ക്രൂരമായി വ്യഭിചരിക്കപ്പെടുന്നു എന്ന് കാണുന്നത് കൊണ്ട്.

അമേരിക്കൻ താരീഫും നിലപാടെടുക്കാൻ കഴിയാത്ത ഇന്ത്യൻ നിലപാടും.

 അമേരിക്കന് താരീഫും നിലപാടെടുക്കാൻ കഴിയാത്ത ഇന്ത്യൻ നിലപാടും.

എന്നിട്ട് ഗീതക്കും ഖുർആനിനും ഒക്കെ കൊടുക്കുന്നത് പോലുള്ള വ്യാഖ്യാനങ്ങൾ ചമയ്ക്കുകയാണ്ഈ നിലപ്പാടെടുക്കാൻ കഴിയാതെ മിണ്ടാട്ടമില്ലാതെ അന്തംവിട്ട് നിൽക്കുന്നതിനും. 

മൗനം അർഥഗർഭമാണെന്ന, വാചാലമാണെന്ന വ്യാഖ്യാനം.

എന്നിട്ടിവിടെ നടത്തുന്നത്: സ്വന്തം വീട്ടിനുള്ളിൽ മറ്റാരും കേൾക്കാതെയുള്ള വീമ്പു പറച്ചിൽ.

സ്വന്തം വീട്ടിനുള്ളിൽ മാത്രം നടത്തുന്ന വീമ്പ് പറച്ചിൽ അങ്ങാരും എവിടെയും അറിയുകയുംകേൾക്കുന്നില്ല എന്ന ഉറപ്പോടെ.

കടലിൽ മഷി ഒഴിക്കുന്ന ഫലം പോലും ഇത്തരം വീമ്പുപറച്ചിലുകൾ ഉണ്ടാക്കില്ല, ഉണ്ടാക്കുന്നുമില്ല. 

തന്റെ വാൽ കുലുക്കുമ്പോൾ ഭൂമി മുഴുവൻ കുലുങ്ങുന്നു എന്ന് പണ്ടൊരു വലാട്ടിപ്പക്ഷിവിചാരിച്ചിരുന്നു എന്ന് കേട്ടിരുന്നു.

ആ കേട്ടത് തന്നെ ഇവരുടെ വീമ്പ് പറച്ചിലുകൾ കേൾക്കുമ്പോൾ, ഇപ്പോൾ ഓർമ്മവരുന്നു.

അങ്ങനെയുള്ള വാലാട്ടിപ്പക്ഷിയുടെ ആ തോന്നൽ ഇവിടത്തെ ഭരണകൂട പാർട്ടിക്ക് തോന്നിയാലുംഅനുയായികളെ കൊണ്ട് തോന്നിപ്പിച്ചാലും എന്ത് ചെയ്യാം, എങ്ങിനെയുണ്ടാവും?

അങ്ങനെ മാത്രമേ ഈ പാർട്ടിയുടേയും അന്ധഭക്തരായ അനുയായികളുടേയും സ്വന്തംവീട്ടിനുഉള്ളിൽ മാത്രം നടത്തുന്ന ഈ വീമ്പുപറച്ചിലൊക്കെ ആവുന്നുള്ളൂ. 

എന്നാലും ഒന്ന് ചോദിച്ചുപോകുന്നത് കൊണ്ട് മാത്രം ചോദിച്ചോട്ടെ.

അതെന്തേ മൈ പ്രണ്ടിന് വേണ്ടി തെരഞ്ഞെടുപ്പ് പ്രചാരണ പരിപാടി നടത്തിയതൊക്കേ  ആ പ്രണ്ടുംഈ നടത്തിയ ആളും മറന്നോ?

കുളത്തോട് വഴക്കടിച്ചാൽ ആരുടെ എന്തൊക്കെ നാറുമെന്ന് അവരവർക്കറിയാം

ഡോളറിനെതിരെ ഇന്ത്യ വല്ല നീക്കവും നടത്തുമോ , നടത്തുന്നുണ്ടോ?

ഡോളറിനെതിരെ, അമേരിക്കൻ മേൽക്കോയ്മയ്ക്കെതിരെ എന്തെങ്കിലും നീക്കം ശരിക്കും ഫലവത്തായും ഇവിടത്തെ ഭരണകൂടം നടത്തുമോ, നടത്തുന്നുണ്ടോ? 

