ഭയക്കേണ്ടത് മരണത്തെയും മരണാനന്തരത്തേയും അല്ല.

ഗര്‍ഭിണിയായ പൂച്ച, 

സ്വയം ഗര്‍ഭംധരിച്ചിരിക്കെ, 

ഒരണ്ണാറക്കണ്ണനെ ഒടിപ്പിടിച്ചു കടിച്ചുകൊന്നു. 

അത്രക്ക് ലളിതമാണ് ജീവിതം, 

ജീവിതനീതി.

********

മരിച്ചാല്‍ ആരെങ്കിലും സന്ദര്‍ശിക്കില്ല, 

ശവത്തെ എന്തെങ്കിലും ചെയ്തേക്കും, 

എന്നസ്വസ്ഥപ്പെട്ട് 

ജീവിതം മുഴുക്കെ 

അഭിനയിക്കണമെന്നോ?

**********

മാനങ്ങളും അവയുണ്ടാക്കുന്ന മാനദണ്ഡങ്ങളും  

മാറി ഇല്ലാതാവണോ?

ഒന്നുറങ്ങുക.

ശരിയും തെറ്റും മാറി ഇല്ലാതാവണോ?

ഒന്നുറങ്ങുക.

********

ഭയക്കേണ്ടത് മരണത്തെയും 

മരണാനന്തരത്തേയും അല്ല. 

ജീവിച്ചിരിക്കുമ്പോള്‍  ഉണ്ടാവുന്ന രോഗത്തെയും  

അതുണ്ടാക്കാവുന്ന വേദനയെയും ആണ്.

********

വിധേയപ്പെട്ട് ഒത്തുപോകുന്ന വിനീതരാവുമായിരുന്നെങ്കിൽ, 

യേശുവും മുഹമ്മദും 

മാര്‍ക്സും ബുദ്ധനും 

എങ്ങിനെ ഉണ്ടാവും? 

ഉണ്ടാവില്ലായിരുന്നു.

**********

ലോകം താനും തന്റേതുമായിട്ടും 

ദൈവത്തിന് നിര്‍ബന്ധമില്ല. 

ആരും തന്നെ അറിഞ്ഞോളണമെന്നും 

കണ്ടോളണമെന്നും. 

പിന്നെന്തിന്‌ നിനക്കും എനിക്കും?