പായസമുണ്ടാക്കാൻ പഞ്ചസാരയുമായി ചെന്നു. പക്ഷെ വരട്ടിയ മീൻ.

വിശ്വാസ കാര്യത്തിൽ 

വിശ്വാസ കാര്യത്തിൽ 

മാതാപിതാക്കളെ മാനിക്കേണ്ടതില്ല.  

ഉണ്ടായിരുന്നെങ്കിൽ മുഹമ്മതും യേശുവും 

ബുദ്ധനും മാർക്‌സും ഉണ്ടാവുമായിരുന്നില്ല.  

*********

വായുവും വെള്ളവും വെളിച്ചവും പോലെ സത്യം.  

ഏവർക്കും ഒരു പോലെ. 

കെട്ടിക്കുടുക്കും വ്യാഖ്യാനവും വേണ്ട, 

സാമാന്യ യുക്തിക്കു ദഹിക്കും.

**********

കുട്ടികൾക്ക് വരെ അത്ഭുതം.

ഇയാളെന്തേ ഇങ്ങനെ കളിച്ചും ചിരിച്ചും?

പക്ഷെ ഇയാൾക്ക് ഭൂമിയും പ്രപഞ്ചവും 

നിറയെ തമാശ.

********

പായസമുണ്ടാക്കാൻ പഞ്ചസാരയുമായി ചെന്നു.

പക്ഷെ വരട്ടിയ മീൻ.

വരട്ടിയ മീനുണ്ടാക്കാൻ മുളകുമായി ചെന്നു.

പക്ഷെ പായസം. എന്തൊരു തമാശ?

*********

നായയുടെ വാൽ പോലെ ഉപബോധ മനസ്. 

ബോധ മനസു നേരെയാക്കുന്ന കുഴലും. 

കുഴൽ എടുത്തു കഴിഞ്ഞാൽ, വാൽ

പൂർവ സ്ഥിതിയിലേക്ക് വളഞ്ഞു പോകും. 

*******