സ്വന്തം വീട്ടിനുള്ളിൽ സ്ഥിരമായി നടത്തുന്ന പതിവ് വീമ്പുപറച്ചിൽ മാത്രമല്ലാതെ അർത്ഥവും ആഴവും അറിഞ്ഞ എന്തെങ്കിലും.

പണ്ട്, വളരെയടുത്തുള്ള പണ്ട്, ടിക്ടോക്കും മറ്റ് പല ചൈനീസ് ആപ്പുകളും നിരോധിച്ച് വീമ്പ് കാണിച്ചത് പോലെയല്ലാതെ.

കഷ്ടവും നഷ്ടവും സ്വന്തം വീട്ടുകാർക്ക് മാത്രം ഉണ്ടാക്കുന്ന പരിപാടിയായല്ലാതെ.

അധിനിവേശ ശക്തികളുടെ ഓരംപറ്റി നിന്ന് അവരെറിയുന്ന എല്ലും മുള്ളും തിന്ന് നേട്ടമുണ്ടാക്കുന്നവർക്ക് അതേ അധിനിവേശശക്തിക്കെതിരെ ശബ്ദമുയർത്താനുള്ള തന്റേടം നഷ്ടപ്പെടും എന്നത് വളരെ ലളിതമായി മനസ്സിലാക്കാനാവുന്ന വസ്തുത മാത്രം.

സ്വന്തം ജനതയിൽ ഒരു വിഭാഗത്തോട് മാത്രമുള്ള വിരോധം (മുസ്ലിംവിരോധം) മാത്രം തലക്ക് പിടിച്ച്അതിന്റെ അടിസ്ഥാനത്തിൽ മാത്രം ആഭ്യന്തരനയവും അന്താരാഷ്ട്രനയവും ഉണ്ടാക്കുന്ന, അമേരിക്കയുടെ ഒരേയൊരു ഓമന പുത്രൻ ഇസ്രായേലിനെ മാത്രം ലോകത്താകമാനം ഒരേയൊരുചങ്ങാതിയായി തോളത്തിരുത്തുന്ന, ആ ഇസ്രായേലിനെ മാത്രം ഏക ചങ്ങാതിയായി വെറും ദുഷ്ടലാക്കോടെ നിലനിർത്തുന്ന ഒരു രാഷ്ട്രീയനേതൃത്വത്തിന് ഇപ്പോഴും അന്താരാഷ്ട്രനയത്തിന്റെ കാമ്പും കാതലും ഒപ്പം ഇവിടെ നടക്കുന്ന കാര്യങ്ങളുടെ കിടപ്പും മനസ്സിലാവാത്തത് പോലെയുണ്ട്.

ഡോളറിനും ആനേരിക്കാക്കുമെതിരെ വല്ല നീക്കവും നടത്തുന്നുണ്ടെങ്കിൽ, അങ്ങനെ നടത്താനാവുന്നുണ്ടെങ്കിൽ നല്ലത്.

പക്ഷേ, ട്രംപിന്റെ മുമ്പിൽ അഭിനയിക്കാൻ വേണ്ടി മാത്രം സ്വന്തം ജനതയെയും അവരുടെ കൊച്ചുവീടുകളെയും അപമാനമായിക്കണ്ട് മതിൽകെട്ടി മറക്കുന്നത് പോലെ എളുപ്പമുള്ള പരിപാടിയല്ല ഡോളറിനെതിരെ നടത്തേണ്ട നീക്കം. 

അത്തരം മറച്ചുപിടിക്കൽ നീക്കം സ്വന്തം തുണിപൊക്കി മുഖം മറച്ചത് പോലെ മാത്രം. യഥാർത്ഥ നഗ്നത പുറത്ത് കാണിക്കാൻ മാത്രം ഉതകി.

സ്വന്തം ജനതയെയും അവരുടെ കൊച്ചുവീടുകളെയും അപമാനമായിക്കണ്ട മോദിക്കും ടീമിനുംഅമേരിക്കക്കെതിരെയും ഡോളറിനെതിരെയും മറിച്ചൊരു നിലപാടെടുക്കാൻ അതുകൊണ്ട് തന്നെ ചങ്കൂറ്റമുണ്ടാവുമോ തന്റേടമുണ്ടാവുമോ എന്നുമാത്രം സംശയം.

സ്വന്തം വീട്ടിൽ, ഒന്നും മനസ്സിലാവാത്ത സ്വന്തം കുഞ്ഞുങ്ങൾക്കിടയിൽ എന്ത് വൻനുണയും മസിൽ പെരുപ്പിച്ച് കാണിച്ച് കണ്ണുരുട്ടിയും പേടിപ്പിച്ചും തള്ളിമറിച്ച്  വീമ്പിളക്കുന്ന കലാവിരുത് പോലെയുള്ള പരിപാടിയല്ല ഡോളറിനെതിരെയും അമേരിക്കക്കെതിരെയും കളിക്കേണ്ട കലാവിരുത്.

എല്ലാനിലക്കും അന്താരാഷ്ട്രനയത്തിൽ പാപ്പരായ, അന്താരാഷ്ട്രതലത്തിൽ ആത്മവിശ്വാസംതീരെയില്ലാതെയായ ഇന്നത്തെ മോദി ഭരണകൂടത്തിന്, അവരെ നയിക്കുന്ന സംഘത്തിന്, ഡോളറിനെതീരെയും അമേരിക്കക്കെതിരെയും അർത്ഥഗർഭമായ കളി കളിക്കാൻ മാത്രമുള്ള പാഠവും പഠിപ്പും പരിശീലനവും ഉണ്ടെന്ന് തോന്നുന്നില്ല. 

സ്വന്തം ജനങ്ങളെ പരസ്പരമകറ്റി വിഭജിച്ച് അധികാരം നേടാനും നിലനിർത്താനും വേണ്ടി നടപ്പാക്കുന്ന വെറുപ്പിന്റെയും വിദ്വേഷത്തിന്റെയും പാഠവും പഠിപ്പും പരിശീലനവും പോര ഡോളറിനെതീരെയും അമേരിക്കക്കെതിരെയും  അർത്ഥഗർഭമായ നടപടി എടുക്കാൻ.

ഡോളറിനെതീരെയും അമേരിക്കക്കെതിരെയും  അങ്ങനെ വല്ല നിലപാടും ചങ്കൂറ്റവും കാണിക്കാൻ ഉദ്ദേശിക്കുന്നുണ്ടെങ്കിൽ ഈ ഭരണകൂടവും അതിന്റെ പിന്നിലെ വെറുപ്പിന്റെ മാത്രം ചാലകശക്തിയായ സംഘവും അറിയേണ്ട കുറച്ച് കാര്യങ്ങളുണ്ട്.

തന്റേടമുള്ള ഇറാൻ ഡോളറിനെതിരെയുള്ള ഇപ്പണി പണ്ടേ തുടങ്ങിയിരുന്നു. 

റഷ്യയുമായുള്ള ഇടപാടുകൾ ഏറെയും ഇറാൻ ഇങ്ങനെ ചെയ്യാൻ തുടങ്ങിയിട്ട് കാലം കുറെയായി.   

വിഷയത്തിന്റെ ആഴവും അർത്ഥവും മനസ്സിലാകാത്തത് കൊണ്ട് നിലപാടെടുക്കാൻ കഴിയാതെ പോയ ഈ മോദി ഭരണകൂടം ഇറാനെതിരായ അമേരിക്കൻ ഇസ്രയേലി ഉപരോധങ്ങൾക്കും ആക്രമണങ്ങൾക്കും പിന്നിലെ കാരണവും മറ്റൊന്നായിരുന്നില്ല എന്നുപോലും മനസ്സിലാക്കിയില്ല.

ചൈന ഡോളറിനെതിരെയുള്ള നിക്കത്തിൽ നിലവിൽ തന്നെ ഏറെ ദൂരം മുന്നോട്ട് പോയിട്ടുണ്ട്.

ലിബിയയെ അമേരിക്ക ആക്രമിച്ചതും ഗദ്ദാഫിയെ കൊന്നതും വെറുതെയല്ല, വേറൊന്നിനും വേണ്ടിയല്ല.

ഗദ്ദാഫിയും ലിബിയയും ഡോളറിനെതിരെ നീങ്ങിയതും ഒരാഫ്രിക്കൻ കറൻസിയെ കുറിച്ച് ചിന്തിച്ചതുംകൊണ്ടായിരുന്നു. 

ആ വഴിയിൽ ആഫ്രിക്കൻ രാജ്യങ്ങൾ പലതും നിലവിൽ തന്നെ ഡോളറിനെതിരെ വളരെ മുന്നിൽപോയിട്ടുണ്ട്.

മുസ്ലീംരാജ്യങ്ങളിൽ ജനാധിപത്യം അനുവദിക്കാത്തതും പാവകളെ അമേരിക്കൻ പട്ടാളത്തിന്റെയുംകരുത്തിന്റെയും പിന്തുണ കൊടുത്ത് മാത്രം നിലനിർത്തുന്നതും വെറുതെയല്ല.

ഇതേ അമേരിക്കൻ മേൽക്കോയ്മയേയും ഡോളറിനെയും നിലനിർത്താൻ വേണ്ടി, ഡോളർവിരുദ്ധ,അമേരിക്കൻ വിരുദ്ധ ജനാധിപത്യനീക്കം നടക്കാതിരിക്കാൻ വേണ്ടി മാത്രമാണ്.

ശരി തെറ്റുകളുടെ എല്ലാ മാനാദണ്ഡങ്ങളും കാറ്റിൽ പറത്തി, സർവ്വവിധ ക്രൂരതകൾക്കുംമനുഷ്യാവകാശലംഘനങ്ങൾക്കും കൂട്ടുനിന്ന് ഇസ്രായേലിനെ മുസ്ലിം രാജ്യങ്ങളുടെ നടുവിൽഭീഷണിയാക്കി, തെമ്മാടിയും തെരുവ് ഗുണ്ടായുമാക്കി എന്തെല്ലാം എത്രയെല്ലാം ചിലവഴിച്ചും നിലനിർത്തുന്നതിന്റെ പിന്നിലെ അമേരിക്കയുടെ ഗൂഢോദ്ദേശവും വേറൊന്നല്ല. 

ഡോളറിന്റെയും അമേരിക്കയുടെയും അധീശത്വം ഉറപ്പിക്കുക മാത്രമാണ്.

ഇതൊന്നും മനസ്സിലാക്കാതെ, സ്വന്തം നാട്ടുകാരായ മുസ്ലിംകളോടുള്ള വിരോധം മാത്രം മുഖമുദ്രയും മുദ്രാവാക്യവുമാക്കി, ആഭ്യന്തരനയവും അന്താരാഷ്ടനയവുമുണ്ടാക്കുന്ന, അങ്ങനെ അതുകൊണ്ട് മാത്രം ഇസ്രായേലിനെ എന്നല്ല ഏത് പൈശാചികതയെയും പിന്തുണക്കുന്ന, ഇസ്രായേലിനെയും പൈശാചികതയെയും മാത്രം ഉറ്റതോഴനാക്കുന്ന മോദി ഭരണകൂടം കളിക്കുന്നത് വെറും വെറുതെയുള്ള കുരങ്ങുകളി മാത്രം. 

മുഴവൻ തേങ്ങയും പൂമാലയും കൊണ്ട് കളിക്കുന്ന കുരങ്ങന്റെ കളി മാത്രം.

അമേരിക്ക് വേണ്ടി അമേരിക്ക ഉദ്ദേശിക്കുന്ന കുരങ്ങുകളി.

ഇപ്പോഴും, ഇതുവരെയും ഓപ്പറേഷൻ സിന്ദൂരിന്റെ കാര്യത്തിൽ ട്രമ്പ് പരസ്യമായി പലകുറിയായിനടത്തിയ അവകാശവാദങ്ങളെ പോലും, ഒരിക്കൽ പോലും, ശക്തിയുക്തം പരസ്യമായി എതിർക്കാനോ തിരുത്താനോ സാധിക്കാതെ അമേരിക്കയുടെ മുൻപിൽ മുട്ടിലിഴയുന്ന മോദിക്കും സംഘത്തിനും അവരുടെ വർത്തമാനകാല നിലപാടുകൾ വെച്ച് അമേരിക്കക്കെതിരെയുംഡോളറിനെതിരെയും എന്തെങ്കിലും ചെയ്യാൻ കൽപ്പുണ്ടാവുമോ?